فرنسا: طرد مدرّس شكّك بـ 11 أيلول

[sona78]

أعلن وزير الدفاع الفرنسي، ارفيه موران، أمس، أن مدرّساً طرد من عمله في الكلية الحربية العليا (سي اي دي) لأنه نسب اعتداءات 11 أيلول 2001 في كتاب له، إلى «مؤامرة إسرائيليّة ـــــ أميركيّة».
وأعلن موران ان الباحث ايمريك شوبراد «وضع للتوّ كتاباً ضمّنه تحليلاً يتعلق بأسباب دمار برجَي مركز التجارة العالمي، مورداً روايات غير مقبولة تهدف إلى إظهار أن الأحداث هي نتيجة مؤامرة إسرائيليّة أميركية».
ويقول شوبراد عن انهيار مركز التجارة العالمي في كتابه إن «موجة الصدمة لم تؤدّ إلى الانهيار... وحده نسف المبنى بواسطة متفجرات قادر على إحداث انهيار بمثل تلك السرعة والكمال».
(أ ف ب)
من جريدة الاخبار

[أم الجود]

عن جد شي بيقرف ...
أنا متأكدة من أنه هالأستاذ اللي انطرد لو كان سب نيكولا ساركوزي بذات نفسو ما كانوا طردوه .. أما أنه يتطاول على اسرائيل و أميركا ؟؟!!؟؟؟؟؟ وين رايح بهالعجقة ؟؟؟
ع فكرة أنا مقيمة بفرنسا و كتير بعاني من مشكلة مناقشة القضية العربية عموماً و الفلسطينية خصوصاً مع الناس هون .. لأنه حتى المتعاطفين مع العرب و المنتقدين لاسرائيل ما بيسترجوا يعلنوا هالشي و بيوقفوا بالنقاش على الحياد من خوفن ليتهموا بمعاداة السامية .. و يا لطيف على هالتهمة !! يعني انن يتهموا بالعنصرية تحاه السود (يلي هي كمان شغلة خطيرة و عواقبها وخيمة في حال ثبتت على شخص ما) أهون و أرحم 100 ألف مرة ..! كل شي مبرر لليهود على اعتبار انن شعب تعذب و اضطهد .. و فرنسا بالذات و على الخلفية التاريخية للحرب الألمانية عليها (اللي لهلأ تاركة آثار نفسية عند الشعب الفرنسي و إن كان عندن ميل لينكروا هالشي) بتحس انو من واجبها تضاعف التعاطف اللي ممكن تظهره بقية دول أوروبا و تظهر بصورة الدولة الأوروبية الأشد حرصاً على مصالح اليهود.

شكراً عالموضوع