عن تخطيطنـــــا التربوي

[ooopss]

لا مجال للشك بأن التربية والتعليم هما أساس البناء لأي مجتمع .
وأنه كلما ارتقى التعليم وازدهر تألق معه وعي المجتمع وتطوره., وتقلصت مشكلاته تدريجيا _ أيا كانت _
وإن نجاح أي عملية تربوية يعتمد على مدى دقة التخطيط لها ودراستها بعناية .
وبالتالي إن أمعنّا التأمل .. نجد أن تطور المجتمعات مرهونا بعملية التخطيط التربوي ...

التخطيط التربوي يتطلب نظرة شاملة للنظم التربوية وتحديد مشكلاتها وثغراتها والعمل على معالجتها وفق مدة زمنية معينة ووفق إحاطة شاملة لأوضاع البلد السكانية والاقتصادية والاجتماعية والتربوية وأوضاع القوى العاملة .

وبعد هذه المقدمة البسيطة عن التخطيط التربوي وأهميته . يتبادر إلى ذهني العديد من الأسئلة ..
ماهي سياسة التخطيط التربوي التي نتبعها ؟

كمثال
بدأنا عامنا الدراسي بقرار فجائي بتغيير شروط القبول بعض الاختصاصات بكلية العلوم الجيولوجية ..
تغيرت الشروط بين ليلة وضحاها بما يتناسب مع الاحتياجات والشواغر .
ولم يكترث لرغبات الطلاب أو اهتماماتهم ..

لست هنا بصدد انتقاد عمليات التخطيط انتقادا أعمى , فنحن ندرك تماما مدى صعوبتها .
وكم عليها ان تراعي من عوامل لتخدم المجتمع بشكل كامل .
عليها ان تراعي مدى الحاجات للقوى العاملة ومدى الحاجات التربوية للتنمية الانسانية كما عليها أن تراعي تكاليف التعليم بما يتوافق مع ميزانية الدولة .., ولكن..
أولى الأمور التي يجب أن يراعيها التخطيط التربوي
هو رغبات الطلبة وتطلعاتهم . .

ولا أدري لماذا يهمش هذا العامل دائما , أو توضع له شروط تعجيزية ,

لست أطالب بالفوضى نهايةً , كل يستحق نتيجة تعبه
ولكني أطالب ببعض الموضوعية ,
فلماذا –مثلا- قد يحتاج الراغب بدخول كلية الفنون الجميلة إلى العلامات ان كانت لديه الموهبة
لماذا يحتاج اليها قبل التأهل للمسابقة ؟
لماذا إن أردت دراسة الطب وكانت لديك الرغبات والاستعدادات عليك أن تكون آليا ما , لا تأكل إلا الكتب !
ولايسمح لك بالهفوات البشرية الطبيعية ؟
ولماذا إن حصلت على درجات مرتفعة وأردت امتهان اختصاص بدرجات اقل يتوافق مع رغباتك تنعت بالجنون !
أوليس علم النفس –مثلا – من يحمل أسرار النفس البشرية ويحل ألغازها ومشاكلها ؟
أوليست له أهميته .؟
وكذلك الطب , وكذلك الصيدلة , والصحافة والتعليم , وكذلك المهن والحرف .
لكل مجال أهميته وحاجتنا إليه
فنحن بحاجة للنجار والتاجر , كحاجتنا للعالم و للمعلم كحاجتنا للمهندس والطبيب ..


لقد تقررت قيمة الاختصاصات وفقا للحاجة إليها في مجتمعنا , وليس وفقا لأهميتها الحقيقية .

والسؤال الأهم لماذا رسم تخطيطنا التربوي في أذهاننا هذه المفاهيم , ؟


..

[Nay]

دايما متابعتك... حلو كتير...
نسيتي يمكن تحكي عن انو دايما اللي معو مصاري مسموح الو انو يخطا وينقصو كم علامة .. بس الفقير مو مسموح... بجامعاتنا نحنا جامعات الحكومة .. جامعات الشعب
بينسمح للي بيدفع مصاري على حسابنا نحنا ..انو يدخل بمجموع اقل من مجموعنا..
مو مكفينا جماعة الشبيبة .. وجماعة العضو العامل .. ودورة المظلي.. ودورة الصاعقة.. والمعسكر الانتاجي.. كمان اجو جماعة المصاري.. لحتى خلصت كراسي الجامعة وما ضل للطالب العادي .. الانسان الطبيعي اي حق انو يدرس بالجامعة..
بعتذر انو ممكن طلعت عن الموضوع.. لكن على هامش موضوعك حسيت اني لازم احكي شوي..

[sandra]

تخطيط مين والناس نايمين
بيبعتو طلاب لأوروبا ليدرسو تخطيط تربوي وبيرجعو هالطلاب ومعهم افكار هائلة
لما بيرجعو للبلد نهايتهم متل اي موظف بيوقع على كم قرار وبيشرب شاي وقهوة

[فسحة أمل]

المشكلة بالنظام التعليمي بيفتقد بشكل كبير للتخطيط (( من حيث الحاجات والاهداف والغايات والأساليب والنتائج )) حتى مفهوم التعليم عنا خاطئ من نواحي كتيرة , يعني التعليم عنا ما براعي ميول الطلاب والنواحي الابداعية الي بيملكوها الهدف الرئيسي بالتعليم عنا هوي الحشو , يعني يلي عندو قدرة على الحفظ ( سواء كان فرعو أدبي ولا علمي ) فهوي قادر يفوت عهلى الفرع الي بريدو بغض النظر عن مدى قدرتو على الابداع بالفرع الي بفوت عليه وهون في اهمال كبير لهدف التعليم والي هوي اكتساب المعرفة يعني النتقل الهدف من التعلم الى تجميع اكبر قدر من العلامات , كمان في اخطاء كتير كبيرة بالبرامج التعليمية يعني توزيع المناهج . وما في سياسة واضحة بالأهداف المراد تحقيقها من هالمناهج يعني من نظام التثقيل لاضافة المواد واعادة سحبها كمادة الفرنسي
موضوع رائع متابع

[ooopss]

كاتب النص الأصلي : Nay

دايما متابعتك... حلو كتير...
نسيتي يمكن تحكي عن انو دايما اللي معو مصاري مسموح الو انو يخطا وينقصو كم علامة .. بس الفقير مو مسموح... بجامعاتنا نحنا جامعات الحكومة .. جامعات الشعب
بينسمح للي بيدفع مصاري على حسابنا نحنا ..انو يدخل بمجموع اقل من مجموعنا..
مو مكفينا جماعة الشبيبة .. وجماعة العضو العامل .. ودورة المظلي.. ودورة الصاعقة.. والمعسكر الانتاجي.. كمان اجو جماعة المصاري.. لحتى خلصت كراسي الجامعة وما ضل للطالب العادي .. الانسان الطبيعي اي حق انو يدرس بالجامعة..
بعتذر انو ممكن طلعت عن الموضوع.. لكن على هامش موضوعك حسيت اني لازم احكي شوي..

دايما بتسعدني متابعتك كتير
هلأ بصراحة أنا مو ضد التعليم يلي يعتمد على المصاري يلي قلتي عنو
لقلك ليش برأيي
لأن اذا مننظر للموضوع بنظرة شاملة , هالشي بيرفع من كفاءة المجتمع , والأفراد يلي قاعدين بلا دراسة اجتهن فرص جديدة , بس هي الفرص مانها مجانية , يعني عم يدفعو عليها وهي المصاري يلي عم يدفعوها مفروض تكون لميزانية الجامعات ,
القصد اذا تم التخطيط لهالأمر بالشكل الصحيح الكل رح تتوفرلو الفرص المناسبة وماحدا بياخد فرص حدا
اذا كانت المفاضلات منطقية والمصاري عم يتخطط لتوزيعها بالشكل الصحيح
فهمتي عليي؟

كاتب النص الأصلي : sandra

تخطيط مين والناس نايمين
بيبعتو طلاب لأوروبا ليدرسو تخطيط تربوي وبيرجعو هالطلاب ومعهم افكار هائلة
لما بيرجعو للبلد نهايتهم متل اي موظف بيوقع على كم قرار وبيشرب شاي وقهوة

للأسف كلامك بأغلب الأوقات مزبوط ساندرا

كاتب النص الأصلي : فسحة أمل

المشكلة بالنظام التعليمي بيفتقد بشكل كبير للتخطيط (( من حيث الحاجات والاهداف والغايات والأساليب والنتائج )) حتى مفهوم التعليم عنا خاطئ من نواحي كتيرة , يعني التعليم عنا ما براعي ميول الطلاب والنواحي الابداعية الي بيملكوها الهدف الرئيسي بالتعليم عنا هوي الحشو , يعني يلي عندو قدرة على الحفظ ( سواء كان فرعو أدبي ولا علمي ) فهوي قادر يفوت عهلى الفرع الي بريدو بغض النظر عن مدى قدرتو على الابداع بالفرع الي بفوت عليه وهون في اهمال كبير لهدف التعليم والي هوي اكتساب المعرفة يعني النتقل الهدف من التعلم الى تجميع اكبر قدر من العلامات , كمان في اخطاء كتير كبيرة بالبرامج التعليمية يعني توزيع المناهج . وما في سياسة واضحة بالأهداف المراد تحقيقها من هالمناهج يعني من نظام التثقيل لاضافة المواد واعادة سحبها كمادة الفرنسي
موضوع رائع متابع

كلامك مزبوط وبوافقك عليه تماما خصوصا عن التخطيط للمناهج واانو معظم اساليبنا معتمدة على الحفظ الصم
وبرأيي كمان يمكن لو الطلاب دخلو حسب رغباتهن اكتر كانت النتايج حتكون مرضية أكتر لما يكون في راحة نفسية بالفرع يلي تختارو او بنوع الدراسة

[Nay]

كاتب النص الأصلي : ooopss

دايما بتسعدني متابعتك كتير
هلأ بصراحة أنا مو ضد التعليم يلي يعتمد على المصاري يلي قلتي عنو
لقلك ليش برأيي
لأن اذا مننظر للموضوع بنظرة شاملة , هالشي بيرفع من كفاءة المجتمع , والأفراد يلي قاعدين بلا دراسة اجتهن فرص جديدة , بس هي الفرص مانها مجانية , يعني عم يدفعو عليها وهي المصاري يلي عم يدفعوها مفروض تكون لميزانية الجامعات ,
القصد اذا تم التخطيط لهالأمر بالشكل الصحيح الكل رح تتوفرلو الفرص المناسبة وماحدا بياخد فرص حدا
اذا كانت المفاضلات منطقية والمصاري عم يتخطط لتوزيعها بالشكل الصحيح
فهمتي عليي؟

وانا مالي ضدك كمان بخصوص التعليم المدفوع الاجر بس القصة انو الجامعات مازاد استيعابها لحتى ينعمل جزء من التعليم خاص لا بالعكس ارتفعتالمعدلات حتى صارت خيالية لحتى تتفرغ مقاعد للدراسة المدفوعة الاجر..
اضافة لهيك حسب معلوماتي انو في كتير دول باوروبا بالمانيا مثلا عرفت من صديقة المانية قالت انو حسب وضع اهلك المالي اما بتدفعي اقساط مقابل التعليم او ما بتدفعي شي او ممكن تقبضي راتب شهري..
يعني الجامعات الحكومية لازم تكون مجانية عل اقل تقدير..بيكفي قديش في ناس اتاخر تخرجون بسبب انو غير قادرين على اعالة نفسون اثناء الدراسة..

[ooopss]

كاتب النص الأصلي : Nay

وانا مالي ضدك كمان بخصوص التعليم المدفوع الاجر بس القصة انو الجامعات مازاد استيعابها لحتى ينعمل جزء من التعليم خاص لا بالعكس ارتفعتالمعدلات حتى صارت خيالية لحتى تتفرغ مقاعد للدراسة المدفوعة الاجر..
اضافة لهيك حسب معلوماتي انو في كتير دول باوروبا بالمانيا مثلا عرفت من صديقة المانية قالت انو حسب وضع اهلك المالي اما بتدفعي اقساط مقابل التعليم او ما بتدفعي شي او ممكن تقبضي راتب شهري..
يعني الجامعات الحكومية لازم تكون مجانية عل اقل تقدير..بيكفي قديش في ناس اتاخر تخرجون بسبب انو غير قادرين على اعالة نفسون اثناء الدراسة..

ايوا تماما
يعني أنا مع التعليم المدفوع طالما يتم التخطيط إلو بأسلوب يأدي لتسهيل امور جامعاتنا مو تعقيدها
كتير في عنا طلاب مش يس تأخر تخرجهن مشان المصاري , كتير طلاب بكالوريا طلعلها هندسات او طب ودخلت قروع أقل تكلفة لانها ماتمتلك القدرة المادية

المثال يلي ذكرتيه مش بس بألمانيا حتى بكندا وامريكا في هيك استثناءات معينة هيك انا بعرف

مع العلم انو المانيا تجربتها بالتعليم ورقي أنظمتها انا بعتبرو لا يعلى عليه

[*Marwa*]

لست هنا بصدد انتقاد عمليات التخطيط انتقادا أعمى , فنحن ندرك تماما مدى صعوبتها .
وكم عليها ان تراعي من عوامل لتخدم المجتمع بشكل كامل .
عليها ان تراعي مدى الحاجات للقوى العاملة ومدى الحاجات التربوية للتنمية الانسانية كما عليها أن تراعي تكاليف التعليم بما يتوافق مع ميزانية الدولة .., ولكن..
أولى الأمور التي يجب أن يراعيها التخطيط التربوي
هو رغبات الطلبة وتطلعاتهم . .

ولا أدري لماذا يهمش هذا العامل دائما , أو توضع له شروط تعجيزية ,

لست أطالب بالفوضى نهايةً , كل يستحق نتيجة تعبه
ولكني أطالب ببعض الموضوعية ,
فلماذا –مثلا- قد يحتاج الراغب بدخول كلية الفنون الجميلة إلى العلامات ان كانت لديه الموهبة
لماذا يحتاج اليها قبل التأهل للمسابقة ؟

انو حطيتي ايدك عالوجـع (بدي اركز ع نقطة الشروط التعجيزية شوي).. يا ستي مش بس عندكو في شروط تعجيزية..وكمان بـ دولة المفروض متقدمة ومتطورة متل اللي انا عايشة فيها عم يطلبوا علامات ع مواضيع اللي هية بحاجة لمواهب وطاقات اكتر من مجرد علامات بمواضيع علمية قد لا ترتبط بالتخصص لا من قريب ولا من بعيد .. بس انو الفرق هون..اني متلا بهالدولة بعرف ليش عم يتبعوا هالنظام وبعرف انو هني بدهن يحافظوا ع الفجوة التعليمية - الثقافية- الاقتصادية-( كلشي) بيننا وبينهن..

بس انو بدولة عربية المفروض انها دولة لمواطنيها والمفروض الناس اللي فيها هدول صحاب الارض والهن حقوق..
لشو هالتعجيز وهالتهميش وهاللامنطقية بالتعامل مع الطالـب والعامـل وهالمواطـن بشكل عام ؟!!
يعني شو هالدولة اللي ما بتحب ترفع راسها بـ سكانها؟!!

[هشام ابو شرار]

مابينجح اي تخطيط تربوي الا ليصير راتب المعلم متل راتب الدكتور مو يشتغل بعد الضهر شوفير ومدري شو؟؟؟