مدرسة تعاقب تلامذتها لأنّهم خذلوها في ذكرى الحريري

[secular]

بيروت..
عاقبت معلّمة لبنانية في أحد مدارس بيروت الراقية تلاميذها لامتناعهم عن المشاركة في إحياء الذكرى الثالثة لاغتيال رفيق الحريري في ساحة الشهداء مؤخراً متهمةً التلاميذ بأنهم «مشاغبون غير ملتزمين بقوانين المدرسة»، ووجّهت إليهم إنذاراً خطّياً نتيجة فعلتهم .
و عبّرت المعلمة المزمجرة عن استيائها و قادت التلاميذ إلى غرفة الاجتماعات و على محيّاهم علائم الخوف و الاستغراب لتشهر المعلمة في وجه تلامذتها دليل إدانتهم ، و كان عبارة عن ورقة تتضمن طلباً وجهته المدرسة إلى الأهالي يلزمهم ، هم وأطفالهم، على النزول إلى ساحة الحرية لإحياء المناسبة ، حيث تبيّن أن هؤلاء الأطفال لم يسلّموا التعهّد لعائلاتهم كي يوقّعوه ويوافقوا عليه وعلى التزامات المدرسة السياسية .
وفي ردّ على الحادثة، أشار بعض الأهالي إلى أنّهم لم يلحظوا من ضمن المنهاج «وجود مادّة تحمل اسم التعبئة السياسية أو فنون التفرقة، خصوصا أنّ تلك المدرسة تدّعي الديموقراطية، ولا فرق بين تلميذٍ وآخر ... إلاّ بالمال». وانتقدوا «التجييش» الذي تقوم به المدرسة، وتساءلوا «ألا يكفي التجييش في الشارع والتلفاز ليصبح الأطفال ميليشيات الغد؟ وهل يجب على المدارس أيضاً أن تدخل ضمن مناهجها التربوية «نهج» قائدها لتصبح مدارس لبنان معامل «شمولية» صغيرة «لشموليات» كبيرة تتغذّى على تبعية الناس». الأهل لم يشتكوا خوفاً من أن يُطرد أبناؤهم من المدرسة، وإدارة المدرسة ربّما لا علم لها بما حصل في هذا اليوم، وخصوصاً أنّ المسؤول هو رجل فرنسي بعيد عن السياسة وقريب من المال.



شام برس - عدنان نعوف

[باشق مجروح]

ميرسي كتير.
هالشي بيبين قديش فريق 14 آذار كان يسعى ويحرق أعصابو أكتر لحشد الشارع أو تبين لقوى المعارضة امكانياته واحتفاظه بالشارع وتوضح بكلام الشيخ سعد هالنقطة .
طبعاً يا ريت لو كل رجال السياسة يحييدو الاطفال عن الصراع والتعئبة والاحتقان لأنو نشوئهون بهيك جو كتير بيأثر عليهون كأفراد و عالمجتمع بالمستقبل.

[غصن]

الف شكر لكم

[بنفسجة]

العمى حشدو مليون ونص
وداقت عينون على كم طفل ما نزل
يخرب بيتون
هه
حرية سيادة استئلال

[W.E.G.A]

وصلو للاطفال
اي ملا حرية اراء والله هع هع

سيدي لنشوف شو رح يطلع معهن

[salam zain]

الله ايكون بالعون

[saman]

العمى حشدو مليون ونص

هدول مليون ونص تبعات قناة المستقبل ...
وعشرات آلاف على ذمة جريدة النهار ....
وكم ألف على قولة ضياء ابو طعام (مراسل قناة المنار) ...
وشوفي مين بدك تصدقي ...

[بنفسجة]

كاتب النص الأصلي : saman

هدول مليون ونص تبعات قناة المستقبل ...
وعشرات آلاف على ذمة جريدة النهار ....
وكم ألف على قولة ضياء ابو طعام (مراسل قناة المنار) ...
وشوفي مين بدك تصدقي ...

حسن نصرالله لما اتحداهون
ما بصدق غيرو

[Donald Duck]

انا مو فاهم شغلة وحده بس ..

ما دام اسمهم اكثرية ..

فليش بتقولوا ما في الهم حشد ..

وهمي محسوبين الاكثرية بلبنان !!!

اشي غريب يعني .. ممكن توضيح ؟؟

[جمال عبدالناصر]

حتى اطفال المدارس ما سلموا من شر السياسيين

متل ما صار عنا بمصر باى انتخابات الحزب الحاكم بكون طرف فيها

بياخدوا طلبه الجامعات وبجبروهم على التصويت للحزب وكمان الموظفين نفس الشى

ونفس الشى صار بالعراق

المليشيات الرافضيه هددت المواطنين ليشاركوا بالانتخابات الهزليه

مشان لما يحكموا العراق

بمعنى ادق لما تحكمهم امريكا بالعراق

يقولوا انو الشعب اختارهن

وعجبى

[بنفسجة]

كاتب النص الأصلي : Donald Duck

انا مو فاهم شغلة وحده بس ..

ما دام اسمهم اكثرية ..

فليش بتقولوا ما في الهم حشد ..

وهمي محسوبين الاكثرية بلبنان !!!

اشي غريب يعني .. ممكن توضيح ؟؟

طيب انت المفروض عندك افكار وقناعات سياسية بنيت عليها كتير من اراءك
وما بتعرف ليش اسمون اكترية وما عندون حشد
فينك تتعمق اكتر بالملف اللبناني لتعرف انو
اكتر من 11 من النواب يلي بالاكترية اجو باصوات المعارضة نتيجة الحلف الرباعي يلي فرط وكان هالحلف بين حزب الله وامل والمستقبل والتقدمي ويلي اسفتاد من هالحلف هم من يسمون انفسهم اكثرية
بالعرف الدولي لما بينفك حلف بين الموالات والمعارضة وبيختلفو على البيان الوزاري
فالمجلس بينحل وبترجع تنعاد الانتخابات
اذا روح ودور وبحبش ليش الموالاة مش عم ترضى تعيد الانتخابات وخبرني شو بيطلع معك