دارون كذاب,مابيفهم,واخو ملحوشة بس برهنونا نظرية الخلق تبعكن

[اممي]

يعني عنجد صرعت اربابنا
كل اسبوع في موضوع عن التطور وعن داروين
وبيطلعلك كل ابن حلال بيحولك داروين والي كتب الي خرافة وخزعبلات او مشروع يهودي لرد المومنين عن دينهم
وطبعا 90% اذا مو 95% مو قاري اصل الانواع (الكتاب الي سرد فيه عن نظرية) بس انا هلق نزل علي الايمان وراح اهتدي معكن بان داروين افااق !!!
عطوني تفسيركن العلمي ومع الدلائل ان كان في شي اسم ادم وكان في شي اسم حوا وان هالاثنين نزل من الجنة و فسروا بالمعية من وين اجتت باقي الكائنات وهل ياترى كل نوع حوالينا مخلوق لحالوا من لما انخلق ابوكن ادم
ياريت من كل فلاسفة الاخوية ان يفحمونا بردودهم الي طالما امتعونا بقرائتها
اممي

[Abu ToNi]

كاتب النص الأصلي : اممي

يعني عنجد صرعت اربابنا
كل اسبوع في موضوع عن التطور وعن داروين
وبيطلعلك كل ابن حلال بيحولك داروين والي كتب الي خرافة وخزعبلات او مشروع يهودي لرد المومنين عن دينهم
وطبعا 90% اذا مو 95% مو قاري اصل الانواع (الكتاب الي سرد فيه عن نظرية) بس انا هلق نزل علي الايمان وراح اهتدي معكن بان داروين افااق !!!
عطوني تفسيركن العلمي ومع الدلائل ان كان في شي اسم ادم وكان في شي اسم حوا وان هالاثنين نزل من الجنة و فسروا بالمعية من وين اجتت باقي الكائنات وهل ياترى كل نوع حوالينا مخلوق لحالوا من لما انخلق ابوكن ادم
ياريت من كل فلاسفة الاخوية ان يفحمونا بردودهم الي طالما امتعونا بقرائتها
اممي

طيب منبدا معك

اذا بدك تجي تحكي على فكرة الانسان ولد نم السما وكان عايش هنيك واكل تفاحه طلع له فيها ما بعرف شو

بدنا نضل انا وانت نغني ساعة بالطاحون يعني كل مين بده يغني وما حدا بده يسمع التاني

بالحياة صعب انك تاثبت وجود الله او عدم وجوده

صعب يلتقى العلم والدين بنفس الوقت " اذا ما كان شي مستحيل "

اذا بدك تتبع الدين بشكل مطلق بمعنى آخر تامن باي شي ممكن ينحكى قدامك بعتقد انك انسان " بسيط "

اما اذا اتبعت العقل " باغلب الاحيان " بدك توصل لنتيجة واللي هي " الالحاد "

في كتير افكار غبية بالمعنى الحرفي اذا اتطلعت فيها نظرة مجردة متل تحويل الخبز إلة خمر عند المسيحيين ورمي الشيطان بالجمرات عند المسلمين
بس بنفس الوقت اذا جيت معك وقلت لك ان الدين هو لعبة فاضية وان العلم والعقل هو كل شي بكون عبتضحك على حالي اولا وعلى اللي حولي ثانية

باعتبار انه الهقل بيقف عاجز امام كتير من الشغلات اللي ما قدر يشو الها تفسير

بعتقد طولت عليك

بس للحديث تتمة وانا كتير بهمني ادخل بهيك نوع من النقاشات مع شخص بحب يشغل عقله متلك

[joys]

في اختراع اسمه الله يمكن مش سمعان فيه
بس هادا الله هو الي خلق الكون و ما فيه
هاي هي بختصار هو جاب ادم و حوا
و هو عمل عمايله بهل دنياا
هلئ انت بدك بالاول تقتنع بوجود الله لتقدر تستوعب
ما جائ بعده

[اممي]

كاتب النص الأصلي : gabriel

طيب منبدا معك

اذا بدك تجي تحكي على فكرة الانسان ولد نم السما وكان عايش هنيك واكل تفاحه طلع له فيها ما بعرف شو

بدنا نضل انا وانت نغني ساعة بالطاحون يعني كل مين بده يغني وما حدا بده يسمع التاني

بالحياة صعب انك تاثبت وجود الله او عدم وجوده

صعب يلتقى العلم والدين بنفس الوقت " اذا ما كان شي مستحيل "

اذا بدك تتبع الدين بشكل مطلق بمعنى آخر تامن باي شي ممكن ينحكى قدامك بعتقد انك انسان " بسيط "

قصدك ساذج

اما اذا اتبعت العقل " باغلب الاحيان " بدك توصل لنتيجة واللي هي " الالحاد "

في كتير افكار غبية بالمعنى الحرفي اذا اتطلعت فيها نظرة مجردة متل تحويل الخبز إلة خمر عند المسيحيين ورمي الشيطان بالجمرات عند المسلمين
بس بنفس الوقت اذا جيت معك وقلت لك ان الدين هو لعبة فاضية وان العلم والعقل هو كل شي بكون عبتضحك على حالي اولا وعلى اللي حولي ثانية


انا بومن بالله بس الله الي بعبد مابتعارض مع العلم بالعكس داروين بنظرية ماكان ضد فكرة الاله لان بالنهاية البرامسيوم الاولي كان بدها روح وهيه الي منحها الله لالها
اما مشان الخبز والجمرات مراح انفوت فيهن مشان مانغير الموضوع

باعتبار انه الهقل بيقف عاجز امام كتير من الشغلات اللي ما قدر يشو الها تفسير

وهون اجا دارون ليفسر شي كان العقل واقف عن تفسير بادلة علمية وتفسيرة لساتها عم تتدرس بكل جامعات العالم وكمان انا هلق مني بصدد مناقشة نظرية داروين انا هدفي اعرف كل الي عم يشكك بهالنظرية شو عندن كبديل مثبت ماديا؟؟

بعتقد طولت عليك

بس للحديث تتمة وانا كتير بهمني ادخل بهيك نوع من النقاشات مع شخص بحب يشغل عقله متلك

واهلين وسهلين فيك خيي وبدي اعرف انت شو تفسيرك للوجود؟؟

[Abu ToNi]

هلق في شي كتير مهم لا انا ولا انت منقدر نحكي عكسه انه العلم ما قدر يوصل لنتائج اكيدة لفكرة الخلق والوجود

نظرية التطور الكبير والبسيط بدها تبقى مجرد فرضيات ونظريات بغياب الدليل الاكيد عليها .

انك تقول لي انه الانسان نزل من جنة عدن ومن سابع سما تاني حاة على الشمال

بعتقد ان الحكي هاد اقرب للخرافات ونحن هلق صرنا بزمن بيصعب فيه تصديق الخرافات

وبنفس الوقت في كتاب للاب اليسوعي هنري بولاد
بحاول انزل لكم اياه على الأخوية
فيه بيحكي على فكرة تطور الخليقة من وجهة نظر فلسفية وبيدعم الكتاب ببعض الحقائق العلمية

احدى الحقائق العلمية اللي متذكرها وعلقانة براسي هي انه العالم وبحسب تقدير علماء الكون عمره بحدود ال 200 مليون سنة " ماني متاكد من الرقم "
واذا كنا بدنا نسلم امرنا بان الخلق والكرة الارضية هي عبارة عن صدفة بحتة عن طريق تداخل العناصر الاربعة " هيدروجين ـ نتوجين ـ اوكسجين ـ كربون " اذا العناص هي كانت في الفراغ وبشكل عشوائي بحت فهي بحاجة لاكتر بعشرات المرات من 200 مليون سنة حتى تقدر تشكل ابط نوع من انواع الحياة

النتيجة اللي وصّّل لها الاب هنري من كتابه انه حتى تتشكل الحياة بالزمن السريع " نسبيا " فهي بالتاكيد كانت عن طريق شي كبير بتقدر تسميها قوة بتقدر تسميها طاقة بتقدر تسميها روح لكن الاب هنري سماها " الله "

[اممي]

كاتب النص الأصلي : joys

في اختراع اسمه الله يمكن مش سمعان فيه

بس هادا الله هو الي خلق الكون و ما فيه
هاي هي بختصار هو جاب ادم و حوا
و هو عمل عمايله بهل دنياا
هلئ انت بدك بالاول تقتنع بوجود الله لتقدر تستوعب

ما جائ بعده

الله انا بومن فيه بس مافيني كل شي احطها بظهرو يعني هلق انت بتفسر ان الوجود اجا بكل بساطة ان الله شلف ادم وحوا من السما ونزل عالارض و صارت بعدها كل هالخلايق!!!
طيب هالفكرة مو اسذج بامليون مرة ومليانة ثغرات فكرية بتخلي فكرة داروين الي كل البشر اليوم بكل كليات البيولوجيا والطب بيدروسوها اكثر منطقية
لك ليش انت فيكن تومنوا ان ادم نزل من السما ومافيكن تومنوا ان اصل الفيل هوه الماموث وان يوم من الايام كان في زرافات رقابهم منها 2 مترين وان كل فصائل الكلاب هنن من اصل واحد وان الاحافير الي عم يلاقوها البشر والي عم تنفحص باجهزة حقها بلاوي وعم ينعمل عليها ابحاث بلاوي هيه بتمثل مرحلة من مراحل الي مر فيها اجدادنا لوصلنا للوضع الي نحنا عليه ...
والله الله بيامركن بان تشغلوا مخكن
هلق بتقولو ليش ماورد هالشي باي كتاب سماوي انا راح اجي معكن واعترف بكتبكن
بس ياتري ااذا حكا قبل 1500 سنة ان اصلنا واصل الشمبانزي واحد حدة كان امن ؟؟؟

[COSTA]

مرة قريت بكتاب حلو كتير عن هالقصص هي
الكتاب بيحكي عن نشوء الكائنات الحية
المهم كان في عالم اسمو يوجين دوبوا yougin deboi
وهو قدر يلاقي الحلقة المفقودة بين الانسان والقرد لما اكتشف بقايا كائن شبيه بالانسان وشبيه بالقرد
ولما عمل تحليل للبقايا اكتشف انو هالكائن هو يللي تفرع منو الانسان وتفرع منو القرد وسماه الانسان القرد
هي بالمختصر

[اممي]

كاتب النص الأصلي : gabriel

احدى الحقائق العلمية اللي متذكرها وعلقانة براسي هي انه العالم وبحسب تقدير علماء الكون عمره بحدود ال 200 مليون سنة " ماني متاكد من الرقم "
واذا كنا بدنا نسلم امرنا بان الخلق والكرة الارضية هي عبارة عن صدفة بحتة عن طريق تداخل العناصر الاربعة " هيدروجين ـ نتوجين ـ اوكسجين ـ كربون " اذا العناص هي كانت في الفراغ وبشكل عشوائي بحت فهي بحاجة لاكتر بعشرات المرات من 200 مليون سنة حتى تقدر تشكل ابط نوع من انواع الحياة

النتيجة اللي وصّّل لها الاب هنري من كتابه انه حتى تتشكل الحياة بالزمن السريع " نسبيا " فهي بالتاكيد كانت عن طريق شي كبير بتقدر تسميها قوة بتقدر تسميها طاقة بتقدر تسميها روح لكن الاب هنري سماها " الله "

ملاحظة فنية كتير بسيطة
انا طالب كيمياء بجامعة زيغن بالمانيا ومن التجارب الي عملناها هيه تشكيل البروتين (حموض نووية) مخبريا والعملية ماكان بدها اكثر من جمع العناصر في وسط مائي واعطائة شرارة ليشكل مادة قابلة للحياة
بس هون بيجي القدرة الالهية الي اعطت هالمادة طاقة خلتها حية
وبعتقد ان الزمن كان كافي لكل هالتغيرات الي واكبت هالتنوع الهائل للكائنات

ملاحظة 2 العلماء اليوم لايناقشون صحة او خطا نظرية دارون بل النقاش يدور حول اليات التي تم فيها التطور

[اممي]

مشان ما نحيد عن موضوعنا

ياايها المؤمنون بادم وحواء ياريت دفاع عن ايمانكن يعني بدنا ادلة

[suryoyo]

التطور كمبدأ ممكن التعامل معه لا كنظرية

و النظرية تقترح نشوء الحياة عن طريق تفاعل العناصر مع اشعة الشمس على ساحل البحر ... لتكون خلايا ما قبل البكتيريا!

لا يمكن وجود تفاعل بحيث يتحول الناتج من الفوضى الى اللا فوضى (حسب ما درسنا بالكيمياء)


و الشق الثاني ان الخلايا اللي سبقت البكتيريا تطورت الى البكتيريا و تدريجيا وصل الى الانسان


هذا ابدا غير منطقي بالمرة


لكن بالنسبة الي

الله خلق الكائنات بالتدريج ........ هذا مقبول علميا و دينيا

و خلق جنس الحيوانات بعد جنس النباتات و هذا صحيح علميا ...

و ممكن من خلال الطفرات الوراثية خلق الله كائنات جديدة لكن لا يمكن تعميم هذا المبدأ اطلاقا



المحور الثالث عن آدم و حواء بالنسبة الي اسهل كثير قبوله من نظرية ان البكتيريا انتجت الانسان ضمن سلسلة طويلة عريضة اسمها الارتقاء و النشوء !

[لون السماء]

i believe that u started this topic just to make noise, and u know what i am talking about


Pease

[suryoyo]

كاتب النص الأصلي : اممي

مشان ما نحيد عن موضوعنا

ياايها المؤمنون بادم وحواء ياريت دفاع عن ايمانكن يعني بدنا ادلة

ممكن توضح اكثر عن نوعية الادلة اللي تحكي عنا


تنكمل و نعطيك وقت حتى نتحاور اكثر

[اممي]

كاتب النص الأصلي : suryoyo

ممكن توضح اكثر عن نوعية الادلة اللي تحكي عنا


تنكمل و نعطيك وقت حتى نتحاور اكثر

كل المومنين بنظرية دارون يعتمدون بايمانهم علي الكتاب الذي وضعه دارون وعلي المناقشات التي وضعها هوه ومن تلاه من تلاميذه هذا من الناحية النظرية اما الناحية الادلة المادية اعتمدت علي المستحاثات التي وجدها علماء الجيولوجيا والتي تبين الشبه التتالي في مراحل التطور التي لحقت ماقبل الانسان الحديث ووصولا
وقد نوقشت هذه الادلة في مشاركات اخري وردت في الموقع


اما ما ابحث عنه الان هوه ماهو مصدر الذي يدفع الكثير الي الايمان ان اصل الانسان اتي من ادم علما انه لايوجد اي دليل مادي علي ذلك (هذا علي حسب علمي)
وسوالي هل يوجد لديكم اي دليل مادي يمكن الاستناد عليه ان اصل الانسان اتي من ادم ؟؟

[اممي]

كاتب النص الأصلي : suryoyo

التطور كمبدأ ممكن التعامل معه لا كنظرية

و النظرية تقترح نشوء الحياة عن طريق تفاعل العناصر مع اشعة الشمس على ساحل البحر ... لتكون خلايا ما قبل البكتيريا!

لا يمكن وجود تفاعل بحيث يتحول الناتج من الفوضى الى اللا فوضى (حسب ما درسنا بالكيمياء)

لم افهم ماهيه الفوضى في تفسيرك اذ ان تشكيل مركبات نتيجة تفاعلات طبيعية هوه موجود وعليه امثلة لاتحصي
و الشق الثاني ان الخلايا اللي سبقت البكتيريا تطورت الى البكتيريا و تدريجيا وصل الى الانسان

البكتريا هيه ليست ابسط الكائنات الحية فيوجد البرامسيوم ابسط منها وبالتالي الانتقال من البسيط الي الاكثر تعقيدا ممكن ولا اجد له سبب ليكون غير ممكن



المحور الثالث عن آدم و حواء بالنسبة الي اسهل كثير قبوله من نظرية ان البكتيريا انتجت الانسان ضمن سلسلة طويلة عريضة اسمها الارتقاء و النشوء !

ليييييييييييييش ؟؟؟

[راديا]

ليكو انا رح حطلكون شي اكيد ضمن الدين الاسلامي و رح استشهد بدلائل من الكتاب و السنة ... بس ما رح ادعي الكل يآمن فيه لانو بعرف كزا عقلية هون بتجي ضد بس حكمو عقولكون و فكرو و لو شوي لانو هاد وقت قريتو لقيتو جدا منطقي و قابل للتصديق بقى انا رح اعطيكون و انتو شوفو ...

خلق الله تعالى الخلق في أربع أنواع: خلق آدم u بدون أب ولا أم، وخلق حوّاء من ضلعه أي من ذكر بلا أنثى، وخلق عيسى u من أنثى بلا ذكر، وخلق بني آدم جميعاً ومنهم الرسول r من ذكر وأنثى.
وجاء في الحديث الشريف عن الرسول r أن أهل اليمن جاءوا إلى الرسول r قالوا: جئناك لنسألك عن أوّل الأمر (بمعنى كيف بدأ الخلق) ففهم الرسول r السؤال وعرف أنه يحتاج إلى إجابة منه حتى لا يترك الناس للأهواء والعبث والشيطان فقال r: "كان الله ولم يكن شيء قبله وكان عرشه على الماء وكتب في الذكر كل شيء ثم خلق السموات والأرض." وفي رواية أخرى (ولم يكن شيء غيره). والماء الذي عليه العرش هو الماء كله الي خلقه الله تعالى وكتب في الذكر معناها اللوح المحفوظ. فيجب أن نجعل الله تعالى بداية تفكيرنا حتى لا ننتقل من سؤال من خلق كذا ومن خلق كذا لنصل إلى سؤال من خلق الله؟ وهذا من عبث الشيطان ببني آدم.
وللإجابة عن السؤال كيف بدأ الكون؟ يجد الإجابة في حديث الرسول r فكتابة كل شيء في الذكر كان بل خلق السمولت والأرض والحديث يتفق مع حديث آخر (إن الله خلق القلم فقال له اكتب فكتب مقادير الخلائق قبل خلق السموات والأرض بخمسين ألف سنة) إذن خلق الله تعالى العرش ثم القم وأمره أن يمتب كل شيء ثم السموات والأرض وهذا كله قبل خلق آدم u. إذن آدم خُلق بعدما خلق الله تعالى له الخلق كلّه كما جاء في حديث أبو هريرة: أخذ رسول الله r بيدي وقال: " خلق الله التُربة يوم السبت وخلق الجبال يوم الأحد وخلق الشجر يوم الإثنين وخلق المكروه يوم الثلاثاء وخلق النور يوم الأربعاء وبثّ الدواب يوم الخميس وخلق آدم آخر ساعة من ساعات الجمعة من العصر إلى الليل في آخر الخلق." لأن الله تعالى كرّم آدم على سائر المخلوقات وقال في سورة الإسراء (وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى كَثِيرٍ مِّمَّنْ خَلَقْنَا تَفْضِيلاً {70}) هذا التكريم يدلّ على أنه خلق آدم بين شريف (وهم الملائكة) ووضيع (الحيوان) فكان آدم وسط بين الإثنين وجعل له مفاتيح إن أخذها يستطيع أن يتقرّب من الملائكية وإذا تركها تدنّى للحيوان (بالشهوة الحيوانية) يقال ليتيم الإنسان من فقد أبوه أما يتيم الحيوان فهو من فقد أمه لأن ذكر الحيوان يأتي شهوته ثم يترك صغاره فتربيهم أمهم. ولا يتدنى للشيطان لأن الشيطان خلق آخر مخلوق من مارج من نار. فالإنسان إما أن يكون من أولياء الله أو من أولياء الشيطان اتّباعاً وليس خلقاً وهناك فرق بين الإتباع والخلق. وحينما يصوم الإنسان يتجرّد من بشريته ويعلو ويتقرب من الملائكية بدليل ما جاء في القرآن الكريم على لسان مريم عليها السلام (إني نذرت للرحمن صوماً فلن أُكلّم اليوم إنسيا) نفت كلامها مع الإنس لكن لو جاء جبريل لكلمته، فالصيام يرفع درجة الإنسان إلى درجة الملائكية وهي الطاعة العمياء لأن الملائكة جُبلت على ذلك والبشر الطائعين أفضل عند الله تعالى من الملائكة لأن الإنسان الطائع الذي أمامه الفجور والتقوى اختار الطاعة والتقوى أما الملائكة فهي طائعة بالكليّة. وقوله تعالى في سورة البلد (وهديناه النجدين فلا اقتحم العقبة) وقوله في سورة الشمس (فألهمها فجورها وتقواها) الإلهام هنا بمعنى الإرشاد أي أن الله تعالى يُرشد الإنسان إلى الطريقين طريق الخير وطريق الشر وهذا من رحمته ومن نعمه على الإنسان لأنه عندما يبيّن لنا طريق الشر يعيننا على تجنبه فلا نفع في المعاصي ولا نقع في شرور الأعمال وهذا من فضل الله علينا وعندما يُبيّن لنا طريق التقوى نتيعها وهذا لا يتعارض مع النفس البشرية التي جُبلت على الفطرة. إذن إلهام الفجور هو من فضل الله ونعمه علينا حتى نجتنب الفجور وما يؤدي إليه.

[suryoyo]

كاتب النص الأصلي : اممي

لم افهم ماهيه الفوضى في تفسيرك اذ ان تشكيل مركبات نتيجة تفاعلات طبيعية هوه موجود وعليه امثلة لاتحصي

باعتبارك طالب كيمياء ...

اكيد درست طاقة التفاعلات ضمن thermodynamics

ΔH, ΔG, ΔS

و S هو رمز الانتروبي Entropy التفاعلات الطبيعية و اللي دائما تحدث في الطبيعة يكون قيمة تغير الانتروبي ΔS طبيعية (القيمة تكون موجبة)

لكن التفاعلات تكون غير ممكنة الحدوث عندما تكون قيمة تغير الانتروبي بالسالب (من الفوضى الى اللافوضى)

و لو كان هذا التفاعل ممكن لكان حدوثة طبيعي و مستمر الى يومنا هذا ! ليش حدث مرة واحدة قبل بلايين السنين !


اذا انا غلطان وضح لي و انا اكيد رح استفيد


هذا فيما يخص "النشوء"

البكتريا هيه ليست ابسط الكائنات الحية فيوجد البرامسيوم ابسط منها

البراميسيوم هو عالم الطليعيات اللي يحوي الاميبا ايضا حسب اخر تصنيف

و البكتيريا هي ادنى منه

لكن البروبكتيريا و الطحالب الخضراء المزرقة (على ما اذكر) هم اوطا من البكتيريا

اوبالتالي الانتقال من البسيط الي الاكثر تعقيدا ممكن ولا اجد له سبب ليكون غير ممكن

كيف تم !! شو هي التقنية او الميكانزم !

و اذا منطقي ليش هو غير مستمر الحدوث الى هذا اليوم ....


و ليش اكثر المختبرات تطورا بالعالم ما قدرت تنشئ الحياة من خلال العناصر الاولية المكونة للخلية الحية



اما فيما يخص الارتقاء

تقول النظرية ان هذه التفاعلات اللي انشئت الحياة كما وضحت مسبقا


اسألك هل تمت ضمن سياق واحد

او تمت من خلال اكثر من عملية تطور انفس الكائن الحي الى انواع مختلفة ضمن نفس الفترة الزمنية



و منكم نستفيد

[Sarita]

يعني هلق ازا عملنا ع كلام دارون هاد
انو بعد شي 200 سنة ازا كنا من الحيايا رح نصير ديناصورات ول شو؟
لك بدي اعرف كيف لاقى صلة بين القرد والانسان
هوي صحيح القرد متل الانسان بس هاد ما بيعني انو الانسان هوي قرد

والله خلق ادم عليه السلام يوم الجمعة يعني بعد ما خلق الارض وكان عرشو فوق الماء
وبعدين خلق حوا من ضلعو لادم
بقى شغلو مخكن الله موجود وهوي اللي انشا الخلق اجمعين وادم انسان ونحنا انسانيين وما في شي اسمو قرد؟
احنا بشو نتميز عن الحيوان مو بالعقل؟ خلاص بقى نحنا مميزين جدا بالنسبة لله
يالله يا جماعة ما بدنا حكي بهالشي احسن ما الواحد يصير ملحد بسبة هاد داروين اللي مات وشبع موتة

[suryoyo]

كاتب النص الأصلي : اممي

كل المومنين بنظرية دارون يعتمدون بايمانهم علي الكتاب الذي وضعه دارون وعلي المناقشات التي وضعها هوه ومن تلاه من تلاميذه هذا من الناحية النظرية اما الناحية الادلة المادية اعتمدت علي المستحاثات التي وجدها علماء الجيولوجيا والتي تبين الشبه التتالي في مراحل التطور التي لحقت ماقبل الانسان الحديث ووصولا
وقد نوقشت هذه الادلة في مشاركات اخري وردت في الموقع


اما ما ابحث عنه الان هوه ماهو مصدر الذي يدفع الكثير الي الايمان ان اصل الانسان اتي من ادم علما انه لايوجد اي دليل مادي علي ذلك (هذا علي حسب علمي)
وسوالي هل يوجد لديكم اي دليل مادي يمكن الاستناد عليه ان اصل الانسان اتي من ادم ؟؟

دليل مادي .....


ان كل البشر هو من نوع واحد و من عدة سلالات ...

و نتيجة الطفرات اختلفت السلالات


و رح ابحث عن دلائل اخرى