مواطن سوري بئ البحصة ..

[Mr_EkHeLiS]

ولدت هكذا مثل كل ابناء جيلي وهي في حلقي ، تعايشت معها وباتت جزءاً مني ، تسكن مكان الحنجرة ، معلول بالعلامة الظاهرة في عينيّ تقديرها الكسر ومنع من خروجهاضرورات السلامة العامة.

في يوم من الايام حاولت التخلص منها ، وكان شعورا غريبا يشبه شعور عمليات انفصال التوائم الملتحمة من جهة الرأس ، خيل لي فجأة بان الحياة معها محال وعلي ان اخرجها من حنجرتي.

ركبت أول تكسي متوفر وقلت له امضي بي في شوارع العاصمة ، حيث ان الركوب في سيارة على طرقات العاصمة مثل الركوب في " الجيب واظ " على طريق غير معبد ، واذا نظرت الى الركاب داخل السيارات على طرقات بلدي المعبدة من مكان ثابت ( بحسب نظرية النسبية ) ، ستراهم وكأنهم جالسين على كرسي الاعدام الكهربائي يهتزون جماعة بحركة متماثلة متسقة مع حفر الطريق ..

ومضت بي السيارة من امام تمثال يوسف العظمة مرورا بالصروح السياحية وصولا الى مبنى القيادة القطرية .. كله محفر ، حيث أي مسؤول" بهل البلد " يمكنه ان يزج بنصف الشعب بالسجون لكنه لا يستطيع ان يجبر متعهد على ان " يزفت " شارعا وفق المعايير المتبعة حتى في زمبابوي ..

لم تخرج البحصة ..

فتحت الاشارة وتوهج اللون الاخضر ( الذي يسمح حصرا في اشارات المرور) .. وسار صاحبنا سائق التكسي ، في طريقه يصطاد الحفر وينزل فيها ليساعدني دون فائدة ..

صافرة .. شرطي قفز الى نصف الطريق .. وشاح بأربعته ( يديه ورجليه ) يشير للسائق ان يقف الى يمين الطريق .. توقف السائق .. وبدأت العاب الخفة .. مضى السائق .. وفتح لي يده لم اجد شيئا .. نظرت الى الشرطي كان يضع الـ 25 ليرة في جيبه .. ( يا سبحان الله ) .. يلعبون هذه اللعبة دائما عندنا .. فشر " كوبر فيلد " الذي اخترق سور الصين العظيم .. عندنا هناك الكثيرون الذين اخترقوا جدار الضوء في رحلتهم بين الفقر و كوكب الثراء الفاحش ( على الاغلب المريخ ) ..

توقف السير فجأة .. وانحشرنا في ازدحام كبير .. وانا عينيّ على العداد .. يزداد " تمريك " الليرات وانا واقف والبحصة في حلقي .. ترجلت وتركت سائق السيارة لمصيره المظلم .. وسرت مع الجموع اهتف كما يهتفون وارفع ما يرفعون واحمل فوق كتفي من يحملون ..

وجاء الفرج .. عندما انفرجت امامي الصورة وبانت ساحة الدبكة .. وساقتني الغريزة وكأني القى حبيباً بعد طول فراق .. وبت اطلع وانزل وادبك .. ادبك واحجل واصيح ويزداد صياحي ونشاطي كلما اقتربت من الكاميرا او من منصة التشريف ..

حب قديم .. ثلاثون عاما ،ذات المسؤولين والكراسي والستائر الخمرية والشعر الاسود المصبوغ والشوارب الغليظة والوجوه المتجهمة والعيون " الزاورة " والرؤوس المشرئبة بفعل الانجازات .. ذات الاناشيد ومكبرات الصوت المبحوحة ..

والورقة تطوى وتفرد .. وتنتقل من يد الى يد .. مرة يقرؤونها علينا على اساس انها بيان وزاري ومرة على انها برنامج اصلاح واخرى على انها خطة خمسية ، مرة بيان حرب واخرى ورقة سلم .. في الاعياد الوطنية والمناسبات القسرية ..

ونحن فرحون نصفق ونهلل و يسحب الاب ابنه والجد حفيده الى الساحة وندبك .. وادبك . وبت انط مثل الكنغر .. ولم " ابق " البحصة بعد ..

سرت مع الارتال التي انفضت من الرقص في الساحات .. سقطت اللافتات واتكأت السواري على الاكتاف المتعبة ، وصمتت الجموع وطأطأت الرؤوس وترجل الهتّافون من على الاكتاف لتمتطيها الهموم من جديد ..

وانحشرت مع الجموع في " سرافيس " الجحيم .. الى منازلنا في السكن العشوائي .. انتظرت عند باب البناء .. حوالي الساعة .. مر بائع المياه .. اشتريت بـ 25 ماءا للشرب ..وصعدت الى البيت ..

على ظهري .. اثر من " قفا " المسؤول في ساحات الدبكة .. واحمرار طفيف من اثر العصا الغليظة التي اسندت فيها " بيدون الماء " وانا احملها على كتفي الى الطابق الثالث ، وتشنج مزمن بعمر همومي التي ولدت قبلي . .

خرجت البحصة .. اول ما نطقت زوجتي تسرد علي قائمة الطلبات اليومية ..

وقضيت باقي الليل ابحث عنها في زوايا البيت .. قبل ان يأتي الصباح .. فانا لا استطيع ان اخطي خارج المنزل بدونها ..

نضال معلوف

[توت توت توت]

كل واحد يدير بالو على بحصتو يا جماعة ... لأنو اللي بضوع بحصتو ... عمو المساعد جميل بكل سعادة ورحب صدر رح يركبلو بحصة جديدة ...

فاصل اعلاني
ـــــــــــــــــــــــــ ـــــــ
المساعد جميل .. لدحش البحص الجميل ..
بحصات مشكلة .. بحصات صناعة وطنية.. بحصات مستوردة .. بحصات بكافة الأحجام والألوان ....
شعارنا ( بحصة لكل مواطن .. ولكل مواطن بحصة )
زورونا تجدوا ما يسركم ...

ملاحظة ... لدينا فروع بكافة المحافظات .... ( والحمد لله )
مركز التوزيع ... ((( فرع المزة .... خدمة مميزة )))
لا يلزمنا موزعين لباقي المحافظات ....

استودعناكم ..

[layla]

كاتب النص الأصلي : توت توت توت

كل واحد يدير بالو على بحصتو يا جماعة ... لأنو اللي بضوع بحصتو ... عمو المساعد جميل بكل سعادة ورحب صدر رح يركبلو بحصة جديدة ...

فاصل اعلاني
ـــــــــــــــــــــــــ ـــــــ
المساعد جميل .. لدحش البحص الجميل ..
بحصات مشكلة .. بحصات صناعة وطنية.. بحصات مستوردة .. بحصات بكافة الأحجام والألوان ....
شعارنا ( بحصة لكل مواطن .. ولكل مواطن بحصة )
زورونا تجدوا ما يسركم ...

ملاحظة ... لدينا فروع بكافة المحافظات .... ( والحمد لله )
مركز التوزيع ... ((( فرع المزة .... خدمة مميزة )))
لا يلزمنا موزعين لباقي المحافظات ....

استودعناكم ..

الله يسترك
مانك مطول

[Spector]

مافي مواطن سوري ببق بحص لحالو
ببق البحص وببق معاليقو وراها وجهاز التكاثر

[Roaa]

يعني بدي افهم ليش السوري بالذات اي متلوو متل غيروو


يعني الافضل يكون مواطم عربي



ولا شو رايك



والا نحنا بنحب نحكي عن حالنا يا ريت تكتر عند كل واحد فينا حبو شوي لوطنوو

بلا شرشحه وكلام فاضي


ولا كمان شو رايك

[Mr_EkHeLiS]

كاتب النص الأصلي : Spector

مافي مواطن سوري ببق بحص لحالو
ببق البحص وببق معاليقو وراها وجهاز التكاثر

في لك عمي ..

عـ كرسي الكهربا .. ببئا لحالو ..

و بإرداتو .. و بكامل قواه العقلية ..

[Mr_EkHeLiS]

يعني الافضل يكون مواطم عربي

ولا شو رايك

المواطمة أول مرة بسمع فيا بعرف أنا في شي اسموه مواطنة ..

أزا أصدك عليا .. ئليلي مشان نعرف نتفاهم ..

والا نحنا بنحب نحكي عن حالنا يا ريت تكتر عند كل واحد فينا حبو شوي لوطنوو

بلا شرشحه وكلام فاضي

ولا كمان شو رايك

مدام شايفتيا شرشحة .. ما حدا جابرك تفوتي عـ الشرشحة ..

و هالحكي من حبنا لوطنا .. من ئلب محروئ يعني ..

لما بكون وطنك بحترمك .. احترمي ..

طالما وطنك دايسك .. و دايس أبسط حئ من حئوئك ..

الحكي بطلع لوحدوه ..

[MadMax]

كاتب النص الأصلي : دلوعـه سوريا

يعني بدي افهم ليش السوري بالذات اي متلوو متل غيروو


يعني الافضل يكون مواطم عربي



ولا شو رايك



والا نحنا بنحب نحكي عن حالنا يا ريت تكتر عند كل واحد فينا حبو شوي لوطنوو

بلا شرشحه وكلام فاضي


ولا كمان شو رايك

و الله يا دلوعة ...من الغلط أنو نضل متخبيين ورا اصبعنا
لأن ما منقدر نحل أي مشكلة قبل ما نعترف فيها أصلا
و أكيد هالشي ما بقلل من حبنا لبلدنا

[Mr_EkHeLiS]

كاتب النص الأصلي : madmax

و الله يا دلوعة ...من الغلط أنو نضل متخبيين ورا اصبعنا

لأن ما منقدر نحل أي مشكلة قبل ما نعترف فيها أصلا

و أكيد هالشي ما بقلل لحبنا لبلدنا

لاء لازم تبئا ساكت .. و سادد بوزك .. هيك اسمك بتحب وطنك

و مواطن شريف ..

و عين الله عليك ..

[COSTA]

كاتب النص الأصلي : دلوعـه سوريا

يعني بدي افهم ليش السوري بالذات اي متلوو متل غيروو


يعني الافضل يكون مواطم عربي



ولا شو رايك



والا نحنا بنحب نحكي عن حالنا يا ريت تكتر عند كل واحد فينا حبو شوي لوطنوو

بلا شرشحه وكلام فاضي


ولا كمان شو رايك

لانو سوريا كل عمرها عندها تاريخ سياسي وصراع احزاب اكتر من اي دولة عربية تانية ومشان هيك السوري بتلاقي كلامو على هيك شغلات مبطن او في نقد لاذع وساخر بنفس الوقت
بتمنى تكون وصلتك

كاتب النص الأصلي : madmax

و الله يا دلوعة ...من الغلط أنو نضل متخبيين ورا اصبعنا

لأن ما منقدر نحل أي مشكلة قبل ما نعترف فيها أصلا

و أكيد هالشي ما بقلل من حبنا لبلدنا

اي صح كلامك ................
غلط نضل متخبيين ولازم نلحق البني وطارق وبقية الشباب

[MadMax]

كاتب النص الأصلي : كوستا

اي صح كلامك ................
غلط نضل متخبيين ولازم نلحق البني وطارق وبقية الشباب

قصدك نلحقهن بالرأي
و لا نلحقهن لبيت خالتهن..؟؟

[COSTA]

كاتب النص الأصلي : madmax

قصدك نلحقهن بالرأي
و لا نلحقهن لبيت خالتهن..؟؟

و الله يا دلوعة ...من الغلط أنو نضل متخبيين ورا اصبعنا

لأن ما منقدر نحل أي مشكلة قبل ما نعترف فيها أصلا

و أكيد هالشي ما بقلل من حبنا لبلدنا

كيف بدك تحل المشكلة انت او غيرك ؟؟؟؟؟؟؟؟؟؟؟؟؟؟
اذا بتطلع ورا اصبعك بتصير ببيت خالتك


بعتقد انك فهمت قصدي

[Mr_EkHeLiS]

اي صح كلامك ................
غلط نضل متخبيين ولازم نلحق البني وطارق وبقية الشباب

ما ئلنا هيك .. و ما ئلنا نضل ساكتين

[Mr_EkHeLiS]

كاتب النص الأصلي : كوستا

كيف بدك تحل المشكلة انت او غيرك ؟؟؟؟؟؟؟؟؟؟؟؟؟؟
اذا بتطلع ورا اصبعك بتصير ببيت خالتك


بعتقد انك فهمت قصدي

بس التطليع في حبر ئلمك ,, أو فئسات كبيوردك

يعني أئل شي ممكن تسوي .. لتنسا و تفش ئهرك ..

يعني ائل منا ؟؟

[COSTA]

كاتب النص الأصلي : Mr_EkHeLiS

بس التطليع في حبر ئلمك ,, أو فئسات كبيوردك

يعني أئل شي ممكن تسوي .. لتنسا و تفش ئهرك ..

يعني ائل منا ؟؟

شلون هي ما فهمتها ؟؟؟؟؟؟؟؟؟؟؟

[Mr_EkHeLiS]

شلون هي ما فهمتها ؟؟؟؟؟؟؟؟؟؟؟

يعني ائل من أنووه تعبر عن رأيك ..

شو يعني الواحد لاازم يضل طول عمروه ساكت ..

بعد الساكت عن الحق شيطان أخرس

[COSTA]

كاتب النص الأصلي : Mr_EkHeLiS

يعني ائل من أنووه تعبر عن رأيك ..

شو يعني الواحد لاازم يضل طول عمروه ساكت ..

بعد الساكت عن الحق شيطان أخرس

لا ما عم قلك تضل ساكت ..................................
فيك تحكي وقد ما بدك وبالسياسة كمان ...................... روح جخ
بس مو هون عنا
بعني بس تسافر برات البلد حكي قد ما بدك

[Mr_EkHeLiS]

كاتب النص الأصلي : كوستا

لا ما عم قلك تضل ساكت ..................................
فيك تحكي وقد ما بدك وبالسياسة كمان ...................... روح جخ
بس مو هون عنا
بعني بس تسافر برات البلد حكي قد ما بدك

و الله هيك حكيك فيو وجهة نضر ..

حاكم العصاية حامية

لزلك الله يستر