|
| س و ج | قائمة الأعضاء | الروزناما | العاب و تسالي | بحبشة و نكوشة | مواضيع اليوم | أشرلي عالشغلات يلي قريانينها |
أخوية سوريا: تجمع شبابي سوري (ثقافي، فكري، اجتماعي) بإطار حراك مجتمع مدني - ينشط في دعم الحرية المدنية، التعددية الديمقراطية، والتوعية بما نسميه الحد الأدنى من المسؤولية العامة.
نحو عقد اجتماعي صحي سليم، به من الأكسجن ما يكف لجميع المواطنين والقاطنين.
أخذ مكانه في 2003 و توقف قسراً نهاية 2009 - النسخة الحالية هنا هي ارشيفية للتصفح فقط |
||||||
|
||||||
|
|
أدوات الموضوع |
27/05/2004
|
#1 | ||||||
|
شبه عضو
-- اخ حرٍك --
|
ما بعرف هل راح ينحزف الموضوع او راح يضل بس خلينا نشوف
بالاول مرحبا جميعا
بالبداية موقع اكتر من رائع ولفت انتباهي بشكل كبير طريئة الكلامفيه والحكي فيه شي كتير حلو وبما انو عجبني <--- على اساس انو شي شغله مهمه ههههه حبيت انو شارك فيه طبعا متل ما مكتوب بالبدايه انو هون مكان نقاش ومو مكان تبع تعصب وهيك اشيا بس في شؤال ببالي لاهل الدين المسيحي هلاء انتو بتئولو انو الله اوحد ما هيك ؟ طيب شلون بتقولو عن النبينا عيسا انو رب ؟؟؟ مو ملاحظين انو في تضارب بهالشي وخصوصا انو انتو كمان بتئولو انو الله واحد ؟ بتمني ما انو حدى يزعل من كلامي وبرجع بأول انو هون مكان نقاش واراء مو مكان تعصب وهات ايدك ولحئني او مكان اومو لنئاتل بتمنى انواسمع اراء بهالشي وشكري الكم جميعا وبالزات يسلملي الي ساوا الموثع شو انو غير شكل  |
||||||
|
27/05/2004
|
#2 | ||||||
|
القــــــــــــــــــائم
|
هلا فيك يا حبيب .. بيشرفي نورت .. هاي بشرفي ..
 بس استأنزنك يا باشا بدي غير العنوان منشان شوي متل ما اتقول ما بيوحي للمحتوى وعلى اعتبار انو من سياسة الموقع انو ما يتحزف اي موضوع نقاشي او اي رد ايا كان بيعبر عن اي فكرة ما دام ما خرج عن الاداب العامة للحديث .. اما بخصوص موضوع الأقانيم الثلاث (كما هو الاسم بالمسيحية) فكل مين عندو دلو حيدلي فيه بموضوعك انا اكيد ! ولا موضوعك او تساؤلك ما فيه اي نوع من الازعاج لاي كان من رواد هذا الموقع ومشرفيه هذا شيء اكيد طبعا وهون الاغلبية شباب بين بعض لا احنا كنهة ولا شيوخ وأامة .. يعني نقاشات منطقية عقلية هاي اللغة المشتركة بين جميع رواد واعضاء الموقع يا منقتنع يا بتقتنع يا مندبح بعض والدم للركب ههههههههههههههههههههههه تحياتي يا حبيب
العين الي قاومت المخرز امبارح .. وبعدها عم بتقاومو لليوم .. بكرا بدها تقلعو !
|
||||||
|
28/05/2004
|
#3 | ||||||
|
شبه عضو
-- اخ حرٍك --
|
يسلمو عيوني على الرد اي الله وكيلك خجلتني اي صار وجي متل البندورا انا واعد عم بقراء
بس دخيلك كلو الا انو الدم للركب اي من غير دم مو خالص هههههههههه حبيبي انتا صدقوني كل واحد عم بيقراء الموضوع او انو عم بيعلق عليه انا متل ما قلت انت نحنا مو شيوخ ولا كهنه ولا شي ومجرد افكار عم تنطرح وعم نتناقش فيها وبالعكس بحب انو اتناقش بهالشي وانو افهم كل دين من الاديان وعندي تعليق معين بحب انو اكتبو المشكله بتعرفو شو بزمنا نحنا انو نحنا شواء كنا مسلمين او مسيحين او غيرو من الدينات المشكله انو ما نحنا الي عم نختار دينا عم بيكون الدين هوه عباره عن شي انولدنا وانفطرنا عليه يعني هلاء بدي اسئل اي واحد هل هوه اختار انو يكون مسلم او يكون مسيحي او شو ما كان انا بتحدى انو واحد فينا او ازا كان بيكون نسبة واحد بالميه فهالشي انا ما بيعنيلي كتير انو والله فلان مسلم او فلان مسيحي او غيرو المهم انو شو هوه الانسان نفسو وانا عن نفسي مسلم والي كتير صحاب مسيحيه وعلاقتنا ببعض اكتر من اخوان فهاد نعليق صغير مني ما بعرف انا حاسس انو فايت بالحيط هيك فايت وعم بحكي ما  هههههههههههههههه لك اي شو بيعرفني هلاء كتابت هاللعي كلو وماني ماسح شي  هههههههههههههههه يالله سلام يا امورين 
أنا من بقاع لا ركوع بأرضها
بترابها يتلامع المرجان أنا من بلاد يعربيٌ لفظها بربوعها يتوافق الخلان أنا من دمشق الحب من ارض الوفا من موطن العشاق من وهج السنا |
||||||
|
28/05/2004
|
#4 | |||||||
|
مشرف متقاعد
|
اقتباس:
ليست حقيقة الإنسان بما يظهره لك بل بما لا يستطيع أن يظهره
لذلك إذا أردت أن تعرفه فلا تصغ إلى ما يقوله بل إلى ما لا يقوله ... |
|||||||
|
28/05/2004
|
#5 | ||||||
|
شبه عضو
-- اخ حرٍك --
|
هيك قال وجي انو مستحي وما عارف شو اكتب
 ههههههههههههههههه حبيب البي وشكرا عردك اللطيف |
||||||
|
28/05/2004
|
#6 | ||||||
|
عضو
-- أخ لهلوب --
   |
أهلاً بك.....
نحن ننتظر أول المتطوعين للرد على تساؤلك الأول...
I am the real and the only Mr.com in the world
|
||||||
|
28/05/2004
|
#7 | ||||||
|
مسجّل
-- اخ حرٍك --
 |
يا سمو الامير السوري
مع انه سورية منذا العشرينات بطلت لغة الامراء عندنا ولكن فى كم واحد بعدهم بيقلو عن نفسهم امراء ولكن مو مشكلة حبيب القلب شوف يا سمو الامير الحكاية فى موضوع الاديان انها من الروحيات الانسانية ومو مشكلة اذا واحد قال والثاني ما قبل الحكي ولكن فى اعتبار نحن سوريين والحمدالله علينا ان نحترم الايمان بتاع كل المؤمنين هنا احرار كيف ما بدهم يؤمنو على راحتهم وكمان انت ايضآ متل ما بدك تكون كون والحكاية ان المسحية والاسلام هم تؤام روحي ولكن كل واحد على طريقتة لذلك حبيب لو فكرنا الى البعيد وعرفنا شيء من الحقيقة لكنا الان فى اروع حلاتنا الانسانية ولكن نحن شعوب فاضية بنسأل بعضآ على شيء نحن فى غني عنة صدقني يا سمو الامير لو الناس عما تعمل فى صالح المجتمع وما فى رشوة وما فى فساد والعمل متوفر للجميع ما رح يكون الواحد فاضي للحكي الذي لا يفيد ولكن شو بدنا نعمل نحن الله خلقنا بنحكي كتير مع احترامي للجميع اسمع شو قال لى احد الاصدقاء العرب يتخانقو على السماء وعما ينسو انهم من الارض ولقد فقدو الارض فى الطول والعرض والان حبيب هل اقتنعت ان الرب واحد ولكن كل مجموعة بتحب تعبدة على طريقتهم الخاص المهم المحبة بين البشر وخاصة نحن الشعب السوري شعب كتتتتتتتتتتير طيوب مو هيك بعرف مش رح تقول غير هيك مع احترامي يا صاحب السمو امير سوريا المسكينة بعتلك شوي مصاري :P
انا والحمد الله سوري
لا سني ولا درزي ولامسيحي ولا كردي انا سوري متعصب حتي النخاع وكل واحد لايحب سوريا هو عدو لى |
||||||
|
28/05/2004
|
#9 | |||||||
|
شبه عضو
-- اخ حرٍك --
|
اقتباس:
هاد اولا وتانيا اي لا تاخزنيانتا ما حكيت شي بالموضوع الي انا اصدتو وانا ما ناقشت بموضوع الدين منشان انو قول انو الدين هاد صح او هاد صح لاء انا عم اسئل سؤال وما بظن الو علاقه سؤالي بالكلام الي قلتو عن الرشاوي ولا عن الاشيا السماويه انا عم اسئل عن فكره مطروحه وحبيت اسمع جواب الها وبعدين عم تئول انو الدين ما الو علاقه بهالشي لاء سيدي الو علاقه ولو كان كل واحد فينا سواء مسلمين او مسيحيه طبئ دينو متل ما هوه لكان ما فيهالشغلات كلا الي الت عنا تحياتي الك |
|||||||
|
28/05/2004
|
#10 | ||||||
|
شبه عضو
-- اخ حرٍك --
|
ههههههههههههههههههههههههه ه
اي كحيان ما معي اكل في بجيبتي ريالين بتاخد واحد ازا بدك هلاء ببعتلك  ههههههههههههههههه لك مين الي قلك هالحكي الكزب لا تسدئو حكي عدوين |
||||||
|
28/05/2004
|
#11 | ||||||
|
مشرف متقاعد
|
مرحبا syrian prince
كيفك نشالله تمام هلق عادة في طريقتين من طرح الاسئلة بهيك مواضيع حسب نقاشاتي السابقة الكتيرة مع بعض الاخوة المسلمين نوع هو عبارة عن أخذ المعرفة و فضول و اسئلة حول ماهية الايمان المسيحي و نوع اخر هو اكثر منه استجواب و لف و دوران و تعليقات جانبية... هادا اكيد ما بيعطي نتيجة الكلام يلي رح قولو هو بس رد على سؤالك و ليس اي محاولة لاقناعك باي افكار جديدة... و انا ع فكرة يعني ابعد ما يكون عن العلوم اللاهوتية هههه يعني بس عم جاوبك من معلومات شخصية و اكيد رح يجي من بعدي ناس تضيف كلام بقى يا سيدي نحنا بالدين المسيحي منؤمن بشيء اسمو محبة الله المطلقة للبشر الله عطاه الجنة لادم.. بس ادم متل ما منعرف بالكتب السماوية... ارتكب الخطيئة البشرية الكبيرة و عصى اوامر الله... و من هيك الله طردو من الجنة و من بعدها كل ابناء ادم ورثوا عنه هاي الخطيئة الاصلية... و الانسان انغمس بالخطيئة بعد ما كان عايش بالجنة بسلام بعدي الله نزّل شريعة موسى على البشر... بس شريعة موسى غير كافية ابدا للخلاص... لانها ببساطة مستحيلة التطبيق بتقلك شريعة موسى لا تسرق لا تكذب لا تشهد شهادة زور , ما تطلع على جارتك و بقرة جارك و حمار جارك... الخ يعني هل الكلام مافي انسان بيقدر يحافظ عليه بدون ما يغلط يعني كانت شريعة موسى متل لتورجي الناس اديش هني خطأة.. و أديش هني بعاد عن الله يلي هوي الكمال رح إسألك كم سؤال انت شي مرة كذبت بحياتك؟ شي مرة سرقت بحياتك؟ (و لو سرقت بيضة!) شي مرة حلفت باسم الله كذب او غشيت.. الخ ؟ انا بعتقد انك رح تجاوب بالايجاب على كل هل اسئلة انا شخصيا جوابي نعم على الجميع يعني انا واحد كذاب و حرامي و بيحلف باسم الله بالكذب و غشاش و الله اعلم شو كمان طيب انا بأي وجه بكرا بدي قابل الله فوق بالسما؟؟؟ معناتا لازم يكون في شفيع... ليحمل كل هل خطايا البشرية شفيع يحمل ذنب البشرية و اخطاء البشرية من يوم ادم و حوا من هون كانت فكرة الفداء بالسميحية لغفران الخطايا.. و بما انو الحمل تقيل كتير... اتطلب هي شيء فادي عظيم هل فادي نحنا منؤمن انو كان كلمة الله المتجسدة... يلي هوي يسوع المسيح نحنا بالانجيل بتمر علينا كلمات متل كلمة الله و روح الله... كلمة الله المتجسدة هو يسوع المسيح الذي كان مع الله منذ الازل حسب مطلع انجيل يوحنا في البدء كان الكلمة و الكلمة كان عند الله و كان الكلمة الله هو في البدء كان عند الله ... .. ... و الكلمة صار جسدا و عاش بيننا و رأينا مجده و المسيح ايضا يعلن عن نفسه في الانجيل و يقول: انا و الاب واحد كلمة الله هي جزء من الله.. و روح الله هي ايضا جزء لا يتجزأ من الله. فالله عندنا واحد و لا يقبل التجزيئ منرجع على موضوع يسوع المسيح المتجسد نحنا منؤمن بالسيد المسيح الها كاملا و بشرا كاملا... بس ليش المسيح بالذات هوي يلي تم اختياره من أجل الفداء؟ انا متل ما قلتلك الفداء كان بيتطلب شي اكبر من الملائكة... لانو الملائكة مانون بشر و ما بيحسوا بألم البشر... و كمان يكونوا اكبر من البشر... مشان يكونوا شفيع حقيقي قدام الله... و نتيجة حب الله للبشر... رأى الله ان يتجسد الكلمة.. لتعلن عن نفسها للبشر... بصورة بشر يعني اعلن الله عن نفسه للبشر من خلال التجسد الالهي.. يعني البشر رأوا الله من خلال كلمته المتجسدة التي هي يسوع المسيح و كلمة الله و روح الله و الله هي كيان واحد لا يتجزأ مجددا فتأتي البشارة المسيحية الاساسية عن حب الله لنا.. و تضحيته بابنه الوحيد لغسل خطايا البشرية... فاقتضى منا اذا ان نؤمن بالكلمة المتجسدة.. و نفتح لهل قلوبنا و نطبق وصاياها. و تأتي في الانجيل المقدس كالتالي لأنه هكذا أحب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الأبدية تلك البشارة التي إن أتى القديس يوحنا على ذكرها يقول" الذي كان من البدء، الذي سمعناه الذي رأيناه بأعيننا، الذي شهدناه، ولمسته أيدينا... فان الحياة أظهرت وقد رأينا ونشهد ونخبركم بالحياة الأبدية التي كانت عند الآب وأظهرت لنا. والذي رأيناه وسمعناه نخبركم به.....وقد أبصرنا مجده." ارجو ان يكون شرحي قد اعطاك فكرة مبدأية عن بعض جوانب الايمان المسيحي.. و انا لست بمختص في هكذا قضايا و أطلب من الاخوة في الموقع تصحيح اي خطا ورد في كلامي في حين لم انتبه تحياتي جو
ذكرى مرور عام على وفاة الأديب العالمي سيبيري ماسكوليه 1932 - 2008
|
||||||
|
28/05/2004
|
#12 | ||||||
|
شبه عضو
-- اخ حرٍك --
|
شوف حبوب انا راح رد عليك بكل جزء من الي حكيتو
يعني نتفه نتفه بالاول ابل ما نفوت بالحكي الجد راح رد على كلمة انا مو تبع اهاوي والله ولا انا نحنا راس مالنا اركيله وازا صحت بالبيت بنبطل نروح ومو كل يوم يعني على حسب ما تعن بالبال ههههههههه تاني شي بالنسبه لموضوع الاسئله وانو الهدف انو هيك عالفاضي وجدال وهيك انا مو هيك ولو كنت بدي اخدها من اسلوب انو هيك تضيع وئت وجدال عالفاضي كنت اعدىت جادلت بالطريئ اي واحد مسيحي بيجي ادامي وبصراحة انا كتبت هون لسببين انو الموقع هاد خرط مشطي من الب ورب وتاني شي انو لاقيت واحد هون مسمي حالو الاب وانتو عنكون الاب يعني القديس متل الشيخ عنا نحنا كمسلمين فهاد هوه السبب خلينا بئى فوت عقب على ردك الي انتا كتبتو بالنسبه للايمان بمحبة الله الخالصه للبشر نحنا كمان بالدين الاسلامي منئمن بهالشي ومنئمن ان الله بيحب عبيدو وهاد شي مو انو مختص فيه الدين المسيحي بس شوف انا بموضوعي راح يكون كلامي عن الدين المسلم والمسيحي وما عم احكي عن دينات تانيه لانو ما الي خلطه بالديانات التانيه فما عندي اي معلومات عنها نرجع لموضوعنا فكل الاديان بتامن بحب الله لبشر لان انا راح جبلك ياها بمثال بحياتنا اليوميه هلاء وئت اي واحد فينا يعمل اي شغله فهوه اكيد بيحبا فكيف بدك رب خلقنا ونفخ فينا من روحه وما يكون بيحب مخلوقاته ؟ شي مستحيل ما هيك !! طيب نجي على الي بعدوبالنسبا لابونا ادام عليه السلام مظبوط هوه ارتكب خطيئه وكانت خطيئتو بوسوسة من الشيطان وانا مستغرب من كلمة انو ورثتها البشريه هاي مو شي بينورث بس انو ممكن تئول انا شي وسوس الشيطان فيه والله امو لادم عليه السلام من الجنه وبالنسبه لموضوع السرقه والكزب او او غيرو انا معك ما حدى بهالزمن ما بيكزب او انو بيسرق ومتل ما قلت ما عم نحكي عن سرقه كبيره او صغيره او بصبصه فهاد شي كل انسان ممكن يوئع فيه بس ما بتوقع دين بيكفر الانسان الي بيرتكب خطيئه غير الشرك بالله كل معصيه والها عقاب مو معناها انو الي بيسرق خلص صار كافر لاء وهالشيما فلي دين سماوي اللهي بيحكي هالحكي نحنا كمسلمين ما في شي بيخليك تتلقب بالكافر الا انو تعبد مع الله اله اخر هلاء راح اجي على موضوع الفداء الي انتا عم تقول عنو ولا ابل راح اجي عموضوع انو عيسى عليه السلام هو ابن الله اول شي في عنا نحنا شوره بالقران هيه سورة الصمد وهيه " بسم الله الرحمن الرحيم((قل هو الله احد * الله الصمد * لم يلد ولم يولد * ولم يكن له كفوا احد )) صدق الله العظيم " وهالشي بيدلنا انو الله ما الو ولد ولم يولد وهوه سبحانه اله اشيا بتلد على جلالته وعظمته وحتى مواصفاته اكبر من مواصفات البشر فمستحيل انو يكون او انو نقدر نوصفو بانو هوه متل البشر لان الو اوصاف واشيا بتليق بجلاله وعظمته وعيسي عليه السلام هوه بشر متلنا بس الله اصطفاه سبحانه بانو نبي من انبياء الي ارسلهم لحتى يعلمو البشر رساله وهيه عبادة الله وحده من دون شريك وبالنسبه لموضوع انو يكون في انسان او في شي وسيط بين الله وعباده ما بظن انو بيحتاج هالشي في حديث قدسي عن الرسول محمد صلي الله عليه وسلم بيقول فيما معناه انو لو الانسان اجى لعند ربو وعليه ذنوب بتعادل الزبد تبع البحر بس ما يكون فيه شرك بالله غفرت له ذنوبه |
||||||
|
28/05/2004
|
#13 | ||||||
|
مشرف متقاعد
|
أخي العزيز سؤالك بمحلوا نحنا متعودين نسأل حالنا ونسأل الكهنة هيك أسألة وأكتر من هيك بكتير كمان
لذلك لا تحس أبدا انك طرحت موضوع ما لازم تطرحوا ............. أخي الكريم كتابنا المقدس ينقسم الى قسمين القسم الاول هوي العهد القديم الذي يحوي أسفار موسى و أنبياء العهد القديم ألى مجي المسيح المنتظر القسم الثاني هوي العهد الجديد اللي هوي تعاليم المسيح .... نطلق عليها اسم عهد لان الله أقام عهدا مع البشر أيام موسى و الشعب اليهودي لذلك يسمى العهد القديم وهوالشريعة (وكان طرفا العهد الله و موسى) وأعاد تجديد هذا العهد مع كل البشرية بالفداء الذي تكلم عنه الاخ جو .. الفداء على الصليب لذلك وكما تعرف للعهد طرفان ولكي يكون العهد صحيحا يجب أن يشارك به الطرفين و العهد كان دم السيد المسيح وفي ايماننا هو بشر كامل و إله كامل ....ولولا ذلك لما كان العهد ..... وهذا مايسمى في ايماننا الأقانيم الثلاثة (الآب و الإبن والروح القدس) في الله الواحد وفي العهد القديم يظهر الله لابراهيم في هيئة أقانيم ثلاثة وهي كما ذكرت في العهد القديم : زيارة الملائكة لإبراهيم تكوين 18: 2 وتراءى الرب له عند بلوط ممرا، وهو جالسٌ بباب الخيمة، عند احتداد النهار. فرفع عينيه ونظر، فإذا ثلاثة رجالٍ واقفون بالقربِ منه. فلما رآهم، بادرَ إلى لقائهم من باب الخيمة وسجد إلى الأرض. وقال: "سيدي، إن نِلتُ حظوةً عينيك، فلا تَجُز عن عبدكَ، فيقدّم لكم قليلٌ منَ الماء فتغسلونَ أرجلكم وتستريحونَ تحت الشجرة، وأقدّم كسرة خبز فتسندون بها قلوبكم ثم تمضونَ بعدَ ذلك، فإنكم لذلك جزتم بعبدكم". قالوا: "افعل كما قُلتَ". فأسرع إبراهيم إلى الخيمة إلى سارة وقال: "هلمّي بثلاثةِ أصواعٍ من السميد الناعم فاعجنيها واصنعيها فطائر". وبادرَ إبراهيم إلى البقر، فأخذ عجلاً رخصاً طيباً وسلّمه إلى الخادم فأسرع في إعداده. ثم أخذ لبناً وحليباً والعجل الذي أعدّه وجعلَ ذلك بين أيديهم وهو واقفٌ بالقربِ منهم تحت الشجرة، فأكلوا. ثم قالوا له: "أين سارة امرأتك ؟" قال: "هي في الخيمة". قال: "سأعود إليك في مثل هذا الوقت، ويكون لسارة امرأتك ابنٌ". وكانت سارة تتسمّع عند باب الخيمة الذي وراءه. وكان إبراهيم وسارة شيخين طاعنين في السن، وقد انقطع عن سارة ما يجري للنساء. فضحكت سارة في نفسها قائلةً: "أبعد هرمي أعرف اللذة، وسيدي قد شاخ ؟". فقال الرب لإبراهيم: "ما بالُ سارة قد ضحكت قائلة: أحقاً ألدُ وقد شخت ؟ هل من أمرٍ يُعجِزُ الرب ؟ في مثل هذا الوقت أعود إليك ويكون لسارة ابن". فأنكرت سارة قائلة: "لم أضحك"، ذلك بأنها خافت. فقال: "لا بل ضحكت". ثم قام الرجال من هناك واتجهوا نحو سدوم، ومضى إبراهيم معهم ليشيعهم. فقال الرب: "أَأكتمُ عن إبراهيم ما أنا صانعه، وإبراهيم سيصيرُ أمةً كبيرةً مقتدرةً وتتبارك به أمم الأرض كلّها ؟ وقد اخترته ليوصي بنيه وبيته من بعده بأن يحفظوا طريق الرب ليعملوا بالبرِّ والعدل، حتى ينجزَ الرب لإبراهيم ما وعده به". فقال الرب: "إن الصراخ على سدوم وعمورة قد اشتدَّ وخطيئتهم قد ثقلت جداً. أنزل وأرى هل فعلوا أم لا بحسب ما بلغني من صراخٍ عليها، فأعلم". وانصرف الرجلانِ من هناك ومضيا نحو سدوم، وبقي إبراهيم واقفاً أمامَ الرب. أيضا في ايماننا أن الله معنا ...؟ ماذا يعني هيا التعبير ؟؟؟؟ إن المسيح يسوع هو كما جاء في نبوءات العهد القديم "عمانوئيل" وكذلك في البشارة للعذراء مريم يبشرها الملاك بمولود تسميه عمانوئيل وهذه الكلمة "عمانوئيل" تعني في الترجمة الى العربية الله معنا وايماننا أن الله لم يفارق التاريخ البشري ولن يفارقه وفي اللاهوت يقسم تاريخ البشر مع الله ألى ثلاثة أقسام هي : القسم الأول قبل ميلاد المسيح فيه تكلم الله الآب مع البشر عبر الأنبياء فنسميه زمن الآب القسم الثاني مع ميلاد المسيح حتى قيامته وفيه تكلم الابن (=كلمة الله) مع البشر فنقول "والابن أخبر عن الآب" فنسميه زمن الابن القسم الثالث من قيامة السيد المسيح والى يوم القيامة وفيه تكلم ويتكلم وسيتكلم الروح القدس "= المعزّي" هكذا تكلم المسيح في الانجيل وارسل لنا الروح المعزي (الروح القدس) "لا تخافوا فأنا معكم حتى انقضاء الدهر" هذا هو ايماننا أو لمحة عن ايماننا أخي العزيز وأشكرك على السؤال وأرجو منك أن تستفسر اذا لم تفهم
عرين العروبة بيت حرام ..... وعرش الشموس حمىً لا يضام
هادا بلدي سوريا |
||||||
|
28/05/2004
|
#14 | ||||||
|
عضو
-- أخ لهلوب --
|
مرحبا يا شباب
حلو كتير هذا الموضوع بس متل ما لاحظنا انه واسع جداً وبحاجة إلى ثقافة واحترام لرأي كل المشاركين انا مع الحوار الهادئ والمتزن والبعيد عن التعصب والعصبية لكن دون فرض آيات أو سوَر من أي كتاب كريم لأنها تنهي الحوار فوراً وبطريقة لا تقنع أحداً لنترك كلام الله والأنبياء والمرسلين في قلوبنا وعقولنا وكنائسنا ومساجدنا ونستعمل في الحوار كلام البشر الذي يحتمل الخطأ والصواب بيكون الحوار قابل للاستمرار أكثر ومفيد في تبادل المعلومات وتصحيح الخلل في العلاقات إن كان هناك خلل شكراً |
||||||
|
28/05/2004
|
#15 | ||||||
|
القــــــــــــــــــائم
|
انا عندي تعقيب على طريقة الحوار عامة
انا بعتقد اي حوار بين مسلم ومسيحي بين مسيحي ويهود مسلم ويهودي .. ما بينفع فيه الاستشهاد بما هو لا يعد مرجعية بالنسبة للطرف الاخر مثال: لو مسلم حب يسبت لمسيحي ان الله ليس له ابناء بالاستشهاد بالية من القران من قبيل ((قل هو الله احد * الله الصمد * لم يلد ولم يولد * ولم يكن له كفوا احد )) لن يقنع المسيحي فالقران ليس مصداقية او مرجع بالنسبة له وكذلك لو حب المسيحي يثبت شيء لمسلم عن الفداء وقال لأنه هكذا أحب الله العالم حتى بذل ابنه الوحيد لكي لا يهلك كل من يؤمن به بل تكون له الحياة الأبدية لن يقنع المسلم لان الانجيل ليس مصداقية او مرجع بالنسبة له اعتقد والله اعلم ان اي حوار من هذا النوع له ركيزتين اما نقاش عقلاني منطقي موضوعي مجرد عن اي ستشهادات واي مراجع خارجية او استشهادات مقلوبة (كان يستشهد مسلم امام مسيحي باية من الانجيل - او ان يستشهد مسيحي باية من القران امام مسلم) انا ليس عندى تعليق على الموضوع كموضوع وانما تعليقي على اسلوب الحوار عامة مع كل حبي  |
||||||
|
28/05/2004
|
#16 | ||||||
|
شبه عضو
-- اخ حرٍك --
|
تكملة:
فالله سبحانه العادل الرحيم الرحوم وما بيحتاج انو حدى يكون وسيط بين العبد وربه هلاء بدي اسئلك انتا وات تقول يا رب سامحنى او يا رب اغفرلي هل بيكون حدى وسيط بينكوبين ربك؟؟؟ وات تصلي وتعيد الله هل بيكون في وسيط عم بيشوفك ويقول لربنا والله شوف فلان عم بيصلي؟؟ اكيد لاء لانو هوه سبحانه العالم بكل ما في الصدور حتى لو انو اعدت تستغفر ربك بالبك هوه سامعك البشر او الانبياء ما بيعرفو شو في بالصدور ازا ما كان بايحاء من رب العباد بعدين راح اجيك على نقطه بتمنى ما تكون حساسه او تضايق اي انسان بيقراء هالشي هلاء الانجيل شو مو كلام رب العباد ؟؟؟ مو هوه الكتاب الي اللله سبحانه نزلو على عيسى عليه السلام؟ اكيد جوابك اي فشو دخل يوعنا او غيرو هدول يمكن كانو اناس صالحين بالنسبه للدين المسيحي بس ما بينوصف شي كتبوه انو انجيل الانجيل فقط هوه الي الله سبحانه نزلو على نبي الله عيسي نحنا كمسلمين في عنا دستورنا وهوه القران ، وهوه كتاب واحد ما في غيرو لو بتروح وين ما بتروح بتلاقي نفس الحرف ونفس الكلمه ونفس كل شي بس بالنسبه لكتاب يوحنا او او او.... روح شوفو بالشام غير عنو بالبنان روح شوفو بالجزائر غير بتونس وغير وغير ما بظن انو كلام الله بيتغير كلام رب العباد ي ما بعدو كلام هاد تعليق بسيط على كلامك وبتمنى انو ما حدى يفهم كلامي بمعنى التعصب او شي لاء بالعكس انا ماني شيخ لحتى جادل ويمكن كون اخطأت ويمكن كون اصبت وانا متاكد انو حدى اعلم مني راح يكتب وهون وحواري هاد متل ما قلت او وصفتو انتا من نوع المعرفه والستطلاع وشكرا الكم جميعا والك انتا بالزات جو على ردك تحياتي لك والله طلعت عيني وما عم يرضا يروح |
||||||
|
28/05/2004
|
#17 | ||||||
|
القــــــــــــــــــائم
|
رجاء لو بدنا نتكلم على صحة الانجيل او الاتهامات الموجهة بكون بموضوع مستقل عشان الناس ما اتشت
بس تعقيب صغير : الانجيل لم ينزل على عيسى (المسيح) ولم يكتبه المسيح وانما اول الاناجيل كتب سنة 70ميلادي اي بعد صلب المسيح .. والاناجيل اربعة ليس فيها اي ادنى اختلاف لا هنا ولا في لبنان ولا في الجزائر .. اطلاقا كل ما هنالك لو ترجمت القرأن الي اللغة الصينية حتلاقي انو في اختلافات (ليش) لانو الغة الصينية عدة لهجات والفصحة منها عدة لهجات وكذلك الاختلافات اختلافات ترجمة .. ولو اتحب اطرح الموضوع بشكل مستقل للنقاش |
||||||
|
28/05/2004
|
#18 | ||||||
|
شبه عضو
-- اخ حرٍك --
|
يا سعادة المستشار انا عم قول عن شي قرئتو
انا هلاء ماني بالشام لو بالشام كان رحت وجبت الانجيل وقرئتلك اشيا منو وجبتلك انجيل تاني من مكان تاني يعني بئصد من دوله تانيه وراح فرجيك الاختلاف انا قرئت انجيل بالشام وقرئت انجيل بلبنان ولاقيت في كتير اختلافات وعالعموم كلامك مزبوط انا خبصت يمين بيسار لازم وات بدي احكي بهالشي يكون موضوع مستقل عا العموم تحياتي الك سعادة المستشار |
||||||
«
الموضوع السابق
|
الموضوع التالي
»
| أدوات الموضوع | |
|
|
الساعة بإيدك هلق يا سيدي 13:49 (بحسب عمك غرينتش الكبير +3)