الضحك ع اللحى

[كهربجي]

شوفو كيف...

حسبتها مزبوط وقلبتها وقريت بالأخوية و بغير الأخوية...

عالم قالت في إيجابيات و عالم قالت في سلبيات...

بس اللي متأكد منّو أنا أنو في ضحك عاللحى...

يعني:

على أيام حافظ الأسد كان رجل الأمن مشورب وبخوف، هلق صار شبيب حالق دقنو

كنّا نبايعك، صرنا منحبك.... إلخ

بس الشي اللي ما حدا عم ينتبهلوا أنو صار الرئيس ينزل يفتتح مشروع متل الفر سيزنز أبو المدري كم ألف بالليلة و ما عم يعمل سد أو مشروع بكافح البطالة

بدل ما المخابرات تنهبنا صار رامي مخلوف و محمد حمشو

و بدل ما نقبض 4 آلاف نصرفهن ونتدين ألفين كل شهر صرنا نقبض آلاف ونتدين 3 آلاف بالشهر...

كانو يشحطونا إذا حكينا.. صارو يشحطونا إذا اشتغلنا مشان مطالبنا

كانت سوريا تحكي كلمة ما بتتبدل.. صارو الإيرانية بدون يصلحوا تصريحاتنا بحجة "سوء الفهم"

و الجيش صار يطلع مبهدل من لبنان

على كل حال لا مكدونالد ولا كنتاكي ولا UG ولا المي المستوردة من السعودية تطور..

صارت السرقة حالقة دقنا و عم تحلقلنا عالناعم بدون ما نحس... برافو إلنا وإلها

الشي الوحيد المنيح هو انو .... صار أسهل تجيب حشيشة... ولّا لأ.. كان أسهل قبل..

[كهربجي]

شو يابا ما حدا سائل؟

[whiterose]

الكل سائل بس أنت شايف أنو التوقيت لصالحنا أذا حكينا؟؟؟

مو حاجة كريم مختفي وماحدا بيعرف وينو؟؟؟

[sezar]

كاتب النص الأصلي : كهربجي مثقف

شو يابا ما حدا سائل؟

يابا مين سائل ؟
كلو .. صلب
مافي سوائل

[BL@CK]

كاتب النص الأصلي : كهربجي مثقف

شو يابا ما حدا سائل؟

بقا لا تأخزنا الشباب مشغولين .. عبشتغلو في الإفتاء

مالك خبر .. أخوية .. مديرية أفتاء سوريا و الشرق الأوسط و العالم أجمع ..

[SKY MONSTER]

هاد هو الحكي اللي انا ما بفهم فيه
بس شو نعمل هيك الدنيا
وما بنقدر نقول الا انو كل واحد يبدأ باصلاح نفسو

[وائل 76]

كاتب النص الأصلي : whiterose

مو حاجة كريم مختفي وماحدا بيعرف وينو؟؟؟

أنا من زمان كنت بقول لكريم اتركك من شتم النظام يا كريم بلاش ياخدوك ,, ما سمع كلامي

نسأل الله العفو و العافية له و أن يسكنه فسيح جناته

الفاتحة على روحه يا شباب

[مسطول على طول]

كاتب النص الأصلي : whiterose

الكل سائل بس أنت شايف أنو التوقيت لصالحنا أذا حكينا؟؟؟

مو حاجة كريم مختفي وماحدا بيعرف وينو؟؟؟

طمني عمو كريم بألف خير وماسك الحمله الانتخابيه للمعلم بالمحافظات الجنوبيه

بس تخلص الانتخابات بيجي ضاربها حشيشه ع الاخر

[مسطول على طول]

كاتب النص الأصلي : كهربجي مثقف

شو يابا ما حدا سائل؟

والله يا معلم الشعب مل فئعة مرارتو من كتر ماحكا ولا حياة لمن تنادي

هنن ستبدلو شغله يمكن وقت خلونا نحكي ونحكي ونحكي حتا تمل

[whiterose]

كاتب النص الأصلي : مسطول على طول

طمني عمو كريم بألف خير وماسك الحمله الانتخابيه للمعلم بالمحافظات الجنوبيه

بس تخلص الانتخابات بيجي ضاربها حشيشه ع الاخر

وعامل حالو ...................

فعلا اسألك نفسي

[مسطول على طول]

كاتب النص الأصلي : whiterose

وعامل حالو ...................

فعلا اسألك نفسي

ليش واصلك خبر مابنعرفوا ؟

خير شوفي مافي

[skipy]

أنا متفائل بالنظام السوري و شايف أنه جيد
أولاً هوس الشعوب هذه الأيام هو الاستقرار - بكازخستان انتخبوا الرئيس من كم يوم - فترة رئاسية مدى الحياة-
و كان سبقه لهذا الانجاز ابن جلدته رئيس تركمانستان صابر نيازوف ...
الذي كان كتاب ألفه يوضع فوق القرآن في مساجدها القليلة و كانت
صوره تعلق داخل الجوامع مثل صور القديسين .. مع كل خطاباته ..

هذه الأنظمة التي فيها شعوب ما كانت حالتها المادية لتتحسن لو لم تستخدم
العصا الغليظة مع الاسلاميين بحيث أن دخول سعودي لهذه الدول شبه مستحيل و يبقى تحت ألف عين منعاً لإفساد هذه الشعوب بالتخاريف الوهابية التي خربت العقول و منعت أي اندماج مع العالم في الصحارى الاسلامية ..

الحقيقة انه كما الثروة الفجائية تصيب صاحبها بالجنون - نفس الأمر الشعوب العربية التي هي في عقلية انسان ما قبل التاريخ .. سيحصل لها نفس الشيء ...
الصين لو ما حزبها الشيوعي - هو فوتو كوبي عن حزب البعث برأيي
طبعاً - ما كان صار تقدم فيها ، ما في شك مسؤولينا تيوس و الشعب أتيس لانو لاحق كفتارو و البوطي يلي عم يأخروا الشعب مئات السنين ..تحت كذبة الاسلام يحقق التقدم ..
بس أنا بظل متفائل .... منحبك

[whiterose]

كاتب النص الأصلي : مسطول على طول

ليش واصلك خبر مابنعرفوا ؟

خير شوفي مافي

مافي شي أبدا
رواق

[ظل جيفارا]

هلأ انا ما بسترجي رد لأنو بدي الحق كريم انشاء الله اذا فكرت احكي لإنو في كتير حكي

بس بدي علق على هيدي

الصين لو ما حزبها الشيوعي - هو فوتو كوبي عن حزب البعث برأيي

انا والله اللي شفتو من الصين إنو الحزب الشيوعي عندهن غير البعث عنا
ليش بربك في شي متل البعث عنا
يا زلمة شيل هالحكي من تمك البعث -حزب الله المختار -بدلالة انو الحزب القومي السوري الإجتماعي الله يرحمك يا زعيم صار بعثي اكتر من البعثيين
صح يا bl@ck ولا انا غلطان
بس بشكل عام أنا برايي انو النظام السوري نسبيا افضل نظام في المنطقة عرفتو كيف .........////////lllllllll
خير اللهم اجعلو خير
قلبي مرفرق زي الطير
شكلي رح طير يا شباب

[وائل 76]

أيوااااا

مسح جوخ يا سكايووو و قول منحبك

خايف يقعدوك على الخازوق

[وائل 76]

كاتب النص الأصلي : ظل جيفارا

بس بشكل عام أنا برايي انو النظام السوري نسبيا افضل نظام في المنطقة عرفتو كيف .........////////lllllllll
خير اللهم اجعلو خير
قلبي مرفرق زي الطير
شكلي رح طير يا شباب

لا تقلق عمو ظل جيفارا ... فقد وردنا من خاصاتنا في الاراضي السورية أنه تم تطوير الخوازيق و إستخدام أحدث الطرق العلمية ..

الخازوق هلاء صار عندكم ستانل ستيل يعني ما بيوجع متل الخشب

[skipy]

كاتب النص الأصلي : ظل جيفارا

ه

انا والله اللي شفتو من الصين إنو الحزب الشيوعي عندهن غير البعث عنا

اسمحلي قلك غلطان - صحيح ما راح انكر في سوء و عسر هضم بالنظام
و في أمور لا تحصى من الاخطاء ، لكن حتى بتصنيفات الأمم المتحدة ، سوريا
تبذل جهداً طيباً في خطط التنمية ، بس و نعود لمشكلتنا ، الشعب الغبي
الذي يلحق هؤلاء المتأسلمين الدجالين الذين يضحكون عليه بمصطلحات كلها دجل
بدجل هم الذين خربوا عقل الشعب السوري - هل تظن انه لو كان هناك طفتارو و البوطي
و الماثموزيل منيرة القبيسية بالصين كانوا قد صنعوا برغي او مفك شق ...
أكيد ما في الحمار بيقلك نعم ...
هذا الشعب البهيم و اسمحلي قولها بالفم الملآن ما عم يفهم أن الهند الذين هم
يعبدون البقر ساروا بخطى أفضل .. و ما زال يتوهم أن سر النهضة بخربشات القرآن
و المسبحة و المسواك و الطب الننوي ..عفوا النبوي ..حرام يسمى طب بس شو
بدنا نعمل هذا المصطلح ..و ما زالت عملية غسيل دماغ الشباب و الصبايا بلبس
الإيشارب الأزرق و السجود عند قدمي القبيسية و تقبيل رجليها و يديها للوصول
للنشوة الروحية .. شو منتظر من هيك أمة .. بتبيع يلي فوقها و يلي تحتها من أجل
زيارة حجر ملحوش بمكة .. و يقتل الآلاف سنويا على مذبح الغرنيق الأكبر .. يا محلا
بقر الهندوس ... كفانا هبل مثل ما قال هذاالشخص السعودي الذي كان يتسائل
حتى الملحدون لا يمكن لنا اللحاق بهم بسبب هذا القرآن المبين .. اتركوه و لاحظوا
أننا بدأنا نتبع الصين بعد فترة لا بأس بها ..

[كهربجي]

كاتب النص الأصلي : sezar

يابا مين سائل ؟
كلو .. صلب
مافي سوائل

لأ شريك أنا شايف كلّو... غاز

و عديم الرائحة حتى

كاتب النص الأصلي : skipy

اسمحلي قلك غلطان - صحيح ما راح انكر في سوء و عسر هضم بالنظام
و في أمور لا تحصى من الاخطاء ، لكن حتى بتصنيفات الأمم المتحدة ، سوريا
تبذل جهداً طيباً في خطط التنمية

ليش مين قال أنو تصنيفات الأمم المتحدة هي تصنيفات نضيفة؟ على أي أساس بتتقيّم خطط "التنمية"؟
طبعاً متلها متل المعارضة والنظام...
يعني لا هدول ولا هدول سائلين عن المعيار الأساسي.. الشعب!

كاتب النص الأصلي : ظل جيفارا

بس بشكل عام أنا برايي انو النظام السوري نسبيا افضل نظام في المنطقة عرفتو كيف .........////////lllllllll

إي شي بهوي من هيك أنظمة عم تقارن معها...