ساقتل ابني

[phoenixbird]

ايها المجتمع
لقد أخذت قراري النهائي والحاسم
ساقتل ابني الذي في بطني الان
لقد افتيتم لي بجواز ذلك
ثم ارغمتموني على ذلك وطردتموني وشتمتوني
واباه ينعم في قصره مع الجواري اللواتي سياتي يوم يصبن فيه بما اصابني

لم اعد اريد له هذه الحياة
الغثيان يخنقني ووريثك في بطني والعار يسحقني بسببك

لا حاجة لليراتك ولا حاجة لفلوسك ولابلك ولدياتك
شكرا
نقودك تخيط لي كفني وانت ترتع وتسكر وترقص وتحشش في بارات المدينة بعد ان فرغت مني يا بؤرة العفن
استمر في مجونك و عفنك واتركني

ساسقط جنيني لاني لاريد ان يكون له ابا نذلا



برايكون : ليش دايما الوقعة على البنت ؟ ليش الرجل يعمل عملته ويجبرها انو تسقط ابنها ؟ تسقط الجنين ؟
لا والالعلن هوي الفتوى انو بيجوز وبدية 500 جمل (ما بعرف من افتاها بس اكيد مو بصدد نناقش الفتوى)
وبيبقى الرجل وكان شيئا لم يكن وهي بيلتعن نفسا

[owrfalie]

سيظل المجتمع الشرقي مجتمع ذكوري مهما طال الزمن
وسيظل الرجل الشرقي كرامته بين رجليه وشرفه بين رجلي حريمه
وعلى فكرة المراة الشرقية تستاهل اكتر من هيك لأنها اصلا ما بتريد تتحرر وتستقل

[phoenixbird]

وعلى فكرة المراة الشرقية تستاهل اكتر من هيك لأنها اصلا ما بتريد تتحرر وتستقل

بللا شو؟
ابني انت وين عايش؟

[التقرير الجوال]

بسيطه كتير

بسبب الغباء الاجتماعي
بسبب رفض التنوير و اعتبار تعلم بعض الامور الاجتماعيه ضرب من ضروب الوقاحه و الرذيله

يعني حصل في حمل, أوكي
يعني البنت في عندها استعداد لخوض او أصلا دخلت غمار العشره الجنسيه
ليش الغباء
ليش الغباء

اذا ما كان في رادع ديني
فخلي يكون رادي أخلاقي او اجتماعي
أو عدم مقدره البنت على مواجهه المجتمع بوليدها

ليش المخلوقه ما بتتثقف و بتعمل شي_ اذا فعلا بدها المعاشره الوسخه_حيال ذلك
يهني أمور الـ Contraception
يعني بصراحه حتى بالغرب ما بيصير هيك
يعني يابنت بدها الولد أو بنت آخده كل احتياطاتها.
اما الشب فمو هوي يللي راح يحمل
ما يجي يوم و تحمل الرجال

[phoenixbird]

راجعلكون

[بنفسجة]

عنا نقص وعي

وعنا فكر انو الرجل مابيعيبو شي على خلاف المراة التي ميزها الله جسديا حتى يظهر عليها اي عيب وخاصة الجنس
مهما زنا الرجل فلا حد عليه الا بشهادة اربعة هذا اذا صودف ان وجد اربعة اشخاص ذكور شاهدين على زناه
والمراه كذلك لكن للمراه شيء يفضح زناها يظهر عاجلا ام اجلا
ان كانت المراة تستحي من جنين اتى بطريقة غير شرعية فكان عليها التفكير الف مرة قبل ان تقدم على اشباع رغبة لها
اما ان تكون مجبرة فها امر اخر (نعلم كلنا ان في كثير من الدول النفطية العربية للملوك جاريات وعذراوات كل يوم يفقدن عذريتهن)
ويبقى الوعي ثم الوعي ثم الوعي هو ما تفتقده المراة العربية قد يكون ذلك نتاج عالم قاسي تعيش فيه هو مجتمع يجد في المراة ضلع قاصر والرجل قوام عليها
لكن والله انا ارى الان الكثيرات ممن تحررن من تلك الظروف الاجماعية وخرجن الى عالم مفروض ان يكون عالم عقل ووعي لكنهن يفضلن سلوك طريق اخر غير الطريق المفترض ان يمشين به وعن ارادة وسابق رغبة وتصميم
ويتناسين انهن قد يكن عرضة لاستغلال بشع يصمهن بالعار طيلة حياتهن

[ظل جيفارا]

انا برأيي السبب هو المجتمع الذكوري الحل برأيي بيبدأ من مجالس متل الإتحاد النسائي ... منظمة الأمومة وهيك منظمات ممكن توضح دور المرأة اكتر بالمجتمع

كاتب النص الأصلي : التقرير الجوال

بسيطه كتير

بسبب الغباء الاجتماعي
بسبب رفض التنوير و اعتبار تعلم بعض الامور الاجتماعيه ضرب من ضروب الوقاحه و الرذيله

يعني حصل في حمل, أوكي
يعني البنت في عندها استعداد لخوض او أصلا دخلت غمار العشره الجنسيه
ليش الغباء
ليش الغباء

اذا ما كان في رادع ديني
فخلي يكون رادي أخلاقي او اجتماعي
أو عدم مقدره البنت على مواجهه المجتمع بوليدها

ليش المخلوقه ما بتتثقف و بتعمل شي_ اذا فعلا بدها المعاشره الوسخه_حيال ذلك
يهني أمور الـ Contraception
يعني بصراحه حتى بالغرب ما بيصير هيك
يعني يابنت بدها الولد أو بنت آخده كل احتياطاتها.
اما الشب فمو هوي يللي راح يحمل
ما يجي يوم و تحمل الرجال

يا صاحبي ......عم نحكي بغير موضوع لحقنا وصار في حمل... شو الحل
بعدين الرجل مو شريك بال" جريمة" اذا بدنا نعتبرها جريمة .... ولا دايما الحق على المرأة .
ااااااااااااااااااااااااا اااااااه
تحياتي الحارة
ظل جيفارا

[yass]

هلأ موضوعك حلو و هام جدا, بس عام جدا لأنو الاجهاض حالة عامة جدا تحوي عدد لا نهائي من الخيارات و الحالات:

- حالات الاغتصاب مثلا.
- العلاقات المبكرة جدا
- الخطر على صحة الأم النفسية و الجسدية.
- تأكد وجود تشوه خلقي
- حالة مادية سيئة
- توقيت غير مناسب للانجاب (ظروف عمل, هجرة, سفر... الخ)
- غير ذلك

بعدين حتى طبيا في اختلاف بالمصطلح حسب الأسبوع من الحمل اللي راح تتم فيه عملية الاجهاض....


في كتير نقاط لازمها تحليل و أعتقد الموضوع صعب ينأخذ بشكل عام


لي عودة



تحية

[Purple Rose]

المجتمع هيك لانو ما في وعي
لانو ما في شي عم يطبق مزبوط
لانو مجتمعنا بيحكي انو الشب غلط معليش بكرا بيكبر وبينسا
بس البنت لا غلطت لازم تاخد جزائها
و بظن حرام اسقاط الجنين لانو روح
و قتل الروح حرام

[التقرير الجوال]

كاتب النص الأصلي : phoenixbird

ايها المجتمع
لقد أخذت قراري النهائي والحاسم
ساقتل ابني الذي في بطني الان


ساسقط جنيني لاني لاريد ان يكون له ابا نذلا



برايكون : ليش دايما الوقعة على البنت ؟ ليش الرجل يعمل عملته ويجبرها انو تسقط ابنها ؟ تسقط الجنين ؟
وبيبقى الرجل وكان شيئا لم يكن وهي بيلتعن نفسا

كاتب النص الأصلي : ظل جيفارا

يا صاحبي ......عم نحكي بغير موضوع لحقنا وصار في حمل... شو الحل
ظل جيفارا

شو هوي الموضوع يللي عم نحكي عنه لكان.؟
مشكله جنين نتيجه سفاح
مشكله غباء بنت شرقيه بحثت عن النشوه بأسلوب غير مشروع و ضربت عرض الحائط كل ما نشأت عليه من قيم و كل ما هو متوقع الحدوث , ثم حملت سفاحا..هاد الموضوع و الا لأ.

يعني شو قصدك بـ "لحقنا و صار في حمل"

[حالة حب]

برايكون : ليش دايما الوقعة على البنت ؟
لانو تفكير المجتمع الغبي انو البنت هي بتجيب العار والشب لا مافي شي بيعيبو
بخلي الشب يعمل العمايل وهو عم يضحك
ليش الرجل يعمل عملته ويجبرها انو تسقط ابنها ؟
هاد ما فينا نسميه رجال
لا والالعلن هوي الفتوى انو بيجوز وبدية 500 جمل (ما بعرف من افتاها بس اكيد مو بصدد نناقش الفتوى)
معلش فيك تقلي شو هو يلي بجوز ما فهمت هالنقطه
وبيبقى الرجل وكان شيئا لم يكن وهي بيلتعن نفسا
اكيد الغلط مو بس عالرجال
عالبنت كمان
بس كمان ما بجوز من الله
انو البنت هي يلي تنقتل
او هي يلي تتعاقب
او هي يلي تجيها السمعه
والشب ولا كانو عامل شي
الغلط من المجتمع لما يقولو الشب ما بيعيبو شي
ليش يعني
يعني البنت ترباية اهلها
والشب لا
سوري انفعلت شوي
يسلمو على الموضوع

[W.E.G.A]

والله بصراحة هي السبب
يعني بدها تتسلى او حتى اذا متزوجة وما بدها اولاد
يعني حبة وحدة بتريحها من كل هالعناء الي رح يصيبها وقت الاجهاض او على الاقل اختراع الكوندوم يعني كمان مفيد
اما انه ليش البنت فهي خلقت الله يعني صار حمل الرجل اش رح يعمل مثلا
الا اذا كان رجل فعلا وتحمل الي صار وتجوز البنت وهاد شي بظن مابيعملو رجل ارتكب الزنا دون مراعاة لاي قيم اجتماعية او دينية او او
فمافي يا بدها تحمي نفسها من الاول يا اما بدها تتحمل العواقب
يعني الي بايدو الله يزيدو
طبعا وجهة نظري هي

[phoenixbird]

بقصد البنت اللي بينضحك عليها لسبب ولاخر انو نتزوج عرفي والله وبعد فترة نثبت بالمحكمة ومن بعده بتطلع حامل
بيقوم ما بقى يتعرف عليها ولا على الجنين

وما بقصد حج ياس غير هي النقطة بس

[ظل جيفارا]

كاتب النص الأصلي : التقرير الجوال

شو هوي الموضوع يللي عم نحكي عنه لكان.؟
مشكله جنين نتيجه سفاح
مشكله غباء بنت شرقيه بحثت عن النشوه بأسلوب غير مشروع و ضربت عرض الحائط كل ما نشأت عليه من قيم و كل ما هو متوقع الحدوث , ثم حملت سفاحا..هاد الموضوع و الا لأ.

يعني شو قصدك بـ "لحقنا و صار في حمل"

يا صاحبي هلأ مو لحنا شباب وبنعرف بعضنا الممارسة الجنسية اللي بتسبب حمل بحاجة لشخصين ....
لكن ليش حضرتك خصصت بالحكي الأنثى اللي عم تدور على النشوة وما خصصت الذكر ؟
بعدين يا صاحبي مجتمعك بيقبل عليها انو تروح هيي تخطب لحالها ؟
يعني خليني كون اوضح البنت الشرقية عليها انو تقعد بالبيت تنطر العريس ييجي يمليلها رغبتها الجنسية
إذا اجى كان خير ما اجى رح تضل تحترق بالنشوة " اللي خلقها الرب " طول العمر واكيد ما رح تضل تقاوم طول العمر ....
اذا اعتبرناها خطيئة فالخطيئة بمجتمعك الشرقي بتبدأ من عند الرجل من من عند الأنثى .
تحياتي الحارة
ظل جيفارا

[Reemi]

لانو مجتمعنا ذكوري .... يحق للذكر ما لا يحق لغيره ....

الشب بيضحك عالبنت بيقنعها انو بحبها وبدو يتزوجها مع الاسف هيي بعاطفة الانثى بتصدق ... هيي عم بتكون تعطي من قلبها بدافع الحب وهوي بكون حاطط ببالو انو عمي بضحك عليها وخلصنا ...لانو ببساطه لما بتقول (اذا قدرت تقول -واذا لاقت حد تقلو ) ما حد رح يوقف معها ولا حد رح يساندها ... ورح يقع كل اللوم عليها ... بالوقت الي هيي فيه ضحية كذب وخداع ....

[phoenixbird]

وليش هوي بيكمل حياته عادي وهي بيلتعن نفسا وتتبهدل ويمكن تنتقتل

طب تعوا نغير شوي بسياق القصة ؟
لو البنت تعرفتى عليه عادي وفجأة خطفا او استغل ظرف معين و غتصبا
وبعدين هرب هوي او ما بعرف وين طار
هي شو ذنبا

[hanny dagher]

كاتب النص الأصلي : التقرير الجوال

يعني بصراحه حتى بالغرب ما بيصير هيك
يعني يابنت بدها الولد أو بنت آخده كل احتياطاتها.

هه ؟ بالله شو ؟

هلأ بالغرب البنت يا اما بدها الولد يا اما اخدة كل الاحتياطات؟ يعني بالغرب البنت وقت بدها "تنتشي" لمجرد النشوة بتكون عاملة احتياطاتها (يعني مثلا موقتة العملية الجنسية بحيث ما يصير حمل او مثلا لابسة واقي او شريكها لابس واقي) ؟

شرف سيدي (هادا مثال عن اميركا باعتبار حضرتك ساكن باميركا وطبعا بحديثك عم تحكي عنها )

Nearly half of pregnancies among American women are unintended, and four in 10 of these are terminated by abortion. Twenty-four percent of all pregnancies (excluding miscarriages) end in abortion.

المصدر

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

بالنسبة للموضوع الرئيسي بعتقد مرة تناقشنا في او بشي بيشبهو على كلن برجع بعمل علي حركة بحبشة وببقى برد عليك خبر

[phoenixbird]

دخلك في موضوع ما تناقشتو فيه من قبل