الإيجابية الحقيقية التي تأخذك للنجاح و الثقة بالنفس

أبو أسامة · 08/02/2006

مرحبا اخواني أخواتي

أنا قرأت بعض الكتب عن علم النفس و الفلسفة و من أهم الأشياء اللي استنتجتها من هالقراءة هي القاعدة التالية :

أنو الإنسان ممكن ينهي سلبياتو بالتركيز على إيحابياتو

مثلا :
أنا شخصيا كنت حس أنو شكلي مو بهداك الجمال اللي بطمحلو لأني كنت ركز على أشياء ما حلوة أبدا بشكلي
و هيك صرت ما اهتم بشكلي مشان هالشغلات و كنت صير أبشع و أبشع لحتى ما لقيت أنو فيه شغلات كتير حلوة فيي يعني مثلا أنا أشقر أبيض ( هي دعاية حلوة الي )و صرت ركز على الأشياء الحلوة بشكلي و اهتم فين و أنا عم أتجاهل الأشياء اللي ماكتير حلوة لحتى صرت أحسن و أجمل من دون ما فكر أبدا بالسلبيات و تركتن متل ما هنن لا عمليات تجميل و لا شي

و هالشي بينطبق على كل جوانب الحياة متل الرياضة و العمل و كل شي تقريبا بس كان مجرد مثال و أن جربت الطريقة بكل جوانب حياتي

و بالنهاية بحب ذكر أنو اللي بيطلع بالسلبيات بيزيدهن و اللي بيطلع بالإيجابيات بيزيدهن و الإيجابيات بتغطي السلبيات دائما