أنـت هـادئ... إذن أنت يساري!

[sona78]

يبــدو ان التوجه السياسي مرتبط بــردود الفــعل الجسدية كما يفــيد باحثــون امــيركيون اكـدوا فــي دراســة نشــرت امس، ان الاشخاص المتسمين بالــهدوء يصــوتــون لليــسار امـا القلــقون فيصــوتون لليــمين.
فقد قام باحثون من جامعات اميركية باخضاع ٤٦ شخصا لهم انتماء سياسي واضح، لاختبار لدراسة رد فعلهم على ضجيج مفاجئ او صور مثيرة للقلق: مثل صورة عنكبوت على وجه شخص مصاب بالهلع، او جرح مغطى بالديدان او وجه مغطى بالدم. ثم قاسوا ردود فعل هؤلاء الاشخاص الجسدية مثل رفة الجفون والتعرق ثم قارنوها مع توجــهاتهم السياسية بناء على استمارة قاموا بملئها.
وكانت النتيجة ان الاشخاص الذين يتبنون مواقف المحافظين، اي يؤيدون عقوبة الاعدام والحرب على العراق والانفاق الحربي، ولديهم شعور قومي قوي، كانت ردود افعالهم الجســدية اقوى بصورة واضحة من اولــئك المقربين من القيم اليسارية التــقليدية: الدعوة الى السلام، ومراقــبة الاسلحة والحق في الاجهاض وزواج مثليي الجنس.
لكن الباحثين لم يقدروا على تحديد ان كان الموقف السياسي وراء رد الفـعل الجسدي ام العكس.
ونشرت مجلة ساينس الاميركية الدراسة التي اجراها باحثون من جامعات رايس في تكساس ونــبراســكا لنكولن وايلينوي ومعهد فيرجــينيا للامراض النفــسية وعلــم وراثــة السـلوك.
(ا ف ب)
جريدة السفير

[SelavI]

بحث ذكي فعلا
اظن لأن اليساري مفكر اكثر ويتمعن بهدوء الاشياء
وردة فعلة تكون عن وعي

[sona78]

يمكن
ولو اني بشك انو الامريكان بيفكروا بوعي وبهدوء
اكيد لكل قاعدة شواذ
بس لاحظت فقرة ( الذين عندهم شعور قومي قوي ) انحسبت للانفعاليين ؟؟
اي كما يراد القول انو يلي بيكون يساري حسو القومي ضعيف !!!
هيك طريقة بتحديد الصفات جديرة بالملاحظة ... واكتر من اشارة استفهام بتلاحقها

[SelavI]

كاتب النص الأصلي : sona78

يمكن
ولو اني بشك انو الامريكان بيفكروا بوعي وبهدوء
اكيد لكل قاعدة شواذ
بس لاحظت فقرة ( الذين عندهم شعور قومي قوي ) انحسبت للانفعاليين ؟؟
اي كما يراد القول انو يلي بيكون يساري حسو القومي ضعيف !!!
هيك طريقة بتحديد الصفات جديرة بالملاحظة ... واكتر من اشارة استفهام بتلاحقها

صحيح بس الشعور القومي او الحس القومي لا يعني الانفعال
الانفعال لا يولد الا الندم

[yass]

دخيل علم النفس الاجتماعي و تطبيقو على علم الاجتماع السياسي!!

الحكي فيو شي.. من الصحة. لكن انو نذكر المثال الأميركي, فغلط, لأنو أميركا في يمين متطرف و يمكن يمين الوسط, مافي يسار

بس رح احكي شوي عن سيكولوجيا اليمين و اليسار (موضوع عملت فيه بحث من سنتين بمساعدة زميلة و نشرناه بمجلة محلية معنية بالشؤون السياسية)..

كان في واحد بوليتولوجي ماني متذكر اسمو هلأ... قال مرة انو :"ليس كل اليمينيين جهلة, لكن كل الجهلة يمينيين"..

العلاقة بين الجهل و اليمين آتية إلى من انو خطاب اليمين (و خصوصا بالمجتمعات العصرية .. خطين تحت هالحكي) هو خطاب عاطفي.. يلعب بالدين و الانتماء و القومية و العادات و التقاليد و الموروث الحضاري و الثقافي و كل هالقصص هاي (الجانب "غير الجاهل" من اليمينيين بيحكو عن الاقتصاد .. لكن بالحقيقة الخطاب الأكثر تأثيرا هو الأول) .. بينما خطاب اليسار يحكي عن حقوق و حريات و مساواة اجتماعية و عدالة اقتصادية و العلاقة بين الدولة و المجتمع... فبعيون الجاهل... الدين و الانتماء و هيك قصص أقوى بكتير, و أكثر تأثيرا.

+ اليمين... يلعب لعبة الخوف, و خصوصي لما تكون شعبيتو مهددة. يعني دائما يحاول يحيك على مسلة الخوف من أشباح... و يخلي هالأشباح تتمثل باليسار...

يعني اليمين (المودرن) .. ما يقول عن حالو متدين, و لكن يحكي عن حرية الأديان.... و بيقول انو حرية العقيدة مهددة ازا حكم اليسار = المتدينين بيصوتولو ليحافظو على حريتهم.

اليمين (المودرن) مانو ضد المثلية و الطلاق و الاجهاض "نظريا"... لكن يلعب على وتر انو ... يا جماعة اليسار عم يحاول يغيّر تركيبتنا الاجتماعية و يخنق عاداتنا لما عم يدعمهون (يعني قمة الصفاقة... معليه تكون مثلي بس عالمخبى و بدون ما تطالب بحقوقك) ... بالتالي, المحافظين و خصوصا كبار السن منهم بيصوتولو.

اليمين (المودرن) بيحب السلام "نظريا" و لكن في حروب لازم تصير مشان نحقق السلام


و هكذا... بكل القضايا

فلذلك هيك أمور بتمشي عالجاهل, اللي يصدق هالحكي, و يخاف... لكن ما تمشي عالواعي, اللي بيشوف انها مجرد بروباغندا, و لذلك بتشوف الناخب اليميني عصبي و متوتر سياسيا لأنو الدافع السياسي تبعو هو الخوف و الشعور انو هو, أو شي يخصو, مهدد..

بعدين في جانب آخر من اليمين بيتأثر بالخطاب الاقتصادي و كل هالقصص, هدول مانون جهلة... بالعكس هدول جماعة المصاري و الاقتصاد الحر... لكن مهما حاول اليمين يصوّر عكس هالشي, خطابو الأكثر تحريكا للجماهير هو الخوف و اللعب على وتر الخوف...


في دراسة صارت قبل الانتخابات التشريعية الاسبانية من ست شهور, عطت بروفايل للناخب اليميني و الناخب اليساري (طبعا دراسة احصائية عم تحكي بشكل عام, مو كل ناخبي اليسار هيك, و لا ناخبي اليمين هيك)


الناخب اليساري: بين 28-45 سنة, تحصيل دراسي متوسط أو عالي, 6.5 من عشرة بالثقافة, بيعرف لغة أجنبية و بيتابع الأخبار السياسية الداخلية و الدولية بوتيرة متوسطة أو جيدة.. غالبا عامل بمجال الخدمات, التدريس أو الجهات الحكومية. بيعتبر حالو علماني لكن الأغلبية مؤمنة, إلى حد ما, و غير ممارسة لشعائر الدين

الناخب اليميني: 35-55 سنة, تحصيل دراسي متوسط أو حرفي\مهني.. 4 من عشرة بالثقافة العامة. متابعتو للأخبار السياسية الداخلية و الخارجية منخفضة. مجال عملو حرفي أو بمشروعو الخاص على مجال منخفض أو متوسط.. يعتبر حالو متدين أو متدين جدا, و محافظ على العادات و التقاليد و ضد التفريط بها




(هالشي لا يعني انو ننخدع و نربط الالحاد باليسار, لأنو غلاة الملحدين هم من يمينيي المحافظين الجدد و اليمين الاقتصادي الليبرالي)


و عذار للاطالة, بس موضوع بيهمني كتير



في قصص تانية عن الفروقات بين الناخب اليميني و اليساري بتوسّع فيها لاحقا

[SelavI]

في قصص تانية عن الفروقات بين الناخب اليميني و اليساري بتوسّع فيها لاحقا

بانتظار الفروقات والتوسع . . اعتقد ان موضوع مهم جدا

[محمد ابراهيم]

كاتب النص الأصلي : yass

دخيل علم النفس الاجتماعي و تطبيقو على علم الاجتماع السياسي!!

الحكي فيو شي.. من الصحة. لكن انو نذكر المثال الأميركي, فغلط, لأنو أميركا في يمين متطرف و يمكن يمين الوسط, مافي يسار

اختيار العينات هاد علم (يعني فيك تختار عينة تحكمية او طبقية او او )

يعني بتجيب 100 شخص مثلا ، هننى العينة وبتختارها بحيث يكون مثلا 40% منهم يساريين واكيد رح تلاقي باميركا 40 شخص من اليساريين وبوجهة نظري من ناحية قابلية الدراسة للتعميم وفق هالنوع من العينات بتكون غير دقيقة عند التعميم . (هاد رأيي العلمي اذا كان الي صلاحية اقوله)

[ارسلان]

وعليه
لليـســار دُر

[yass]

كاتب النص الأصلي : محمد ابراهيم

اختيار العينات هاد علم (يعني فيك تختار عينة تحكمية او طبقية او او )

يعني بتجيب 100 شخص مثلا ، هننى العينة وبتختارها بحيث يكون مثلا 40% منهم يساريين واكيد رح تلاقي باميركا 40 شخص من اليساريين وبوجهة نظري من ناحية قابلية الدراسة للتعميم وفق هالنوع من العينات بتكون غير دقيقة عند التعميم . (هاد رأيي العلمي اذا كان الي صلاحية اقوله)

أكيد.. لكن ما عم احكي عن ناس, انما عن سيستيم سياسي... السيستيم الأميركي ثنائي القطبية بحزبين... واحد يمين متطرف و واحد يمين الوسط... مهما قال الناس انو مثلا أوباما عندو توجهات يسارية لكن لو تعمل اسقاط و دراسة متأنية لتصرفاتو... فهي "تقدمية" بالنسبة للتركيبة المحافظة للمجتمع الأميركي, لكنو مانو يساري... أبدا

لذلك, الحديث عن اليمين و اليسار, و أخذ السيستيم الأميركي كمثال, فخطأ.. صح داخل الشعب الأميركي في توجهات يسارية, لكنها محدودة و مالها تمثيل بالنظام السياسي

[محمد ابراهيم]

كاتب النص الأصلي : yass

أكيد.. لكن ما عم احكي عن ناس, انما عن سيستيم سياسي... السيستيم الأميركي ثنائي القطبية بحزبين... واحد يمين متطرف و واحد يمين الوسط... مهما قال الناس انو مثلا أوباما عندو توجهات يسارية لكن لو تعمل اسقاط و دراسة متأنية لتصرفاتو... فهي "تقدمية" بالنسبة للتركيبة المحافظة للمجتمع الأميركي, لكنو مانو يساري... أبدا

لذلك, الحديث عن اليمين و اليسار, و أخذ السيستيم الأميركي كمثال, فخطأ.. صح داخل الشعب الأميركي في توجهات يسارية, لكنها محدودة و مالها تمثيل بالنظام السياسي

طبعا طبعا طبعا متفق معك 100%

اصلا لو اوباما قال انو اشتراكي رح يخسر تأييد الحزب الديموقراطي لانو حزب ليبرالي ، كيف مرشح اشتراكي يكون مرشح للرئاسة عن حزب ليبرالي !!

اوباما بالفعل ليبرالي لكنه اقرب الى الاشتراكيين في برنامجه الانتخابي (انا بأيدو لهالسبب تحديدا ) لانو اهتم بالفقراء والعاطلين والمعاشات وبالتامين الصحي وعندو توجه حقيقي للسلام وضد الحرب على العراق .

[sona78]

شكرا ع التوسع يا ياس
حلو انو يكون في دراسات عن هيدي الحالة ولو اني بالاول ( للصراحة يعني ) اخدت الموضوع مزح !!
يعني انو تتاطر الحالات النفسية للانسان بانتماء سياسي ما كتير بلاقيها صحيحة
لانو الفريقين لو ما عندون طريقة ثابتة ومتأنية ما قدرو يستمر
ولو انو ما عندون الحماس والدافع يلي بيترجم احيانا لعشوائية كمان ما كانو جذبو الانتباه
بس كلامك:

:"ليس كل اليمينيين جهلة, لكن كل الجهلة يمينيين"..

يعني ما بعرف شو بدي قلك .. بلسم على قلبي المجروح!! لانو فعلا هيدي نظرتي .. تاري ما انا طالعة لحالي بهيك نظرية !!!
تحياتي

[sona78]

كاتب النص الأصلي : ارسلان

وعليه


لليـســار دُر

دائما ... دائما

[sona78]

الحكي فيو شي.. من الصحة. لكن انو نذكر المثال الأميركي, فغلط, لأنو أميركا في يمين متطرف و يمكن يمين الوسط, مافي يسار

ما بتوقع انو بامريكا ما في يسار وبتوقع انو يلي اسس هيدا الاتجاه كان ( جون ريد ) اذا ما كنت غلطانة
بس اليسار الامريكي مهمش وما ظاهر ع الساحة بوقتنا الحالي
اليساريين الامريكيين كان الون وجود بفترة من الفترات بس من عقود ما عاد ظرو ع الساحة العالمية ولو انن الى الان مستمرين بنشاطون يلي اتحدد للاسف ضمن نطاق ضيق جدا . الكاتب نعوم تشومسكي بيشكل واحد منون ( للصراحة ما حدا حاليا ببالي غيرو )وهيدا الكاتب معروف بتوجهو اليساري وكتاباتو الغنية بهالمجال

بس انا بايد انو حجم الكتلة اليسارية بامريكا ما بيخولها انها تشكل عينة خرج ينعمل عليها دراسة عامة

[محمد ابراهيم]

كاتب النص الأصلي : sona78

ما بتوقع انو بامريكا ما في يسار وبتوقع انو يلي اسس هيدا الاتجاه كان ( جون ريد ) اذا ما كنت غلطانة
بس اليسار الامريكي مهمش وما ظاهر ع الساحة بوقتنا الحالي
اليساريين الامريكيين كان الون وجود بفترة من الفترات بس من عقود ما عاد ظرو ع الساحة العالمية ولو انن الى الان مستمرين بنشاطون يلي اتحدد للاسف ضمن نطاق ضيق جدا . الكاتب نعوم تشومسكي بيشكل واحد منون ( للصراحة ما حدا حاليا ببالي غيرو )وهيدا الكاتب معروف بتوجهو اليساري وكتاباتو الغنية بهالمجال

بس انا بايد انو حجم الكتلة اليسارية بامريكا ما بيخولها انها تشكل عينة خرج ينعمل عليها دراسة عامة

اليسارين الاميركيين اتعرضو لحملات تشويه واتعرضو لمضايقات وصورهوم على انهم كفار وفي بعض الاحيان قتلة ، وعلى اخف الظروف كانو اعداء لاميركا !!!
هذا في صراع اميركا المؤمنة مع الاتحاد السوفيتي الشيوعي الكافر وطبعا كان صعب انو اليسار ينشط بهالفترة لانو بيصير مع الشيوعين ضد اميركا (طبعا كان خطير جدا على اليساري انو ينوصف بانو مع الشيوعية او ضد اميركا لانو هاد بيحطو بموضع عداء مع توجه الدولة ).

[yass]

كاتب النص الأصلي : sona78

ما بتوقع انو بامريكا ما في يسار وبتوقع انو يلي اسس هيدا الاتجاه كان ( جون ريد ) اذا ما كنت غلطانة
بس اليسار الامريكي مهمش وما ظاهر ع الساحة بوقتنا الحالي
اليساريين الامريكيين كان الون وجود بفترة من الفترات بس من عقود ما عاد ظرو ع الساحة العالمية ولو انن الى الان مستمرين بنشاطون يلي اتحدد للاسف ضمن نطاق ضيق جدا . الكاتب نعوم تشومسكي بيشكل واحد منون ( للصراحة ما حدا حاليا ببالي غيرو )وهيدا الكاتب معروف بتوجهو اليساري وكتاباتو الغنية بهالمجال

بس انا بايد انو حجم الكتلة اليسارية بامريكا ما بيخولها انها تشكل عينة خرج ينعمل عليها دراسة عامة

جون ريد (مؤلف كتاب: عشرة أيام هزت العالم .. في حدا شيوعي ما قراه؟ ) مانو مؤسس الشيوعي الأميركي انما من ناشطيه الكبار...

هلأ لا يخلو... أوكي, في بأميركا من كلو... عم احكي عن نظام سياسي ثنائي القطبية...عن كونغرس و مجلس شيوخ.. عن وجود سياسي فعلي, الشيوعيين الأميركيين مالهون دور, و لا طامحين يكون عندهون دور..

و متل ما قال محمد ابراهيم.. تعرضو لحملات ملاحقة و تشهير كبيرة جدا, من أيام حملة السيناتور مكارثي بالخمسينات, لما عملو لجنة بالكونغرس تحقق مع ممثلين و فنانين حول توجهاتهم الشيوعية (المشبوهة)...

[اللامنتمي]

طيب إذا كُنت أنا يساري وَ بكتب باليسار شو بصير ؟

[yass]

كاتب النص الأصلي : اللامنتمي

طيب إذا كُنت أنا يساري وَ بكتب باليسار شو بصير ؟

بيصير انك... يساري جدا

متل حكايتي


________________
اليسار مصطلح كتير مظلوم... في ناس تعتبر انو هو الشيوعية, و هالشي خاطئ... لأنو في قطاعات بالشيوعية (الماركسية الأصولية بسميهون) بعتبرهون يمينيين..

أساس اليسار هو كلمة : التقدم...

كل شي يوقف بوجه التقدم فهو موروث خاطئ, حتى لو هالشي كان جزء من التقدم بحقبة سابقة, و لكن نحنا أبناء اليوم

[هشام ابو شرار]

لايسارك ولايمينك ..انا هادي كتيييير لدرجة السطلان بس قاعد بالنص