وزير النقل وسفير الصين يتجولان في باصات النقل الداخلي باللاذقية

[ابو ريتا]

بهدف الاطلاع على الباصات الحديثة التي وضعت بالخدمة مؤخراً ,استقل د.يعرب بدر وزير النقل برفقة سفير الصين بدمشق \لي هواشين\ إحدى الباصات العاملة على الخطوط الداخلية بمدينة اللاذقية ,واطلاعا من الركاب حول رأيهم بالباصات الحديثة وأعطى الوزير بعض الملاحظات مثل ضرورة الالتزام بالمواقف وإغلاق الأبواب قبل مسير الباص وضرورة الالتزام بالوقوف على المواقف الرسمية,كما أشار إلى العمل على دراسة إصدار بطاقات اشتراك شهري للركاب وتكون مخفضة للطلاب .
وحول سؤال احد المواطنين للوزير عن إمكانية تخديم الريف ,أكد الوزير انه في هذه المرحلة لايمكن ذلك ولكن مع الباصات القادمة العام 2009\2010, وعددها \1000\باص مكيفة وحديثة يمكن النظر في الموضوع.

شام برس

[sallohs]

يا حرام سفير الصين حيبكي من هالركبة ما بيتوقع بحياتو يركب هيك باص مئنتن لك وفرحانين فيهن ايه شو جايبين باصات مرسيدس كلون باصات صينية نوع عاشر

[ابو ريتا]

كاتب النص الأصلي : sallohs

يا حرام سفير الصين حيبكي من هالركبة ما بيتوقع بحياتو يركب هيك باص مئنتن لك وفرحانين فيهن ايه شو جايبين باصات مرسيدس كلون باصات صينية نوع عاشر

بس هي باصات من صنع بلدو

[sallohs]

كاتب النص الأصلي : ابو ريتا

بس هي باصات من صنع بلدو

اي أخي أبو ريتا لأنو من صنع بلدو رح يبكي لأنو بيعرف شو هنن

[ابو ريتا]

كاتب النص الأصلي : sallohs

اي أخي أبو ريتا لأنو من صنع بلدو رح يبكي لأنو بيعرف شو هنن

انت طلعت فيهن ؟

[was616im]

ايه ان شالله خير .... بس شوفيرية السرافيس شو صار فيهن؟؟

في عيل كبيرة عايشة من ورا السرافيس

[sallohs]

كاتب النص الأصلي : ابو ريتا

انت طلعت فيهن ؟

لا والله ما طلعت فيهون بس إذا رجعت على سوريا بجربون

[YaSeR]

يعني والله ما بعرف صارو نافضينا 100 منية بهالباصات وكل يوم والتاني بيحكو عنون
اي شو هالانجاز العظيم هاد
كلون هال 600 باص وصيني ومو معروفة قرعة ابو الشركة
مايكونو جايبين مرسيدس او فولفو او سكانيا شو كانو عملو

[ابو ريتا]

كاتب النص الأصلي : was616im

ايه ان شالله خير .... بس شوفيرية السرافيس شو صار فيهن؟؟

في عيل كبيرة عايشة من ورا السرافيس

بيكشوا حمام

[was616im]

كاتب النص الأصلي : YaSeR

يعني والله ما بعرف صارو نافضينا 100 منية بهالباصات وكل يوم والتاني بيحكو عنون
اي شو هالانجاز العظيم هاد
كلون هال 600 باص وصيني ومو معروفة قرعة ابو الشركة
مايكونو جايبين مرسيدس او فولفو او سكانيا شو كانو عملو

كانو حطوهن منظر للفرجة بس مشان ما يخربوا

[بنفسجة]

حلووووووووووووووووووووووو ووووووووووين كتيييييييييييييير كتييييييييييييييييييير
عنجد حلوين
لك مادخل شوفيرية السرافيس بالقصة
اصلا كان في نقل داخلي باللاذقية بس قديم وهلق جددوه
مع الحفاظ على السرافيس

[ابو ريتا]

كاتب النص الأصلي : بنفسجة

حلووووووووووووووووووووووو ووووووووووين كتيييييييييييييير كتييييييييييييييييييير
عنجد حلوين

الله يحلي ايامك ، نورتي

[THE_unforgiven]

طولو بالكن يا شباب .... انا طلعت فين وجربتن .. الباصات ممتازين وعجبوني ... كمان خيو بيضلو أحسن بألف مرة من باصات البلدية القديمة اللي صرلا 35 سنة عم تشتغل ... وع فكرة نوعية الباصات الجداد (KING LONG) وهي شركة صينية محترمة طالعة جديد ... وشكرا ... فقط للفت النظر ..

[ابو ريتا]

كاتب النص الأصلي : +++ THE PUNISHER +++

طولو بالكن يا شباب .... انا طلعت فين وجربتن .. الباصات ممتازين وعجبوني ... كمان خيو بيضلو أحسن بألف مرة من باصات البلدية القديمة اللي صرلا 35 سنة عم تشتغل ... وع فكرة نوعية الباصات الجداد (KING LONG) وهي شركة صينية محترمة طالعة جديد ... وشكرا ... فقط للفت النظر ..

وأخيرا عاقل يحكي ، شكرا كتيير خيو ، نورت

[حلبي]

الحمد لله و الله هيك أخبار بتفرح و عقبال المترو و الطيران يصيرو في البلد محلولة مشكلتون و الخير أنشألله الى الأمام

مشكور أخي أبو رينا على نقل الخبر

[ابو ريتا]

نورت حلبي

[Government]

وعجب دفعوا حق الركبة ولا طلعو هيك بلف ومخورفة ؟؟

[Government]

يا اخي شكلو سفير الصين مالو دافع .. من منظرو مبين بلهموطي وعامل شي عملة وخايف ينأفش