والله وزماااااان!!! موشح أسماء الله الحسنى لصباح فخري

[oliver68]

مرحبا شباب، متل ما شفتوا، موشح أسماء الله الحسنى لصباح فخري، انا كتيييييييييير بحب هالموشح، لأن بذكرني بأيام زمان، أيام بيت ستي القديم -الله يرحمها- بحمص، يللي هلأ انباع والله أعلم شو صار فيه!!!! كنت وقتها بين الصف الأول والتالت، كانوا يحطوا هالموشح على سوريا قبل الفطور وعند السحور، ووقتها كنت مفكر معنى السحور إنو العالم بينسحروا ، يعني بصيبهن سحر!!! لأ والنهفة إنو خالتي كانت تستغل الموقف وتتسلى فيني!!!! وتخترع حركات بوجهها وتحكي معي بصوت غريب، وأنا ارتعب!!!!! وبعد ما كبرت لاكتشفت المقلب.
بهداك الوقت كان أبي بالغربة، وكنا أنا وأمي ساكنين مع ستي ببيتها، وكانت العيلة دايما مجموعة بهالبيت العائلي الدافي، وهلأ كتيييييييييير بحن لهديك الأيام، وصرلي زمان ما اسمعت هالموشح، ولما اسمعتو اتذكرت هديك الأيام الحلوة ودمعت عيوني عنجد الذكريات الحلوة على قد ما هيي حلوة على قد ماهيي مؤلمة ومؤثرة.
المهم شباب بترككن مع الموشح، حاولت نزلو على أخوية مشان الشباب يتذكروه كمان، بس بضل يطلعلي "خطأ في تحميل الملف" فاضطريت نزلوا على esnips، التحميل طلع منيح بس مع خطأ كتير صغير ما بتحسوا فيه قبل ما تخلص الدقيقة الأولى،و يا ريت إذا حدا عندو الفيديو تبع هالموشح يللي كانوا يحطوه على "قناة البرنامج العام" بالمشرمحي القناة الأولى، يا ريت يحطلنا ياه ويشاركنا فيه، وعنجد رح كون منوووووووووون كتيييييييييييير.

هي الرابط، إنشالله يعجبكن

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[suryoyo]

يسلموا على الموشح ...

جاري التحميل