هو وهي.........

[نتالي سوريا]

هو
*بدي اطلب بيتزا .. بدك اشي؟'

**هي: *'لا.'
**هو :** *
*'اوكي.'
**هي :** *
*'و لا اقولك ..؟'

**هو: *
*'ها . بدك اطلب لك كمان؟'
**هي :** *
*'مش عارفة.'

**هو :** *
*'مش عارفة اذا بدك اشي؟'

**هي :
'لا.'

هو :** *
*'انتي جوعانة؟'

**هي:** *
*'يعني .'
**هو :
'شو يعني يعني...؟'
هي: *
*'يعني معناها مش متأكدة اذا كنت
جوعانة او لا.'
**هو:** *
*'الواحد لما يكون جوعان
بيعرف'

**هي :** *
*'مهو يمكن اجوع بعدين'

**هو: *
*'معناها اطلب لك بيتزا.'
**هي :** *
*'طيب و اذا ما كنت جوعانه
وقتها..؟'

**هو** **:
'ما تاكلي.'

هي** **:** *
*'بس هيك بيكون تبذير'

**هو: *
*'طيب . بتاكليها بكرة.'

**هي:** *
*'و اذا ما كان الي نفس آكل بيتزا
بكرة؟'
**هو :** *
*'هاي ما بدها نفس .. الواحد
بيقدر ياكل البيتزا كل يوم '

**هي:
'انا لا .. ما باكل بيتزا الا لما
يكون عندي نفس للبيتزا.'

هو: *
*'معناها بطلب لك اشي تاني'

**هي: *
*'بس انا ما بدي اشي تاني'

**هو:
'يعني بدك بيتزا؟.'
هي:
'لا.'

هو :
'يعني ما بدك اشي؟.'

هي:** *
*'امبلى.'

**هو :* *'جننتي سماي شو بدك؟'

**هي :** *
*'اطلب انت لحالك....'

**هو:
'اخيرا .. ماشي..'

هي:** *
*'بس اطلب بيتزا بالتونا'
**هو:
'بس انا ما بحب التونا.'

هي :
'بس انا بحبها.'

هو :
'هو انا بدي اطلب الي و لا
الك...؟!'

هي:** *
*'الك طبعا.'

**هو :** *
*'طيب و ليش بالتونا. ..؟'
**هي: *
*'يمكن اجوع لما يوصل الاكل'

**هو:** *
*'و شو يعني؟'
**هي :
'بالله؟ شو يعني فكرك آكل اشي ما
بيعجبني؟'

هو: *
*'ليش هو انتي بدك تاكلي؟'

**هي :** *
*'ليش لا ؟'
**هو :
' يا مثبت العقل و الدين .. هسه
انا لازم اطلب بيتزا الي , عشان
انتي تاكليها
اذا كنتي جوعانه؟؟'

هي:** *
*'بالضبط.'

**هو** **:
'و انا شو بدي آكل؟'
هي** **:
'مهو يمكن ما أكون جوعانة...'** *

*ملاحظة: محكمة الجنايات قررت
الافراج عن الزوج المتهم بتهمة
'قتل الزوجة مع
سبق الاصرار و الترصد' و تحويل
القضية الى 'قتل الزوجة دفاعا عن
النفس*

[AHMED SHAMS]

ههههههههه والله زلمة قبضاي ريح راسه والبشرية من هاي المرا حلوة ناتالي كتييير عشان تعرفو صبايا أنكن السبب الوحيد اللي ورا تعاسة الرجل



بس للأسف ما بنقدر نعيش من غيركون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[sona78]

ملعوبة كتير هالرواية الماساوية لجريمة القتل

[نتالي سوريا]

اهلا بahmed shams
وميرسي عردك الحلو والمميز
بس والله نحنا البنات حبابين وانتوا احيانا بتفتروا عحالكون
وميرسي لsona78ولردك اللطيف

[fernanda bachchan kfoury]

حلوة كتير
يسلمو نتالي

[هشام ابو شرار]

عندنا اجاتي كريستي والجريمة الكاملة

[دلوعة سوريا]

ههههههههههه.....حلوة

يسلمو نتالي

[homam85]

اي يجبلا ويخلّصنااااااااا

العمى شقد بالو طويل..

[AHMED SHAMS]

العمى يضرب هاي المرا بدها الزلمة ياكل عمزاجها ليش أنتو يا بنات حوا هيك بتحاولو بكل جهدكون تنكدو على أبن آدم المحترم شو بدكن يعني منا بدكن تدخلونا العصفورية ولا تودونا عالمشنقة بعد ما نقتلكون
ليش ما تعيشو معنا هيك بهدوء ومن غير نكد الله يلعن ... ولا بلاش

[حبيبة فلسطين]

العمى يضرب هاي المرا بدها الزلمة ياكل عمزاجها ليش أنتو يا بنات حوا هيك بتحاولو بكل جهدكون تنكدو على أبن آدم المحترم شو بدكن يعني منا بدكن تدخلونا العصفورية ولا تودونا عالمشنقة بعد ما نقتلكون


ليش ما تعيشو معنا هيك بهدوء ومن غير نكد الله يلعن ... ولا بلاش

لا يا اخي اصححلك معلوماتك انه مش كل البنات الهم نفس الطباع و انه نسبة قليلة بتكون نفس هاي المراة و احنا ما بنكد عليكوا انتوا ما ابتتحملوا حدا يحكي معكم واحنا ما بدنا منكم شئ انتوا دايما الي ابتركضوا لعنا مش احنا هاي وجهة نظري مع احترامي الك

[a7la lolo]

تسلمي عالنهفة الحلوة عجبتني حركة انها تحولت لقضية دفاع عن النفس
بس يا مستر محمد حبييب لا تتعدى حدودك ..يعني يلي فيك كافيك ...صح ؟؟؟

[mimo :p]

لك تضرب شو مبطخة....لسه دلع البنات ما بيخلص.............يلا بعين الله



يسلمو نتالي

[نتالي سوريا]

ميرسي يا fernanda kfoury
وهشام ابو شرار
ودلوعة سوريا
وhomam 85
وahmad shams للمرة التانية
وحبيبة فلسطين
وa7la lolo
وmimo
على ردودكون الحلوة واللزيـــــــــــــــــــ ـــــــــــــــــــــــــ ـــــزة متلكون
تسلمولـــــــــــــــــــ ـــــــــــــــــــــــــ ــــــي كلكون شو حلويـــــــــــــــن

[saman]

ههههههههههه الله لا يرحمها لكان

[AHMED SHAMS]

ولك الله لايرحمها ولايسلم فيها مخز أبرة هاي المرا بس أكيد مو كلهن بس معظم بنات حوا هيك وشكل لولو راح تموت بنفس الطريقة بس على أيدي

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[a7la lolo]

كاتب النص الأصلي : نتالي سوريا

*ملاحظة: محكمة الجنايات قررت
الافراج عن الزوج المتهم بتهمة
'قتل الزوجة مع
سبق الاصرار و الترصد' و تحويل
القضية الى 'قتل الزوجة دفاعا عن
النفس*

لك روح رجاع اقرا الآخر جزء
يعني هاد يلي حيصير

[بنفسجة]

ههههههههههههههههههههههههه ههههه
طلعتلي ضغطي

[georgetow]

بيظهر انو هاد اول مره بيتعامل مع (هي)لانها كانت على طبيعتها كتير