بقعة ضوء

[bki]

الساعة هلا 5 المسا بتوقيت الشام. وطلع ع قناة شام مسلسل بقعة ضوء لما خطر ببالي خاطر.

ليش دوماً الأشياء الأولى أحلى؟؟؟؟ النسخة الأولى من بقعة ضوء أحلى من هلا.
أغاني عمر دياب ومصطفى قمر و ...... الأولى أحلى من هلا.
باب الحارة الجزء الأول أحلى من هلا.
الحب الأول أحلى من اللي بعدو.

ليش تجربتنا الأولى على بساطتها وأحياناً سذاجتها أحلى.


؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ع فكرة الحلقة اليوم حلوة وهيي عن التوووووووووووووووووووووت شوفوها

[MaTyA]

كاتب النص الأصلي : hussienbki

باب الحارة الجزء الأول أحلى من هلا.

على علمي انو صار ضجة للجزء التاني اكتر من الاولاني

[زوربا]

لأنو لما منكرر الفكرة ما عاد بتضل عفوية...وخصوصا بأعمال متل بقعة ضوء..المنتج ملزم بأنو يعرض تلاتين حلقة...فها الشي صعب...فكيف وقت اللي بدو يعمل عدة أجزاء.

[bki]

كاتب النص الأصلي : MaTyA

على علمي انو صار ضجة للجزء التاني اكتر من الاولاني

شو بدك بأثار ضجة ما أثار ضجة, المسلسل المميز هو اللي بيظل بالأذهان بعد انتهاء عرضه, يعني اذا سألت أي شخص عن الشخصيا تاللي حبها ببيت الحارة من أول عرضو ياترا شو بيكون ردو؟؟؟؟
وشو رأيك بالجزء اللي عم ينعرض هلا, مو حاسيتو بنوب بين الرجلين؟؟؟ أنا هاد رأيي مع احترامي للجميع

[bki]

كاتب النص الأصلي : زوربا

لأنو لما منكرر الفكرة ما عاد بتضل عفوية...وخصوصا بأعمال متل بقعة ضوء..المنتج ملزم بأنو يعرض تلاتين حلقة...فها الشي صعب...فكيف وقت اللي بدو يعمل عدة أجزاء.

مو بس المسلسلات؟ اللي بيحب أبو وديع مثلاً ممكن يعارضني بس الحقيقة بتقول إنو صوتو كان شي وصار شي, مو بس هوي كثير من الفنانين. كثير من الأفلام. دوماً الشئ بيفقد أصالتو بعد أول مرة

[The morning]

The new one is never like the old one because you get the old one first

[bki]

كاتب النص الأصلي : The morning

The new one is never like the old one because you get the old one first

We are talking about the best, I mean, what do you think? which on is the best ? the old one or the newest? The is the question, any way, thanks

[Barleb]

كاتب النص الأصلي : hussienbki

الساعة هلا 5 المسا بتوقيت الشام. وطلع ع قناة شام مسلسل بقعة ضوء لما خطر ببالي خاطر.

ليش دوماً الأشياء الأولى أحلى؟؟؟؟ النسخة الأولى من بقعة ضوء أحلى من هلا.
أغاني عمر دياب ومصطفى قمر و ...... الأولى أحلى من هلا.
باب الحارة الجزء الأول أحلى من هلا.
الحب الأول أحلى من اللي بعدو.

ليش تجربتنا الأولى على بساطتها وأحياناً سذاجتها أحلى.


؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ع فكرة الحلقة اليوم حلوة وهيي عن التوووووووووووووووووووووت شوفوها

الجزء السادس من بقعة ضوء .. أجرء و أ حلى بـ رأيي يعني

[bki]

كاتب النص الأصلي : Barleb

الجزء السادس من بقعة ضوء .. أجرء و أ حلى بـ رأيي يعني

والله شوف حلقة اليوم تبع التووووووووووووووووووووت وهداك الشيخ كانت جنان, أنا برجع وبقلك الموضوع بالعموم وليس الخصوص. عوماً شكراً إلك إنت بالخصوص

[اللامنتمي]

المُتعة الحَقيقة دائِماً تأتي في المَرةِ الأولى

هل أصلُ الوردة قـُبلة !

[bki]

كاتب النص الأصلي : اللامنتمي

المُتعة الحَقيقة دائِماً تأتي في المَرةِ الأولى

هل أصلُ الوردة قـُبلة !

كلامك ع راسي وأنا كمان قلت هيك. بس شو مشان الوردة والقبلة, ماتواخذني مافهمتها

[MadMax]

كاتب النص الأصلي : hussienbki

ليش دوماً الأشياء الأولى أحلى؟؟؟؟ النسخة الأولى من بقعة ضوء أحلى من هلا.
أغاني عمر دياب ومصطفى قمر و ...... الأولى أحلى من هلا.
باب الحارة الجزء الأول أحلى من هلا.
الحب الأول أحلى من اللي بعدو.

بشكل عام .....بتتكرر التجارب لأنها بتنجح
يعني مثلاً ... لو ما نجح كتير الجزء الأول من بقعة ضوء ... ما كانوا عملوا أجزاء التانية
و الصعوبة بتكمن بالحفاظ عالنجاح
و استهلاك الفكرة


مع أنو أحيان بينجح التكرار ... بس لحد معين ... بعدين لابد من الاستهلاك

[LiOnHeArT.3LA2]

هلأ ما بعرف ..

بس انو بقعة ضوء ..

احلىى شي ..

احلى شي بينحضر ..

عنجد
..
ما في فرق ..

بس بالعكس انا شايف انو عم تصير احسن واحلى بكتييييييييييييير ..

لانو كل مالا عم تتعمق شوي شوي .. وعم تنصقل ..

بس زعلان .. على ما في امل

[روعة1]

منلاحظ دايما انو اي عمل فني او اي مطرب بينطلق بافكار جديدة و اعمال تكون مميزة
لحتى ياخد موقع منيح بالساحة الفنية و بمجرد ما اثبت وجودة المطرب او العمل الفني و نشهر
ما بعود في شي جديد و مميز يتقدم و بضلون هنن متمسكين بالفكرة انو لازم يتقدم هدا العمل كل سنة
فبصيروا يتضطروا يقدموا اي شي من خلالو و ما بكون على المستوى الجيد او على مستوى اللي بتدأ فيه..
لذلك عم نلاقي فيه اختلاف كبير عن بداية هدا العمل..

[أبو حـلب]

هلأ بالنسبة لبقعة ضوء .. بالعكس أنـا شايف أنو هالسنة و بالجزء السادس في تطوّر كتير كبير وملحوظ!
إن كان بالناحية الفنية و الإخراج و التصوير و طريقة الإخراج ..
و حتى بمحتوى الحلقات ! هالسنة لاحظت دسامة الحلقات كـ محتوى ..
يمكن في كتير حلقات خفيفة .. بس رسالتها كتير قوية!

أما بالنسبة لبقية المسلسات .. فـ صراحة ما أخدت شرف متابعتي إلها ..


و بالنسبة للمطربين .. يا عزيزي .. يلي عنده قاعدة و تاريخ و أرشيف .. بيضل محافظ على مكانته
في كتير أسماء .. ضلت محافظة ع مكانتها و مركزها لحد هاللحظة .. (كاظم الساهر , جورج وسوف , ملحم بركات ... وفي كتير)
و أنا بسمع لهن من بدايتهن حتى هاللحظة ..
أما عن المطربين هلأ .. فـ هنن مجرد فقاعات .. بتطير و بتعلي .. و بتروح بعدين



تحياتي ,

[أبو حـلب]

كاتب النص الأصلي : hussienbki

مو بس المسلسلات؟ اللي بيحب أبو وديع مثلاً ممكن يعارضني بس الحقيقة بتقول إنو صوتو كان شي وصار شي, مو بس هوي كثير من الفنانين. كثير من الأفلام. دوماً الشئ بيفقد أصالتو بعد أول مرة

عم نحكي ع التغيير .. ممممم أبو وديع , مزبوط أنو صوته تغير من فترة لفترة ..
بس أنا بلاحظ عليه كل مرحلة من صوته إلها ستايل معين من الأغاني يلي بغنيها تناسب صوته

يعني ما بتخيل هلأ .. أنو يغني بصوته الحالي الأغاني يلي كان يغنيها قبل الـ 2000 !! ممكن نقول هون أنو بطل متل أول و .. و ..
بصوته الحالي .. عم يغني أغاني بتليق بصوته و طبقته ..
مشان هيك ما بحسن قول أنو فقد أصالته .. لأنو لابقه لصوته الحالي

تحياتي إلك .. وبتمنى تتقبل الإضافة ,,

[sus0pect]

مسلسل رائع فعلا

[jano.]

تجاربنا الأولى في الأمور التي أحببناها، فيها شيءٌ من الـ باللإضافة إلى شيءٍ من الـ .

والأمور التي تحتوي على شيءٍ من الـ والـ تترسخ في عقلنا الباطن أكثر من الأمور التي فيها فقط شيءٌ من الـ.