مجموعة تصاميم للرئيس بشار الأسد

[أبو حـلب]

Dr. Bashar Al Assad

أفلجت صدورنا ورفعت رأسنا بمواقفك الثابتة و سياستك الحكيمة .. نعـم لـ بشـّـار الأســد ،
بهدي هالتصميم لكل العــرب
و إن شاء الله بينال الإعجاب ، و بتمنى أشوف أي تعليق , نقد وملاحظة ، حتى نرتقي للأفضل!

[BL@CK]

كاتب النص الأصلي : أبو حـلب

Dr. Bashar Al Assad

أفلجت صدورنا ورفعت رأسنا بمواقفك الثابتة و سياستك الحكيمة ..

فعلا ً يا أبو حلب صدورنا مفلوجة ..

[بنفسجة]

حلوة كتير هالصورة
شكرا ابو حلب

[souriana]

شي ابها هالصورة , الله محييك ابو حلب وكترلنا من تصميماتك للدكتور

[The morning]

انو ليش ايمت الانتخابات ؟ نعم على شو ؟ ما الانتخابات صارت العام الماضي ؟؟

هلئ بالنسبه للتصميم كتـصميم جميل و خرج بوسترات و مظاهرات و قصص و هيك .. رواق صاير مش معجوقه الكتابه بالصوره انما منفصله عنها و صاير فهمان شو عم تشوف و شو عم تقرا مو متل العاده من كتر المشاعر كلّو بيجي فوق بعضو ..

[كذبك حلو]

لكل العرب؟؟؟؟؟؟ ليش؟؟؟؟؟
اصلا مين بيقدر يحكي في الاستفتاء لا
بتكون اخر لا بحياتو

[أبو حـلب]

BL@CK | أهلا فيك ، إن شاء الله هيك ع طول مفلوجة

بنفسجية | عيونك الحلوي ، و أهلا و سهلا

souriana | و من عيوني الـ 2 رح كترلك منهن

The morning | أهلين ، ما حدا قال في إنتخــابـات
نعـم لأنو أنـا كـ عربي قبل ما كون سوري بفتخر بهيك رئيس عنـا بهيك مواقف خارجية
ولعلمك مو بس نحنا العرب ، حتى الأجـانب بيعشقوا شي إسمه بشــار الأســد

مممـ بالنسبة لرأيك بالتصميم كـ تصميم ، بشكرك عليه .. و إن شاء الله ع طول بنعجبك

كذبك حلو | أهلاً ، لكل العرب .. لأنـو بيكفي أنو رافع لهن راسهن
و لا أزيد عما قاله الشاعر العراقي الكبير محمد مهدي الجواهري:
سلاماً أيها الأســد ، سلمت ويسلم البلد ، وتسلم أمة فخرت بإنك فخر من يلد

[BL@CK]

كاتب النص الأصلي : أبو حـلب

ولعلمك مو بس نحنا العرب ،

مين هدول ال "نحنا" خيو ؟!

[souriana]

كاتب النص الأصلي : كذبك حلو

لكل العرب؟؟؟؟؟؟ ليش؟؟؟؟؟
اصلا مين بيقدر يحكي في الاستفتاء لا
بتكون اخر لا بحياتو

عيني هاد اسمو قسم التصميم والجرافيكس يعني مو قسم سياسة, عجبتك الصورة اهلا وسهلا ماعجبتك سكريلنا الباب وراكي

[أبو حـلب]

كاتب النص الأصلي : BL@CK

مين هدول ال "نحنا" خيو ؟!

هاي الـ "نحنا" للتضخيم و التفخيم لحضرتنا ، ما تشغل بالك كتير

[VivaSyria]

كاتب النص الأصلي : أبو حـلب

و بتمنى أشوف أي تعليق ,

حسيتو تهديد..عنجد متل أسلوب المخابرات...بتمنى تشوف أي تعليق؟؟ والله مارح علق

نقد وملاحظة ، حتى نرتقي للأفضل!

بس حددلنا شو بدنا ننتقد؟ ولا عن شو بدنا نحط ملاحظات؟ عن التصميم ولا الصورة ولا صاحب الصورة؟؟

بتضمن اذا انتقدنا ما ياخدونا؟؟

[كذبك حلو]

كاتب النص الأصلي : souriana

عيني هاد اسمو قسم التصميم والجرافيكس يعني مو قسم سياسة, عجبتك الصورة اهلا وسهلا ماعجبتك سكريلنا الباب وراكي

عمو بعرف كثير منيح شو هو القسم.ثاني شيئ الصورة سياسية شو بدك تعليك ما احلى صوته؟
يعني مثلا لو حدا صمم صورة لجنبلاط بشكل مو منيح انا متاكدة انو تعليقك مارح يشمل الجانب الثقني.اذن عمو تعليقي ماشبو شيئ.وعلى سيرة الباب المسكر حاج تسكير بواب ولا هيك معودين.
anyways
انا حطيت تعليق عجبك اهلين ما عجبك كمان اهلين احنا تبع ديمقراطية
وعموما اذا اختلفت الاراء فهاد ما بيعني انو احنا اعداء

[The morning]

كاتب النص الأصلي : أبو حـلب

The morning | أهلين ، ما حدا قال في إنتخــابـات
نعـم لأنو أنـا كـ عربي قبل ما كون سوري بفتخر بهيك رئيس عنـا بهيك مواقف خارجية
ولعلمك مو بس نحنا العرب ، حتى الأجـانب بيعشقوا شي إسمه بشــار الأســد

مممـ بالنسبة لرأيك بالتصميم كـ تصميم ، بشكرك عليه .. و إن شاء الله ع طول بنعجبك

لا يا رجل أنا مش قـصدي انك تقـول لا او حتّى نعم , انما قصدت شو مناسبه الـنعم يعني كان , برأي , انو بما انو مافي انتخابات هلئ تحط شي مقوله من أقواله بحيث انو قلـنا نعم العام الماضي لشبعنا هلئ بنعبّر بشي تاني مختلف..
في مقوله اله بيحكي فيها عن علاقه القائد بالشعب و كـيف لما الـشعب و القائد تكون علاقتهم جـيده و الشعب عنده ثقه بالقائد مافي شي تاني بقى بأثّر بالبلد .. أنا هي المقوله اله تعجـبني جدّا كرأي شـخصي يعني من أكتر المقولات اله اللي بتلفت نظري و بتنال أعجابي ..

فأنّو مش عم قلّك تغيّر رأيك و ما تفتخر و تعمل تصاميم عن الدكتور بشار , انما يعني عم اقترح انو مـقوله نعم صـارت مسـتهله جدّا خصّا انو العام الماضي كانت الانتخابات و الهتافات و الصيحات بنـعم فانو اذا شي جديد مش كتير مسـتهلك كان بكون ملفت للنظر اكتر ..
عرفت عليّ شلون ..

[..AHMAD]

شباب يفضل يكون النقاش تقني بالنسبة الأكبر
يعني لا مانع نتناقش قليلا.. بمضمون التصميم... لكن ما نعطيها الحيّز المطلق .. ونترك شوي لنناقش تقنية التصميم .. أو عناصر التصميم ( فنياً )
خنائات ومهاترات بتمنى ما يصير أكتر من هيك

[كذبك حلو]

على راسي واسفين

[satoman]

والله صوره حلوه ويسلمو ابو حلب

[أبو حـلب]

VivaSyria | لا لا مافي أي تهديد ، أنـا كنت بقصد تعليق بمعنى رأيك بالتصميم كـ تصميم ،
و مشـان أسلوب المخابرات ممممـ بالعكس هاي ديموقراطية بأنو أعطيك الحق بالتعليق
و لأنك رفضت تعلّق ، بتكفيني طلّتك لعندي هون
و بالنسبة للنقد ، أنـا من جهتي برحب بأي نقد بنّاء ، ومارح آخدك
بس ما بعرف عن غيري ، فيــك تجرب وتشوف إذا بياخدوك أو لأ

كذبك حلو | إي روقي شوي ، مو مسـتاهلة الحكايــة
رأيك ع عيني وراسي ، و فل تحيـا الديموقراطية

The morning | مممـ أنـا فهمان عليك ، و أنـا كنت بقصد بالنعم تأييداً لسياسته الخارجية
و تأييداً لمواقفه يلي بترفع لي راسي دائــماً كـ سوري أولاً و كـ عربي ثانيــاً و كـ مغترب ببلاد أجنبية ثالثاً

..AHMAD | أهلا و سهلا فيــك ، و ما تشيل هم .. الوضع ما زال تحت السيطرة
بس وين رأيك الفني بالتصميم ؟

satoman | يا هلا. عيونك الحلوة ،

[souriana]

اي ابو حلب , ايمتا بدك تحطلنا الصور الجديدة ؟؟