اعتصام جديد لمجموعة من "الخونة" "المندفعين وراء مصالحهم الخاصة"

Danito · 27/05/2006

مئات العمال السوريين يعتصمون حاملين لافتات تطالب "بإطعام أطفالهم"

الاخبار المحلية

طالبوا بتسديد رواتبهم التي حرموا منها منذ ستة أشهر لعلاج أطفالهم أيضا

علمت "سيريا نيوز" أن مئات العمال الموظفين لدى الشركة العامة للبناء والتعمير نفذوا اعتصام هو الأول من نوعه بعد "تدهور وضع أسرهم" جراء عدم دفع "رواتبهم منذ أكثر من ستة أش".

ويعد هذا الإضراب الناجح، الذي بقي بعيدا عن متناول وسائل الإعلام سابقة لم تشهدها الحركة العمالية في سوريا منذ عقود خلت، في ظل الوضع المتردي الذي يعاني منه عمال الشركة المذكورة لناحية عدم تسديد رواتبهم. وبحسب المعلومات فإن الحكومة وفي ضوء

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

لعمال الشركة قامت بتسديد الرواتب المتأخرة لغاية 31/8/2005 فقط، وهذا يعني أن العمال لم يقبضوا رواتبهم منذ أكثر من ستة أشهر.

وأفادت مصادر "سيريا نيوز" أن الاحتقان بين عمال شركة البناء بلغ ذروته أوائل الأسبوع ما أدى إلى خروج عمال فرع دمشق إذ اعتصموا في موقع الكائن بجوار "وكالة بيجو الإيرانية - طريق حرستا مدخل الشام" لا مطالب لهم "سوى الحصول على رواتبهم" "لإطعام أطفالهم الجياع ومعالجتهم، بحسب اللافتات التي رفعوها". وساروا على شكل تظاهرة من مبنى الإدارة باتجاه المدخل الرئيسي على الأتوستراد دمشق ـ حمص لمسافة تزيد عن 500 متر، ولفتت المصادر إلى حصول بعض الصدامات الفردية مع الشرطة التي استطاعت منع العمال من الخروج إلى الأوتوستراد قبل حضور وزير الإسكان التعمير ومعاون وزير الداخلية وعدد من مسؤولي الوزارتين ..

اللافتات التي حملها عمال الفرع في الاعتصام الذي شارك فيها مئات العمال البالغ عددهم في مقر فرع الشركة قرابة 1400 عامل كتب عليها " يا سيادة..... أطفالنا جاعوا، (هكذا كتبت حرفيا)", يقصدون بها السيد الرئيس" وعبارة "يا سيادة الوزير نريد رواتبنا" و"يا سيادة الوزير أطفالنا مرضى نريد علاج وليس شيء آخر ".

وبحسب المصادر فإن وزير الإسكان اتصل بالمدير العام للشركة -ومقره اللاذقية وتم تأمين "رواتب للعمال على الفور".

لكن حركة عمال فرع دمشق تبعها يوم الأربعاء الماضي 24/5/2006 تظاهر عشرات أخرين من عمال الفرع لم يتسنى لهم المشاركة في الاعتصام السابق لأنهم تابعون لرحبة الآليات و في موقع يبعد 1.5كم عن الموقع السابق -نفس المكان الجغرافي- " لكن لم تتوفر أية معلومات عن نتائج تلك التظاهرة.

جورج كدر ـ سيريا نيوز

Barleb · 27/05/2006

ولله هل خونة العملاء .. لازمهم سجن شي عشرين سنة .. لك حدا بيطالب بـ الأكل .. يا عيبوو ..
أذا ولادن ما جاعو .. ولاد هل وزرا كيف رح يركبو مرسيدس ..؟

**zen** · 27/05/2006

هلاء هدول خونة؟؟؟؟؟؟؟؟؟؟؟

me2 · 27/05/2006

اقتباس:

كاتب النص الأصلي : zen

هلاء هدول خونة؟؟؟؟؟؟؟؟؟؟؟

لكن مين الخونة ؟؟ المدراء و الوزراء اللي عم يسرقو الرواتب و يرتشو بالمناقصات ؟؟؟

Danito · 27/05/2006

اقتباس:

كاتب النص الأصلي : zen

هلاء هدول خونة؟؟؟؟؟؟؟؟؟؟؟

طبعا خونة .. هلق وقتهم و وقت الرواتب تبعهن؟ مانون شايفين البلد قايمة قاعدة و جنبلاط ما غيرو و جماعة 14 شباط و الأميركان عمبيهاجمونا
لازم يطبوا و يسكتوا و كون كلنا أيد وحدي عم نسب الأميركان و جنبلاط و و و
هدول بدون يانا نتخلى عن سوابتنا القومية و وحدتنا الوطنية من شان كم ألف ليرة رواتبهم
أي فلسطين صرلنا "عم نكافح" منشانا 58 سنة ما عاد فيون يصبروا هني كم شهر زمان؟؟ في قضايا أكبر و أهم منون و مني و منك يعني و هي أكبر من استيعابنا كلياتنا هي بدها رجالات الدولة المخلصين..

me2 · 27/05/2006

اقتباس:

كاتب النص الأصلي : Danito

طبعا خونة .. هلق وقتهم و وقت الرواتب تبعهن؟ مانون شايفين البلد قايمة قاعدة و جنبلاط ما غيرو و جماعة 14 شباط و الأميركان عمبيهاجمونا
لازم يطبوا و يسكتوا و كون كلنا أيد وحدي عم نسب الأميركان و جنبلاط و و و
هدول بدون يانا نتخلى عن سوابتنا القومية و وحدتنا الوطنية من شان كم ألف ليرة رواتبهم
أي فلسطين صرلنا "عم نكافح" منشانا 58 سنة ما عاد فيون يصبروا هني كم شهر زمان؟؟ في قضايا أكبر و أهم منون و مني و منك يعني و هي أكبر من استيعابنا كلياتنا هي بدها رجالات الدولة المخلصين..

يعني برأيك العامل البسيط اللي بيشوف مديرو عم يسرقلو راتبو و حاجز أول طيارة عند أول طلقة و بيشوف الحكومة ساكتة عن المدير , ممكن يا ترى يسعفو تفكيرو أنو ينسى حق الدوا لأبنو اللي بالمشفى و قسط المدرسة و أجرة بيت بالمخالفات و و و و و ؟؟؟؟

بس يبدو ان الكل مع مبدأ "اذا شفت الأعمى طبو , مانك أكرم من ربو "

Danito · 27/05/2006

اقتباس:

كاتب النص الأصلي : me2

يعني برأيك العامل البسيط اللي بيشوف مديرو عم يسرقلو راتبو و حاجز أول طيارة عند أول طلقة و بيشوف الحكومة ساكتة عن المدير , ممكن يا ترى يسعفو تفكيرو أنو ينسى حق الدوا لأبنو اللي بالمشفى و قسط المدرسة و أجرة بيت بالمخالفات و و و و و ؟؟؟؟

بس يبدو ان الكل مع مبدأ "اذا شفت الأعمى طبو , مانك أكرم من ربو "

قلنالك مرحلة حرجة
المطلوب من جميع المواطنين الشرفاء :

ترديد عبارة سوريا الله حاميها
متابعة اعمالهم بالشكل المعتاد و عدم التأثر بالحرب النفسية الموجهة ضد سوريا و مواقفها الوطنية الخالدة
عدم التبرم و التشاكي و استغلال الوضع لإثارة قضايا جانبية مثل الفساد تدني الرواتب و ارتفاع الأسعار لأن الأوضاع مثل ما هي حاليا لعشرات السنين اشمعنا هلق تذكروا؟
السير وراء القيادة الحكيمة و بدون تردد أو اعتراض

كل من لا يقوم بما هو مشار إليه أعلاه هو حرامي ابن حرامي نصاب و محتال و خائن و طائفي و انبطاحي و عميل و ملعوب بدماغه و يمارس العهر السياسي و يريد دخول الوطن على دبابة أميركية و ينكر عروبته و اسلامه و المجد التليد

me2 · 27/05/2006

اقتباس:

كاتب النص الأصلي : Danito

قلنالك مرحلة حرجة
المطلوب من جميع المواطنين الشرفاء :

ترديد عبارة سوريا الله حاميها
متابعة اعمالهم بالشكل المعتاد و عدم التأثر بالحرب النفسية الموجهة ضد سوريا و مواقفها الوطنية الخالدة
عدم التبرم و التشاكي و استغلال الوضع لإثارة قضايا جانبية مثل الفساد تدني الرواتب و ارتفاع الأسعار لأن الأوضاع مثل ما هي حاليا لعشرات السنين اشمعنا هلق تذكروا؟
السير وراء القيادة الحكيمة و بدون تردد أو اعتراض

كل من لا يقوم بما هو مشار إليه أعلاه هو حرامي ابن حرامي نصاب و محتال و خائن و طائفي و انبطاحي و عميل و ملعوب بدماغه و يمارس العهر السياسي و يريد دخول الوطن على دبابة أميركية و ينكر عروبته و اسلامه و المجد التليد

أمرك سيدي ...

Danito · 27/05/2006

اقتباس:

كاتب النص الأصلي : me2

أمرك سيدي ...

الله يسامحك ما يأمر عليك ظالم
هي مو أوامري
هذا ما تمليه المصلحة الوطنية .. يعني ما في شي من بيت أبي
هي كلها التوجيهات الحكيمة و بتجي من فوق و لا تسألني أكثر من هيك لأنو ما بعرف أصلا ما بيحقلي أعرف و ما بيحلقك تسأل
ارفع علمك و وطي راسك و قول سوريا الله حاميها
امشي الحيط الحيط و قول يارب السترة
و إذا لم يكن ما تريد فرد ما يكون
لا تسأل عن كرامتك الشخصية لانها من كرامة الوطن
و ما دام الوطن في أيدي أمينة فأنت ما دخلك بشي تاني

**zen** · 27/05/2006

بس ما جاوتو ل مي تو
مين الخونة الوزراء والمدراء الي عم ينهبوا ويسرقوا ويعيشيو ويصيفوا احلى صيفية ببلاد الاعداء الله لا يخليون
ولا هدول العمال
؟؟؟؟

me2 · 27/05/2006

اقتباس:

كاتب النص الأصلي : zen

بس ما جاوتو ل مي تو
مين الخونة الوزراء والمدراء الي عم ينهبوا ويسرقوا ويعيشيو ويصيفوا احلى صيفية ببلاد الاعداء الله لا يخليون
ولا هدول العمال
؟؟؟؟

جاوبني و نيص أه و نيص ...

Danito · 27/05/2006

اقتباس:

كاتب النص الأصلي : zen

بس ما جاوتو ل مي تو
مين الخونة الوزراء والمدراء الي عم ينهبوا ويسرقوا ويعيشيو ويصيفوا احلى صيفية ببلاد الاعداء الله لا يخليون
ولا هدول العمال
؟؟؟؟

حبيبي أنت و ياه
الأشياء لا تتجزأ

قلنالكم مصلحة وطنية و هجوم على الأمة و وحدة وطنية و قيادة حكيمة شو ما حفظتو الدرس لسا؟؟
أنا ليكني مثل الولاد الشاطرين حفظتو بصم و صار فيني فهموا لغيري
بدك سمعوا مرة ثانية؟؟

**TheLight** · 27/05/2006

اقتباس:

كاتب النص الأصلي : Danito

طبعا خونة .. هلق وقتهم و وقت الرواتب تبعهن؟ مانون شايفين البلد قايمة قاعدة و جنبلاط ما غيرو و جماعة 14 شباط و الأميركان عمبيهاجمونا
لازم يطبوا و يسكتوا و كون كلنا أيد وحدي عم نسب الأميركان و جنبلاط و و و
هدول بدون يانا نتخلى عن سوابتنا القومية و وحدتنا الوطنية من شان كم ألف ليرة رواتبهم
أي فلسطين صرلنا "عم نكافح" منشانا 58 سنة ما عاد فيون يصبروا هني كم شهر زمان؟؟ في قضايا أكبر و أهم منون و مني و منك يعني و هي أكبر من استيعابنا كلياتنا هي بدها رجالات الدولة المخلصين..

لك انت اخوت ولا عم تخوتها...خونة شو يا زلمة وانو مصلحة وطنية هي يللي بدها تخلي الواحد يموت من الجوع هو وولادو
على حكيك معناتا لازم الحكومة تدعس ع رقبة الشعب بحجة المصلحة الوطنية
يا عيب الشوم

me2 · 27/05/2006

اقتباس:

كاتب النص الأصلي : Danito

حبيبي أنت و ياه
الأشياء لا تتجزأ

قلنالكم مصلحة وطنية و هجوم على الأمة و وحدة وطنية و قيادة حكيمة شو ما حفظتو الدرس لسا؟؟
أنا ليكني مثل الولاد الشاطرين حفظتو بصم و صار فيني فهموا لغيري
بدك سمعوا مرة ثانية؟؟

أخي والله أنا اقتنعت و خرست و قلتلك أمرك سيدي ...

شو بدك يعني أكتر ؟؟؟ أنا ما عندي أكتر .

me2 · 27/05/2006

اقتباس:

كاتب النص الأصلي : TheLight

لك انت اخوت ولا عم تخوتها...خونة شو يا زلمة وانو مصلحة وطنية هي يللي بدها تخلي الواحد يموت من الجوع هو وولادو
على حكيك معناتا لازم الحكومة تدعس ع رقبة الشعب بحجة المصلحة الوطنية
يا عيب الشوم

برواق يا شباب .. مو محرزة ... كلون كم عامل و ماتو من الجوع .. بدها يعني ..

الزلمة عم يمزح ما عم يحكي جد .

**TheLight** · 27/05/2006

اقتباس:

كاتب النص الأصلي : Danito

حبيبي أنت و ياه
الأشياء لا تتجزأ

قلنالكم مصلحة وطنية و هجوم على الأمة و وحدة وطنية و قيادة حكيمة شو ما حفظتو الدرس لسا؟؟
أنا ليكني مثل الولاد الشاطرين حفظتو بصم و صار فيني فهموا لغيري
بدك سمعوا مرة ثانية؟؟

يازلمة فكرتك عم تحكي جد بالاول

**TheLight** · 27/05/2006

لا تواخذوني قد ماني قرفان من هالاسطوانة التافة انعمى على قلبي
زرعها بدقني عمي danito

me2 · 27/05/2006

اقتباس:

كاتب النص الأصلي : TheLight

يازلمة فكرتك عم تحكي جد بالاول

" أن تصيبو قوما بجهالة , فتصبحو على ما فعلتم نادمين "

أدوات الموضوع
عرض صفحة الطباعة إرسال هذه الصفحة إلى صديق