الحكومة ترفض منح الجنسية لأبناء المرأة السورية

[MadMax]

أعضاء في مجلس الشعب يستعدون لتقديم مشروع قانون معدل يقضي بمنح الجنسية السورية للذين يولدون من أم سورية بعد أن رفضت الحكومة مشروعا سابقا قدم إليها.
وقال عضو مجلس الشعب محمد حبش في تصريح لـسيريانيوز يوم الثلاثاء إن "الحكومة وقفت ضد مشروع القانون الذي قدمناه سابقا حول إعطاء المرأة السورية الحق في منح الجنسية لأبنائها", مشيرا إلى أن "الرفض الحكومي جاء على خلفية ما اعتبرته تناقضا مع قرار لجامعة الدول العربية وافقت سورية عليه ويقضي بعدم منح الجنسية للفلسطينيين".

وكان 10 من أعضاء مجلس الشعب, بينهم حبش, تقدموا بمشروع قانون أواخر العام الماضي يتضمن منح الجنسية السورية للذين يولدون من أم سورية, حيث يعطي القانون السوري الجنسية السورية للذين يولدون من أب سوري فيما يحرم من يولدون من أم سورية حيازة الجنسية, وذلك على عكس ما هو قائم في العديد من دول العالم.

وكشف حبش عن عزم الأعضاء الذين تقدموا بمشروع القانون السابق "التقدم بمشروع قانون جديد ينص على منح الأم الجنسية السورية لأبنائها بما لا يتعارض مع قرارات الجامعة العربية", مشيرا إلى أن " المشروع الجديد سيتلافى مأخذ الحكومة على المشروع القديم والقائم على خشية تسلل توطين الفلسطينيين من خلاله".

وترفض سورية كما هو الحال بالنسبة لكل الدول العربية توطين اللاجئين الفلسطينيين على أراضيها احتفاظا بحق العودة لهم إلى أراضيهم التي نزحوا منها بعد الاحتلال الإسرائيلي لها.

وأعرب حبش عن أمله أن" لا تعارض الحكومة مشروع القانون الجديد", مشيرا إلى أن "هذا القانون سيرفع الظلم عن المرأة السورية ويمكنها ويعطيها حقها", مشيرا إلى أن " السوريين ملتزمون بقرارات الجامعة العربية إلا أننا بإمكاننا من خلال تعديل مشروع القانون إعطاء الأم السورية المتزوجة من أي شخص غير فلسطيني حق إعطاء الجنسية لأبنائها".


وتعتبر قضية حق الأم السورية في منح أبنائها الجنسية مثار جدل بين العديد من الحقوقيين والاجتماعيين وعدد لا يستهان به من أصحاب هذه المعاناة, حيث يعتبر أبناء السورية التي تتزوج من غير سوري أجانبا ولا يتمتعون بأي حقوق يتمتع بها المواطن السوري.

وتطالب سوريات ممن يعانين من هذا الأمر بحقهن في نقل الجنسية السورية إلى أولادهن أسوة بما هو قائم في العديد من دول العالم، وخاصة في الغرب، حيث يتزوج بعض العرب من أجنبيات بغية نيل الجنسية لهم ولأولادهم من بعدهم.




سيريانيوز

[saman]

ممممممممممممممم
خير انشالله ...
ما كنا نخلص من هالعقد نحنا
شكراً عالخبر

[achelious]

بظن صعب يتم هالشي!
عكلن إذا ماتم فهاد مابيعني انو القانون مابيسمحلن يكسبوا الجنسية السورية,
انما الخلاف هون على اكتسابا حكما, متل اكتسابا من الأب,

الفقرة الأولى من المادة التالتة من قانون الجنسية الحالي:
"يعتبر عربيا سوريا حكما من ولد في القطر أو خارجه من والد عربي سوري . "

[Marooshe]

كاتب النص الأصلي : MadMax

وتعتبر قضية حق الأم السورية في منح أبنائها الجنسية مثار جدل بين العديد من الحقوقيين والاجتماعيين وعدد لا يستهان به من أصحاب هذه المعاناة, حيث يعتبر أبناء السورية التي تتزوج من غير سوري أجانبا ولا يتمتعون بأي حقوق يتمتع بها المواطن السوري.

ورح يضل مجتمعنا أعرج ..

[sandra]

اي شي بيضايق لكن من جهة تانية متوقع
بزمانو صار موضوع بأخوية حول هالموضوع وكان في بنات ضد منح الجنسية السورية عن طريق الام فشو متوقعين من مجلس الشعب

[Elaana]

مو بس عندكن عنا كمان هيك
يحرق حريش أخت هالحاله كأنو الرجل الو حق بالوطن والمرأه رجل كرسي مالها ولا ربع حق بوطنها

[محمد ابراهيم]

ينظر للموضوع من عدة زوايا منها التالي :-


الزاوية الاولى : في اي وطن يتمتع فيه المواطنين بنفس الحقوق والواجبات يجب ان يتمتع ابناء الام المتزوجة من اجنبي بنفس حقوق الابناء من الاب المتزوج من اجنبية .

الزاوية الثانية : في مصر توصلوا الى صيغة قانونية لا تتعارض مع قرار جامعة الدول العربية الصادر عام 1959 ومنحوا الجنسية المصرية لابناء الام المصرية المتزوجة من اجنبي وقام القانون باستثناء المتزوجة من فلسطيني (ولكن الفكرة التانية تتعارض مع الفكرة الاولى)

الزاوية التالته : ابناء الام السورية سوف يكون لهم جنسية الاب + جنسية الام ، ماذا عن الولاء للوطن ؟ سيكون لدولة الاب ام لدولة الام ؟ نحن هنا لا نتحدث عن ام سورية واب لبناني او فلسطيني او اردني او عراقي (الحمد لله لدينا اشياء مشتركة كثيرة اكبر من أن تثير مخاوف على اي من تلك الدول) بل عن ام سورية واب دانماركي او استرالي او نيجيري او اسرائيلي او اميركي مثلا ؟
فولاء الابناء سيكون لجنسية الاب ؟ الاسرائيلي او الاميركي او الدانماركي او النيجيري ؟!!! زاوية خطيرة لابد من تداركها لان لها ابعاد اخطر ولا اريد ان اطيل الان سوف اتحدث عنها حسب تطور الموضوع .

[BL@CK]

كاتب النص الأصلي : MadMax

وتعتبر قضية حق الأم السورية في منح أبنائها الجنسية مثار جدل بين العديد من الحقوقيين والاجتماعيين وعدد لا يستهان به من أصحاب هذه المعاناة, حيث يعتبر أبناء السورية التي تتزوج من غير سوري أجانبا ولا يتمتعون بأي حقوق يتمتع بها المواطن السوري.

ما بدهون هالحقوق أصلا ً المواطن السوري ما عندو غير واجبات ما بيعرف شي إسمو حقوق ..

فا من عندي ما بدهون هالحقوق .

[توم و جيري]

مشكور ابو سمرا ....
خير بيصير .....

[شوط ياقمر]

يعني بفهم من حديسك .. اني اذا تزوجت مرأة سورية .. العجان الصغار مابيطلعلن جنسية

[سيجارة]

كاتب النص الأصلي : شوط ياقمر

يعني بفهم من حديسك .. اني اذا تزوجت مرأة سورية .. العجان الصغار مابيطلعلن جنسية

[personita]

كاتب النص الأصلي : محمد ابراهيم

ينظر للموضوع من عدة زوايا منها التالي :-


الزاوية الاولى : في اي وطن يتمتع فيه المواطنين بنفس الحقوق والواجبات يجب ان يتمتع ابناء الام المتزوجة من اجنبي بنفس حقوق الابناء من الاب المتزوج من اجنبية .

الزاوية الثانية : في مصر توصلوا الى صيغة قانونية لا تتعارض مع قرار جامعة الدول العربية الصادر عام 1959 ومنحوا الجنسية المصرية لابناء الام المصرية المتزوجة من اجنبي وقام القانون باستثناء المتزوجة من فلسطيني (ولكن الفكرة التانية تتعارض مع الفكرة الاولى)

الزاوية التالته : ابناء الام السورية سوف يكون لهم جنسية الاب + جنسية الام ، ماذا عن الولاء للوطن ؟ سيكون لدولة الاب ام لدولة الام ؟ نحن هنا لا نتحدث عن ام سورية واب لبناني او فلسطيني او اردني او عراقي (الحمد لله لدينا اشياء مشتركة كثيرة اكبر من أن تثير مخاوف على اي من تلك الدول) بل عن ام سورية واب دانماركي او استرالي او نيجيري او اسرائيلي او اميركي مثلا ؟
فولاء الابناء سيكون لجنسية الاب ؟ الاسرائيلي او الاميركي او الدانماركي او النيجيري ؟!!! زاوية خطيرة لابد من تداركها لان لها ابعاد اخطر ولا اريد ان اطيل الان سوف اتحدث عنها حسب تطور الموضوع .

محمد، أنت هون طرحت مسألة مهمة، و هي شو بيصير لو جنسية الأب هي جنسية دولة عدوة؟ بس في رأيك ما بينطرح نفس المشكل إذا كانت الأم هي اللي أجنبية مش الأب؟ و لا الولاء تلقائيا بيكون لدولة الأب؟
بعطيك مثال: لما صارت مشكلة بين المغرب و اسبانيا على جزيرة ليلى، نص الجنود الاسبان اللي انبعتو على الحدود كانو من أصل مغربي، و نص أهلهم في المغرب (أو حتى عندهم جنسيتين، المغربية و الاسبانية)
قبل فترة بسيطة، بس من سنتين، كان في عندنا نفس القانون و تعدل بمرسوم ملكي، و أنا بشوف أنو من أبسط الحقوق اللي ممكن يتمتع بها المواطن هو الاعتراف فيه كابن و ابنة للوطن اللي بينتمي اليه، بحكم أنو تولد على أرضو، أو لأنو جذورو (سواء الأب أو الأم) من هذا الوطن

[هبه الاردن]

شو الجديد ع الحكومه العربيه ؟؟؟

كل الحكومات العربيه تقريبا ما بتمنح الجنسيه لابناء المرأه الي بتتزوج من خارج بلدها

بس الرجل هوه الي بيمنح الجنسيه لمرته واولاده

[nour333]

يعني ما بدي كون متحيزة للحكومات بس انتو فكرتو بالعبء اللي رح يصير عليها لو منحت الجنسية لأبناء المرأة اللي متزوجة اجنبي
متلا عندك بالاردن الغزاوية معهم وثيقة وفي كتير ادرنيات متزوجين غزازوة وحسبو نص مليون واحد حياخد الجنسية لو مشى هالقرار يعني بلد متل الارن بتقدر تتحمل هيك شي وحتى اي بلد عربي قاعدين الشباب بهاجرو من قلة الشغل والسكن والظروف المعيشية الصعبة
بعدين ما حد ضرب المرأة ع ايدها وقلها تتزوج واحد من غير بلدها وقت اختارت لازم تتحمل تنائج الاختيار بأيجابياتو وسلبياتو
وعندك الجنسية بالدول الغربية تعطى للمرأة لأنو كتير هناك في امهات عزباوات وهالشي مو موجود عنا

[MadMax]

كاتب النص الأصلي : BL@CK

ما بدهون هالحقوق أصلا ً المواطن السوري ما عندو غير واجبات ما بيعرف شي إسمو حقوق ..

فا من عندي ما بدهون هالحقوق .

ولو يا زلمي




في بونات السكر

[MadMax]

كاتب النص الأصلي : nour333

بعدين ما حد ضرب المرأة ع ايدها وقلها تتزوج واحد من غير بلدها وقت اختارت لازم تتحمل تنائج الاختيار بأيجابياتو وسلبياتو

هالجملة مو كتير زابطة ......أصلاً عيب الواحد يناقش فيها

[nour333]

كاتب النص الأصلي : MadMax

هالجملة مو كتير زابطة ......أصلاً عيب الواحد يناقش فيها

سامر انا ما قصدت هيك بس وقت متلا وحده تختارك ازا مو سورية لازم تعرف انك صرت كل شي وانها هي وولادا رح يكونو سوريين هلا وين المشكلة
ازا انت تركتها او لا سمح الله صرلك شي ورجعت لآهلها ع الاقل الحكومات تعطي ولادا بعض حقوق المواطنة بس الجنسية والله صعبه

[MadMax]

كاتب النص الأصلي : nour333

سامر انا ما قصدت هيك بس وقت متلا وحده تختارك ازا مو سورية لازم تعرف انك صرت كل شي وانها هي وولادا رح يكونو سوريين هلا وين المشكلة
ازا انت تركتها او لا سمح الله صرلك شي ورجعت لآهلها ع الاقل الحكومات تعطي ولادا بعض حقوق المواطنة بس الجنسية والله صعبه

الجنسية مو بس حقوق ...... الجنسية مواطَنة .... و شعور بالانتماء للوطن و الارض





يعني متل ما قال بلاك .... الجنسية السورية بتفرض علينا واجبات .. أكتر بكتير من الحقوق يللي منحصل عليها
بس هادا ما بيعني أنو السوريين بيرضو يبدلوا جنسيتهم بجنسية تانية