حذف موضوع من قسم "الفساد" بعد نقله من قسم "التصوير"

[قرصان الأدرياتيك]

السّلامُ على محفلكم الأكرم... أمّا بعد.


قبل ساعات كنتُ وضعتُ موضوعاً في قسم التصوير يضمُّ صورةً لإحدى محطات المتروبوليتانا في روما، وفيه عرضتُ لمشكلة الخدمات الاجتماعيّة التي ترزحُ تحت ثقلها إيطاليا.


وبعدما دخلتُ الأخويّة عثرتُ على رسالتين في صندوق بريدي أرسلتهما المنسقة the morning تخبرني الأولى أنَّ الموضوع نُقلَ إلى قسم الفساد لأنّه المكان الأنسب له، والثانية تقولُ فيها إنَّ الموضوع حُذفَ من قسم الفساد لأنّه يُخالف ضوابط القسم!!!

ليس اعتراضي هنا على نقل الموضوع من قسم التصوير إلى قسم آخر، لكنّي أتساءل إذا كانت الإدارة تنقل موضوعاً من قسمٍ إلى آخر ثمَّ تحذفه لأنّه يخالف ضوابط ذاك الآخر، فما الذي يحدث يا رعاكم الله!

وإذا افترضنا أنّه يخالف ضوابط قسم الفساد فهل حذفُ الموضوع (أو المواضيع) من الأخويّة كاملةً هو الطريقة السليمة المتّبعة؟! هل حذف الموضوع يعني أننا نحتاج إلى قسم جديد في أخوية؟ وهل هي المرة الأولى التي يطرح فيها أحد الشباب المغتربين موضوعاً عن مشكلةٍ يعايشها أو عن حدثٍ يُعاصره؟؟

[MadMax]

كاتب النص الأصلي : قرصان الأدرياتيك

هل حذف الموضوع يعني أننا نحتاج إلى قسم جديد في أخوية؟ وهل هي المرة الأولى التي يطرح فيها أحد الشباب المغتربين موضوعاً عن مشكلةٍ يعايشها أو عن حدثٍ يُعاصره؟؟

لا أكيد مانا بحاجة قسم جديد كرمال هيك موضوع


الفساد بإيطاليا ..... مو من اهتمامات المنتدى

في كتير مشاكل بمجتمعنا أولى بالطرح

[The morning]

نحنا دائما بننوّه لضروره اطلاع الاعضاء على ضوابط الاقسـام قبل تنزيل المواضيع خاصه اذا ما كان الـعضو من رواد الـقسم بشـكل دائما بحيث انّو الديكور السنه قد يختلف عن ديكور السنه الجايه لذلك و بما انّو الرد على اسئلتك جميعا موجود ضمن الضوابط فأنا رح اكتفي باني ارجع حطلك الرابط لضـوابط قسـم الرسم و التصـوير و ذكّر بالعباره المذكوره بالنهايه و اللي بتقول :
مع العلم أن أي مخالفة للشروط اعلاه ستؤدي الى حذف الموضوع و في حال التكرار لتنبيه العضو .

رابط الـضوابط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و متل ما شايف مافي شـي يقتضي بأنّو المشرف عليه انو يقوم بالبحث عن القـسم الامثل للموضوع المخالف و حتّى و ان وجد القـسم المناسب فـحزف الموضوع المخالف هوّ الاجراء الاداري اللي بتم اتخاذه و طبعا هالشي مش من جيبه الوالد انما استنادا للمذكور بالضوابط أعلاه : المواضيع المخالفه لضوابط تحذف مش تنقل لمكانها الصحيح !

بناء عليه أنا طلـبت من المسـؤولين بقـسم الفـساد أرجاعه عالـرسم و التصوير و بذلك موضوعك تم حذفه من قسم الرسم و التصوير و ليس الفـساد و بناء عليه قمت بمراسلتك و وضعك بالصوره لذلك أعتقد كل الامور صارت واضحه الان و صار فيك تسكّر المـوضوع من أدوات المـوضوع >> أغـلاق ..


تحيـاتي الحارّه

[قرصان الأدرياتيك]

كاتب النص الأصلي : The morning

نحنا دائما بننوّه لضروره اطلاع الاعضاء على ضوابط الاقسـام قبل تنزيل المواضيع خاصه اذا ما كان الـعضو من رواد الـقسم بشـكل دائما بحيث انّو الديكور السنه قد يختلف عن ديكور السنه الجايه لذلك و بما انّو الرد على اسئلتك جميعا موجود ضمن الضوابط فأنا رح اكتفي باني ارجع حطلك الرابط لضـوابط قسـم الرسم و التصـوير و ذكّر بالعباره المذكوره بالنهايه و اللي بتقول :
مع العلم أن أي مخالفة للشروط اعلاه ستؤدي الى حذف الموضوع و في حال التكرار لتنبيه العضو .
رابط الـضوابط :

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

و متل ما شايف مافي شـي يقتضي بأنّو المشرف عليه انو يقوم بالبحث عن القـسم الامثل للموضوع المخالف و حتّى و ان وجد القـسم المناسب فـحزف الموضوع المخالف هوّ الاجراء الاداري اللي بتم اتخاذه و طبعا هالشي مش من جيبه الوالد انما استنادا للمذكور بالضوابط أعلاه : المواضيع المخالفه لضوابط تحذف مش تنقل لمكانها الصحيح !
بناء عليه أنا طلـبت من المسـؤولين بقـسم الفـساد أرجاعه عالـرسم و التصوير و بذلك موضوعك تم حذفه من قسم الرسم و التصوير و ليس الفـساد و بناء عليه قمت بمراسلتك و وضعك بالصوره لذلك أعتقد كل الامور صارت واضحه الان و صار فيك تسكّر المـوضوع من أدوات المـوضوع >> أغـلاق ..
تحيـاتي الحارّه

مارح رد عليكِ وسين وجيم وخدني جيتك لأن النتيجة معروفة مسبقاً... متلو متل غير كتير مواضيع نزلت بالبريد يلي صاير صفحة متل قلتها... بس كرمال الأمانة يا ذا مورنينغ، وقبل ما سكر الموضوع، رح نزل الرسالتين يلي بعتيلي ياهن كرمال الأعضاء يقعدوا ويتفرجوا على قمة التناقض والمسخرة:

الرسالة الأولى "فيما يخصّ موضوعك بقسم الرسم والتصوير"، 28- 11- 2008، التوقيت 18:51

سلامات ,
كيفك ؟
المهم يا عزيزي انت كنت نزلت موضوع بالرسم و التصوير يـُعنى بتصوير الفـساد اللي انت شايفه في ايطاليا و بناء عليه تم نقل الموضوع لمكانه الصحيح في قسم الفساد ..
شكرا

الرسالة الثانية "فيما يخص موضوعك بقسم الرسم والتصوير /2/"، 28- 11- 2008، التوقيت 19:44

سلامات مجددا ,
فيما يخص موضوعك اللي نوهت مسبقا الى انو تم نقله لقسم الفساد , بعد التباحث مع المسؤولين بالقـسم لفتو انتباهي الى انّو قسم الفساد يـُعنى بالامور اللي بتخص سوريا فقـط و بذلك تم حذف الموضوع كونو المواضيع المخالفه لضـوابط الـقسم بتحذف و من أحد عواميد هالـضوابط بقسم الرسم هي التالي :

1 ) عنوان القسم واهدافه : " رسم وتصوير "
أي ان القسم متخصص بنشر الأعمال و المواضيع ( الفنية ) : اللوحات أو الرسومات اللتي تحمل الطابع الفنّي ...., المواضيع المتعلقة بفن التصوير الفوتوغرافي , تقنيات في الرسم و التصوير ....
بمعنى آخر .. نشر صور فنانين ، نهفات، طبيعة ، أزياء ، سيارات ..و كل صورة لا تحمل هوية فنية ممنوع بتاتاً بالقسم .. وانما يتم وضع كل منها في قسمها الانسب ( فنانين بقسم السينما / ازياء بالكعوب العالية / السيارات بسيارات وشبيحة وهكذا ) ...
و أيضا كامل التشـجيع للابداعات الـشخصيه مذكور بالضوابط و لكن مـوضوعك و صورتك كانت تـُعنى بالقاء الضـوء على فـكره معـُينه و التركيز كاين عالفـكره مش عالصوره اللي اجت كـعامل ثانوي لتدعم الفكره و بذلك المكان المناسب الها مش قسم الرسم و التصوير و مش قسم الفساد كونه ما بيلقي الضوء الّا على الفساد بسوريا ..
طبعا انت مرحب بأنّك تنزل الموضوع مجددا بأحد الاقـسام التانيه بعد الاطلاع على ضوابطها - ان وجدت - و التأكد من انّو هالـقسم هو القـسم المناسب لموضـوعك ..
تحـياتي

يعني يا ذا مورنينغ ما بعرف قصة التناقض المليانة هون وهون شي بين رسائل وشي بردك بالبريد وبصراحة ما بعرف سبب هاللف والدوران كلو!!! بكل بساطة وبكل سهولة كان فيكِ قبل أي نقل وحذف- إذا كان يعني يهمك جداً لتضيعي وقت بنقلو لقسم تاني وإرجاعو لقسمك ومن ثمَّ حذفه- تسأليني برسالة وحدة وين نحط الموضوع، كنتِ وفرتِ حبر وكتابة رسائل ونقل وإرجاع وحذف ورد عالبريد ومن هالقصص كلا، بس الهيئة الغرض الله أعلم!

وبالنهاية عيوني أنا زعلان عليكن مو عالموضوع... عالمستوى يلي وصلتولو بس مو أكتر!!!

وهاي أحلى وردة للشباب الطيبة.