أحلى مقلب خفيف ع القلب تعملو مع الاهل والرفقات

[bki]

هون رح نتعلم كيف نعمل مقلب خفيف مع رفقاتنا و أهلنا بالبيت. وبنفس الوقت فينا نعتبر هالمقلب كطريقة بسيطة من طرق حماية الكمبيوتر من أيدي المتطفلين, خلونا نشوف الطريقة وبتنى إنو تعجبكن.

1- رتب ايقونات سطح الكتب عندك حسب النوع مثلاً ( نقرة بالزر الايمن للفارة واختار ترتيب ثم النوع)
2- خوذ صورة لسطح الكتب عندك بشرط إنك تكون مصغر كل النوافذ المفتوحة أو قافلن يعني مافي شي شغال لابرنامج ولا لعبة ولا نافذة . شوف الصورة كمثال:



أما طريقة أخذ صورة لسطح المكتب فهيي الضغط ع الزر الموضح بالصورة التالية ثم فتح برنامج الرسام ثم اختيار لصق أو ضغط ctrl+v مباشرة ثم حفظ الصورة بأي مكان ضمن جهاز الكمبيوتر وبأي اسم.
[
URL=http://www.g9g4up.com/][/url]

3- هلا بنروح ع الصورة اللي عملناها وبننفتحها وبالنقر المين للفارة نختارها كخلفية لسطح المكتب.
4- بنسكر الصورة وبنروح ع سطح الكتب وننقر باليمين عليه, من أول قائمة اللي هي الترتيب حسب في خيار بجنبو اشارة صح وهو اظهار ايقونات سطح المكتب, المطلوب منا ازالة هي الاشارة بالنقر عليها مرة وحدة وننطر من ثانية ليتم تنفيذ الامر.
5- هلا بنشوف قدامنا سطح المتب شيتنا بدون أي تغيير ظاهر عليه بس الفرق الوحيد إنو بتطلع عيونك إنت ولا غيرك ولو نقرت مية ألف نقرة ع أي ايقونة فيه ماراح تشتغل, ببساطة لأنها الصورة اللي اعملناها.
6- بس بدك تلغي المقلب. اختار الخيار اللي ازلناه بالخطوة 4 اضافة الى تبديل خلفية سطح المكتب.


بتمنى تعجبكن.

[ابو الوديع]

أي والله فكرة حلوة
مشكور

[bki]

أهلين أبو وديع, بس فيها مشكلة وحدة إنو اذا خليتها ممكن انت تقع فيها يعني انت وعم تشتغل ع كمبيوترك ممكن تنقر ع احدى الايقونات بالغلط وممكن تعيد المحاولة كم مرة لتتذكر اللي عاملو, فدير بالك واذا صار معك هيك شي لاتخبر حدا, انا عم احكي مشانك

[ابو الوديع]

انا عملتها عندي وشلتها

[bki]

كاتب النص الأصلي : ابو الوديع

انا عملتها عندي وشلتها

اي بري عليك
لا تفوت بين القبور ولا تشوف منامات وحشة

[fernanda bachchan kfoury]

ههههههاي نهفة
ببقى بجربا بكمبيوتر خالتي لانو هيي ترن وصفر مفر بشغل الكمبيوتر ياااااااااااااي شغلة


يسلمو عمي

[bki]

أهلين عمو

[fernanda bachchan kfoury]

يي نسيت صوت
شو هي عمو؟؟ عمتو مو شايف صورة الصبية حد اسمي

[bki]

كاتب النص الأصلي : fernanda bachchan kfoury

يي نسيت صوت
شو هي عمو؟؟ عمتو مو شايف صورة الصبية حد اسمي

لك مانسيت بس نحن الكبارية بنادي الكل بصيغة المذكر وخاصة الصغار. يعني تحبباً فيون.

[YaSeR]

هههه ,,, كنت اعملو بالجامعه وجنن الدكاتره فيه

من السوفت وير

[ناصرشكري]

مشكور حلوه كتير

[روعة1]

عليي ماا عليي نهفة..

[The morning]

تــساااالي

[bki]

أهلين بالجميع, ومحضرلكن مقلب ثاني. بس امهلوني هاليومين.

[souriana]

طيب كتير صعبة فوت من قائمة ابدا ؟؟
بعدين انت نسيت انو لما بتاخد صورة بتاخد صورة للشاشة كلها بما فيها القائمة ابدا لذلك لازم تقص الصورة وتحذف صورة القائمة وبعدين تظبط القياسات مشان تتطابق الايقونات مع الصورة

[روعة1]

كاتب النص الأصلي : souriana

طيب كتير صعبة فوت من قائمة ابدا ؟؟
بعدين انت نسيت انو لما بتاخد صورة بتاخد صورة للشاشة كلها بما فيها القائمة ابدا لذلك لازم تقص الصورة وتحذف صورة القائمة وبعدين تظبط القياسات مشان تتطابق الايقونات مع الصورة

لا ما بدها كل هل الشي..انا جربتها بدون قص ولا تزبيط ولا من يحزنون و كل شي تطابق...
بعدين منشان سؤالك الاولاني شيت اذا بتحسن تفوت من قائمة ابدا.. فمافيك ..
لانو اذا بتنزل قائمة ابدا لتحت رح تلاقي انو في قائمة تانية و اللي هي المزيفة..

و بهل الحالة مافيك تستخدم شي..

[souriana]

ما في شي مزيف ,من قائمة ابدا عندك جهاز الكمبيوتر او بيكون في برامج نازلة بالقائمة ف مابدها وجع راس

[روعة1]

كاتب النص الأصلي : souriana

ما في شي مزيف ,من قائمة ابدا عندك جهاز الكمبيوتر او بيكون في برامج نازلة بالقائمة ف مابدها وجع راس

صح بعرف هل الشي.. بس انا اللي اصدتو انو بما انو انت لما بتاخد صورة للشاشة كلها فانت بهل الحالة اخدت صورة للقائمة ايضا.. فلما بتحفظها كخلفية و بتنزل القائمة "الحقيقية" بالفارة لتحت (يعني بتخفيها لقائمة ابدأ) رح يكون في قائمة تانية و اللي هي انت صورتها من البداية (المزيفة).. و مافيك تستخدم شي منها..