إمام مسجد بالخليل يسجن ولديه 20 عاما في حظيرة

[lostman1]

الشرق الأوسط - كفاح زبون - قبل عشرين عاما أودعهما والدهما حظيرة أغنام مظلمة ومقفلة بالسلاسل الحديدية، أسفل منزل الاسرة في بلدة بيت عوا، الى الجنوب من مدينة الخليل.. وظلا فيه حتى اول من امس، عندما اكتشفتهما الشرطة بطريق الصدفة اثناء حملة تفتيش في المنطقة عن السلاح والمخدرات، وهما عاريان والنمل يخرج من جسميهما، كما قال العقيد رمضان عوض، مدير شرطة محافظة الخليل لـ«الشرق الاوسط». والسبب الذي ساقه الأب ابراهيم مسالمة، وهو إمام مسجد، مبررا جريمته، أنهما مختلان عقليا ولهذا السبب سجنهما. وأثبتت الفحوصات الطبية انهم بالفعل مختلان عقليا. وقال العقيد عوض متسائلا «ماذا يعني انهما مختلان عقليا.. انهما بشر ايضا وبحاجة للرعاية اكثر من العاديين». وتقدمت عشرات المؤسسات الانسانية بطلبات للشرطة من اجل الاحتفاظ بالشابين، وفعلا نقلا الى جمعية الاحسان الخيرية. وقال العقيد عوض، واصفا اللحظة التي دخل فيها مكان الاحتجاز، «دخلت الى حظيرة الأغنام أبحث عن مخدرات وسلاح.. فاذا بمشهد.. يا الله.. تقشعر له الأبدان.. تسمّرت في مكاني، شيء غير معقول.. مش طبيعي». واضاف «كانا عاريين تماما.. الشاب يقفز كأنه حيوان والفتاة تتحرك ببطء». واضاف «الشاب كان شعره كثيفا جدا وكذلك شعر ذقنه والفتاة كانت مليئه ببثور جلدية ورأيت النمل يخرج من جسدها.. شيء لا يمكن تصوره». ولا تنتهي المأساة عند هذا الحد.. فحسب العقيد عوض فإن البحث جار عن 3 أبناء آخرين لمسالمة، يشك في انه قتلهم ايضا بسبب اصاباتهم بلوثة عقلية. وقال العقيد عوض «إنه (الاب) يقول انهم ماتوا ميتة طبيعية، لكنه لا يجيب كيف ماتوا او أين دفنوا» ويتعهد عوض بمتابعة التحقيق مع مسالمة وتقديمه للمحاكمة بتهمة «احتجاز إنسان بغير وجه حق».

[lostman1]

المصدر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[Ms. J.A]

مش أول حالة يمسكوها بالخليل !!
واللي بيجلط انهم اكتر ناس متدينين وخانقينا يا اخي مش شوي كتير !!!
الله لا يعطيه عافية

[روعة1]

لعما..!!

أنهما مختلان عقليا ولهذا السبب سجنهما. وأثبتت الفحوصات الطبية انهم بالفعل مختلان عقليا

يعني في احتمال كبير جدا انو يكونوا ختلوا عقليا من بعد ما سجنهن هل الفترة الطويلة هي و اللي
عم يقولو الاب كلو كذب..!! لاء و الغريب بالموضوع انو في تلاتة غيرهن مختفيين.. و الاب رافض انو يذكر
اي شي عنهن..

في ان بالموضوع.. و بغض النظر عن السبب و شو ما كان.. هدا الاب انا بوجهة نظري بيستحق الاعدام
لحرمانهن من الحياة ..

حجز ولادو لمجرد انهن مختلين عقليا..

يا الله.. لوين وصلنا ..!!

[Marooshe]

ماحدا مختل عقلي غير يلي بيقدم على هيك تصرفات وحشية لاتمت لا للأنسانية ولا للحيوانية بصلة...

[زوربا]

ما حدا مختل غير هالمسطول اللي سجن ولادو.....والأكيد أنهم اختلو عقليا بسبب السجن الطويل..

[وشم الجمال]

يعني عنوان الموضوع جد مخزي...امام مسجد بيسجن اولادو لانهم مختلين عقليا هاد شو معناتو انك ربطت هالتصرف اللانساني بائمة المساجد ما هيك؟؟؟؟
يا ابني حاول تفهم انو المسلمين الاصل يعطو انطباع منيح عن الاسلام ولكن هاد مو صاير فيعني ما بصير نربط كل سلوك المسلمين بالاسلام ونيجي نقول المسلم سوى هيك لانو بتصرفو ابدا ما كان مسلم لانو الاسلام دين رحمة ......

طبعا كتعليق عالخبر هاد مو انسان وما بعرف الرحمة وما بعرف ربو لانو ما تعامل مع اولادو غير كحيوانات وهمو بشر...

كمان هوي اكيد مختل عقليا لانو تصرفو المنطق ما بقبلو واي شخص لما يشوف حدا مو قريب منو بهالوضع بيتأثر فأولادو ومو متأثر فأكيد مريض ومو طبيعي


عالهامش ...زكرتني بسكيولار

[LiOnHeArT.3LA2]

بيسجن اولادو لانهم مختلين عقليا هاد شو معناتو انك ربطت هالتصرف اللانساني بائمة المساجد ما هيك؟؟؟؟

اي .. مبينة

يا ابني حاول تفهم

صعبة شوي ..

يعني هيكي طب غم .. بدك ياه يحاول يفهم ؟

[Abu ToNi]

هلق خطر على بالي سؤال

ليش ما منشوف مثلا موضوع عنوانه :

"بائع البسةبالخليل يسجن ولديه 20 عاما في حظيرة "
او
"مصّلح تلفزيونات بالخليل يسجن ولديه 20 عاما في حظيرة"

اللي بدي اقوله
بالنهاية تصرف وحشي تصرف لا انساني تصرف همجي نابع من شخص مختل
لكن البشع اننا نربط متل هيك قصص بكون الشخص " امام مسجد "
بالأخير كون انسان بيشغل منصب امام مسجد تصرف بطرقية حيوانية هاد اذا بده يسيء لحدا او اذا بدنا نعتب على حدا ونوجه اصابع الاتهام فبدها تكون موجهة إلى الانسان ابراهيم مسالمة اكتر من كون الاصابع موجهة إلى الامام ابراهيم مسالمة .

اكتر ما هنالك ممكن يكون العتب او الاتهام اكبر كونه بيحتل مركز ديني ويفترض يكون قضوة للشعب لا اكتر ولا اقل .

ربط القصص ( امام عبيعمل هيك ) عملية اعلانية وسخة في الها عواقبها البشعة وانا شخصيا كتير بقرف من هيك عمليات ربط وتشويه وادانة للمركز اللي بيحتله الشخص اكتر من التصرف اللي نفذه الشخص نفسه .

[ارسلان]

إمام مسجد !!!

[Damask Rose]

القصة مو قصة امام مسجد..ماهي يمكن بس وظيفة عم ياخد منها رزقتو مش اكتر.....
القصة قصة انسانية..هاد اكيد مختل عقليا لانو البني ادم الطبيعي مستحيل يعمل هيك.......

[ارسلان]

رغم أن العنوان يحتل موقعا استفزازي للبعض
الا انه يوحي بصورة مباشرة في زمن أصبح فيه الايحاء جبن وخيانة
أن هذه الوظائف الدينية التي تحيط محتليها وتُحصِنُ شاغليها
بتابو القداسة والملائكية كأئمة المساجد والمشائخ
وحاملي ال v i p الديني, لن يكونو بأحط قدرا من الانحطاط ذاته
اذا ما أُقتُحِم عليهم ذاك التابو وهُدم على رؤسهم

لو لم يتم اكتشاف تلك الفاجعة في حظيرة بيت ذاك الامام لخرج علينا اسلاميو الوطن
بهددون ويتوعدون بأبشع انتقامات السماء كون المظبوط أحد المرشحين لخلافة الرسل

[Ms. J.A]

كوني من مدينة الخليل ما استغربت هيك اشي ابدا !!
نسبة التشدد الديني بالمدينة عالية وكل ما زاد التشدد بالمنطقة بتزيد العمالة والدعارة والمخدرات !!
الجهل هون مش طبيعي والناس مش مستعدة تسمع غير لصوت حالها !!
كل شي بيعتبرو تهديد للمدينة المحافظة وأبسط نشاط بيتم مهاجمتو من قبل أئمة المساجد!!
دور امام المسجد هون يتعدى انو بيقوم بوظيفة رسمية !!
بتزكر وانا بالمدرسة كنت اشتغل مع انقاذ
الطفل انا ومجموعة شباب وصبايا وهاد اشي مش مألوف بالخليل عنا فش فترة نزلو فينا بيان وخطبو فينا بالمساجد انا بنشجع عالاختلاط وانو مؤسسات عميلة بتستدرج الشباب للفاحشة !!
ملخص الحكي مش غريب ع امام مسجد متشدد همو الأكبر صورتو ما تنهز قدام العالم بابن وبنت عندهم اعاقة عقلية يحبسهم !!
حسبي الله عليه

[Damask Rose]

كاتب النص الأصلي : Ms. J.A

كوني من مدينة الخليل ما استغربت هيك اشي ابدا !!
نسبة التشدد الديني بالمدينة عالية وكل ما زاد التشدد بالمنطقة بتزيد العمالة والدعارة والمخدرات !!
الجهل هون مش طبيعي والناس مش مستعدة تسمع غير لصوت حالها !!
كل شي بيعتبرو تهديد للمدينة المحافظة وأبسط نشاط بيتم مهاجمتو من قبل أئمة المساجد!!
دور امام المسجد هون يتعدى انو بيقوم بوظيفة رسمية !!
بتزكر وانا بالمدرسة كنت اشتغل مع انقاذ
الطفل انا ومجموعة شباب وصبايا وهاد اشي مش مألوف بالخليل عنا فش فترة نزلو فينا بيان وخطبو فينا بالمساجد انا بنشجع عالاختلاط وانو مؤسسات عميلة بتستدرج الشباب للفاحشة !!
ملخص الحكي مش غريب ع امام مسجد متشدد همو الأكبر صورتو ما تنهز قدام العالم بابن وبنت عندهم اعاقة عقلية يحبسهم !!
حسبي الله عليه

بس هاد اسمو مو تشدد بالدين..هيك ناس اكيد عندهم شي خلل بعقلهم.. يعني الله قال انو ديننا يسر وحتى لو كان ديننا اقوى من غيرنا مابكون بهالشكل....

[ooopss]

كاتب النص الأصلي : gabriel

هلق خطر على بالي سؤال

ليش ما منشوف مثلا موضوع عنوانه :

"بائع البسةبالخليل يسجن ولديه 20 عاما في حظيرة "
او
"مصّلح تلفزيونات بالخليل يسجن ولديه 20 عاما في حظيرة"

اللي بدي اقوله
بالنهاية تصرف وحشي تصرف لا انساني تصرف همجي نابع من شخص مختل
لكن البشع اننا نربط متل هيك قصص بكون الشخص " امام مسجد "
بالأخير كون انسان بيشغل منصب امام مسجد تصرف بطرقية حيوانية هاد اذا بده يسيء لحدا او اذا بدنا نعتب على حدا ونوجه اصابع الاتهام فبدها تكون موجهة إلى الانسان ابراهيم مسالمة اكتر من كون الاصابع موجهة إلى الامام ابراهيم مسالمة .

اكتر ما هنالك ممكن يكون العتب او الاتهام اكبر كونه بيحتل مركز ديني ويفترض يكون قضوة للشعب لا اكتر ولا اقل .

ربط القصص ( امام عبيعمل هيك ) عملية اعلانية وسخة في الها عواقبها البشعة وانا شخصيا كتير بقرف من هيك عمليات ربط وتشويه وادانة للمركز اللي بيحتله الشخص اكتر من التصرف اللي نفذه الشخص نفسه .

بحييك
وبتفق معك
هاد الكلام يلي كان عم يتبادر لذهني لما قريت الموضوع .

[ابو الوديع]

يخرب بيتو
وإمام مسجد كمان

[ارسلان]

كاتب النص الأصلي : Ms. J.A

دور امام المسجد هون يتعدى انو بيقوم بوظيفة رسمية !!

كاتب النص الأصلي : سميه

القصة مو قصة امام مسجد..ماهي يمكن بس وظيفة عم ياخد منها رزقتو مش

...... الخطير في الامر هو المكانة التي يحتلها ذاك الامام في عقول الشباب والنشء الصاعد الذي يرتوي بأفكاره لينمو ويصبح عجلة المجتمع ومُسيّره

وفي غزة غير بعيدة عن تلك الانحرافات فقبل اسبوع تفشت في البلاد قصة الامام الرباني الذي ظبط متلبس يممارسة الفاحشة مع بنت شقيقته وأنه كان يتحرش بأشبال المسجد وهو من قيادات الاخوان المسلمين الاوائل

[lostman1]

كاتب النص الأصلي : Ms. J.A

كوني من مدينة الخليل ما استغربت هيك اشي ابدا !!
نسبة التشدد الديني بالمدينة عالية وكل ما زاد التشدد بالمنطقة بتزيد العمالة والدعارة والمخدرات !!
الجهل هون مش طبيعي والناس مش مستعدة تسمع غير لصوت حالها !!
كل شي بيعتبرو تهديد للمدينة المحافظة وأبسط نشاط بيتم مهاجمتو من قبل أئمة المساجد!!
دور امام المسجد هون يتعدى انو بيقوم بوظيفة رسمية !!
بتزكر وانا بالمدرسة كنت اشتغل مع انقاذ
الطفل انا ومجموعة شباب وصبايا وهاد اشي مش مألوف بالخليل عنا فش فترة نزلو فينا بيان وخطبو فينا بالمساجد انا بنشجع عالاختلاط وانو مؤسسات عميلة بتستدرج الشباب للفاحشة !!
ملخص الحكي مش غريب ع امام مسجد متشدد همو الأكبر صورتو ما تنهز قدام العالم بابن وبنت عندهم اعاقة عقلية يحبسهم !!
حسبي الله عليه

هدول بس ينفلتلن الحبل - ما حدا بيعرف شو آخرتوا - بحولوا البلد لتورا بورا أو الصومال أو السعودية أو الخليل عاصمة الإخونجية الفلسطينية و هنا تنتشر الأمراض الاجتماعية - بتصدقوا بإيران الخمينية و السعودية أكبر نسبة مدمني حشيش و هرويين و دعارة و خمر و إرهاب و تطرف و أي نشاط بسيط يتهم بأنه لنشر الخلاعة و الاختلاط و العادات الأجنبية و بيبلشوا يجعروا من على المنابر و هنن أوسخ العالم ..