. . . كَيفَ تريد أن يكون يومكَ المِثالي ؟

[اللامنتمي]

كيفَ تريد أن يكون يومكَ المِثالي؟

لـِ كُل إنسـان روتينه وَ طريقته في إدارة وقته وَ التخطيط له أو التعامل بـِ مزاجية وَ عشـوائية

وَ هكذا تمر بعض الأيام وَ نحنُ نعاني مِنَ الصُداع وَ لم ننجز شَـيء

وَ بعضُ الأيام تعبر بـِ هدوء وَ سعادة

وَ بعضها تدعوكَ لأنَ تقول : كأنني وحدي أتحمل أوزارَ العالم فلا تطيق الدقائقَ وَ الساعات كما الثواني

وَ بعضها وَ هيَ نادرة تتمنى أن تعبر الدقائق ببطء

لو قررتَ التخطيط ليومٍ مثالي مُنذ الصَباح الباكر حتى موعد السُـبات

فكيفَ تريد أن يكون يومكَ المِثالي ؟

[sona78]

استيقظ على قبلة من احب الناس الي
وانام على قبلته
هالتان اللحظان تختصران كل فرح والم اليوم
بالتاكيد مع كاس القهوة عدة مرات !!!
جواب مختصر

[Odell]

يعني بفطر مع العيله

بطلع بعمل رياضة الصبح

بروح ع الشغل وبرجع وقت العصر بتغدى .. وبنام شوي

بصحى بقرا كتاب والمسا بروح عند رفقاتي

[Odell]

يعني بفطر مع العيله

بطلع بعمل رياضة الصبح

بروح ع الشغل وبرجع وقت العصر بتغدى .. وبنام شوي

بصحى بقرا كتاب والمسا بروح عند رفقاتي

[اللامنتمي]

أيتها السونا :

نحنُ كائناتٌ لا تقوى على العَيـش ِ دونَ أن تغمِـسَ رؤوسَـها داخلَ تنور ِ صَباحاتها لـِ تحترقَ أحزانها

[اللامنتمي]

كاتب النص الأصلي : Odell

يعني بفطر مع العيله

بطلع بعمل رياضة الصبح

بروح ع الشغل وبرجع وقت العصر بتغدى .. وبنام شوي

بصحى بقرا كتاب والمسا بروح عند رفقاتي

هل هذا هوَ يومك المِثالي ؟

روتين لا أكثر يا رفيق

ألا يوجد أشياء أكثر إثارة

" أكشن "

[Odell]

زي ايش مثلا

صراحه انا ملان حياتي !!

[اللامنتمي]

كاتب النص الأصلي : Odell

زي ايش مثلا

صراحه انا ملان حياتي !!

أخبرني بصراحة كيفَ هيَ " أحلامك " ؟

[بنفسجة]

ليش لازم يكون مثالي؟؟؟
يمرق كيف مامرق
يعني اذا قلت بدي ياه يمرق هيك وهيك وهيك بعد شوي رح يصير يوم روتيني
فخليه يمرق كيف ما مرق بحلوه وبمره بيكون احلى واذا مرق اليوم وكان فيه خليط متناقضات بحسو كتير يوم مثالي هيدا تعريفي للمثالية

[satoman]

بحب يمر عليي يوم كامل وانا نايم هيك بعتبرو مثالي بكل معنى هالكلمه لاني ماني مضطر انو ازعج اي انسان او يزعجني اي شخص

[sandra]

يومي المثالي
هو اليوم يلي بلتقي فيه بأهلي ورفقاتي المقربين جداً
هاد بما بتعلق بالأشخاص
بما يتعلق بالمكان :
هو اليوم يلي بزور فيه مكان جديد أول مرة وبكتشفو
بما يتعلق بحاجاتي :
لما باكل من أكل ماما وبشتري تياب وغراض جديدة وبغير شي جديد بحالي وخصوصي إذا كان متعلق بشعري
بقا كيف رح ينجمعو كل هدول بيوم واحد مو مشكلتي
بس يعني يومي المثالي
هو يوم الاكتشاف والتغيير

[هشام ابو شرار]

اليوم المثالي يوم راس السنة
بضل نايم للساعة 12الضهر
بقوم وبفطر وبشرب قهوةوبكون مسكر موبايلي....بقعد للساعة اربعة العصر مع العائلة...بعدين بفتح الموبايل بعد هيك لشوف شو في دعوات من الاصدقاء وبلبي الدعوات الاكتر عجقة وفيها ناس بس تكون بمكان راقي مو بمطعم شعبي لانه الواحد طول السنة بيمل من هالمطاعم الشعبية قد ما بيدخلهابطلع بالبيت على طبيعتي بدون لبس معين وعلى الاغلب جينز اسود غطس,,وازا بتكون شتي بلبس ترانشكوت اسود كمان ....بضل بالاحتفالات للساعة 11المسا وبعدين برجع على البيت وبنص ساعة بجهز ديكور لاستقبال عروستي الجديدة(السنة طبعا)في غرفة مستقلة ولحالي مابحب مخلوق يكون معي...بجهز الشمع الكبير والنبيت الاحمر والمكسرات وبروح بحلق دقني وبتحمم بمية باردة بتكون صارت 11وخمسة واربعين دقيقة بلبس بدلة متل العرسان وكاني طالع على الزفة بروح على غرفتي بشعل الشمع وبجهز كاستين من كريستال فاخر وبجهز كاسيتات لشوبان(المارشال الجنائزي) وفانجلز(الاستيلاء على الفردوس)ومظفر النواب (ترنيمات استيقظت-ثلاث امنيات)وبرمي الولاعات من الشباك احتراما لضي الشموع ولازم يكون في ورد جاردينيا مخزن من الصيفية وسيجار طويل ..وملطف جو بريحة الفراولة
بطفي الكهربا والموبايل كمان بعد ما اغير رنته وببلش الاحتفال ...للساعة 3الصبح بعد هيك بتصل باصدقاء بعرف انهم بسهروا لتطلع الشمس...بروح عندهم ساعتين...وبرجع بنام لتاني يوم العصر....وهيك كل سنة

[اللامنتمي]

كاتب النص الأصلي : بنفسجة

ليش لازم يكون مثالي؟؟؟
يمرق كيف مامرق
يعني اذا قلت بدي ياه يمرق هيك وهيك وهيك بعد شوي رح يصير يوم روتيني
فخليه يمرق كيف ما مرق بحلوه وبمره بيكون احلى واذا مرق اليوم وكان فيه خليط متناقضات بحسو كتير يوم مثالي هيدا تعريفي للمثالية

أي يوم عشوائي خاضع للصدف وَ للتغيرات النفسية المُعتادة

لم يُثيرني يومك ماذا عن اليوم التالي ؟

[بنفسجة]

كاتب النص الأصلي : اللامنتمي

أي يوم عشوائي خاضع للصدف وَ للتغيرات النفسية المُعتادة

لم يُثيرني يومك ماذا عن اليوم التالي ؟

واليوم المثالي كمان خاضع للصدف والتغيرات النفسية المعتادة
اما ان يومي لم يثرك فان غدي ايضا لن يثرك وهكذا دواليك

[Odell]

كاتب النص الأصلي : اللامنتمي

أخبرني بصراحة كيفَ هيَ " أحلامك " ؟

اني لا ادري حقا كيف وماهي احلامي وط اي شيم !!

[habiba2008]

YAWMI ELMITALI
HOUWA YAWMOUN BILA MACHAKEL WA BILA AKHBAR TWAJE3 ELKALB YA3NI YA YAWM ROUTINI YA YAWM IJABI

[LiOnHeArT.3LA2]

ممممممممممم .
. اتخيّله يوم ممطر ..
استيقظ .. وارى شعرها يداعب خدّي ..
ايقظها .. نذهب سويّة لنحضر كأسا .. من أي شيء ..
المهم ان نشربه سويّة ..
ننظر الى الامطار ..
ومن بعدها . انظر الى عيونها ..
فتراني .. وتحيد نظرها .بخجل . وتبتسم
نقوم بشيء غير اعتيادي ..
نلبس ثيابنا الخفيفة ..
و ننزل بسرعة لنركض تحت المطر ..
نركض ونركض ونركض .. حتى يغما علينا ..
نفيق .. ونضحك .. حتى الثمالة ..
نذهب الى بيتنا .. نأكل سويّة ..
لا يشبعني شيء .. سوى ضحكاتها ..متذكرة ذلك الجنون اللذي قمنا به منذ لحظات
نجلس بجانب مدفئة من الحطب ..
ومرة اخرى ..
لا يدفئني شيء .. سوى حضنها .. وحرارة عيونها ..
وننام على وضعنا الحالي ..


هذا فقط ..

[Acotas]

يومي المثالي..
اصحى بكير لاقي جنبي احب انسان على قلبي .. للأسف ما وجد لهلأ ...
قضي يومي مع هالانسان .. نطلع مشاوير بس.. نمشي ع الحشيش و نركض و نضحك سوا
نرجع ع البيت تعبانين و هلكانين بس مبسوطين
و يقلي اديش انبسط معي و اديش بحبني
و انا قلو كمان اديشني بحبو
و ننام على همسات بعضنا البعض