ثقافة الكوكا كولا أم ثقافة الداعوريات

[المحارب العتيق]

في عصر العولمة هناك أجتياح لكل ماهو معلب ثقافيا واجتماعيا

في المقال المنشور لمحة عن بعض المتناقضات التي نعيشها مع بعض الأسئلة للقارىء وبعض الاستنتاجات من وجهة نظري
في أحد أيام الصيف المنصرم ذهبت وأصدقائي الى أحد مطاعم دمشق . بعد تناولنا لوجبة العشاء طلبنا المشاريب والاراكيل فجاء بها الكرسون وبعد توزيعها لنا كل حسب طلبه . وجدت أحد أصدقائي يعترض . نظرت اليه فوجدته يعترض على أحضار نوع من المشروبات الغازية غير الكوكا كولا . وبعد أصراره بأنه طلب الكوكا كولا ألغى الطلب لأن المطعم يقدم ماركات أخرى . فقلت له ماعيب الصنف الأخر فقال أن الكوكاكولا أطيب وأنه لايغير فدخلنا في نقاش طويل . ليتدخل صديق أخر يملك سوبر ماركت ليقول أن أغلب الزبائن في محله تفضل البيبسي على المندرين مثلا مع أن الماركتان من صناعة منتج واحد .
كيف أصبح الشعب فجأة مفطوما على ماركات دون غيرها رغم أنها مولود جديد في أسواقنا وقد أعتدنا لفترة طويلة على ماركات معينة
وكيف أجتمع ذوق الناس على الماركات التي لم تكن موجودة مع أن الماركات القديمة كلها بترخيص من شركات عالمية
واستطرادا كيف اصبحت مثلا جبنة الكيري وأبو الولد تجتاح زوايا كاملة في محلات السوبر ماركت لدينا مع أننا بلد يتميز بصناعة الأجبان . وماذا لودخلت بلادنا أجبان الموزريلا والروكفورد والبرميزان بأسعار مقبولة . هل سنصبح مفطومين فجأة على هذه الأنواع .
لا أدري كيف أصبح فجأة كل ماهو غربي بامتياز من طعام وطرق معيشة يطغى بحياتنابشكل عجيب على كل ماهو أصيل . بل حتى على كل مانتميز به ابتداء من الطعام والمطاعم الى سؤالنا عن مصدر مانشتري من الألبسة وانتهاء بأسماء جامعاتنا ومدارسناومحلاتنا
من جهة أخرى نلاحظ ومنذ فترة جيدةأ جتياح الثقافة الداعورية في مجتمعنا (نسبة الى طلال الداعور وهو عازف أهم الأغاني الفلكلورية أو الشعبية أوالبلدية سمها ماشئت) فلن تذهب الى مكان في سوريا دون أن يطاردك ذلك اللحن ومستحيل أن تركب تكسي أو تجبر على دخول الكراجات أو حتى المرور من جنبها دون أن تسمع عدة سيمفونيات داعورية .وألحانه سمة الأماكن السياحية في بلدنا وقليلا مايخلو موبايل أحدهم من الداعوريات . ومع أن هذا النمط من الغناء هو نمط ساحلي جبلي الا أنه أنتشر في جميع أنحاء البلد ليلغي تقريبا كل ماهو أصيل وتراث في باقي المحافظات من القدود شمالا الى الزجل جنوبا .
وفي النهاية هذا يؤدي الى مجموعة من الأسئلة .
ما الذي جعل المواطن السوري يضيع ضمن مجموعة من المتناقضات الثقافية والحياتية!!.
وكيف يريد المواطن السوري ان يعيش ؟
وما الخلفية الثقافية الحقيقية له ؟
وهل المواطن السوري أصبح متلقي فقط . متلقي لكل شئ وكيفما كان دون أن يتدخل ليصحح مايعيش
أخرا ليس الخطأ أن نختلف في طريقة التفكير والعيش ولكن الخطأ أن نتحول الى دمى متحركة تعيش كيفما كان . يجب أن نختلف دون أن يفسد الأختلاف للود قضية . حتى يستفيد كل من الأخر . وحتى نصل في النتيجة الى مانريد أن نكون . بلادنا تتميز بموزاييك ديني عرقي قل نظيره في العالم . ومرت عليها الكثير من الحضارات . فمن الجميل أن نضيف على مكتسباتنا التاريخية فقط ماهو جيد من الحضارة الأستهلاكية الحالية لنصل الى سورية نضاهي بها الامم ونفتخر بالأنتماء اليها
منقوش للنقاش

[عمارالعميري]

عتيق وعتيق والعتيق كل معتق بيجوهر والادهى من هيك اني تحولنا نحن المجتمع المنتنج الى مستهلك من سنة الالفين ختى الان زادت نسبة الاستهلاك تمانين بالمية اي تمانين وماني غلطان والي مابصدق يطلع حولوا 1كم موبيل في جنبك وستلايت وكم واحد قاعد معنا عالانترنت هلق ولتر البانيزين وعددالسيارات الي بطعمة ومندون طعمة ومعهن القطع والالبسة المستوردة والماركات والخخخخخخ كل شي بتشوفو ا مستورد رح يدفع ثمنو ا الاجيال القادمة بعد مابنكون خربناها وقعدنا عتلتها ويل لامة تاكل ممالاتزرع

[L.A.]

كلّو عم يحسد و ايقلد التاني و كلّو بدو ايصير عالموضة بكل شي و الحبل عالجرار
مشكووور عالموضوع

[مايسترو]

الكلام مزبوط وفيو وجهة نظر

والي رجعة


مايسترو

[ظل جيفارا]

والله يا معلم انا كتبت موضوع إسمه الإنتماء الوطني بحكي فيه انو الإنتماء للوطن خف كتير اخر فترة وهيدا الشي اللي خلانا مستهلكين للثقافة الغربية ونتاجها الصناعي
للأسف ما في شكل مبلور للثقافة عند ابناء الوطن إلا ما يلقى من فتات وما يراد له ان يكون ثقافة وعي عام استهلاك وموسيقى ابعد ما تكون عن الموسيقى كفن وليس كأدوات تنتج عليها الحانا
ولا تعتقد ان الثقافة الموسيقية او ثقافة الإستهلاك هي محور بمعزل عن محاور الحياة الأخرى في وطننا
تحياتي لك
ظل جيفارا

[مايسترو]

هي مالها علاقة بهي


يعني موضوع الكولا مالو علاقة بهي الاغاني

هي الاغاني موضة وبتروح متل وقت كساندرا اذا بتتذكر

وانا شخصيا بتمنى تروح بسرعة

انا لاحظت كمان انو مو كل العالم بتحطون على موبايلاتا يعني هي وقت دبكة ورقص وبس

اما موضوع البيبسي وهيك فهو موضوع اعلان مو اكتر يعني نحنا ماعد لقينا المندرين بالبرادات لحتى نشتريها
واعلانات البيبسي والكوكا مع النجوم مليانة بالشوارع هادا الشي كمان بيلعب دور

مايسترو

[Nabilove]

الضعيف يذوب في سياسة القوي حكمة قديمة صالحة لكل الازمان فكل أمة مهزومة منخلفة تسعى لتقليد الاقوى و المتقدم فتنبهر بالقشور وتبقى كالقشور

[المحارب العتيق]

كاتب النص الأصلي : ظل جيفارا

والله يا معلم انا كتبت موضوع إسمه الإنتماء الوطني بحكي فيه انو الإنتماء للوطن خف كتير اخر فترة وهيدا الشي اللي خلانا مستهلكين للثقافة الغربية ونتاجها الصناعي
للأسف ما في شكل مبلور للثقافة عند ابناء الوطن إلا ما يلقى من فتات وما يراد له ان يكون ثقافة وعي عام استهلاك وموسيقى ابعد ما تكون عن الموسيقى كفن وليس كأدوات تنتج عليها الحانا
ولا تعتقد ان الثقافة الموسيقية او ثقافة الإستهلاك هي محور بمعزل عن محاور الحياة الأخرى في وطننا
تحياتي لك
ظل جيفارا

أنا برأيي ربما لا أرتباط بين الأنتماء والثقافة السؤال لماذا لم تتبلور ثقافتنا حتى الأن هل بسبب الجهل
أو الأنفتاح بعد الحرمان وأين الخلل أهو مبرمج أم غير مقصود بتقاعس الدولة عن وضع رؤية مستقبلية
للأجيال وبسبب ضعف المنظمات المدنية التي تعنى بالشأن العام
وهل تتنوع الثقافات تحت سقف بلد واحد مع تغير الأديان والمذاهب
وأخيرا" ماهي رؤيتنا كشباب للحل
وأحلى مسا ( ظل جيفارا )

[المحارب العتيق]

كاتب النص الأصلي : مايسترو

هي مالها علاقة بهي


يعني موضوع الكولا مالو علاقة بهي الاغاني

هي الاغاني موضة وبتروح متل وقت كساندرا اذا بتتذكر

وانا شخصيا بتمنى تروح بسرعة

انا لاحظت كمان انو مو كل العالم بتحطون على موبايلاتا يعني هي وقت دبكة ورقص وبس

اما موضوع البيبسي وهيك فهو موضوع اعلان مو اكتر يعني نحنا ماعد لقينا المندرين بالبرادات لحتى نشتريها
واعلانات البيبسي والكوكا مع النجوم مليانة بالشوارع هادا الشي كمان بيلعب دور

مايسترو

القصد أنو بين مافي ناس كل هما تاكل منتجات أجنبية وتشرب القهوة بالأن هاوس والكوستا وتعمل شوبينك بالمول بتلاقي بنفس المدينة أغلب الناس عم تسمع داعوريات مع أنو أغلب الأغاني فاشلة
ومن كتر فشلها صاروا عميعملوا أغاني للأسماء بهلول ووطفة وغيرهم
حتى أنو الواحد أذا ماشغل هيك أغاني بشي سيران أيضرب هو وهالمشوار
فشو نوع الثقافة يلي عايشينا تقليد الغرب أم الرجوع للتراث وماهي ثقافة المواطن السوري

[المحارب العتيق]

عمار ولؤي ونبيلوف مشكورين على المرور
وياريت تشاركو معنا بل أسباب والحلول

[مايسترو]

كاتب النص الأصلي : المحارب العتيق

القصد أنو بين مافي ناس كل هما تاكل منتجات أجنبية وتشرب القهوة بالأن هاوس والكوستا وتعمل شوبينك بالمول بتلاقي بنفس المدينة أغلب الناس عم تسمع داعوريات مع أنو أغلب الأغاني فاشلة
ومن كتر فشلها صاروا عميعملوا أغاني للأسماء بهلول ووطفة وغيرهم
حتى أنو الواحد أذا ماشغل هيك أغاني بشي سيران أيضرب هو وهالمشوار
فشو نوع الثقافة يلي عايشينا تقليد الغرب أم الرجوع للتراث وماهي ثقافة المواطن السوري

هدول فئة وهدول فئة


اول شي لا يمكن انك تعتبر التراث السوري بتفاهة الداعور

تاني شي انت بكل مجتمع في عندك 3 طبقات
1:مخملية
2:وسطى
3:فقيرة

كل طبقة بتسمع اللي بيريحها او اللي بتحبو

يعني كتير قلال العالم اللي بالطبقة الفقيرة بيسمعوا جاز

وبالتالي كمان عندك نسبة نادرة جدا من الناس بالطبقة المخملية بتسمع فن الداعور (هاد اذا كان اسمو فن)

بعدين حتى الطبقة المخملية مو كل هما انو تشرب قهوة بالان هاوس لا بس كمان كل واحد حسب امكانياتو بيروح

عرفت كيف؟؟؟

بالتالي بيطلع عنمدك انو المجتمع السوري هو مزيج من ثقافات متعددة وفي كتير مجتمعات هيك

والحكي اللي حكيتو لا عم هاجم في طبقة معينة ولا عم وقف مع طبقة معينة


مايسترو

[Government]

اخي الدعاية هي الاا اكبر الدور والدور الاساسي بهاشي
يازلمة من كتر الدعايات الشعب انو صار بدو هالصنف بالزات
الدعايات بتعبي الراس كتير كتير..

مع انو كلو نفس الطعمة بس انو الدعاية بتخليك تتصور انو هالنوع احسن من هالنوع

بس شو بدك بالحكي
بعد البيبسي مافي

[farbella]

اولا تعليق على موضوع الكوكا كولا اللي فعلا ما بتنشرب انا من الناس اللي مدمنة على الكولا بس لما تكون كوكا كولا ما بشربها لانها مي وسكر مو اكتر بفضل الكندا دراي
بس المبدا بانتشار هي الماركات هو انها كانت ممنوعة عنا بقى لما كنا نهربها كانت تجي اطيب بكتير من الوطني
بس لما دخلت وصرنا نصنعا ونستوردا بقناعت الشعب الخاصة لهلأ هي كمنتج احسن من الوطني مع انو مش مزبوط
اما عن موضوع الداعوريات سببو انو الفن بجميع اشكالو صاير بمستوى منحط بقى وقفت عليهن
طنشش تعش تنتعش

[ظل جيفارا]

كاتب النص الأصلي : مايسترو

هي مالها علاقة بهي


يعني موضوع الكولا مالو علاقة بهي الاغاني

هي الاغاني موضة وبتروح متل وقت كساندرا اذا بتتذكر

وانا شخصيا بتمنى تروح بسرعة

انا لاحظت كمان انو مو كل العالم بتحطون على موبايلاتا يعني هي وقت دبكة ورقص وبس

اما موضوع البيبسي وهيك فهو موضوع اعلان مو اكتر يعني نحنا ماعد لقينا المندرين بالبرادات لحتى نشتريها
واعلانات البيبسي والكوكا مع النجوم مليانة بالشوارع هادا الشي كمان بيلعب دور

مايسترو

صديقي العزيز مايسترو احتضار الثقافة الذي يعاني منه شبابنا هو السبب وراء كل شيء
وراء أنحدار الحس الوطني
وراء ارتفاع مستوى الإقبال على تلك الأغاني التي لا تملك من الفن شيئا
وهي كلها امور مترابطة فالدعاية للمنتجات من خارج الوطن هي استهداف فكري معين لأشخاص معينين ولا يتلبس بها سوا قليلو الثقافة
واتذكر هنا كلمات للفنان عباس النوري : شعب لا يقرأ تأكله الشعارات وأعتقد ان الكلمة مقتبسة
وشكرا لك
تحياتي الحارة
ظل جيفارا

[ظل جيفارا]

كاتب النص الأصلي : المحارب العتيق

أنا برأيي ربما لا أرتباط بين الأنتماء والثقافة السؤال لماذا لم تتبلور ثقافتنا حتى الأن هل بسبب الجهل
أو الأنفتاح بعد الحرمان وأين الخلل أهو مبرمج أم غير مقصود بتقاعس الدولة عن وضع رؤية مستقبلية
للأجيال وبسبب ضعف المنظمات المدنية التي تعنى بالشأن العام
وهل تتنوع الثقافات تحت سقف بلد واحد مع تغير الأديان والمذاهب
وأخيرا" ماهي رؤيتنا كشباب للحل
وأحلى مسا ( ظل جيفارا )

تحياتي الحارة صديقي
لا استطيع ان اقول ان الخلل الثقافي مبرمح او غير مقصود ولكني ارى فيه تطورا طبيعيا للأحداث بعد نكسة السبعة وستين وما حصل في السبعينيات من القرن الماضي واوسلو وانهيار اخر اشكال الممانعة وكذلك الصيغة النمطية للمثقف كلها تراكمات ادت إلى عزل الشارع المثقف عن الشارع العام ولكن لا يمكن ان يكون هناك انتماءا وطنيا حقا دون ثقافة ...
تحياتي الحارة
ظل جيفارا

[Government]

من جهة أخرى نلاحظ ومنذ فترة جيدةأ جتياح الثقافة الداعورية في مجتمعنا (نسبة الى طلال الداعور وهو عازف أهم الأغاني الفلكلورية أو الشعبية أوالبلدية سمها ماشئت) فلن تذهب الى مكان في سوريا دون أن يطاردك ذلك اللحن ومستحيل أن تركب تكسي أو تجبر على دخول الكراجات أو حتى المرور من جنبها دون أن تسمع عدة سيمفونيات داعورية .وألحانه سمة الأماكن السياحية في بلدنا وقليلا مايخلو موبايل أحدهم من الداعوريات . ومع أن هذا النمط من الغناء هو نمط ساحلي جبلي الا أنه أنتشر في جميع أنحاء البلد ليلغي تقريبا كل ماهو أصيل وتراث في باقي المحافظات من القدود شمالا الى الزجل جنوبا .

هلأ مثلا انت شو اللي زعجك يالداعور والداعوريات ولا بوفيق حبيب ولا بغيرو وغيراتو ..
هلأ اللي بيفهمو من حكيك انو هادا غزو يعني وجايينا من برا والناس متعلقة في


ياحبيب كل بلد والا اغانية الشعبية مصر الا غانية الشعبية والسعودية الا غانية الشعبية
ونحن هي اغاني ..
بالعكس اغاني كتير حلوة من الساحل ومن الجبل واصوات غير شكل
وحفلات حلوة بتزكر بالبلد ..
وبالعكس انا بجهتي بنبسط كتير لما بدخل ع محل وبلاقي مشغل غنية للداعور او لوفيق والذي منو ..


بعدي ناخي الناس ازواق
في ناس بتعجبا هالاغاني وبموتوا فيا
وفي ناس مابطيقوا
الشغلة شغلة زوق ماشغلة انو شي حلو وماحلو
كل واحد هو وزوقوا
فيعني اللي بحب هالنوع يحبو ويسمعوا والله يباركلو في ..
واللي مابحب يخلي ع النوع اللي بحبو شو ماكان يكون وين الغلط بالموضوع ؟



وهي احلى لحن للداعور العظيم لعيونك وعيون الشباب الطيبة

داعور.wav







بعدين ع الهامش *
شو جاب موضوع الكولا

[Government]

صحي انت الداعور وضاربلك ع مخك هيك
ماتسمع سارية السواس او الخضير
شو بصير معك

[مايسترو]

كاتب النص الأصلي : ظل جيفارا

صديقي العزيز مايسترو احتضار الثقافة الذي يعاني منه شبابنا هو السبب وراء كل شيء
وراء أنحدار الحس الوطني
وراء ارتفاع مستوى الإقبال على تلك الأغاني التي لا تملك من الفن شيئا
وهي كلها امور مترابطة فالدعاية للمنتجات من خارج الوطن هي استهداف فكري معين لأشخاص معينين ولا يتلبس بها سوا قليلو الثقافة
واتذكر هنا كلمات للفنان عباس النوري : شعب لا يقرأ تأكله الشعارات وأعتقد ان الكلمة مقتبسة
وشكرا لك
تحياتي الحارة
ظل جيفارا

معك 100% بهالكلام


مايسترو