|
| س و ج | قائمة الأعضاء | الروزناما | العاب و تسالي | مواضيع اليوم | بحبشة و نكوشة |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
 |
|
|
أدوات الموضوع |
27/10/2008
|
#1 | ||||||
|
عضو
-- مستشــــــــــار --
|
جمهورية البوكمال الصديقة تحت النار... سورية تشجب وتستنكر
سألني أحد الأصدقاء البارحة ما هي حدود سوريا من الشرق فأجبت العراق... قال لي لا انها البوكمال... لم أفهم أولاً مقصده لكنني استوعبت فيما بعد... أن حكومتنا تعاملت مع الأمر وكأن البوكمال جمهورية مستقله وليست أرضاً سورية...
لو لم تكن البوكمال أرضاً سورية بل كانت دولة مجاورة تعرضت لضربة عسكرية أمريكية ماذا سوف تكون ردة فعل حكومتنا العتيده... سوف تكون الشجب والاستنكار أيضاً... هل باتت أرضنا ودمائنا مستباحه لهذه الدرجة بفضل سياسة الصمود والتصدي المواجهة والممانعة؟ ماعلينا قلنا لنتابع الخبر والوضع الطبيعي لنتابع خبر بهالحجم هاد وجريمة بهالحقارة انك تحط على الفضائية السورية... حطينا على فضائيتنا المغوارة وبلشت تابع شريط الأخبار من أوله... أول خبر عن زيارة مولر "وزير خارجية الدنمارك" ...تاني خبر عن مولر .. تالت خبر عن مولر... الرابع عن مولر .. اتصورت للحظه انو مولر هو طارق بن زياد بعدين اتزكرت انو اهتمامات حكومتنا البطله بالسياسة الخارجية أولاً والشأن الداخلي يأتي في المرتبه التسعين.. المهم وأخيراً طلع خبر العدوان على أرضي ويلي راح ضحيتوا 8 شهداء منون طفلين ومرأه... صيغة الخبر وبكل وقاحه مصدر مسؤول يستنكر الاعتداء ويحمل أميركا المسؤولية... لأول وهلة انصدمت معقول هيك بس؟؟ استنكار ومصدر.. بس مصدر وبس استنكار.. وتحميل أميركا المسؤولية؟؟ ما أحلاكون والله مثلاً تحملو الشعب المسؤولية... انو وين الـ15 ألف عسكري يلي على حدود العراق.. ليكونو بس عم يحمو الحدود من اتجاه سوريا العراق ومحطوطين بس مشان ترضى أميركا "بحكم انو نحنا دولة الممانعه الوحيده بالمنطقه"... وين الشعور القومي ياشباب وين الكرامة والشرف... وين المضادرات الأرضية وين السلاح يلي صرلو عم ينشرا من أربعين سنة.. لك وين الأمن الحارق الخارق؟؟ أه عفواً هاد الأمن مهمتو بس رصد المتأمرين والعملاء في الداخل أما هيك قصص صغيرة مابيتدخل فيها... قبل ماحدا يقلي هي أميركا شوفينا نعمل... ضربتنا اسرائيل بعين الصاحب وخرسنا واحتفظنا بحق الرد وضربتنا بالكبر بالجزيرة السنة الماضية وخرسنا واحتفظنا بخق الرد والطيران الاسرائيلي وصل لفوق القصر الجمهوري باللادقية ونحنا محتفظين بحق الرد.... انو وبعدين؟؟ شو فرقنا عن أي دولة من دول الانهزام... الفرق الوحيد انو هدوليك مابينضربو نحنا مننضرب ومنخرس... المهم مافي ضرر لحق بأبراج سيريتل ولا بأبار النفط... الباقي عادي... مقترحات مشان ماحدا يقلي شو منقدر نعمل: التصدي لهالطيران يلي اخترق أجوائنا وللإنزل يلي صار.. تحديداً انو الطائرات كانت طائرات عامودية... خطين تحت عامودية يعني هيلكوبتر يعني مو F16 ولا F22 حتى نقول انو مضاداتنا مابتجيبا... والرد على أرضنا بتكفلو كل المواثيق والأعرفا الدولية... بس أكيد في سبب وجيه عند الشباب انو مانرد... قطع العلاقات الدبلوماسية مع أميركا وطرد القائم بالأعمال... الرد على الغارات الاسرائيلية المتواصلة ويلي استباحت أرضنا وشعبنا... الرد بدو يفتح جبهة؟ اي عمي تنفتح هالجبهة بقا.. صرلنا 40 سنة عم نستعد للمواجهة.. ما حلنا نجهز بقا؟؟ أو اذا مابدنا نعمل كل هدول نكون صادقين شوي مع شعبنا ومع حالنا... ونقول شو حجمنا وشوإمكانياتنا ونقول انو نحنا جماعه علاكين وكذابين ولافي مواجهة ولافي مسخرة... انما الموضوع مجرد أداة لترويع الشعب وقمعو... أمنية وطنية: كتير كنت حابب انو على القليلة يعلنو الحداد الوطني على الشهداء... عن جد لو يلي ماتو صوماليين بس على ارضنا كانو أعلنو الحداد الوطني... بس يبدو انو دم المواطن السوري صار مستباح داخلياً وخارجياً... وليش لنعتب عليون اذا نحنا مو فارقة معنا.. عين الصاحب الكبر اللادقية البوكمال... وبكرا وين الله أعلم ومازلنا نشجب ونستنكر وندين... عاش الصمود.. عاشت الممانعه... عاشت قلعة الصمود والتصدي... عاش جيشنا الباسل المغلوب على أمره... الرحمة على الشهداء... الرحمة على الوطنية... الرحمة على الشرف
الحرية لكل أسرى الحرية في سوريا...
العربي الذي لايجرأ من الذل والخوف على رفع رأسه لرؤية القمر !!! كيف سينتصر على غزاة القمر؟؟!! |
||||||
|
|
27/10/2008
|
#2 | ||||||
|
عضو
-- زعيـــــــم --
 |
[quote=VivaSyria;1145617]
انو وين الـ15 ألف عسكري يلي على حدود العراق.. ليكونو بس عم يحمو الحدود من اتجاه سوريا العراق ومحطوطين بس مشان ترضى أميركا "بحكم انو نحنا دولة الممانعه الوحيده بالمنطقه"... وين الشعور القومي ياشباب وين الكرامة والشرف... وين المضادرات الأرضية وين السلاح يلي صرلو عم ينشرا من أربعين سنة.. لك وين الأمن الحارق الخارق؟؟ أه عفواً هاد الأمن مهمتو بس رصد المتأمرين والعملاء في الداخل أما هيك قصص صغيرة مابيتدخل فيها... انو بلا ظلم - يمكن الـ 15000 عسكري نايمين وحرام نوعيهم منشان 8 ضحايا راحو بقضاء وقدر لا يمكن خربطت شوي هدول مابدهم مين يوعيهم نحنا بدنا مين يوعينا الحكومه بدها مين يوعيها ولك وين عايشين نحنا كيف بدنا نحس بالامان وين الجيش الرحمه على الشهداء
0 الباب يللي بيجيك منو الريح،
0 بيكون شي نجار فهمان مركبلك ياه 0 ســــــــــــــــMan ــــــــــــــــــا تـــــــــو |
||||||
|
|
|
27/10/2008
|
#3 | ||||
|
عضو
-- زعيـــــــم --
|
وهاد تقرير مصوّر عن القصّة، والطيّارات مبينة بالتصوير:
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
قادرين يصوروا بس مو أكتر!!! العمى على هالمسخرة. ومتل ما قال معلّق عالحدث: حماة الدّيار عليكم سلام... إي والله عليكم سلام ومع السّلامة!
Mors ultima ratio
. www.tuesillevir.blogspot.com |
||||
|
|
|
27/10/2008
|
#4 | ||||||
|
مشرف متقاعد
|
شي بيخجل ..والتلفزيون السوري بكل وقاحه عم يبث الخبر ويجيب صور ..
شو هالعمر اللي مش باقي شي لولا الوقت الولا خلى شي خلالي طريقي و رح أمشيه
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
27/10/2008
|
#5 | |||||||
|
عضو
-- زعيـــــــم --
|
اقتباس:
اما الجماعه فا بديك تعذريون لان مضيعين الخجل والاحساس.... لانك معقول ابو كمال ..صارت جمهوريه ؟؟؟؟؟؟؟؟؟امتى ..  فعلا انه مسخره .... |
|||||||
|
|
|
27/10/2008
|
#6 | ||||||
|
مشرف متقاعد
|
اذا ردينا بالقوة... هاد دليل على "الحنكة السياسية للقيادة الحكيمة"..
اذا ما ردينا بالقوة.. هاد دليل على "الحنكة السياسية للقيادة الحكيمة".. اذا شجبنا و استنكرنا.. هاد دليل على "الحنكة السياسية للقيادة الحكيمة".. اذا ما عملنا شي.. هاد دليل على "الحنكة السياسية للقيادة الحكيمة".. يعني يا مواطن يا عربي سوري لا تهتم... رغم انو كل العالم فوقك لكن معليه.. "قيادتك الحكيمة عندا حنكة سياسية"... يكسّر حناكهون انشالله.. حدا يقول آمين الله يرحم الشهداء, و الصبر و السلوان لأهاليهم.. و لو ظل عند حكومتنا شوي, شوي ها من الكرامة كان تكفّلت بهالعائلات المنكوبة فورا.. و على الأقل 3 أيام حداد رسمي...
أبو مـــــــــ1984ـــــــارال
خبز,, سلم,, حرّية
- ابو شريك هاي الروابط الي
بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف
الرابط (مصرّ ) ففيك اتسجل بإنك تتكى على كلمة
سوريا -
|
||||||
|
|
|
27/10/2008
|
#7 | ||||||
|
عضو
-- زعيـــــــم --
 |
المواطن السوري يسأل وين ال75% من ميزانية الدولة اللي بتروح عالجيش ؟؟ وماشفنا شي من هاد الجيش ؟؟؟ لسا كل ماصار انتهاك بيطلع المسؤولين وبيقولوا "سنحتفظ بحق الرد ونشجب ونستنكر وندين " و و الخ وآخرتها؟
بكل الاحوال انتهكت حرمة الاراضي السورية شو عاد بدو الشعب اكتر من هيك الله يرحم المعترين والشهداء من ابناء الوطن
يا ايها الرجلُ المعلمُ غيرهِ..............هلا لنفسكَ كانَ ذا التعليمُ
|
||||||
|
|
|
27/10/2008
|
#8 | ||||||
|
عضو
-- زعيـــــــم --
|
[quote=yass;1145717]
يكسّر حناكهون انشالله.. حدا يقول آمين quote] أمين ميه مره ....  |
||||||
|
|
|
27/10/2008
|
#9 | |||||||
|
مشرف متقاعد
|
اقتباس:
بتوقعلك اليونسيف -اذا بدهون -بيطلع بايدون اكتر من حكومتنا العتيده ..بما انو في طفل شهيد الله يرحمهن اجمعين |
|||||||
|
|
|
27/10/2008
|
#10 | ||||||
|
عضو
-- مستشــــــــــار --
|
بكل وقاحة الدنيا يخرج تلفزيون الدنيا علينا بالخبر التالي:
ارتفع عدد الشهداء إلى عشرة ومعلومات جديدة تشير أن طائرتين من الطائرات المغيرة قد حطت على الأرض ونزل أفرادها واقتحمو البناء وأردوا كل من فيه قتلى... وبقيت الطائرتان المتبقيتان في الجو تؤمن الحماية لعناصر الكوماندوس المقتحمين وقد استمرت العملية أكثر من ساعه... ويذاع الخبر مترافقاً بصورة جثث الشهداء ببراد أحد المشافي... وصور دماء الشهداء تلطخ الجدران والتراب... ماعم افهم شو المطلوب مني كمواطن سوري... انو شوف جثث شهداء قتلتون أميركا داخل أرضك وخراس... وشوف هالمنطقة نفسها عم تموت من الجفاف والجوع وخراس... شوف كرامتك بالأرض وخراس... ومازالت وزارة الخارجية تحمل الولايات المتحده الأمريكية المسؤولية... ومازال معاون وزير الخارجية يتصل بالسفراء العرب ليضعهم بصورة الهجوم ويطالب الحكومة العراقية بتفسير... حدا يفسرلو مشان الله .. لك لسا بدكون تفسير... اسألو ولد صغير صار عندو تفسير وجماعتنا لسا ما لقوا التفسير.. مابعرف شو بدي قول غير عيب والله عيب... بكل قهر الدنيا عم قول عيب. |
||||||
|
|
|
27/10/2008
|
#11 | ||||||
|
عضو
-- مستشــــــــــار --
|
الي .. زمااااان .. كتير ما عم احكي .. والي فترة .. عنجد متمسح من طرفهم ..
بس اللي عم يصير عنجد .. وصلو للقمّة بالوطاوة .. ووصلو للقمة .. بتوطاية الراس .. الله يرحم كل نقطة دم نزلت من ايا انسان .. وما يجيه النوم .. لايا كائن بشري .. كان الو ايد بهيك قصّة .. لانو بصراحة اللي عنا ما عاد فيهم صفة الانسانية ليكونو بشر .. للأسف ومشي حالن .. تحولّو .. للمستوى الادنى وبدرجات .. رحمة الله عليهم .. 
شاورما ©
كمّون © Calculater © " لو .. رجعت الشام .. لـ حضن الشام .." 2011 |
||||||
|
|
|
27/10/2008
|
#12 | ||||||
|
عضو
-- مستشــــــــــار --
|
 دماء السوريين الشهداء ستبقى تروي تراب الوطن...  الطائرات الأمريكية تجوب سماء سوريا وتقتل السوريين.... ومازلنا نحتفظ بحق الرد مافي داعي حط صور الجثث بالمشفى... بيكفي هيك |
||||||
|
|
|
27/10/2008
|
#13 | ||||||
|
عضو
-- زعيـــــــم --
|
قال ....:
الموقع ...تابع للقاعده ... امريكا تعترف بالهجوم .....الحمد الله يا عمي ... قوات التحالف ليس لديهم خبر بالغاره ...(هدول متل قلتهن ) بغداد ..تتأمل ان لا تتاثر علاقتها مع سوريا بعد الغاره (شي بيرفع الراس والله) ماراحت غير ع الي ماتوا ..........الله يرحمون |
||||||
|
|
|
27/10/2008
|
#14 | |||||
|
عضو
-- زعيـــــــم --
|
اقتباس:
خيو بلا الاجراءات العسكرية اللي عم تحكي عنها, بس يقطعوا العلاقات الدبلوماسية , لك مو على اساس نظام ممانعة وواقف بوجه امريكا لحالو و مدوخ الامريكان طيب اقطعوا العلاقات الدبلوماسية لنشوف شافيز طرد السفير الامريكي لسبب بكتير من اللي صار ومو سائل عن امريكا بس هي من سابع المستحيلات عندن , ما هني باسوا الارض ليفتحوا قناة تفاوض مع اسرائيل بس لتتعطف امريكا وتقبل تبعتلن شي مسؤول درجة عاشرة بوزارة الخارجية ليتصور مع بطل الصمود والتصدي مشان هيك حتى لو الامريكان ضموا البوكمال للعراق متل ما تركيا ضمت اسكندرون واسرائيل ضمت الجولان ما رح يتغير شي , مو المهم سوريا تروح كلها المهم عنا قيادة حكيمة ملزقة على كرسي الحكم |
|||||
|
|
|
27/10/2008
|
#16 | |||||
|
عضو
-- زعيـــــــم --
|
اقتباس:
ورغم هيك صرعونا بحكمة القائد المناضل والحنكة السياسية اللي انقذت سوريا من دون ما يتحرك جندي واحد ونفس النغمة الله وكيلك , من 1967 لهلق , والخلاصة اللي بدن يفهمونا ياها بقى انو خيو شوفو, البلد مو مهم وانتو الشعب مو مهمين , المهم نحني نبقى بالحكم ونورث لاولادنا المزرعة اللي اسمها سوريا |
|||||
|
|
|
27/10/2008
|
#17 | ||||||
|
عضو
-- زعيـــــــم --
|
اي قال اميركا انو الاشخاص هدول هني عالم عم يسهلوا دخول المقاتيلن الاجانب للعراق وانو هني طلبوا من سوريا مرار انو تحمي حدودها ولما ما ردت نحنا اتدخلنا
يا ولاد الستين حرام شاطرين نهب بالنفط والقمح والمياه بهالمنطقة بس انو نجي ندعم نخدم نقوي هالبقرة اللي اسما دير الزور والبوكمال فهاد هدر للمال العام شو عم يعملوا الجنود عالحدود؟ لك مضادتكون الارضية وسلاح اللي استريتوه من روسيا وينه ؟ شاطرين بس بالممانعة والصمود طيب يا قيادة منيعة عالاقل اوقفوا برامجكون واعلنوا الحداد لسا حاطينلي نانسي عجرم وامجد طعمة وتحت بالشريط الاخباري ارتفاع عدد الشهداء الى9 ومصدر مسؤول يدين العملية بس لا عادي وطبيعي بالنسبة الكون ليش وقت انفجار ليلة القدر كلفتوا خاطركون واعلنتوا الحداد طبعا لا ليش؟ لانو نحنا ناس من ورق الله يكسر ايديكون امين
قم واضرب المستحيل بقبضتك اليسرى
انت تستطيع ذلك http://themanofpapers.wordpress.com |
||||||
|
|
|
27/10/2008
|
#18 | |||||
|
عضو
-- مستشــــــــــار --
|
اقتباس:
مو بس امين .. وكليون امين كمان ما بيكفي انو نشغر بالخجل .... عم اشعر بالقرف ...القرف من حالي اولا .. وبعدين البقية
قلي لي احبك
كي تزيد قناعتي اني امرأة قلي احبك كي اصير بلحظة .. شفافة كاللؤلؤة |
|||||
|
|
|
|
«
الموضوع السابق
|
الموضوع التالي
»
|
|
الساعة بإيدك هلق يا سيدي 16:08 (بحسب عمك غرينتش الكبير +3)