هيومن رايتس ووتش: قمع الناشطين مستمر بلا هوادة في سورية

[VivaSyria]

قالت هيومن رايتس ووتش اليوم أن على الدول الغربية السّاعية إلى تحسين علاقاتها مع سوريا أن تعلم بأن السلطات السورية ما زالت تعتقل وتحاكم وتضايق الناشطين السياسيين وناشطي حقوق الإنسان. ففي مايو/أيار احتجزت السلطات السورية كاتباً سياسياً وبدأت بمحاكمة اثنين من الناشطين ووضعت قيوداً على السفر بحق سبعة آخرين على الأقل. ووسط الدعوات المتزايدة في الدول الغربية لزيادة التعامل مع سوريا حثت هيومن رايتس ووتش على أن يكون تحسين معاملة هؤلاء الناشطين في صلب أي محادثات قد تجري في المستقبل مع السلطات السورية.

وذكرت صحيفة اللوموند الفرنسية اليومية في تقرير لها في 9 يونيو/حزيران 2008 أن الرئيس الفرنسي نيكولاي ساركوزي يخطط لإرسال اثنين من كبار المبعوثين هما جان دافيد ليفيت وكلود غيَّان إلى سوريا في 12 يونيو/حزيران، في خطوة لإذابة الجليد الذي اعترى علاقة البلدين بعد قطع الاتصالات بينهما العام الماضي بسبب الأزمة السياسية في لبنان. وفي الأسبوع الماضي اشترك اثنين من أعضاء مجلس الشيوخ الأمريكي هما جون كيري وتشاك هاغل في كتابة مقالة في صحيفة وول ستريت جورنال دعيا فيه إلى رفع مستوى التعامل مع سوريا عقب "الإعلان الأخير عن مفاوضات السلام بين إسرائيل وسوريا بوساطة تركية، وانجاز الاتفاق بين الأطراف اللبنانية في الدوحة".

وقالت سارة ليا ويتسن مديرة قسم الشرق الأوسط وشمال أفريقيا في هيومن رايتس ووتش "إن أي تعامل مع سوريا يجب أن يشمل نقاشاً مفتوحاً حول قضايا حقوق الإنسان، بما فيها مصير المعتقلين السياسيين وباقي السوريين الذين يشكون من الاضطهاد" وأضافت " ما زالت السلطات في دمشق تضايق كل من يجرؤ على انتقادها".

في 7 مايو/أيار أقدمت أجهزة الأمن السورية على اعتقال حبيب صالح وهو كاتب ومحلل سياسي يبلغ من العمر 60 عاماً، وتم اقتياده إلى مكان لم يكشف عنه حيث لا يزال بمعزل عن العالم الخارجي، وكان صالح قد كتب مقالات ينتقد فيها النظام السوري من بينها مقال يدافع فيه عن المعارض السياسي البارز رياض الترك. صالح كان قد تعرض للحبس مرتين في السابق بسبب كتاباته.

وبعد أيام قليلة، وتحديداً في 11 مايو/أيار أصدرت محكمة أمن الدولة السورية، وهي محكمة إستثنائية لا تتوافر فيها تقريباً أي ضمانات لمحاكمة عادلة، حكماً بالسجن لمدة ثلاث سنوات بحق طارق بياسي وهو مدوّن يبلغ من العمر 23 عاماً اعتقلته الحكومة في يوليو/تموز من العام 2007 بتهمة "الإساءة لأجهزة الأمن" على شبكة الانترنت واتهمته أيضا بـ"إضعاف الشعور القومي".

وفي 12 مايو/أيار بدأت محكمة عسكرية بمحاكمة محمد بديع دكّ الباب عضو المنظمة الوطنية لحقوق الإنسان، بتهمة "نشر معلومات كاذبة تنال من هيبة الدولة" بسبب كتابته مقالاً انتقد فيه السلطات السورية لقيامها باحتجاز كتّاب ومثقفين في الوقت الذي تحتفل فيه بدمشق كعاصمة الثقافة العربية لعام 2008. و بقي دكّ الباب قيد الاحتجاز منذ 2 مارس/آذار، فيما تم تحديد تاريخ 11 يونيو/حزيران موعداً للجلسة التالية لمحاكمته.

وكان دك الباب قد سجن في السابق بسبب نشاطاته، حيث حكم عليه بالسجن 15 عاماً في العام 2000 بتهمة الإنتماء إلى جماعة الإخوان المسلمين، وتم الإفراج عنه في عام 2005 بعد عفو رئاسي.

حالياً لا يزال 13 ناشطاً سياسياً بارزاً بينهم النائب السابق رياض سيف يقبعون قيد الاحتجاز بعد اعتقالهم في ديسمبر/كانون أول على خلفية حضورهم اجتماعاً لقوى المعارضة، وينتظر المحتجزون محاكمتهم بعدة تهم تشمل "إضعاف الشعور القومي وإيقاظ النعرات الطائفية" و " نشر أنباء كاذبة أو مبالغ فيها من شأنها أن توهن نفسية الأمة" و "الانتماء إلى جمعية تهدف إلى قلب نظام الحكم".

وقالت ويتسن "هؤلاء الناشطين يقبعون في السجن لأنهم تجرأوا على التعبير عن آرائهم" وأضافت "نأمل أن يظهر الدبلوماسيون الغربيون خلال محادثاتهم مع سوريا نفس الجرأة وأن يقوموا بإبلاغ السلطات السورية بأن عليها إطلاق سراح هؤلاء الناشطين".

كما تستمر السلطات السورية كذلك في تقييد حركة السفر خارج سوريا بحق المئات من الناشطين، وقد تأثر سبعة من السياسيين والناشطين في حقوق الإنسان بشكل مباشر بسبب هذه القيود خلال شهر مايو/أيار، فعلى سبيل المثال منعت السلطات المحامي مهند الحسني رئيس المنظمة السورية لحقوق الإنسان من السفر إلى بيروت في 21 مايو/أيار للمشاركة في برنامج تلفزيوني في قناة العالم لمناقشة أوضاع المحتجزين السوريين في المملكة العربية السعودية، كما منعت السلطات رئيس اللجنة الكردية لحقوق الإنسان رديف مصطفى من السفر إلى باريس للمشاركة في ورشة عمل تنظمها الشبكة الأورو- متوسطية لحقوق الإنسان في الفترة من19- 23 مايو/أيار.

وتشمل الأشكال الأخرى من المضايقة منع التجمعات والاجتماعات، فرغم حصول مازن درويش رئيس المركز السوري للإعلام وحرية التعبير على موافقة وزارة الثقافة لتنظيم مؤتمر حول "حرية الصحافة" في المركز الثقافي العربي بدمشق في 25 مايو/أيار إلا أن مسؤولاً في نفس الوزارة اتصل بالمركز قبل 15 دقيقة من موعد المؤتمر وأمر بإلغائه.

خلفية

الناشطين السبعة الذين تم منعهم من السفر خارج سوريا هم:

• عبد الستار القطان: احتجز في السابق لعلاقته بجماعة الإخوان المسلمين، وأفرج عنه لأسباب صحية في 12 يونيو/حزيران 2007، ويحتاج قطان إلى عملية غسيل كلى ثلاثة مرات في الأسبوع، حيث نصحه الأطباء بالسفر خارج سوريا لإجراء عملية زرع كلى.

• رديف مصطفى: محامي يرأس اللجنة الكردية لحقوق الإنسان، تم منعه من السفر إلى باريس للمشاركة في ورشة عمل تنظمها الشبكة الاورو- متوسطية لحقوق الانسان في الفترة من19- 23 مايو/أيار.

• مهند الحسني: محامي، رئيس المنظمة السورية لحقوق الإنسان، قام مسؤلو الأمن السوري بمنعه من السفر إلى بيروت في 21 مايو/أيار للمشاركة في برنامج تلفزيوني في قناة العالم لمناقشة أوضاع المحتجزين السوريين في المملكة العربية السعودية.

• رجاء الناصر ومحمد عبد المجيد منجونة : محاميان وعضوان في حزب الاتحاد الاشتراكي، تم منعهما من السفر في 8 مايو/أيار إلى اليمن للمشاركة في ورشة عمل نظمها المؤتمر القومي العربي.


المصدر :المرصد السوري

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[BL@CK]

من المنبر ..

المنبر للمواضيع الحوارية و ليس لنقل الأخبار ..

[VivaSyria]

ليش هاد مو موضوع حواري؟؟ أولو خبر بس الباقي كلها معلومات للحوار

[ماغنوم56]

اتهمات سياسيه موجهه
لها قصد واحد هو منع التواصل مع سوريا
مع باقي دول العالم

[VivaSyria]

كاتب النص الأصلي : ماغنوم56

اتهمات سياسيه موجهه
لها قصد واحد هو منع التواصل مع سوريا
مع باقي دول العالم

طيب شو رأيك انو الحكومة تلغي أسباب هالإتهامات و تطلع هالمعتقلين و تعطي الشعب شوية حرية؟؟ مو أحسن مو تاركه لكل المنظمات الحقوقية أسباب إنو يحكو؟؟ بعدين شو بتقصد بإتهامات؟؟ يعني هاد الحكي كذب؟؟

[BL@CK]

كاتب النص الأصلي : VivaSyria

ليش هاد مو موضوع حواري؟؟ أولو خبر بس الباقي كلها معلومات للحوار

حبيب أستفساراتك بتطرحا بقسم "البريد" .. مشان ما تنزع موضوعك بإيدك .. إنت تسأل و أنا جاوب .. مننزع الموضوع ..

في قسم خاص لأستفساراتك و أجوبتي ..

[ماغنوم56]

كاتب النص الأصلي : VivaSyria

طيب شو رأيك انو الحكومة تلغي أسباب هالإتهامات و تطلع هالمعتقلين و تعطي الشعب شوية حرية؟؟ مو أحسن مو تاركه لكل المنظمات الحقوقية أسباب إنو يحكو؟؟ بعدين شو بتقصد بإتهامات؟؟ يعني هاد الحكي كذب؟؟

اول شي في دوله بالعالم ما فيها معتقلين سياسين ؟؟؟؟
تاني شي مو مهم كذب ولا صدق المهم بالخبر شو سبب
صدورو من هيومن رايتس ووتش بهل الوقت تحديدا ؟؟؟
الجواب واضح لأن موجه سياسيا

[ayhamm26]

كاتب النص الأصلي : ماغنوم56

اول شي في دوله بالعالم ما فيها معتقلين سياسين ؟؟؟؟
تاني شي مو مهم كذب ولا صدق المهم بالخبر شو سبب
صدورو من هيومن رايتس ووتش بهل الوقت تحديدا ؟؟؟
الجواب واضح لأن موجه سياسيا

بتحب عدلك بالعالم كم دولة ما فيها معتقلين سياسيين؟؟ ما بقدر لانن كتير كتار بس مثلا دول الاتحاد الاوربي, الدول الاسكندنافية, ,انكلترا, امريكا, الهند, لك حتى دول اوربا الشرقية بطل فيها معتقلين سياسيين

قلك بالمقابل مين الدول اللي لساتها راكدة ورا مواطنيها اذا كتبولن شي تعليق على الانترنت

سوريا الاسد,كوريا الشمالية, كوبا, الدول العربية على اختلافها, ميانمار,

[VivaSyria]

كاتب النص الأصلي : ماغنوم56

اول شي في دوله بالعالم ما فيها معتقلين سياسين ؟؟؟؟
تاني شي مو مهم كذب ولا صدق المهم بالخبر شو سبب
صدورو من هيومن رايتس ووتش بهل الوقت تحديدا ؟؟؟
الجواب واضح لأن موجه سياسيا

مافهمت كيف مو مهم صدق أو كذب الخبر...لكن شو المهم؟؟ يا أخي أنا ما دخلني بمين قال الاتهامات.. دخلني بصح أو لاء؟؟ لأنو بالنهاية يلي بيهمني شو عم بيصير ببلدي

[ماغنوم56]

كاتب النص الأصلي : ayhamm26

بتحب عدلك بالعالم كم دولة ما فيها معتقلين سياسيين؟؟ ما بقدر لانن كتير كتار بس مثلا دول الاتحاد الاوربي, الدول الاسكندنافية, ,انكلترا, امريكا, الهند, لك حتى دول اوربا الشرقية بطل فيها معتقلين سياسيين

قلك بالمقابل مين الدول اللي لساتها راكدة ورا مواطنيها اذا كتبولن شي تعليق على الانترنت

سوريا الاسد,كوريا الشمالية, كوبا, الدول العربية على اختلافها, ميانمار,

الأتحاد الأوربي ما في مساجين سياسين ؟؟؟؟
اذا انتهى الحديث .

بس للعلم بالشيئ اليوم امريكا فيها مليونين ونص سجين
في جميع انواع التهم ومنها السياسيه
واعبرتها هيومن رايتس ووتش اكبر سجان في العالم

تقبل مروري

[ماغنوم56]

كاتب النص الأصلي : VivaSyria

مافهمت كيف مو مهم صدق أو كذب الخبر...لكن شو المهم؟؟ يا أخي أنا ما دخلني بمين قال الاتهامات.. دخلني بصح أو لاء؟؟ لأنو بالنهاية يلي بيهمني شو عم بيصير ببلدي

انت بهمك شو عم يصير ببلدك
وانا بهمني شو رح يصير ببلدك


تقبل مروري

[souriana]

لاول مرة بعتذر منك ياصديقي

اللي عم يقولو ماغنوم بايدو 100 %
من ناحية ما في بلد بالعالم مافي معتلقين سياسيين وصدقني اذا بقلك انو الديمقراطيات اللي عم نشوفها مزيفة , ما عم قول هيك مشان كتر حكي انما هاد شفتو بعيني
من ناحية الانفراج اللي عم تشهدو سورية عم يحاولو يقضوا عليه باي شكب وهالتقرير طلع بوقت انفتاح فرنسا من جديد على سورية اللي رح يعطي ضو اخضر لسورية باوروبا

[yass]

بس في عندي مداخلة صغيرة جدا...


مو صحيح انو بكل مكان في معتقلين سياسيين... مو صحيح أبدا..

و حتى لو في - عم قول حتى لو - فالخطأ عند جارك لا يبرر بأي شكل من الأشكال خطأك..

و بالنهاية ماني بحاجة تقارير حدا لحتى اعرف انو في شباب عم يضيع عمرها بالسجون ع كلمة و ع رأي ... و هاد الشي ما في شي بالدنية يبررو ... و كل تبرير لهالجريمة هو عذر أقبح - اذا في شي أقبح- من الذنب


و بالنهاية هامش كمان صغير: لما هيومان رايتس ووتش تحكي بالعاطل عن أميركا -بالحق- و تفضح كل تجاوزات السي آي أي - بالحق كمان- سبحان ألله نعمل عراضة لـ" هالمنظمة الحقوقية العريقة".. بس لما تقرّب صوب غسيلنا الوسخ نعملها مسيّسة و نطالع نظريات مؤامرة.... عجبي


و شكرا

[VivaSyria]

لك حلو عن رب قصة أمريكا بقا... كل ما حدا حكا كلمه بتقولو أمريكا لك شو دخلني بأمريكا.. أنا سوري سوري سوري بيهمني سوريا لسا كل ماحكينا كلمه عن الحريه بتقولولي امريكا... دخيلكن حدا يفهمني.. شو دخل قصة امريكا بالناس يلي بالسجون.. شو دخل امريكا بالفساد لك شو دخلها بحقوقنا يلي عم نطلبا.. وعلى فكرا يلي بيهمو شو رح يصير بالبلد بيهمو حرية شعبو و بيهمو ينهي الفساد و يقرر مستقبل بلدو.. حرام مشان ولادنا مو مشانا

[ayhamm26]

عن جد غريب امر الانظمة الديكتاتورية والاغرب هني المدافعين عنها

من فترة كنت عم تابع برنامج بيحكي عن الحياة بالمانيا الشرقية سابقا, شلون كانوا عم يحاولوا يضحكوا على المواطن المسكين ,اللي كان حلم حياتو يهرب على المانيا الغربية, ويقنعوا انو الديمقراطية الغربية زائفة وانو الديمقراطية تبعن هي التمام والامور كلها عم تتطور عندن

انا الي عايش بالغرب اكتر من 8 سنين , ولا مرة سمعت عن شي اسمو عندن معتقل سياسي والمصطلح مو موجود اصلا, بعض الحركات اليسارية او اليمينية المتطرفة اللي بتستخدم العنف ممكن يعتقلون بس هدول ما عد سياسيين انما مجرمين
اما حرية التعبير عن الراي وتبادل الافكار وانتقاد الحكومة هي كلها اشياء مفروغ منها عندن

على كل ما في فايدة الحجج موجودة دايما , يا اما شوفوا كل دول العالم فيها معتقلين سياسيين و غوانتنامو وما بعرف شو كمان
يا اما نحني شعب ما بتلبقلنا الديمقراطية والنتيجة شباب ومناضلين ومفكرين عم يدفعوا عمرن بالسجون مشان افكار, بس افكار

[ماغنوم56]

كاتب النص الأصلي : yass

بس في عندي مداخلة صغيرة جدا...


مو صحيح انو بكل مكان في معتقلين سياسيين... مو صحيح أبدا..

و حتى لو في - عم قول حتى لو - فالخطأ عند جارك لا يبرر بأي شكل من الأشكال خطأك..

و بالنهاية ماني بحاجة تقارير حدا لحتى اعرف انو في شباب عم يضيع عمرها بالسجون ع كلمة و ع رأي ... و هاد الشي ما في شي بالدنية يبررو ... و كل تبرير لهالجريمة هو عذر أقبح - اذا في شي أقبح- من الذنب


و بالنهاية هامش كمان صغير: لما هيومان رايتس ووتش تحكي بالعاطل عن أميركا -بالحق- و تفضح كل تجاوزات السي آي أي - بالحق كمان- سبحان ألله نعمل عراضة لـ" هالمنظمة الحقوقية العريقة".. بس لما تقرّب صوب غسيلنا الوسخ نعملها مسيّسة و نطالع نظريات مؤامرة.... عجبي


و شكرا

ياسين انا بعرفك بتقراء بين السطور
الموضوع مش مين الي قال او صح ولا غلط
وكمان مش تسيس الموضوع نفسو
الموضوع تسيس التوقيت
يعني كل المراقبين السياسين
بيعرفو ان سوريا محطوطه تحت المجهر
بعتبارها الرقم الصعب في المعادله الدوليه
لأخضاع المنطقه بالكامل
فا النقاش بالجوهر مش بالقشور

تقبل مروري

[souriana]

كاتب النص الأصلي : ayhamm26

عن جد غريب امر الانظمة الديكتاتورية والاغرب هني المدافعين عنها

من فترة كنت عم تابع برنامج بيحكي عن الحياة بالمانيا الشرقية سابقا, شلون كانوا عم يحاولوا يضحكوا على المواطن المسكين ,اللي كان حلم حياتو يهرب على المانيا الغربية, ويقنعوا انو الديمقراطية الغربية زائفة وانو الديمقراطية تبعن هي التمام والامور كلها عم تتطور عندن

انا الي عايش بالغرب اكتر من 8 سنين , ولا مرة سمعت عن شي اسمو عندن معتقل سياسي والمصطلح مو موجود اصلا, بعض الحركات اليسارية او اليمينية المتطرفة اللي بتستخدم العنف ممكن يعتقلون بس هدول ما عد سياسيين انما مجرمين
اما حرية التعبير عن الراي وتبادل الافكار وانتقاد الحكومة هي كلها اشياء مفروغ منها عندن

على كل ما في فايدة الحجج موجودة دايما , يا اما شوفوا كل دول العالم فيها معتقلين سياسيين و غوانتنامو وما بعرف شو كمان
يا اما نحني شعب ما بتلبقلنا الديمقراطية والنتيجة شباب ومناضلين ومفكرين عم يدفعوا عمرن بالسجون مشان افكار, بس افكار

حبيبي انت الله الحرية والديمقراطية بس لاتزعل

صحيح انو في مظلومين بين المعتقلين
بس حكينا عن التقرير اللي طالع

[VivaSyria]

كاتب النص الأصلي : souriana

حبيبي انت الله الحرية والديمقراطية بس لاتزعل

صحيح انو في مظلومين بين المعتقلين
بس حكينا عن التقرير اللي طالع

التقرير بيحكي عن هدول المظلومين و المعتقلين ياصاحبي