تصنيف سوريا بين الدول الفاشلة عالميا

[ayhamm26]

أصدرت مجلة فورين بوليسي Foreign Policy الامريكية الشهيرة تقرير لعام 2008 بيتضمن قائمة بالدول الفاشلة بالعالم

التصنيف بيعتمد على عدة معايير ويبدأ من احسن شي وهي النقطة 1 واسوأ شي وهي النقطة عشرة
مثلا اسوأ دولة اقتصاديا هي الصومال واخدة النقطة عشرة

سوريا طلعتلها المرتبة 35 ,يعني في بالعالم 34 دولة اسوأ منها متل الصومال والعراق وكوريا الشمالية وكم دولة افريقية ولبنان ,

هي رابط الموقع

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

ورح حاول لخص المواضيع اللي اعتمد عليها التصنيف وكم نقطة طلع لسوريا فيها

التقييم الاول : الضغوط الديموغرافية Demographic Pressures اخدين في 6,2

التقييم التاني: اللاجئين والمبعدين Refugees and displaced Persons اخدين في 9,0 يعني كتير سئ

التقييم التالت:الاضطهاد الجماعي Group Grievance اخدين فيها 8,0

التقييم الرابع: النزوح البشري Human Flight هي 6,8

التقييم الخامس :التطور المتفاوت(العشوائي) Uneven Development هي 8,1

التقييم السادس :الاقتصاد Economy هي 6,8

التقييم السابع: عدم شرعية الدولة delegitimization of the State هي 8,8

التقييم التامن: الخدمات العامة Public Services هي 5,7

التقييم التاسع: حقوق الانسان Human Rightd هي دولتنا الكريمة شاطرة فيها اخدين 8,8

التقييم العاشر.: الوضع الامني Security Apparatus هي 7,6

التقييم الحادي عشر :التدخل الخارجي External Intervention هي اخدين عليها 6,3


لاتاخذونا اذا طلع في اخطاء بالترجمة انا حطيت الرابط مشان اللي بدو يقارن ويصحح اذا في خطأ

[000محمد000]

هاد كلام اعداء مابناخد فيو ِ

[مايا *]

متوصايين و برياحة .. !

[سوا ربينا]

لك غريب وين الاردن ,,,, يعني يا جماعة في شي غلط بالموضوع يا انو انا ما انتبهت للاسم يا انو مغيرين اسمها من وراي ,,,,

مستحيل ما تكون بهيك مناسبات يعني ,,,,

[ayhamm26]

كاتب النص الأصلي : 000محمد000

هاد كلام اعداء مابناخد فيو ِ

يعني ما بعرف ايمت حضرتك نزلت اخر مرة على سوريا, ما شفت الوضع شلون؟؟؟

هي المجلة مجلة سياسية امريكية مستقلة يعني مو متل الجرايد السياسية اللي عنا تابعة كلها للدولة وعلى فرض في عداء بين سوريا وامريكا فشو دخل المجلة بالنص؟؟ ليكن الامريكان محتلين العراق ورغم هيك حاطينو بقائمة الدول الفاشلة بالعالم في ادانة واضحة للسياسة الامريكية

واذا لاحظت حاطين اسرائيل بالقائمة كمان وبمجال حقوق الانسان مصنفة من الدول الكتير سيئة

[barcawi]

أصدرت مجلة فورين بوليسي Foreign Policy الامريكية الشهيرة تقرير لعام 2008

لا تعليق

[sandra]

كنت حابة أعرف اسماء الدول 34 المتقدمين علينا بالفشل مشان أعرف إذا في مجال نهزمهم
وشر البلية ما يضحك يا حيف عليكي يا سوريا

[yass]

حذفنا الردود اللي فيها تهجّم و رد على التهجم..

لو سمحتو يا جماعة اللي يشوف رد ما يعجبو مافي داعي يرد بجلافة و عصبية و يسيء للاعضاء...

و شكرا

[VivaSyria]

قررت أنا بلش..

التقييم الاول : الضغوط الديموغرافية Demographic Pressures اخدين في 6

التقييم التاني: اللاجئين والمبعدين Refugees and displaced Persons اهي 10
دي
التقييم التالت:الاضطهاد الجماعي Group Grievance اهي 10

التقييم الرابع: النزوح البشري Human Flight هي 10

التقييم الخامس :التطور المتفاوت(العشوائي) Uneven Development هي 10

التقييم السادس :الاقتصاد Economy هي 6

التقييم السابع: عدم شرعية الدولة delegitimization of the State هي 10

التقييم التامن: الخدمات العامة Public Services هي 5

التقييم التاسع: حقوق الانسان Human Rightd هي 10

التقييم العاشر.: الوضع الامني Security Apparatus هي 2

التقييم الحادي عشر :التدخل الخارجي External Intervention هي ا 7

[yass]

التقييم التاسع: حقوق الانسان Human Rightd هي 10

التقييم العاشر.: الوضع الامني Security Apparatus هي 2

شلون زبطت معك هي؟ أو السؤال بطريقة ثانية... شو مفهوم الأمن عندك لحتى عطيت لحقوق الانسان أسوء درجة بينما عاطي للوضع الأمني علامة جيدة

[VivaSyria]

كاتب النص الأصلي : yass

شلون زبطت معك هي؟ أو السؤال بطريقة ثانية... شو مفهوم الأمن عندك لحتى عطيت لحقوق الانسان أسوء درجة بينما عاطي للوضع الأمني علامة جيدة

بسيطة.. لأنو عنا بالبلد الأمن على حساب حقوق الإنسان .. يعني الشباب حافظين أمن المواطن وفق معادلة المواطن يضل عم يحضر التلفزيون السوري و يقرا البعث و تشرين و الثورة و مايفكر غير بأكلو و بشربو .. امشي بالشام و بتشوف أكتر مدينة بالعالم فيها فروع مخابرات ضمن المناطق السكنية... و أكتر مدينة فيها دوريات أمن بالشوارع.. يعني في أمن بس على حساب الحرية الشخصية..

[yass]

كاتب النص الأصلي : VivaSyria

بسيطة.. لأنو عنا بالبلد الأمن على حساب حقوق الإنسان .. يعني الشباب حافظين أمن المواطن وفق معادلة المواطن يضل عم يحضر التلفزيون السوري و يقرا البعث و تشرين و الثورة و مايفكر غير بأكلو و بشربو .. امشي بالشام و بتشوف أكتر مدينة بالعالم فيها فروع مخابرات ضمن المناطق السكنية... و أكتر مدينة فيها دوريات أمن بالشوارع.. يعني في أمن بس على حساب الحرية الشخصية..

بس هاد ما بعتقد يعتبر أمن.. انك تعيّش البني آدم كخروف مؤمن بانو لا تنام بين القبور و ما تشوف منامات وحشة و امشي الحيط للحيط و قول بالروح بالدم...

بعتقد انو مفهوم الأمن هو المحافظة على حقوق الانسان ببلد ما... انو في تبرير واهي يقول انو في شي أبدى من شي و لازم نقدّم هاجس أمني ناتج عن خطر افتراضي اسمو الارهاب على حقوق الانسان الثانية.. و هالتبرير مانو صناعة بلدنا بس.. حتى لأميركا وصل.. بس بيظل هاد مانو أمن .. برأيي طبعا

[VivaSyria]

كاتب النص الأصلي : yass

بس هاد ما بعتقد يعتبر أمن.. انك تعيّش البني آدم كخروف مؤمن بانو لا تنام بين القبور و ما تشوف منامات وحشة و امشي الحيط للحيط و قول بالروح بالدم...
بعتقد انو مفهوم الأمن هو المحافظة على حقوق الانسان ببلد ما... انو في تبرير واهي يقول انو في شي أبدى من شي و لازم نقدّم هاجس أمني ناتج عن خطر افتراضي اسمو الارهاب على حقوق الانسان الثانية.. و هالتبرير مانو صناعة بلدنا بس.. حتى لأميركا وصل.. بس بيظل هاد مانو أمن .. برأيي طبعا

أكيد هاد مانو أمن.. هي المعادلة انو حالة الطوارئ و التواجد الأمني الغريب من نوعو للحفاظ على أمن المواطن هي معادلة أقل ما يقال عنها انها سخيفة... بس للأسف قدرو يقنعو موطن الشارع البسيط إنو هي الطريقة الوحيدة للحفاظ على دولة "الأمن و الأمان"...
رح احكيلك قصة السهر الماضي كنا قاعدين أنا و شباب صحابي شي الساعه 4 الصبح بمطعم بالشام و عم نحكي بهالموضوع.. بتفاجأ انو واحد مهم بيسألني بكل شي لاد سافرتلها لقيت شي بلد متل سوريا فيك تطلع فيه من بيتك الساعه 4 الصبح و ماحدا يسرقك و ماحدا يقلك وين رايح؟؟!!
يلي بدي قلك ياه انو الخطة نجحت و شعبنا صدق انو العالمو غابة و ماحدا عايش بأمن و استقرار غير شعبنا.. للأسف

[ayhamm26]

كاتب النص الأصلي : sandra

كنت حابة أعرف اسماء الدول 34 المتقدمين علينا بالفشل مشان أعرف إذا في مجال نهزمهم
وشر البلية ما يضحك يا حيف عليكي يا سوريا

الدول من المرتبة الاولى(يعني تبدأ من اسوأ شي ) لل 34 هني

الصومال, السوادان ,زيمبابوي , تشاد,العراق,جمهورية الكونغو الديمقراطية,أفغانستان , ساحل العاج,باكستان,أفريقيا الوسطى,غينيا, بنغلاديش,بورما , هاييتي,كوريا الشمالية ,اوغندة, اثيوبيا,لبنان ,نيجيريا,سريلانكا,اليمن,الن يجر,نيبال,بوروندي,تيمور الشرقية,جمهورية الكونغو , كينيا , اوزبكستان,مالاوي, جزر سليمان,سيراليون,غينيا بيساو,الكاميرون, ليبيريا

بعدين بتجي سوريا يعني كل هالدول اللي فوق نحني احسن منها
خلينا نجخ بهالنعمة وبالمنجزات العظيمة
مع العلم انو نحني متراجعين 5 مراتب عن تقييم العام 2007

[ayhamm26]

كاتب النص الأصلي : VivaSyria

أكيد هاد مانو أمن.. هي المعادلة انو حالة الطوارئ و التواجد الأمني الغريب من نوعو للحفاظ على أمن المواطن هي معادلة أقل ما يقال عنها انها سخيفة... بس للأسف قدرو يقنعو موطن الشارع البسيط إنو هي الطريقة الوحيدة للحفاظ على دولة "الأمن و الأمان"...
رح احكيلك قصة السهر الماضي كنا قاعدين أنا و شباب صحابي شي الساعه 4 الصبح بمطعم بالشام و عم نحكي بهالموضوع.. بتفاجأ انو واحد مهم بيسألني بكل شي لاد سافرتلها لقيت شي بلد متل سوريا فيك تطلع فيه من بيتك الساعه 4 الصبح و ماحدا يسرقك و ماحدا يقلك وين رايح؟؟!!
يلي بدي قلك ياه انو الخطة نجحت و شعبنا صدق انو العالمو غابة و ماحدا عايش بأمن و استقرار غير شعبنا.. للأسف

المصيبة وين يا حزرك , انو لو كلامك بنطبق على الناس العاديين غير المثقفين يعني , او خلينا نقول اللي مو مكملين تعليمن كانت نص مصيبة بس المصيبة الناس اللي دارسة جامعة ومثقفة على اساس وبس تناقشوا بيطلع معو انو سوريا بلد الامن والامان وفي تطور عم يصير وانو كل اللي بقولوا برا هو كذب و انو كل مصايبنا سببها انو سوريا قلعة الصمود والتصدي
هيك ناس عن جد انا بيجيبولي الجلطة

[المحارب العتيق]

كاتب النص الأصلي : ayhamm26

الدول من المرتبة الاولى(يعني تبدأ من اسوأ شي ) لل 34 هني

الصومال, السوادان ,زيمبابوي , تشاد,العراق,جمهورية الكونغو الديمقراطية,أفغانستان , ساحل العاج,باكستان,أفريقيا الوسطى,غينيا, بنغلاديش,بورما , هاييتي,كوريا الشمالية ,اوغندة, اثيوبيا,لبنان ,نيجيريا,سريلانكا,اليمن,الن يجر,نيبال,بوروندي,تيمور الشرقية,جمهورية الكونغو , كينيا , اوزبكستان,مالاوي, جزر سليمان,سيراليون,غينيا بيساو,الكاميرون, ليبيريا

بعدين بتجي سوريا يعني كل هالدول اللي فوق نحني احسن منها
خلينا نجخ بهالنعمة وبالمنجزات العظيمة
مع العلم انو نحني متراجعين 5 مراتب عن تقييم العام 2007

أنا بعتقد أنو حتى القائمة مو دقيقة كتير
برأيي ساحل العاج وأثيوبيا ولبنان سابيقنا مو لحنا سابقينهم

[المحارب العتيق]

مين بيلاحظ نو تلت أرباع الدول الأفريقية سابقتنا وكل دول أميركا الجنوبية وحتى أصغر جزيرة بشي محيط

[G O D]

والله يا سوريا بزعل عليكي

التقييم الرابع: النزوح البشري Human Flight هي 6,8

إي هاي عشرة بجدارة...
إي ما في حدا بعرفو إلا مانو حاطط السفر بخططو المستقبلية ...واحد ناطر ياخد البكلوريا ويسافر.. او ياخد شهادي جامعية ويسافر... أو ناطر قرايبينو يظبولو الوضع ميشان يسافر...