رساله إلى الرئيس بشار الأسد

[VivaSyria]

سيادة الرئيس بشار الأسد رئيس الجمهورية العربية السورية

سأسمح لنفسي و أوجه الحديث لك بشكل مباشر.. نعم بشكل مباشر.. هو حقي كمواطن سوري أن أخاطبك مرة واحده و بشكل مباشر..

سيادة الرئيس:
أقسم لك أننا سوريون نعشق سوريا و نحب سوريا لا بل إننا نتنفس سوريا..
أقسم لك أننا لسنا بخونه و لاصهاينه و لا عملاء و لا رجعيين..
أقسم لك أننا لسنا من جماعة عبد الحليم خدام و لا رفعت الأسد و لا فريد الغادري ولا البيانوني ولا سعد الحريري..
أقسم لك أننا لا نتلقى تمويلاً لا من أمريكا و لا إسرائيل و لا دول الخليج لأننا غير ممولين أصلاً إلا إذا كان الدخول إلى شبكة الإنترنت بحاجة إلى تمويل دو لي..
أقسم لك أنه لاهدف لدينا إلا ارتقاء سوريا و عزة سوريا و نهضة سوريا و حضارة سوريا..
أقسم لك أننا طوال عمرنا لم نحاول أن نوهن الشعور القومي و لا نحارب النظام الإشتراكي و لا نغير كيان الدولة بل و لا نعرف معنى هذه التهم..
أقسم لك أننا لا نملك أسلحة و لا ذخائر و لا تنظيمات مسلحه..
أقسم لك أن حزبنا الوحيد و تنظيمنا الوحيد هو محبة سوريا..
من نحن؟؟ نحن شباب و شابات سوريا..

سيادة الرئيس:
نحن لانريد أن نغير النظام و لانريد أن نستولي على الحكم و لانريد أن تتدخل أمريكا أو أوروبا أو إسرائيل في سوريا و لانريد أن نستقوي بأي أحد بالخارج على وطننا و لم نحاول يوماً أن ننقلب على الحكم أو نساعد الأجنبي على دخول بلدنا في بلدنا وأنت تعرف من حاول الإنقلابات و من إنشق عن النظام كلهم ياسيدي كانو يوماً من أركان النظام.. أما نحن ياسيدي فصابرون و مقهوروون و ساكتون.. ليس لأننا صم أو بكم أو عاجزون أو متخلفون.. بل لأننا نحب بلدنا ونأمل باليوم الذي سيكون فيه منبراً للحق و الديموقراطيه..

سيادة الرئيس :
في كل دول العالم ولاية الرئيس الدستورية أربع أو خمس سنوات يجب على الرئيس فيها أن يحقق كل برنا مجه الإنتخابي.. إلا في سوريا فهي سبع سنوات و لا تكفي للبدء بالإصلاح و محاربة الفساد ونشر العدالة و تأتي السبع سنوات الجديده و لاجديد بالنسبة لنا..
كم من الوقت ستحتاج.. نعرف أنك لا تملك عصاً سحرية لكننا نطالبك بالإصلاح بعد عشر سنوات لا عشرة أيام.. حدد لناالوقت و أقسم لك أننا سننتظر..

سيادة الرئيس:
هل ستبقى حكومتنا و هيئاتنا الحكومية مراتع لمافيا الفساد؟؟
هل سيبقى مقياس تقييم الوزراء و المدراء مدى قربهم من هذا أو ذاك؟؟
هل ستبقى عقدة المواطن السوري سياراتي البيجو ستيشن الفرنسيه و الأوبل ستيشن الألمانيه.. لأنها سيارات دوريات المخابرات؟؟
هل سأبقى أرتجف و أنا أكتب هذه السطور لأني أقول الحقيقه؟؟
هل ستبقى سوريتنا مركزاً من مراكز خدمة سيريتل؟؟
هل سيبقى نفط سوريا برسم وكيل حصري؟؟
هل ستبقى مشاريعنا مسخرةً لخدمة أشخاص معينين؟؟
هل سيبقى أرخص مافي سوريا المواطن السوري؟؟
هل ستبقى بإختصار سوريتنا مزرعه؟؟

سيادة الرئيس:
نحن شباب الوطن و يجب أن نكون نحن مصدر قوته و قوتك.. صدقني هي ليست بقوة تلك التي تستمد من فروع الأمن و ظلم الناس و قهرهم وسجنهم ومن قانون الطوارئ.. وأنت تعرف أن روؤساء هذه الأجهزه ليسوا إلا بظالمين و منتفعين..

سيادة الرئيس:
أقسم لك أننا وطنيون أكثر من الذي يشكك بوطنيتنا و قدرتنا على استيعاب الديموقراطيه.. و أننا أشرف و أرقى و أنقى من أولئك الذين يقنعوك بعمالتنا ..
نحن جاهزون للديمقراطيه و الإصلاح فهل أنت جاهز؟؟
إعذر لي جرأتي لكن زمن الصمت قد ولى..

شاب من سوريا

[souriana]

صديقي مارح قول غير الله يسلم اصابيعك و الكيبورد اللي عندك

انت حكيت باسم كل شخص عنجد وبدون تملق بيحب سورية وبيتمنى الخير لسورية

هاد صوتنا كلنا منحب نوصلو لسيادة الرئيس عل وعسى بيسمعنا من هالمقال هاد

[القلب الدافئ]

الخلود لحزب البعث العربي السوري
ولرسالته

[VivaSyria]

كاتب النص الأصلي : souriana

صديقي مارح قول غير الله يسلم اصابيعك و الكيبورد اللي عندك

انت حكيت باسم كل شخص عنجد وبدون تملق بيحب سورية وبيتمنى الخير لسورية

هاد صوتنا كلنا منحب نوصلو لسيادة الرئيس عل وعسى بيسمعنا من هالمقال هاد

ياسيدي انت الوحيد يلي ماكنت متوقعو يوقف معي بيلي حكيتو.. بس عنجد أنا أسف طلعت نظرتي فيك غلط و حقك إني إعتذرلك

[VivaSyria]

كاتب النص الأصلي : القلب الدافئ

الخلود لحزب البعث العربي السوري
ولرسالته

ملاحظ أنو حتى القول هو الخلود للحزب البعث؟؟ و لرسالته و ليس الإستمرار.. برأيك مو الخلود بمعنى الذكرى الخالده

[القلب الدافئ]

كاتب النص الأصلي : VivaSyria

ملاحظ أنو حتى القول هو الخلود للحزب البعث؟؟ و لرسالته و ليس الإستمرار.. برأيك مو الخلود بمعنى الذكرى الخالده

حزب البعث العربي الاشتراكي هو اشرف نظام بالوطن العربي
وسيبقى جزب البعث الحزب الحاكم بقيادة الدكتور بشار الاسد وسيكون علامة بيضاء على نزاهة الحكم واستقلاله

[souriana]

كاتب النص الأصلي : VivaSyria

ياسيدي انت الوحيد يلي ماكنت متوقعو يوقف معي بيلي حكيتو.. بس عنجد أنا أسف طلعت نظرتي فيك غلط و حقك إني إعتذرلك

ليش بقا ؟؟ فسرلي ياه
بجوز متل بعض الاعضاء مارح سميهم فكرت انو اذا حاطط صورة السيد الرئيس معناها يامخابرات يا اما شي شغلي متلها . ياسفني اخذل اللي هيك فكر لانو انا بوقف مع الحق

[souriana]

كاتب النص الأصلي : القلب الدافئ

حزب البعث العربي الاشتراكي هو اشرف نظام بالوطن العربي
وسيبقى جزب البعث الحزب الحاكم بقيادة الدكتور بشار الاسد وسيكون علامة بيضاء على نزاهة الحكم واستقلاله

صديقي كلامك صحيح لكن للاسف وجود بعض الشخصيات شوهتو

[مالي خايف]

يا سيدي هالرسالة هي أجمل رسالة قرأتها بحياتي حتى أحلى من الرسالة الي كتبتلي ياها حبيبتي بيوم من الإيام وبالفعل انو تسلم ايدك وعقلك بس بحب قول للشباب الي عم تقول الخلود لحزب البعث العربي الإشتراكي ما حزرتو أبدا لأنو معنا الخلود لحزب البعث انو الخلود للرجعية والإستبداد والظلم وإذا بدنا نخلص من رجعيتنا وبدنا نعيش كبني آدمين النا كلمتنا وصوتنا المسموع لازم نتخلص من الحزب بالأول لأنو الحزب هو واقف بطريق أي ديمقراطية ممكن تصير عنا بالبلد
وتحيا سورية حرة أبية

[souriana]

كاتب النص الأصلي : مالي خايف

يا سيدي هالرسالة هي أجمل رسالة قرأتها بحياتي حتى أحلى من الرسالة الي كتبتلي ياها حبيبتي بيوم من الإيام وبالفعل انو تسلم ايدك وعقلك بس بحب قول للشباب الي عم تقول الخلود لحزب البعث العربي الإشتراكي ما حزرتو أبدا لأنو معنا الخلود لحزب البعث انو الخلود للرجعية والإستبداد والظلم وإذا بدنا نخلص من رجعيتنا وبدنا نعيش كبني آدمين النا كلمتنا وصوتنا المسموع لازم نتخلص من الحزب بالأول لأنو الحزب هو واقف بطريق أي ديمقراطية ممكن تصير عنا بالبلد
وتحيا سورية حرة أبية

معليش نصل بصلب الموضوع وبلا هالكلام
خلينا محترمين بعض

[مالي خايف]

كاتب النص الأصلي : souriana

معليش نصل بصلب الموضوع وبلا هالكلام
خلينا محترمين بعض

أنا ما أسئتلك بالكلام ولا حكيت عنك شي أو عن غيرك أنا حكيت عن حزب البعث

[VivaSyria]

كاتب النص الأصلي : مالي خايف

يا سيدي هالرسالة هي أجمل رسالة قرأتها بحياتي حتى أحلى من الرسالة الي كتبتلي ياها حبيبتي بيوم من الإيام وبالفعل انو تسلم ايدك وعقلك
يعني أحلى من رسالة الفالانتين؟

بس بحب قول للشباب الي عم تقول الخلود لحزب البعث العربي الإشتراكي ما حزرتو أبدا لأنو معنا الخلود لحزب البعث انو الخلود للرجعية والإستبداد والظلم وإذا بدنا نخلص من رجعيتنا وبدنا نعيش كبني آدمين النا كلمتنا وصوتنا المسموع لازم نتخلص من الحزب بالأول لأنو الحزب هو واقف بطريق أي ديمقراطية ممكن تصير عنا بالبلد

وتحيا سورية حرة أبية

أنا معك بالشق الأول حاجتنا شعارات فاضيه.. بس انا مو معك بالشق التاني لانو هيك منكون رجعنا للديكتاتوريه نحنا مابدنا نتخلص من حدا بس يكون حزب متل كل الأحزاب ضمن اظار عام للمارسة الديمقراطية..
ومعك بالشق الأخير تحيا سوريا

[القلب الدافئ]

الخلود للرجعية والإستبداد والظلم وإذا بدنا نخلص من رجعيتنا وبدنا نعيش كبني آدمين النا كلمتنا وصوتنا المسموع لازم نتخلص من الحزب بالأول لأنو الحزب هو واقف بطريق أي ديمقراطية ممكن تصير عنا بالبلد
وتحيا سورية حرة أبية

مو الحزب يا حبيبي الواقف بوش الدمقراطية
لان في نسبة من الشعب ما بيلبقلن الدمقراطية

لش ما بتدور على شي غير الدمقراطية السياسية فقط
متل ما صار بالعراق (فعلا شعب دمقراطي)
قال ديمقراطية خلي الشعب يتحضر شوي ويعرف يتعامل مع بعضو اول الشي بعدين فكرو بالدمقراطية

[VivaSyria]

كاتب النص الأصلي : souriana

ليش بقا ؟؟ فسرلي ياه
بجوز متل بعض الاعضاء مارح سميهم فكرت انو اذا حاطط صورة السيد الرئيس معناها يامخابرات يا اما شي شغلي متلها . ياسفني اخذل اللي هيك فكر لانو انا بوقف مع الحق

لا والله الموضوع مو موضوع لا صوره ولا فيميه و لا أنطينات بس الموضوع شوي ردودك احياتا بتكون شبيه بخطاب الحكومه الخشبي.. بس لاتزعل مني

[souriana]

كاتب النص الأصلي : مالي خايف

أنا ما أسئتلك بالكلام ولا حكيت عنك شي أو عن غيرك أنا حكيت عن حزب البعث

وهاد هو صلب الموضوع , انا كمان بحترم معتقداتك و بسمعها بكل سعادة

[مالي خايف]

في فرق كبير بين الشعب العراقي والشعب السوري إذا عم تقارن بين الشعبين يعني فرق من الأرض للسما

[VivaSyria]

كاتب النص الأصلي : القلب الدافئ

مو الحزب يا حبيبي الواقف بوش الدمقراطية
لش ما بتدور على شي غير الدمقراطية السياسية فقط
متل ما صار بالعراق (فعلا شعب دمقراطي)
قال ديمقراطية خلي الشعب يتحضر شوي ويعرف يتعامل مع بعضو اول الشي بعدين فكرو بالدمقراطية

رجاء ننسى كذبة انو أي تجربه ديمقراطيه بتساوينا متل العراق هاد البعبع انتهى نحنا الشعب السوري النا خصوصية انو طول عمرنا موحدين و شعبنا شعب مسالم و مثقف رجاءً حاج تهينو الشعب السوري بهالحكي..

لان في نسبة من الشعب ما بيلبقلن الدمقراطية

قديمه صارت هالأسطوانه رجا اقرأ الرساله و بتفهم شو عم حاول وضح.. الشعب يلي فيه شباب متل الشباب يلي هون بتلبقلو الديمقراطيه و ديمقراطيه أحسن من كل الديمقراطيات.. الشعب يلي بعدو عايش و عم يفكر بعد كل شي مرق فيه بيكون شعب خلاق و مبدع بس هنن وصلوه يلي هو فيه..

[YaSeR]

كاتب النص الأصلي : القلب الدافئ

مو الحزب يا حبيبي الواقف بوش الدمقراطية
لان في نسبة من الشعب ما بيلبقلن الدمقراطية

لش ما بتدور على شي غير الدمقراطية السياسية فقط
متل ما صار بالعراق (فعلا شعب دمقراطي)
قال ديمقراطية خلي الشعب يتحضر شوي ويعرف يتعامل مع بعضو اول الشي بعدين فكرو بالدمقراطية

طيب منجي معك وحدة وحدة

انت برايك مين يلي واقف بوش الديمقراطية ؟؟

وبعدين عم تحكي عن الشعب كانك مو واحد منو
انت شو يلي برايك وصل الشعب لهي المرحلة ؟