الديموقراطية حلم بعيد قابل للتحقق ولكن .....

[محمد ابراهيم]

الديموقراطية حلم بعيد قابل للتحقق ولكن .....
هي عبارة ربما تكون تفاؤلية وربما تشاؤمية وربما تكون حكيمة بليغة واقعية .

لماذا لايتخطى تفكيرنا حدود تصوراتنا ؟!!!
هذا سؤال أكرره على نفسي دوما حينما اتعرض لقضايا مثل الديموقراطية وأخواتها ، كثيرا ما أرى أن تفكيرنا لايتخطى حدود تصوارتنا وأن تلك التصورات تقف عائق امام ما يمكن ان يتحقق ، فنحن حين نتعرض لقضية مثل الديموقراطية فإننا نقسم الى قسمين احدهم يراها حلم مستحيل في بلاد الشرق المتخلف والقسم الاخر يراها امر حتمي الوصول اليه في زمن قصير نسبيا ربما بضعة سنوات .

أعزائي الواهمون من كلا القسمين ،ألا اعطيتموني فرصة للحديث عن رؤية اخرى ؟

الديموقراطية تحتاج الى اكثر من جيل ولن تتحقق في بضع سنين هو امر مؤلم ولكنها حقيقة ،الديموقراطية تحتاج الى شعب واعي وبرأيكم كم تحسبون أن شعوب الشرق تحتاج من سنين كي تكون شعوبا واعية ؟ إنه امر بالغ الصعوبة ولكنه امر حتمي لا يمكن التخلي عنه ولكن كل شيئ بإطاره يمكن معالجته والتعامل معه .

اتعجب كثيرا حينما اسمع أو أقرأ لاشخاصا يقولون ان الديموقراطية على بعد خطوات قريبة على نفس القدر اتعجب ايضا ممن يقولون انها حلم مستحيل ، الديموقراطية تحتاج لاجيال .

الديموقراطية في ابسط تعريفاتها هي "حكم الشعب" وهذا يعني أن الشعب يحكم نفسه بنفسه ، من هنا استطيع ان أوكد واطرح رؤيتي بأن هذه الشعوب لاتملك التاهيل او القدرة على الحكم إن سنحت الظروف و وأتت فرصة لذلك،
ولكن الاهم هو متى ستصبح الشعوب مؤهلة وقادرة على تولي الحكم ؟؟؟؟
أنا ارى انها في خلال فترة مابين ال 25 الى 40 عام بشرط ان تبدأ سريعا من الان ولا تتاخر اكثر من ذلك ،فإن ماترونه الان من ديموقراطيات اوربية لم تكن وليدة شهور او بضعة سنوات ولكنها كانت نتاج تجارب سنوات كثيرة وكانت في بعضها عشرات السنين وتحققت بعد رحيل اكثر من جيل .

*هامش
- بضع او بضعة : عدد من السنين ينحصر بين ال3 و ال 9

[LiOnHeArT.3LA2]

الديمقراطية,,

مفهوم بصراحة ما تعوّد الشعب العربي عليه,,

لانو فهمانين انو الديمقراطية,, هيي العراق او لبنان


هلأ بلبنان ال شو عندن ديمقراطية,,

وهيكي كل واحد بدو يصير الحكام لشعبو

الديمقراطية,, هي ان تأخذ حريتك من دون ان تستغل حرّية الآخرين
تأتي الديمقراطية,, عندما نتّحد تحت لواء شعب واحد,,

هنا تأتي الديمقراطية,,

[ayhamm26]

انا صوتت انو ممكنة بس بدها عشرات السنين للاسف القمع والديكتاتورية والتخريب المتعمد لنفسيات الشعوب العربية بتحتم هالفترة الطويلة بس بالنهاية هي شي ضروري

[LiOnHeArT.3LA2]

كاتب النص الأصلي : ayhamm26

انا صوتت انو ممكنة بس بدها عشرات السنين للاسف القمع والديكتاتورية والتخريب المتعمد لنفسيات الشعوب العربية بتحتم هالفترة الطويلة بس بالنهاية هي شي ضروري

شلون قمع حبيبي,,,

هلأ بدك ياهن يتركوك على حرّيتك؟
يا ايهم في عالم ازا شمّت الديمقراطية بدو يصير بلاوي سودة

انا هيك من وجهة نظري

بس ليتثقف الشعب العربي

ويفهم الديمقراطية
ساعتها

لكل حادث حديث


طيب سؤال للشباب


بكل العالم

عطوني مثال بلد تطبق فيه الديمقراطية بكل العالم

شرق وغرب وشمال وجنوب

[ayhamm26]

كاتب النص الأصلي : تائه فـــ النور ــــي

شلون قمع حبيبي,,,

هلأ بدك ياهن يتركوك على حرّيتك؟
يا ايهم في عالم ازا شمّت الديمقراطية بدو يصير بلاوي سودة

انا هيك من وجهة نظري

بس ليتثقف الشعب العربي

ويفهم الديمقراطية
ساعتها

لكل حادث حديث


طيب سؤال للشباب


بكل العالم

عطوني مثال بلد تطبق فيه الديمقراطية بكل العالم

شرق وغرب وشمال وجنوب

لكن ليش عم قلك انو بدها الشغلة تاخد وقت لانو هالشعب بدو اعادة تاهيل واهم شي باعادة تاهيلو للديمقراطية هي التخلص من الديكتاتورية اللي همها الوحيد بقاء الحاكم واولادو في الحكم وكرمال هالغاية بدمروا البلد والشعب

عطوني مثال بلد تطبق فيه الديمقراطية بكل العالم

هي مافهمتها بدك تشرحلي شو قصدك؟؟ يعني كل هالديمقراطيات اللي بالعالم ما نك سمعان فيها معقول؟؟

[محمد ابراهيم]

كاتب النص الأصلي : تائه فـــ النور ــــي

طيب سؤال للشباب


بكل العالم

عطوني مثال بلد تطبق فيه الديمقراطية بكل العالم

شرق وغرب وشمال وجنوب

اوربا الغربية كلا ديموقراطيات
يسارية ويمنية
دول حكم مؤسساتية بالاضافة الى تعاقب الاحزاب المختلفة على الحكم + ان رأي المواطن الو اهمية ومؤثر .

كمثال (اسبانيا) اثنار كان محافظ وعقبه تباتيرو اشتراكي

وعندك فرنسا وانجلترا والمانيا (الواحد ممكن يحكي عن دول لحتى لما ايدو توجعو من الكتابة )

[yass]

اووووووووووووووووووه عالوجع يا أبوحميد

حكي كتير في هون... أمنّا السهرة اليوم

طيب بس قبل كل شي

تائه في النور

عطوني مثال بلد تطبق فيه الديمقراطية بكل العالم

شرق وغرب وشمال وجنوب

عرّفلي الديمقراطية اللي بدك ياني اجيبلك أمثلة عليها... يجوز ما عم نحكي عن نفس المصطلح و الديمقراطية و الله يا عمي شغلة كبيرة!!! يعني سؤالك متل اللي عم يسأل انو عطيني بلد الجو فيه حلو... طيب شو الجو الحلو؟؟


سنعود

[saman]

اخي مافي ولا بلد في ديمقراطية لحد الآن يمكن يكون أحد البلاد قريب من الديمقراطية بس مستحيل يوصللها !!!
وكمان شعوب العالم كلو وشعوب الدول العربية بالخصوص ما بيلبقلها ديمقراطية .....والدليل لح يصير متل يلي بلبنان ....الشعب العربي غير بالعصاية يلي خلقت من الجنة ما بيمشي ...وبس

[محمد ابراهيم]

كاتب النص الأصلي : saman

اخي مافي ولا بلد في ديمقراطية لحد الآن يمكن يكون أحد البلاد قريب من الديمقراطية بس مستحيل يوصللها !!!
وكمان شعوب العالم كلو وشعوب الدول العربية بالخصوص ما بيلبقلها ديمقراطية .....والدليل لح يصير متل يلي بلبنان ....الشعب العربي غير بالعصاية يلي خلقت من الجنة ما بيمشي ...وبس

الجماعة يللي بيقولو انو العرب هلاء مستعدين ومهيأين للديموقراطية بعتقد انون على خطأ ، انا بدي اضرب مثل

1- لما يكون عندك شخص عمرو ما مسك بندقية ومعتقد انو يقدر يستخدما بطريقة سليمة بيكون احد امرين
اولا :شخص مابيحسن تقدير الامور(او غبي اذا بدك)

ثانيا :شخص بدو يصير فوضى بالبلد


بخصوص لبنان (يللي صاير هاد فوضى ومش ديموقراطية ) ومع ذلك لبنان اكتر بلد عربي في ديموقراطية بالسنوات الاخيرة بس كثرة الايدي الممتدة الى لبنان بتحول الوضع لفوضى .

يعنى اعذورني اني بحكي هالحكي يمكن لاول مرة
- جماعة الاكثرية مدعومين من اميركا (واكيد في عالم بتعرف هالحكي)
-جماعة الاقلية مدعومين من ايران
هاد بالمختصر لانو في اطراف اخرى في الموضوع القضية اللبنانية فايت فيها سوريا وفايت فرنسا وفايت الاتحاد الاوربي وفايت الجامعة العربية والامم المتحدة وو .............
هاد كلو بيؤدي الى الفوضى مش الديموقراطية (الجو مابيساعد )

[محمد ابراهيم]

كاتب النص الأصلي : محمد ابراهيم

الجماعة يللي بيقولو انو العرب هلاء مستعدين ومهيأين للديموقراطية بعتقد انون على خطأ ، انا بدي اضرب مثل

1- لما يكون عندك شخص عمرو ما مسك بندقية ومعتقد انو يقدر يستخدما بطريقة سليمة بيكون احد امرين

اولا :شخص مابيحسن تقدير الامور(او غبي اذا بدك)

ثانيا :شخص بدو يصير فوضى بالبلد

بالمثال 1 بدي اوضح شغلة
لما يكون عنا واحد عمرو ما مسك بندقية
ونيجي نحنا نعتقد انو بمجرد انو يمسكها رح يقدر يتعامل معها ويستخدمها تمام استخدام سليم يحقق مصلحتو ومصلحة المجتمع بنكون نحنا احد امرين

اولا :عالم مابتحسن تقدير الامور(او أغبيا اذا بدكون تعبير تاني)

ثانيا :عالم بدا يصير فوضى بالبلد

*مثال تاني بس خليه يتعلق بالثقافة والممارسة
بما اننا شعوب غير متحضرة وفيكو تقولو متخلفة وما منهتم بالعلم والعلماء
تعتقدو اديش بدنا ليكون عنا ثقافة شعبية بانو العلم هو طريق التقدم والتحضر وبانو يكون العلم هو قناعة شخصية للشعب راي واعتقاد وممارسة ؟؟

بقصد اقول انو الشغلة فيما يخص الديموقراطية بدا وقت طويل وبدا وعي وبدا بداية تنفيذ باسرع وقت ، لانو الوقت يللي بيضيع منا بالشرق بيستفيد منو الغرب وبيزداد الفارق ببينا وبينون وبيتقدمو علينا اكتر واكتر ،
كلو ومرتبط ببعضو (الدولة المتقدمة تقدمها بيعطيها قوة وفارق علينا بكتير اشياء من النواحي العسكرية والثقافية والصناعية والتجارية والاقتصادية وحتى السياسية ) هاي وجهة نظري

[Donald Duck]

يعني هو رح يصير ديمقراطية ..

بس بعد زمن طويل ..

يعني لازم يكون تحرر من التفكير السائد ...

الحاكم رمز الدولة وممنوع لأي واحد يتعرض لرمز الدولة ..

ديمقراطية العراق وفلسطين ولبنان ..

مع انو فلسطين صار فيها انتخابات حرة ونزيهة .. بس الاميركان واسرائيل ما عجبهن الوضع ..

و محمود عباس ما عجبوا .. لهيك صار بدو يحكم الشعب بالقوة ..

ولبنان فيها ديمقراطية .. بس بدها شوي شوي لتتقوى .. لانو في تدخل من كثير دول .. غربية وعربية ..

الي مو عاجبهن الديمقراطية ..

والعراق .. ديمقراطية اميركا .. وهي اساس الدكتاتورية بالمنطقة ..

وبالاخير .. كيف بدو يصير ديمقراطية .. وهو الانظمة والمخابرات العربية .. همها الوحيد الحفاظ على امن الدولة .. قصدي امن الحاكم ونظامة .. !!

بس شوي شوي رح يصير ديمقراطية .. بس بعد مدة طويلة .. واكثر دليل على هالشغلة ..

انو قبل مدة من الزمن ما كان حدا يستجري .. يعبر عن رأية في تلفزيون .. او في جريدة .. ويقول انا معارض ..

على الاقل اليوم في منهم .. بس بتعرضوا للظلم طبعا ..

وانشالله يصير ديمقراطية ..

[MadMax]

الديموقراطية هي ثقافة ... و هي أسلوب حياة قابل للتطبيق في أي مكان في العالم ...بس المدة و الوقت نسبي بيختلف من بلد لبلد
يعني ما فيك تشمل الشرق كلو باستفتاء واحد
بس اذا حكينا عن سوريا مثلاً ..... بظن أنو الشعب فيها جاهز بنسبة مقبولة (بس مو كاملة ) ليمارس الحياة الديموقراطية
لهيك صوتت لبضع سنين

[محمد ابراهيم]

كاتب النص الأصلي : Madmax

الديموقراطية هي ثقافة ... و هي أسلوب حياة قابل للتطبيق في أي مكان في العالم ...بس المدة و الوقت نسبي بيختلف من بلد لبلد
يعني ما فيك تشمل الشرق كلو باستفتاء واحد
بس اذا حكينا عن سوريا مثلاً ..... بظن أنو الشعب فيها جاهز بنسبة مقبولة (بس مو كاملة ) ليمارس الحياة الديموقراطية
لهيك صوتت لبضع سنين

انا معك تمام بانو المدة الزمنية مسألة نسبية صعب جدا التغاضي عنها لاختلاف العادات والتقاليد والموروثات الثقافية وغيرها بين الدول وبعضها .
حتى على مستوى الدولة الوحدة من 25 سنة يمكن تحتاج الدولة ل15 سنة فقط لتعبر وتصل لمرحلة متقدمة ديموقراطيا وهلاء ربما تكون بحاجة ل10 فقط
الظروف بتختلف وفي مكتسبات جديدة بتظهر وفي عادات قديمة بتنتهي وهكذا .
فيما يخص جاهزية اي شعب من شعوب الشرق الاوسط
بعتقد انه بعيد جدا عن كونه سنوات اقل من 10 لانه الاجيال الحالية معظمها لايمكن ادراك الديموقراطية

هات اسرة مكونة من 5 افراد (اب وام وبنت وولدين مثلا)
الاب اجيت الو فرصة عمل افضل بس بمدينة تانية (هلاء قرار قبول العمل بيأثر على حياة الاسرة كاملة ) ومع ذلك ربما يتصرف 60% من الاباء بانو يقبل او يرفض بدون استشارة الزوجة والاولاد
وربما 90% من الاباء ما يستشيرو الاطفال (مع انو القرار مؤثر على حياتهم ومستقبلهم) في اوربا الوضع مختلف
الطفل الصغير بيتم تنشئتو عانو يتخذ القرارات اللي تخصو من وهو لسا صغير جدا جدا . هاد جزء ناقصنا في الشرق .
الديموقراطية موضوع كبير (مسئولية مشتركة) مجتمع كامل ،اسرة ومدرسة وحكومة ومؤسسات خاصة ومؤسسات عامة

[sandra]

أنا ما اخترت الاحتمال الأول لأن مافي شعب ما بتلبقلو الديمقراطية
باقي شعوب العالم مانون أحسن مننا كأفراد
واحترت كتير بين التاني والتالت
بس بالنهاية اخترت التاني يمكن مشان كون متفائلة أكتر
مع أني مو متأكدة إذا شعبنا المغلوب على أمره بيعرف يمارس حقوقو الديمقراطية
بس طالما في ناس بتنادي فيها معناها لازم نتفائل
ولو أنو عندي بعض التحفظات

[yass]

كاتب النص الأصلي : Madmax

الديموقراطية هي ثقافة ... و هي أسلوب حياة قابل للتطبيق في أي مكان في العالم ...بس المدة و الوقت نسبي بيختلف من بلد لبلد
يعني ما فيك تشمل الشرق كلو باستفتاء واحد
بس اذا حكينا عن سوريا مثلاً ..... بظن أنو الشعب فيها جاهز بنسبة مقبولة (بس مو كاملة ) ليمارس الحياة الديموقراطية
لهيك صوتت لبضع سنين

أنا مع هالكلام جملة و تفصيلا

[was616im]

لتطبيق الديمقراطية بدك بالاول شعب مهيء لهالشي و متفهم
تانيا بدك حكام كمان متفهمين لهالشي


مشان هيك صوتت لـ عشرات السنين

[MadMax]

كاتب النص الأصلي : محمد ابراهيم

هات اسرة مكونة من 5 افراد (اب وام وبنت وولدين مثلا)
الاب اجيت الو فرصة عمل افضل بس بمدينة تانية (هلاء قرار قبول العمل بيأثر على حياة الاسرة كاملة ) ومع ذلك ربما يتصرف 60% من الاباء بانو يقبل او يرفض بدون استشارة الزوجة والاولاد

.

ما بعرف اذا هالمثال دقيق بالنسبة للديمقراطية
و ما بعرف اذا هيك شي بصير حتى بالدول الاوربية
بظن أنك تمنح الطفل حرية الاختيار أو ابداء رأيو بالأمور يللي بتخصوا ... أهم بكتير من انك تحمّلومسؤولية قرار بحدد مصير أو مستقبل أسرة كاملة ( هاد بالنسبة للأطفال )
أما بالنسبة للزوجة أو الابناء يللي بسن بيسمحلون ابداء رأيون بهيك أمور ... أكيد رح ياخد رأيهون ... و يعمل فيه كمان





أصلاً يللي صاير عنا حالياً هو دكتاتورية الزوجات مو الأزواج .....

و ين رايح بهالزحمة انت ..؟؟

[suryoyo]

نحكي بصراحة ..... الديمقراطية الموجودة بالغرب صعب تطبيقها بالشرق و لكل شعب خصوصية


بس قبل ما ندور على الديمقراطية .......

لازم نتعلم نتحمل نتائج اخطائنا في البيت قبل الشارع ...... و نترك سياسة التذمر المستمرة و تحميل الاخرين مشاكلنا

لازم يصير عدنا فكر تقبل المختلفين عنا بالرأي

لازم يكون عندنا شعور حب الوطن فعليا
بحيث تكون خدمة الوطن تكون رقم واحد قبل اي انتماء اخر على اي اساس طائفي او مذهبي او عشائري و حتى قبل المعارف


بالمختصر ...... نحتاج الى نشر ثقافة المواطنة داخل كل مواطن و كل فرد .....


ومتى ما انتشر هذا التغيير الفكري ............... نصير مؤهلين للديمقراطية بشكلها الحديث خلال ايام ! (و لو مو هي الديمقراطية المنشودة)