تقسيم " سوريا إلى خمس "دول "

[phoenixbird]

ناشط كردي / سوري لا يعرف شيئا عن مكونات بلده يطرح " تقسيم " سوريا إلى خمس "دول "
شيركو عباس : الأكراد هم حلفاء إسرائيل الطبيعيون في المنطقة ، ومن حق الدروز إبرام صفقة سلام مع إسرائيل !

واشنطن ، الحقيقة ( خاص) : 27-06-2008

دعا الناشط الكردي السوري شيركو عباس ، رئيس ما يسمى بـ " المجلس الوطني الكردي " الذي يتخذ من واشنطن مقرا له ، إلى تقسيم سوريا لخمس ولايات أو دول فيدرالية بحسب مكوناتها القومية والدينية ، بحيث تكون هناك " ولاية للدروز في جنوب سوريا على الحدود مع إسرائيل ، ودولة كردية في الإقليم الكردي شرقي نهر الفرات (...) و إقليم عربي في حلب ، وإقليم عربي آخر في دمشق ، وإقليم علوي على الساحل السوري " .

وقال عباس في مقابلة نشرت اليوم في موقع مجلة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

التابعة للمحافظين الجدد في الولايات المتحدة ، والمقربة جدا من إسرائيل ، إن البعثيين والأخوان المسلمين " لا يختلفان عن بعضهما البعض ، وكلاهما يشكلان تهديدا للمنطقة والعالم " . واعتبر أن الأكراد " هم الحلفاء الطبيعيون لإسرائيل ، ( ويمكن أن يكونوا ) حاجزاً أمام إنتشار الإسلام المتطرف سواء الشيعي أو السني. كما أن الأكراد يطمحون أيضاً ليصبحوا مجتمعاً ديمقراطياً على غرار إسرائيل " .
وفيما يتعلق بالسلام مع إسرائيل ، قال عباس " إن من حق الدروز ( السوريين) التوصل إلى اتفاقية سلام حقيقية مع إسرائيل حول الجولان " .
لكن أغرب ما ورد في حديث شيركوه عباس ، وهو يعبر عن جهل فاضح في أوساط قسم كبير من المعارضين الذي لا يعرفون شيئا عن بلدهم ، هو ادعاؤه أن " 50 بالمئة من لمواطنيين السوريين هم من الاكراد، والدروز، و العلوييين والمسيحيين". وغني عن البيان أن هذا الكلام تافه ولا معنى له ، وينم عن جهل مخيف بأبسط المعلومات التي تتعلق بسوريا . فهؤلاء جميعا " بالكاد " يبلغون معا 27 بالمئة من تعداد السكان!

وما لا يقل غرابة عن ذلك هو جهله الفاضح بالمكونات الطائفية لسكان الجولان . فبسبب أن معظم الباقين تحت الاحتلال اليوم هم من الشيعة الموحدين ( " الدروز ") ، وهم حوالي 20 ألفا ، اعتقد السيد عباس أن سكان الجولان هم جميعا منهم ، دون أن يدري أن الـ 600 ألف مواطن جولاني ( وهو العد د التقريبي اليوم للنازحين مع أبنائهم وأحفادهم ) معظمهم من السنة والعلويين العرب والشركس !

وأما الكذبة الكبرى التي أطلقها في مقابلته فهي زعمه أن السلطة السورية أعطت الجنسية لمئة ألف إيراني . وهي بالمناسبة كذبة كان أول من أطلقها الأخوان المسلمون وعبد الحليم خدام ، وعجزوا منذ أن ادعوا ذلك الإتيان باسم إيراني واحد حصل على الجنسية المزعومة ، ناهيك عن وثيقة تثبت هذا الأمر . وهم يعتقدون أن الحصول على جنسية أشبه بالذهاب إلى دكان لشراء كيلو بطاطا! أوليس من المدهش أن مئة ألف مجنس لا يوجد اسم أو عنوان أو صورة أو هوية ولو لواحد منهم !؟

حقا إن القضايا العادلة ، كما قضية الشعب الكردي ، كثيرا ما تخسر بسبب المحامين الجهلة والفاشلين الذين يتولون الدفاع عنها !

[..AHMAD]

بنصحو يسمع ......... يا زمان الطائفية ... غير هيك مافي ... بعدين يرجع يوضحلي وجهة نظرو

[yass]

حقا إن القضايا العادلة ، كما قضية الشعب الكردي ، كثيرا ما تخسر بسبب المحامين الجهلة والفاشلين الذين يتولون الدفاع عنها !

كلام صحيح...

بس تسالي هاللي عم يحكي.. بنصح فيه لشي لعيلة تسع نجوم لأنو عندو موهبة كممثل كوميدي

[THE_unforgiven]

اللله يعطيه العافية ... رجال شهم ومحب لبلدو ... وبيحب مصلحتو .. وعم يحاول يقسمو .. الزلمي بيحب الترتيب ... شو بدكن فيه ..
لك هيدا بدو ...

[sandra]

معقول يعني حلب رح تصير دولة مستقلة

ولاية للدروز في جنوب سوريا على الحدود مع إسرائيل ، ودولة كردية في الإقليم الكردي شرقي نهر الفرات (...) و إقليم عربي في حلب ، وإقليم عربي آخر في دمشق ، وإقليم علوي على الساحل السوري

شو مشان العلوية طلعت قومية َ!!!
عنجد تسالي

[LiOnHeArT.3LA2]

تسجيل متابعة .. لانو ما جاي عبالي رد هلأ

وتعقيب صغير

وسؤال للشب مدري شو اسمو

"" بالنسبة لحمص شريك . شو وضعا فينا نساويا الولايات المتحدة الحمصية .. مع خالص شركي واحتماري الك ..

[صياد الطيور]

ولي على قلبي .. انقرحت ..

كل يوم بيطل علينا أهبل جديد

[fernanda bachchan kfoury]

والله من وين طلع هاد الاخوت؟؟؟ لحتى يقرر التقسيم؟؟

يضرب هوي وهيك تفكير وتقسيم

[M@hmoud]

هللق حلب ليش ليعملها دولة لحالها

فينو يقسمها كمان ولايات

ولاية الاشرفية للاكراد
ولاية السريان والسليمانية للمسيحين
ولاية حلب الشرقية للحلبية الموالين للولايتين الاخريين
ولاية حلب الغربية المعارضين لللولايات التلاتة


اذا ضـُرب الحذاء برأس شيركو ...صرخ الحذاء بأي ذنب اُضربو

[whiterose]

المفروض الموضوع هاد يكون ب على الطاير

[whiterose]

كاتب النص الأصلي : sandra

شو مشان العلوية طلعت قومية َ!!!
عنجد تسالي

اي طائفة بتحاول تتحزب بتصير قومية...

بشكل عام ماعم خص بس العلويين

[L.A.]

لك شو عمّا يخرّف هاد....
حاج ايقولوا دولتنا بالشمال و ما بعرف شو....
يعني نحن الآشوريين و الكلدان كنّا محتلين أراضي الأكراد قبل 6000 سنة...وين نروح بحالنا...نرمي حالنا بدجلة و الفرات

شوفو دولة كردستان...

[sezar]

خيو انا من ناحيتي بدي دولة لحالي هيك استديو يعني غرفة و منافعا
و ما ما بستقبل أي لاجئ مهما كان صفتو

[طفوله]

هلئ ئسّم و ئسّم .. يئسّم ع المزبوط



ع كلامو ما بتجيب الئصه رسمالها ..

[شب الكوبة]

كاتب النص الأصلي : L.A.

لك شو عمّا يخرّف هاد....
حاج ايقولوا دولتنا بالشمال و ما بعرف شو....
يعني نحن الآشوريين و الكلدان كنّا محتلين أراضي الأكراد قبل 6000 سنة...وين نروح بحالنا...نرمي حالنا بدجلة و الفرات

شوفو دولة كردستان...

بالله اي اساس اخدوا نص لواء الاسكندرون

[jano.]

حقا إن القضايا العادلة ، كما قضية الشعب الكردي ، كثيرا ما تخسر بسبب المحامين الجهلة والفاشلين الذين يتولون الدفاع عنها !

ياريت لو الشغلة مقتصرة على المحاميين بس! لانو غالبية الاكراد يسعون لإقامة "كردستان" في سوريا وهادا شي طبيعي أنو صاحبنا ما يفهم شي بالبنية الاثنية في سوريا لأنو أصلا ما بيعترفوا بشي اسمو سوريا.
أنا متعاطف مع كل مواطن سوري مظلوم ان كان كردي او غير كردي، لكن القضية الكردية اليوم وصلت لحد التدليس وطمس الحقائق في المحافل الدولية واكبر مثال كانت احداث 2004 ، فلم تذكر أي منظمة من المنظمات التي دافعت عنهم ما فعلوه من تخريب وحرق عشوائي همجي للاملاك العامة كالمكتبات والمرفقات المدنية.
اذا كانت انتفاضتهم فعلا ضد الفساد وللحصول على الحقوق الانسانية فكلنا معهم وليكن الخير لكل سوريا، أما
سعيهم الى اقامة ما يسمى بكردستان على ارض سوريا الحبيبة فهو أكبر خيانة لسوريا وشعبها ، والى مزبلة التاريخ لكل حلم من هذا النوع والى كل من يسعى لتقسيم سوريا.
لا تظنّوا بان تصريحات هذا المحامي هي ضرب من السذاجة او الجنون! صدقوني فهو يمثل كثيرين غيره.

[phoenixbird]

كاتب النص الأصلي : Urhoy

ياريت لو الشغلة مقتصرة على المحاميين بس! لانو غالبية الاكراد يسعون لإقامة "كردستان" في سوريا وهادا شي طبيعي أنو صاحبنا ما يفهم شي بالبنية الاثنية في سوريا لأنو أصلا ما بيعترفوا بشي اسمو سوريا.
أنا متعاطف مع كل مواطن سوري مظلوم ان كان كردي او غير كردي، لكن القضية الكردية اليوم وصلت لحد التدليس وطمس الحقائق في المحافل الدولية واكبر مثال كانت احداث 2004 ، فلم تذكر أي منظمة من المنظمات التي دافعت عنهم ما فعلوه من تخريب وحرق عشوائي همجي للاملاك العامة كالمكتبات والمرفقات المدنية.
اذا كانت انتفاضتهم فعلا ضد الفساد وللحصول على الحقوق الانسانية فكلنا معهم وليكن الخير لكل سوريا، أما
سعيهم الى اقامة ما يسمى بكردستان على ارض سوريا الحبيبة فهو أكبر خيانة لسوريا وشعبها ، والى مزبلة التاريخ لكل حلم من هذا النوع والى كل من يسعى لتقسيم سوريا.
لا تظنّوا بان تصريحات هذا المحامي هي ضرب من السذاجة او الجنون! صدقوني فهو يمثل كثيرين غيره.

شو مشان اللي بالاحمر؟

[jano.]

شبو؟
ممكن توضح..