Basic English Grammar - Using BE and HAVE

[Alessio]

طبعا هي أول مشاركة ... وفعلا مستحي على حالي إنو على أساس فحيش إنترنت من 1998 وما عرفتكون لليوم
المهم بلا طول سيرة .. أنا حبيت ساهم بشي بفهم فيه ورح نزل هالكتاب جزء جزء لحتى يطلع الإنكليزي من راسكون .. على فكرة الكتاب رائع جدا وخاصة للمبتدئين وأي سؤال أو استفسار أو أي شي أنا جاهز
الكتاب عبارة عن شي 16 درس .. رح نبلش اليوم بأول درس (يعني أول تشابتر) ونشوف إذا حدا عبرنا كفينا بالكتاب .. وما حدا عبرنا كمان كفينا بالكتاب ما في مشكلة


للأصدقاء الأعزاء
لمحبي اللغة الإنكليزية
للمبتدئين في القواعد
ولكل من يواجه أي مشكلة في أساسيات اللغة الإنكليزية
أقدم لكم كتاب
Basic English Grammar


على حلقات
أرجو الفائدة للجميع



لتحميل القسم الأول من الكتاب بصيغة PDF
Chapter 1
Using BE and HAVE

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[The morning]

شـكرا كـتير كـتير .. هالكتاب فعـلا مـفيد جدا .. بنـصح كل واحد حابب يـتعلم قـواعد بـشكل صحيح .. يقراه ..
بـزماني قـريانه الـكتاب كـلو .. بـس الازرق .. مابعرف شـو الفرق بين الكتاب الازرق و الاحمر .. بس بتزكرو كتـير منـيح و بتـزكر انو وقت درست فـيه كانت الـسنه الوحـيده اللي حـبيت دراسـه الـقواعد فـيها ..
ثـانــكس ..

[Alessio]

كاتب النص الأصلي : The morning

شـكرا كـتير كـتير .. هالكتاب فعـلا مـفيد جدا .. بنـصح كل واحد حابب يـتعلم قـواعد بـشكل صحيح .. يقراه ..
بـزماني قـريانه الـكتاب كـلو .. بـس الازرق .. مابعرف شـو الفرق بين الكتاب الازرق و الاحمر .. بس بتزكرو كتـير منـيح و بتـزكر انو وقت درست فـيه كانت الـسنه الوحـيده اللي حـبيت دراسـه الـقواعد فـيها ..
ثـانــكس ..

يعني شو بدي قللك .. كتر الله خيرك والله خفت ما حدا يقرب على الموضوع
المهم يا سيدي هادا الكتاب الأحمر هوة الأول بالسلسلة
والكتاب الأسود هوة التاني
والكتاب الأزرق هو الثالث واللي حضرتك أخدتوا يعني إنت ممتاز باللغة الإنكليزية والمراجعة كويسة الله وكيلك
شكرا مرة تانية على الرد وموفق يا رب