معلومات عن اسماك الزينة تبع المسامك يعني في صور ها

[azs]

سلام عليكم انا اسمي حج احمد بشتغل بالسمك والعصافير وهالحكي وحبيت اقسم عليكم واضرب معلميات شوي
1خيو بقا نحنا عنا في سوريا اكتر شي سمك الكولد فيش هادا في منو كذا لون اسود ابيض احمر مزهر بصل طولو لا30 سم وهاد ديمقراطي كتير يعني بالنشح بعيش ماعندو مشكلة اذا المي بيردة او سخنة هاد بالسنة اذا خدمتو بطالعلك من 200 لا 300 فرخ طبعا في بركة مو في المسمكة قد عقلي
2 وفي عندك المولي هادا بيعرف طعمة تمو الافندي بدو درجة حرارة 25 وفي منو اسود ابيض احمر بصل طولو لا10 سم وهاالسرسري بولد وليدة مو بيض هالنوعين عنا اكتر الشي في سوريا
اما يلي بجي من برا فعد عالى اصبيعك
1=انجل
2=كوبي
3=ديسكوس وهاد اغلى نوع الجوز ب5000 سوري
4=الشبح
5=المقاتل
6=زيبرا
7=الدولار بس مو اميركي هو هيك اسمو
8=غورامي
9=سيلفستر
10=نيون



وهي شوية صور للشباب يالله انا سمحولي بكرة منتواجه

[verocchio]

ما علاقة الأسماك بالمكتبة ؟

[azs]

المكتبة يعني ثقافة عامة يا مئدب يا موجب ولا وين بتريد احطلك هيك موضوع يا معلم

[verocchio]

لا داعي للتوتر
المكتبة يعني كتب

على كل أحييك على الصور الجميلة

[azs]

مية السلامة باشباب

[SAD_EMO]

شكرااا عالصور الحلووووة

بس لمعلوماتك
عنا بنسمي يللي بالصورة التانية الرقاصة لأنها متل ما بتعرف بضلها تقلب وبتتشئلب
ويللي بالصورة التالتة منسميها الآنجل يعني متل عندكو
والرابعة الطاووسة وهاي كتيير بتعجبني لأنو ديلها فعلا حلووو
والخامسة المثلتة لسا ليوم عنا ماتت مع إنها كتير حلووة ورفيعة
والسادسة اسمها بجوز الدلفين ما متأكدة ازا نفسها ولا لء
مو هاي يللي بتكون سريعة كتيير؟؟؟؟
والسابعة اسمها بالمحلات عين الحسووود
آآل شو لأنها سودا فالناس يللي بتفرجو عليها ما بحبوها فما بحسدوها

سوري لأني طولت بس حبيت نتبادل الأسمااء

شكرا خيووو عالصور الحلوة

[ارسلان]

اخي اهنيك على هاد الذوق الراقي

دمت بخير يا امير

[معروف بن جمر]

يسلم ايديك على هل موضوع بجد رائع
انا بحب السمك وبحب تربيته كتيير
عندي سمك قرش
وعندي ببغاء
وتنين
وانف الفيل
وكاتيوشا
والشيطان
بس حابب اجيب سمك بحري بس المشكلة مابعرف فيه منيح والمحل الوحيد اللي بيشتغل فيه حرامي