تعرف على الدوائر التي تحيطــك . .! !

[dot]

أشارت دراسة نفسية قام بها البروفسور (بيتر مارش ) أستاذ علم النفس بجامعة كمبريدج إلى أن لكل إنسان (مياهاً إقليمية) و (حدوداً) تماماً مثل الدول ...
إن كلاً منا يجلس في منصف ثلاث دوائر غير مرئية تحيط به لا تسمح باختراقها إلا لمن نحبهم فقط وننزعج إذا اقتحم علينا حياتنا –أو دوائرنا- أشخاص غير مرغوب فيهم ...
وأقرب مثال (( لو أنك كنت جالساً على شاطئ البحر الخالي من البشر وتراقب غروب الشمس .. لماذا تضيق وتتوتر إذا اقترب منك أحد الغرباء بجوارك ؟ ... رغم أنه لم يقتحم هدوءك بالكلام فإنك تضيق به وتعتبره قد اقتحم عزلتك ، وتتمنى لو رحل عنك ...
في حين أنه في الحقيقة لم يقتحم سوى إحدى الدوائر الثلاث التي تحتفظ بها لأحبائك وأقرب الناس إليك ))

وهذه الدوائر التي حددتها الدراسة هي :

الدائرة الأولى :

وتبعد حوالي نصف متر عن جسم الإنسان –أي بامتداد الساعد فقط – وهذه الدائرة تحدد ما يطلق عليه العلماء (المنطقة الحميمة) التي تحيط بأجسادنا مباشرة ، ولا نسمح بدخولها لغير الأحباب وأقرب الأقرباء .

الدائرة الثانية :

وهي أوسع من الدائرة الأولى ... وتبعد حوالي متروربع عن أجسادنا أي بامتداد الذراع وزيادة .
وهذه الدائرة تحدد إطار الصداقة مع الذين نتعامل معهم من الأصدقاء والجيران وزملاء العمل أو كل من نتعامل معه بشكل غير رسمي .
في هذه المنطقة أو الدائرة تسمح المسافة بالمصافحة واللمس البعيد والمخاطبة والرؤية الشاملة . .

الدائرة الثالثة:

وهي أوسع الثلاث حيث تبعد عن الجسم جوالي أربعة أمتار وهذه الدائرة تمثل المنطقة الاجتماعية التي تشمل من يحيطون بنا في حفل صغير مثلاً ونتعامل فيها مع الغرباء .
وخارج الدائرةالثالثة يقع مايسمى بـ (المنطقةالعامة)
التي يتواجد فيها الناس حولنا في الشارع أو الأسواق بدون أن يثيروا أدنى اهتمام. . وإذا تم التعامل فيها بشكل عابر كالتلويح لشخص عبر الطريق .

[Reemi]

فعلاً.. انا كتير بشعر بهالأمر .. في بعض الاحيان بتنكرز وبعصب جدا اذا حد اقترب من حدودي .. بعتبرو تعدي ع خصوصياتي ..

[مايا *]

كاتب النص الأصلي : dot

الدائرة الأولى :

وتبعد حوالي نصف متر عن جسم الإنسان –أي بامتداد الساعد فقط – وهذه الدائرة تحدد ما يطلق عليه العلماء (المنطقة الحميمة) التي تحيط بأجسادنا مباشرة ، ولا نسمح بدخولها لغير الأحباب وأقرب الأقرباء .

يمكنـ هاي الي بسموها الـ Aura أو الـ هالة بالعربي و كتير بيركزو عليها بالديانة الهندوسية و البوذية ..

شغلة كبيرة ..

[محمد ابراهيم]

هو كلام تمام بس احيانا بيحصل معي انو بشوف شخص لاول مرة وبحس اني بعرفو من زمان وبكون مرتاح جدا الو نفسيا ، وبيدخل الدائرة الثانية مباشرة على الرغم من انو فعليا غريب بالنسبة الي .


في نقطة هامشية : لو صبية حلوة مابعرفعا وقربت مني وبدها تدخل الدايرة الاولى (الحميمة) هاد يسعدني
مع اني مابعرفها اصلا ولاهي قريبة مني (شو رأي الشباب بهالموضوع ؟ ) بعتقد هاد بينقض النظرية من اساسها

[مايا *]

هو كلام تمام بس احيانا بيحصل معي انو بشوف شخص لاول مرة وبحس اني بعرفو من زمان وبكون مرتاح جدا الو نفسيا ، وبيدخل الدائرة الثانية مباشرة على الرغم من انو فعليا غريب بالنسبة الي .

ما بتعرف أنو : الأرواح جند مجندة ماتعارف منها ائتلف ! ,

[Nassima]

كلامك صحيح
فعلا بنشعر بهاد الشي و بنحب تكون عندنا خصوصياتنا و ماحد يقرب عليها الا إذا سمحنالو و بننزعج إذا تخطاها

[butterfly]

كتير بتزعجني هالقصة .. أنا من الأشخاص اللي بحاجة لمساحة يتحركو فيها .. كتير بتضايق إذا حدا حسيت انو عم يقيد هالمساحة

شكرا للموضوع

[SelavI]

شكرا
الموضوع رائع
انا حساس جدا بالنسبة للاشخاص الاخرين ولكن لا اظهر ذلك
ولكن اظن ان عندي خمس دوائر

[اسبيرانزا]

هذا الكلام اكيد بنشعر بيه
لكن بما انك دخلتها دائرة علمية
فيك تقولنا ع معلومة كيف رصد هؤلاء العلماء هذه الدوائر وابعادها ؟

[محمد ابراهيم]

كاتب النص الأصلي : مايا *

ما بتعرف أنو : الأرواح جند مجندة ماتعارف منها ائتلف ! ,

سمعتها بخطبة من قبل ولكن !!!

ويسألونك عن الروح قل الروح من أمر ربي وما أوتيتم من العلم إلا قليلا

[مايا *]

سمعتها بخطبة من قبل ولكن !!!

اي صح و لكن إلها كمالة :

وما تناكر منها اختلف ! ..

ويسألونك عن الروح قل الروح من أمر ربي وما أوتيتم من العلم إلا قليلا

اي هاد الي فوق الـ قليلا ..

[Abu ToNi]

من فترة سنة تقريبا كان عندي تحضير موضوع عن لغة الجسد
بالكتاب اللي استعرته من المكتبة كان مذكور هاد الشي
وبحسب الكتاب
انه الهالة هي او الدائرة هي تبع التفاعل
يبختلف قطرها بحسب الكثافة السكانية

يعني
اهل المدينة في اعداد كبيرة بمساحات صغيرة وبالتالي بشكل غير متحكم فيه بقل نصف قكر الدائرة اللي بتم فيها التفاعل
بالوقت اللي فيه اهل الريف واللي بكون في كثافة سكانية منخفضة بتكون الدائرة اكبر بالنسبة للشخص

الشي اللي ممكن يفسر عملية القاء التحية بالمدينة بتم عبر المصافحة اما عبر الريف بتم عبر التلويح من بعيد باليد .

فكرة الموضوع كتير مميزة وكتير فعالة وفي الها كتير دراساتها اللي عبتصير لكن بعادة " مدري ليش " بكون متل هيك دراسات شبه سرية وما حدا بيحصل على نتائجها الا لبعد فترة كتير طويلة .

[محمد ابراهيم]

اي هاد الي فوق الـ قليلا ..

بخصوص الدراسات العلمية ، رح اصارح باعترف هون بشغلة هي ان طبيعة العلوم تراكمية (يعني الجديد بيتم بناؤه على القديم ) ولكن في كثير من الاحيان الجديد بيحل محل القديم او بيلغي القديم تماما وبيثبت خطئو وهذا معناه انو تقريبا كل لما نوصل لقدر اكبر واعمق وأصح من العلم بنعرف انو كنا على خطأ بالماضي وبيستمر الوضع على هذه الطريقة الى الابد ومافي حدا بيقدر يجزم بصحة دراسة بالمطلق ، الا ان اي دراسة بتكون صحيحة وفقا للظروف الحاضرة او للوقت اللي خرجت فيه ، لانو وقتها ما كان في حد يقدر يثبت الخطأ او القصور اللي فيها . ومثلا عندك :

1- العلماء كانوا معتقدين ان التيار المهربي بيسري من الموجب الى السالب وقامو بعمل الاف الاجهزة الكهربائية والمتطورة بناءا على اعتقادهم وبعد عشرات السنين اكتشفوا ان التيار الكهربي بيمر من السالب للموجب (طبعا كانت مفاجاة مذهلة) الا انهم لم يجدوا حلا لتصحيح هذه المشكلة وظل العمل تحت هذه الفكرة حتى بعد ان علمو بخطأها ، فلو حاول العلماء تغيير فكرة ان التيار يمر من الموجب الى السالب فإن النظريات القديمة ستنهار وسينهار معها كل التقدم الذي وصلوا له ، فما كان منهم الا (اعتماد الفكرة الخاطئة والاستمرار على العمل بها )
2- لو كنتي مهندسة مدنية وطلبت منك تصممي الى سور لمدينة كبيرة على شكل مربع وطلبت منك تعملي الي طول الضلع 10 كيلو متر وقمتي بتصميم السور للمدينة (هل تعتقدي انك من الناحية العلمية عملتي اللي طلبتو منك ؟ )
الاجابة لاء
لانو الارض كروية ، اذا بتعرفي كرة تنس ؟ تخيلي هالكرة ولكن بمليون ضعف حجمها (يعني رح تكون كرة ضخمة جدا وحاولي ترسمي خط مستقيم اللي هو طول ضلع سور المدينة المربع (كيف رح تعملي خط مستقيم على كرة ؟؟ هاد هو الحال مع الارض (الارض كروية متل كرة التنس تقريبا ) مستحيل تعملي خط مستقيم عليها ( والعلماء ظلو لقرون معتقدين ان الارض مسطحة وغير كروية وبالتالي كل قياساتهم ونظرياتهم كانت غلط بغلط وحتى بالفضاء مافي شيئ اسمو خط مستقيم ولا في حركات مستقيمة (كلو بيدور في حركات حلزونية او اشبه بالدائرية ) ولكن العلماء قديما كانو معتقدين خلاف ذلك وهكذا وهكذا
كانو معتقدين ان الارض ثابته والشمس هي اللي بتدور حولها وطلع العكس !!! وبعدين اعتقدو ان الشمس ثابته والارض هي اللي بتدور وبعدين اكتشفوا ان الشمس لها اكثر من حركة وهي ليست ثابته اصلا !!!
وما بقدر اخبرك لوين رح يوصلو ،بس بقدر اخبرك انو كل لما رح نعرف اكتر رح نكتشف اننا كنا مابنعرف اصلا !!! وهكذا رح ندور بسلسلة لا نهائية .

كاتب النص الأصلي : مايا *

اي صح و لكن إلها كمالة :

وما تناكر منها اختلف ! ..

ليش ما كتبتهيا بالاول !!!

سمعت انو معناها انو الارواح مجموعات مختلفة
الارواح المتشابهة بتتقارب وتتجمع والمختلفة بتتباعد وتتنافر

يعني مثل الطيبون للطيبات والخبيثون للخبيثات

[مايا *]

وما بقدر اخبرك لوين رح يوصلو ،بس بقدر اخبرك انو كل لما رح نعرف اكتر رح نكتشف اننا كنا مابنعرف اصلا !!! وهكذا رح ندور بسلسلة لا نهائية .

أنا علقت على الآية الي زكرتها ..
و أكدتلك أنو ما أوتينا إلا قليلا .. بس ..

ليش ما كتبتهيا بالاول !!!

سمعت انو معناها انو الارواح مجموعات مختلفة
الارواح المتشابهة بتتقارب وتتجمع والمختلفة بتتباعد وتتنافر

خليت للودّ طائة مفتوحة ..

لا الفكرة هيي أنو الأرواح بتمرّ بـ 3مراحل ( تفسير الحديث )

بتبدى بعالم الذر .. و من بعدها بعالم الواقع .. و عالم البرزخ .. الي هوي بعد الموت ..
فبتكون إجتمعت بالعالم الأول .. و تعرفو على بعض و هيك ..

يبدو أنو كنا بطريقين متوازيين ..

[محمد ابراهيم]

كاتب النص الأصلي : مايا *

أنا علقت على الآية الي زكرتها ..
و أكدتلك أنو ما أوتينا إلا قليلا .. بس ..



خليت للودّ طائة مفتوحة ..

لا الفكرة هيي أنو الأرواح بتمرّ بـ 3مراحل ( تفسير الحديث )

بتبدى بعالم الذر .. و من بعدها بعالم الواقع .. و عالم البرزخ .. الي هوي بعد الموت ..
فبتكون إجتمعت بالعالم الأول .. و تعرفو على بعض و هيك ..

يبدو أنو كنا بطريقين متوازيين ..

قليل العلم حتى بيظهرنا بمظهر متدني جدا علميا خصوصا مع كل دراسة حديثة بتوضح تصوراتنا الغلط في دراستنا السابقة .
وتوضيحك لل3 مراحل عجبني ( هلاء بعتقد الطريقين متقاطعين ؟)

[مايا *]

قليل العلم حتى بيظهرنا بمظهر متدني جدا علميا خصوصا مع كل دراسة حديثة بتوضح تصوراتنا الغلط في دراستنا السابقة .

هلا بما أنو لحنا على يقين أنو لا ينطق عن الهوى , فتصوراتنا قائمة منبحث عن إثبات فقط ! و لا كيف ؟

( هلاء بعتقد الطريقين متقاطعين ؟)

وين بالظبط !

[محمد ابراهيم]

ولا رح اتعب حالي بايجاد اثبات ، الاثبات بيجي لحالو ،طالما في الله يبقى مافي داعي نقلق اصلا (نحنا نعمل اللي علينا وهو رح يتكفل بالباقي)

بالنسبة للتقاطع ( والله انا مابعتقد انو في حدا روحي اتقاطعت معو بالماضي ) مافي حدا بيشبهني حتى انا ما بيشبهني وهاد لحسن حظ البشرية لانو 2 مني خراب على البشرية ، ليش رح اعتقد انو في تقاطع !!! هو بس كنت بمزح معكي .

[مايا *]

بالنسبة للتقاطع ( والله انا مابعتقد انو في حدا روحي اتقاطعت معو بالماضي ) مافي حدا بيشبهني حتى انا ما بيشبهني وهاد لحسن حظ البشرية لانو 2 مني خراب على البشرية ، ليش رح اعتقد انو في تقاطع !!! هو بس كنت بمزح معكي .

التقاطع ما بيعني التشابه هون .. بيعني الإئتلاف ..
يعني أرواحنا بتألف بعض و منسمح لبعض بالتعفيس بهالات بعض .. و هكظا ..
هلا أنت و الحق يقال بتألفني مدري كيف .. بس عم تكابر