سرافيس دمشق

[jzmati]

بعض ميزات سرافيس النقل التي تتميز بها سرافيس مدينة دمشق :
‏محاسبة السائق :
- ‏إيصال النقود للسائق وترجيعها للراكب ‏يتم بالتسلسل بمساعدة الركاب بين السائق والراكب .
- ‏عطيت ‏السائق 1000 أو 500 يعني ما بدك تحاسب .
- ‏كثيراً ما يتم صرف ‏النقود بين سرفيس وسرفيس أو بين سرفيس وتكسي: يحتاج لمزامنة حيث يسير الاثنان بنفس ‏السرعة وتتم مبادلة القطع بالاستعانة بركاب المقعد الأول إن وجدوا .
- ‏الشخص يلي بيقعد وراء الشوفير هو عادة المصب ‏لنقود كل الركاب : عليه أن يحسب لكل واحد كم أعطى وكم بقي له و في بعض الأحيان يمكن ‏أن يغافل الركاب و السائق معاً بعد لم الغلة و يقول (عاليمين زكاتك) عادة بعد ‏اكتمال ‏المبلغ بدقة لدى السائق يتم صرف أكثر من عشرة إلى ‏خمستين أو خمسين إلى خمس وعشرينتين .

‏في داخل السرفيس :
- ‏أحياناً يقوم الركاب بتبديل ‏أماكنهم إما للجلوس أمام صديق أو للتقريب من الباب أو أحياناً للتبعيد ‏عنه .
- ‏إذا نزل واحد من الركاب القاعدين، وأراد بعض الركاب ‏الجدد الصعود ، أولوية الجلوس على المقاعد التي أصبحت فارغة للمقرفصين حسب شطارتهم .
- ‏عادة يصعد القادمون قبل نزول ‏النازلين .
- ‏كثيرا ما يصعد أو ينزل الركاب على ‏الماشي

‏الباب :
- ‏إذا يلي نزل أو طلع ما سكر ‏الباب ، يستخدم السائق نظرية انحفاظ كمية الحركة لتسكيره .
- ‏أحياناً إذا السائق ما وقف مكان ما بدو الراكب قد ينتقم الراكب بتسكيرة باب عنيفة .
- ‏للتخلص من مشاكل الباب قام العديد بتركيب باب يعمل ‏بالكهرباء (وبحط ورقة ع الباب بتقول "أنا الباب :اتركني بحالي بفتح وبسكر لحالي" )

على الطريق :
- ‏في محطات شاي وعرقسوس ودخان وحتى ‏صندويش خصوصاً للسائقين .
- ‏إذا ما في خط فاضي باتجاه الروحة ‏خود واحد باتجاه الرجعة وحاسبو دبل .
- ‏أحياناً يطلب السائق ‏من الركاب النزول والصعود إلى سرفيس أخر: يتم هذا بعد تنسيق واتفاق بين السائقين ‏إما بالإشارات أو حسب اتفاقيات مسبقة.
- بعض السرافيس لا تنطلق إلا إذا اكتمل العدد (مع المقرفصين او المقاعد الإضافية). يعني ما في مجال أمام الركاب المنتظرين على الطريق (بدك تروح لأول الخط)

‏المقعد ‏الأمامي :
- ‏عادة يجلس الرجال في المقعد الأمامي.
- عند ‏نزول الركاب المزوقين بهدف إتاحة المجال لأحد الركاب في العمق بالنزول ، يعود ‏المحظوظ منهم للمقعد الأمامي إذا كان في فراغ .
-‏ المقعد ‏الأمامي يتسع لشخصين: فيك تحجزه لوحدك كاملاً بأن تدفع عن راكبين. عند امتلاء ‏المقاعد الخلفية على القادم الجديد أن يجلس القرفصاء ولو الراكب ‏المرفه بالأمام قاعد لحاله وما معه أغراض .

‏فوائد للسرفيس وهي :
1 - ‏زيادة التواصل ‏الاجتماعي و فرص التعارف بين المواطنين .
2 - ‏تعليم ‏المواطنين أسس المحاسبة من خلال عمليات جمع و طرح و تقسيم الغلة مما يؤدي لزيادة ‏قدرات المواطنين الحسابية و الرياضية .
3 - ‏التعرف على آخر ‏الأعمال الفنية لمطربي السرافيس و الكراجات .
4 - ‏تحسين ‏اللياقة البدنية للمواطنين بسبب مزاولتهم لرياضة الجري وراء السرافيس و القفز الحر من السرفيس أثناء السير

[jzmati]

أنا آسف نسيت قول إنو منقول

[موجه بحر]

مو بيقولو شر البلية ما يضحك
عنجد حالة بتأسي بس الحمد لله الحالعنا مو كل هالقد ع السرافيس بس الزحمة ع التايتنانيك ( الباص) مأساة حقيقية

[ابو عمير السوري]

أثرت فينا الذكريات ياحباب وشهيتنا نرجع نركب الجرادين البيضاء.........ويمكن سنضطر مرغمين على ركوبها بعد استفحال مرض ارتفاع الأسعار

[رنده86]

كاتب النص الأصلي : jzmati

‏فوائد للسرفيس وهي :
1 - ‏زيادة التواصل ‏الاجتماعي و فرص التعارف بين المواطنين .
2 - ‏تعليم ‏المواطنين أسس المحاسبة من خلال عمليات جمع و طرح و تقسيم الغلة مما يؤدي لزيادة ‏قدرات المواطنين الحسابية و الرياضية .
3 - ‏التعرف على آخر ‏الأعمال الفنية لمطربي السرافيس و الكراجات .
4 - ‏تحسين ‏اللياقة البدنية للمواطنين بسبب مزاولتهم لرياضة الجري وراء السرافيس و القفز الحر من السرفيس أثناء السير

اي والله

درر

[بنفسجة]

اي والله صحيح
وهي شغلة انو تعطي الشوفير 1000 او 500 مو بس بدمشق معناها مابدك تحاسب بطرطوس كمان

[saman]

صحيح انا منزل الموضوع من قبل ...
بس ميرسي

[jzmati]

أنا آسف كتير.. ما كنت عرفان..

[Placebo]

عنجد حلوة .. صحيح شو مشان الختيار/ة يللي لما بيطلع بتلاقي شي مزوق قام من مقعدوا مشان يقعدو محلو ؟؟

[مسطول على طول]

مع أنو نادراً ماأطلع بالسرفيس بس الموضوع ماترك شي تقريباً وبدنا شي حلبي أو حومصي يحكيلنا عندون شو عم يصير

رغم كل قصص السرافيس المزعجة بس أفضل بألف مرة من مواصلات الدولة سابقاً (الباصات الخضر والبرتقالي)

فوائد للسرفيس وهي :
1 - ‏زيادة التواصل ‏الاجتماعي و فرص التعارف بين المواطنين .
2 - ‏تعليم ‏المواطنين أسس المحاسبة من خلال عمليات جمع و طرح و تقسيم الغلة مما يؤدي لزيادة ‏قدرات المواطنين الحسابية و الرياضية .
3 - ‏التعرف على آخر ‏الأعمال الفنية لمطربي السرافيس و الكراجات .
4 - ‏تحسين ‏اللياقة البدنية للمواطنين بسبب مزاولتهم لرياضة الجري وراء السرافيس و القفز الحر من السرفيس أثناء السير

احلى فوائد

[3ajeeb]

طالب جامعة متأخر عالمحاضرة يصعد ..
خمس ليرات (ورق" خضرا يا بلادي خضرا")

-عمول معروف.
-واحد..
(صوت المكرو يعن)
-اي نعم رجّعلي ليرة
-يعني واحد.

الطالب سافر عالمهجر

مأخوذ عن قصة حقيقية .حمص- كورنيش شرقي

[leoprad]

نسينا السرافيس بعد السيارة
ذكرتني بايام زمان يرحم جدك