ازعاجات الحياة

[ِAbu Alzooz]

كل واحد بيحط ازعاج من هلق الازعاجات

يلي بهالدني

يلي ما بتنتهي


لنشوف بركي منلاقيلها حل

عن قريب

يعني بذكائنا المحدود

[i m sam]

الكذب..........

[ِAbu Alzooz]

كاتب النص الأصلي : i m sam

الكذب..........

لا مو هيك هادا مو ازعاج

هلق طريقة طرح الازعاج لح تكون متل المثال يلي لح نزلو هلق

بعد شوي


بس عما حط الرتوش

[Barleb]

زكرتني بـ موضوع بـ أخوية .. انو نحنا منزمر وين ما كنا و بـ أيا ةقت ما كان .. بس الوقت يلي بيلزم منزمر فيه .. ما منزمر

[دلوعة سوريا]

الزحمة....بصراحة كتيييييير بدايق و بنزعج لما بكون رايحة مشوار و مستعجلة

وبلاقي قدامي زحمة مو طبيعية خاصة بنهاية الاسبوع... لاء فوق كل هاد بتلاقي

الحرارة مليون و الواحد مو طايق حالو من الشووووووب

[sandra]

الحشرية والحشورين والحشورات ....

[ِAbu Alzooz]

شوفولي هالازعاج


مرا قررت يعني انو نعزم ال (( أيام ما كان في ))

بقا انا بحب محل كتير هادي

و بيعمل شرحات مطفاية رائعة

بقا فتنا و ليقنا في طاولة وحدة بس

قعدنا

و طلبنا لأكل و كلو تمام

و النظرات تتقابل

ايجا الاكل و كلو تمام

و بنفس الوقت او قبلنا بشوي

بينزل الاكل على الطاولة يلي قدامنا

يعني هوي المحل مو كبير كتير و الطاولات قراب كتير

المهم بلشو الشباب قدمنا بالاكل

و لا طلعلكون انو الشباب

الطيبة ما بيسكرو تمون لما بياكلو

و بلشت تطلع المقطوعات الموسيقية العذبة

و لأجل الحظ مافي و لا طاولة فاضية يعني الواحد بيغير محلو


و ما حلو تقوم تعمل خناقة
و انت عما تحاول تبين حالك جكل و كول
و الاتيكيت عما يشرشر منك شرشرة


بقا شو رئيكون بهالازعاج
بقا شو الحل

[ِAbu Alzooz]

كاتب النص الأصلي : Barleb

زكرتني بـ موضوع بـ أخوية .. انو نحنا منزمر وين ما كنا و بـ أيا ةقت ما كان .. بس الوقت يلي بيلزم منزمر فيه .. ما منزمر

بارليبو

هي غنية ل غسان الرحباني

أسمها ممنوع

[ِAbu Alzooz]

كاتب النص الأصلي : دلوعة سوريا

الزحمة....بصراحة كتيييييير بدايق و بنزعج لما بكون رايحة مشوار و مستعجلة

وبلاقي قدامي زحمة مو طبيعية خاصة بنهاية الاسبوع... لاء فوق كل هاد بتلاقي

الحرارة مليون و الواحد مو طايق حالو من الشووووووب

الزحمة بلاقيها انو لازم

نتعود عليها و ضروري كتير نتعود عليها لسبب بسيط

لأنو من هلق ل 1000000سنة ضوئية

مالح تنحل

___________________
فعول: هلق بينط غابي
بيقلي السنة ضوئية وحدة مسافة
بعرف بس جكارة

[ِAbu Alzooz]

كاتب النص الأصلي : sandra

الحشرية والحشورين والحشورات ....

ليش

ما بيكونو هني بدون يعرفو مشان بركي يساعدوكي

[MaTyA]

بشكل عام

مزعجة شغلة انو .. ساعة هيك .. وساعة هيك ..

يعني انا بحب الوضوح..اما اللوفكة ما بطيقها.. انوو ساعة هيك وساعة هيك..ساعة عسل وساعة مو عسل..
ساعة صحبة وساعة عداوة .. ساعة سلام وساعة ولا حتى كلام (عن عداوة).. هوي بالنهاية بالناقص بس التصرف ما حلو

يعني مشان صاحب او صاحبة هالتصرف مو مشاني باعتبار انت بتعرف عميمة.. اني صرت لا مبالية لكتير شغلات ما بتستاهل اني بالي فيها .. وحقيقة هالتصرف كمان ما عم يأثر عليي بـ شي.. لهيك بالبداية قلت بشكل عام..لاني حاليًا صايرة بالمرة ما بهتم لكتير شغلات .. يمكن كانت بفترة من الفترات ممكن تزعج ومنها هالتصرف

بقا هيك

[cool girl 35]

انا بيزعجني لما نفوت على مطعم و تخلص اكل ويسير بدك تغسل .
بروح عالحمام بلاقي صرصير و المي عالارض و و و .....الخ. هاد هو الازعاااج

[sandra]

كاتب النص الأصلي : ABU WILLIAM

ليش

ما بيكونو هني بدون يعرفو مشان بركي يساعدوكي

مساعدة !!! وين المساعدة بالحشرية

- ألو هاي كيفك تلفونك كان مشغول صرلو ساعة
- اي كنت عم أحكي
- مع مين
- حدا من رفقاتي
- إي إي يعني شو اسمو
-

- امبارح شفناكي ماشية بحارتنا
- اي كان عندي مشوار
- وين جايي تزوري حدا من حارتنا
- لا مو بحارتكم بس مريت لان طريقي من هون
- إي مين كنتي رايحة تزوري ووين
-

[Abu ToNi]

فعول: هلق بينط غابي
بيقلي السنة ضوئية وحدة مسافة
بعرف بس جكارة

عوجا
__________________________________________________ _________
انا اكتر شي بنزعج وقت بمشي بالطريق مع بنت وبمرق من جنب شلة شباب نشح مبسطين على الطريق وبعلوا صواتن وبلطشوا حكي
بشهتي احرق دين سما اللي خلقن بس المشكلة بكون معك بنت وما بتقدر تحكي شي قداما

واكتر شي بنزعج وقت بيدخل دكتور جامعة حتى يعطي محاضرة وشايل ورقة بايده
اوقات بكون لازمه قانون او استنتاج من المحاضرة اللي قبلها فبياخد له دفتر شي طالب مشان " يستذكر معلوماته " انه يا بهيم نزل الورقة على مركز التصوير ولا بقى هال مسخرة على حضور ودوام ونسبة غياب بدك نقول عنك بتفهم ... خيو روح بتفهم ... بس لا تلعي لي قلبي وتقلب لي سما حياتي على بعضها البعض

[MadMax]

كاتب النص الأصلي : sandra

مساعدة !!! وين المساعدة بالحشرية

- ألو هاي كيفك تلفونك كان مشغول صرلو ساعة
- اي كنت عم أحكي
- مع مين
- حدا من رفقاتي
- إي إي يعني شو اسمو
-

- امبارح شفناكي ماشية بحارتنا
- اي كان عندي مشوار
- وين جايي تزوري حدا من حارتنا
- لا مو بحارتكم بس مريت لان طريقي من هون
- إي مين كنتي رايحة تزوري ووين
-

شيلينا من هالحكي و خبرينا




وين كنتي مبارح بالضبط .؟؟

[بنفسجة]

عدم الوفاء

[سوا ربينا]

امممم والله انا في مشكلة بعاني منها شغلة فعلا بتسببلي ازعاج وبتدايقني .... ويمكن بتدايق كل الشباب ...
هلأ شوفو عمي .. انا من اول ما دخلت الجامعة ... لك كانو يقولولي انو الدكاترة متحيزيين للبنات ... بس انا قلت لا يعني مش الكل اكيد ... المهم كنت باخد مادة عربي .. كنت بعرف بنت مخطوبة المهم هاد الدكتور اللي كان يدرسنا بيعرفو لخطيبها ودرس عندو ... والله وبلا طول سيرة ... انا وهي تقريبا كنا نفس العلامات يمكن كانت بتفرق عني بالتجميع بس بشي 3 او 4 علامات ....لك كل ما تخلص المحاضرة يناديها ويضل يحكي معها ..... والله وبعد ما خلصنا امتحانات ورحنا نشوف العلامات .. وكانت المفاجأة الكبرى ... هي جابت 12 من 12 علامة كاملة ... وانا 7,5 من 12 .... لك والله والله ما كان في فرق يعني ازا انا جبت 7,5 هي يمكن بتستاهل 9 يعني اعلى مني بعلامة وحدة بس اما فرق تلت علامات ... اي والله مش عدل .... فانو اللي بدي قول عنو انو لك الدكاترة عن جد متحيزين للبنات لك والله بتلاقيها ما بتستاهل علامة متل الخلق وما بتحس والا هي علامتها شي خيلة مع انو انت بتكون جايب اعلى منها بكتير ... ولا قال نحنا الشباب بنروخح ع الدكتور وبنزبطو وبيحكي منيح وبنصير نشرحلو الوضع وكذا وكذا .... وعند عمك... ازا بتحلم بشي ولا هاد ازا ما حملت المادة كمان .... اما البنت بتروح عندو كلمتين حلوين على ضحكة زغيرة وبتكون وصلت خلص العلامة اللي بدك اياها .. هاد ازا ما هي اللي حطت العلامة بايديها ....... فانو شو الحل لهيك مشكلة انا شخصيا بنظلم كتير فيها ...

بالمناسبة نسيت قول انو تقريبا ما بين 90% _95% من الدكاترة بيعملو هيك .....
_______________________________________________
هامش : سوري عمي طلولنا عليكو ....

[sandra]

كاتب النص الأصلي : MadMax

شيلينا من هالحكي و خبرينا




وين كنتي مبارح بالضبط .؟؟

احزر
ليش مريت امبارح من حارتكم