اقتراح قسم

[اتوتة]

السلام عليكم ورحمة الله وبركاته


كنت اتسائل

ليش مافي قسم مختص بالديكورات واللمسات الفنية


يعني اذا الواحد شاف شي فكرة جديدة وزوق و عجبته وحب يشارك بها غيره

يعني يفيد ويستفيد


وين يحطها << يتركها براسو احسن



مو لازم يكون في قسم خاص للديكور

وقسم خاص للمطبخ



مو معقول ان كل شي مختص بالمطبخ محصور بموضوع واحد




الوووووووو ، مو نحن سوريين

معقول ما عندكن مطبخ ، شكلكن بتحبوا الجاهز اكتر

[Roaa]

اهلا وسهلاا .. منوره الموقع ..

مشان الديكور والمطبخ .. \\ عنا داخل بقسم الكعوب العاليه \\ ..

لو طليتي عالكعوب بتلاقي من المواضيع المثبته .. مطبخ الاخويه .. شوفيه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

وبظن الفهرس شيت الكعوب بفيدك بكل شي عم تسألي عنو ان كان ديكور او مطبخ ..

فـهرس الكعوب


وياهلااا ..

[اتوتة]

مرحبتين اختي

صح كلامك ومعك حق

لكن معقول كل شي بالكعوب العالية وبس

يعني المنتدى سياح نياح متل ما بيقولوا


وحاطين حواء وكل ما يخصها بقسم واحد بدون تخصيص للمواضيع ؟؟!!!!!



طيب الكعوب العالية نفسه ممكن تعملوه اقسام

يعني انا ما قلت :


قسم مكياج

وقسم بشرة وشعر

وقسم مطبخ

وقسم ازياء

وقسم طفل واسرة الخخخخخخخخخخخخخخخخ




انا قلت مطبخ وديكور و بس



يمكن تقولي هاي جاي من تاني مشاركة تتشرط علينا


بس من جد انا حبيت منتداكم وحبيت اكون عضوة فعالة فيه <<< متعوب عليها



لاني بصراحة مليت من المنتديات السعودية


وعندي اطلاع واسع بهالمجال << مراقبة عامة للمنتديات ... بالسعودية



مشان هيك حبيت اقترح عليكم هالشي


لاتواخذونا


لاني بصراحة مليت لهجة سعودية وحابة احكي سوري

واتواصل مع اهل بلدي



وشكرا

[Roaa]

شو بدك تعملي هي اخويتنا ..

اذا خلص استفساركياريت تسكري الموضوع .

[اتوتة]

لا تزعلي حبيبتي

سكرت الموضوع والصفحة كمان

شكلوا المكتوب مبين من عنوانو

وكأنكم ما بتهتموا باراء اعضائكم والكلام ممنوع


لاتواخذوني دخيل الله

ازعجت راحتكم

[Roaa]

نوو نوو ..

بنهتم وبنساعد .. فكرتك مطروحه من قبل ..

وقصدي ع تسكير الموضوع من فوق من ادوات الموضوع ..

اذا كان خلص استفسارك وبس ..