ما وراء الأغنية

[la-vierge]

بدي أسألكون شو رأيكون بهالكلمات



ضيق لبسك ما عندك أوسع منو تلات ارباع ولاد الحي فيكي جنو
ختيار اللي عالكازة عنت عبالو الزاجة طفل لحاملتو امو يكاغي اسمك عتمو
عجبتي خيو سحرتي بيو و ذوبتي عمو
هيدا يقلك يقبرني هيدا يصفر و يعني و تلاميذ المدارس و لا واحد فيهون دارس انت مرقتي
اسرقتي احرقتي الأخضر و اليابس
مرقتي عملتي عجقة سير عالمفارق عالم تسأل بعضا من يا اللي مارق بوليس اللي عالاشارة
ولعت بقلبو نارا سيارات يمشيهون عكس السير يوديهون عم يطلع فيكي انت و مش سائل فيهون
و اللي شعراتو شابو يتحسر عشبابو و اللي من مرتو خايف يعمل حالو مش شايف قلبو دايب مثل
الحمرا لفوق الشفايف


في كثير بيسمعو هالغنية بنات و شباب و في اللي بيحبوها و في اللي ما بيحبوها

أنا بحبا كثير و بحب اغانيه لفارس كرم بس مو كاي اغنية لاني بشوف انو فارس من خلال اغانيه
بيورجي المجتمع العربي لوين وصل ورا شهواتو بينتقد البنات بطريق حلوة ما بيفهما الا اللي الذكي

تمعنو و شوفو طريقة الاغنية و كلماتها بقلبكون موبس باذانكون و رح تسمعو شي غريب من" التنورة و الاخرس "


انتو شو رأيكون هذا نقاش مفتوح بتمنى تشاركوني فيه بآراءكون

مع امتناني للجميع

مريــــــــــــــــــــــ ـــــــــــــــــــم

[la-vierge]

لك وينكووووووووووووووووووووو وووووووووووووووووم ما عجبكون الموضوع خاص مثل ما بدكون

[god dremer]

والله يا ستي أغاني فارس حلوة أذا انتقدكون وأذا ما انتقدكون ......... عادي

[كل شى اوهام]

والله اغانيه بتجنن انا بحبها وكلها حركه ...وئلها معنى يعنى بيحكى يالى عم يصير بالزمن هيدى ..بالواقع..

واحلى شى باغانيه فيها حركه بترئص يعنى يالى ما بدوا يرئص الا ويرئص على اغانيه..ماهيك
وتسلمى كتير عالموضوع..

[volanis]

طيب ممكن الغنية اذا عندك

[philip]

والله يا شباب كل واحد بيفهم الغنية حسب خلفيته الثقافية ومابس هيك كمان وحسب بيئتو بس انا بحب تبعيت نسونجي .........................................



وأنا شخصيا نسونجي

[جان بن جاك الروسوي]

سقاطة ما بعدا سقاطة الاغاني العربية هالايام وما بستثني حدا القنوات العربية صارت مركز للتخلف الفكري والادبي والاخلاقي

بينما بالمقابل المطرب او المطربة المحترمين ما الون وجود على الساحة الانتاجية


انا بدي اعرف من ورا هالتخلف من هو المستفيد؟؟؟؟؟؟؟؟؟

[Placebo]

مع إحترامي الشديد لمحبي هي الأنواع من الموسيقى .. بس هي أغاني ولاد صغار وأغاني ساقطة اخلاقياً ..

بذكر أنو لما كنت صغير كنت حب الأغاني من دون ما إفهم كلماتها ..

وعلى كبر ماعرفت ليش صرت إنجذب لأغاني عبد الحليم حافظ وفيروز وإم كلتوم وأغاني جورج وسوف القديمة .. يعني بشكل عام الأغاني القديمة العربية صرت انجذبلا.. لأنو عالقليلة بتحس أنو عم تسمع شي في إلو معنى وكلمات الأغاني القديمة مافي أجمل منها ..

مو متل هلأ مثلاً .. (بعتلي إيميل وحكيني)

طبعاً هي وجهة نظر واحد بيجي الغناء العربي بالمرتبة التانية عندو .. لأنو طبعاً أنا Brit Rock Fan!

[ارسلان]

للاسف الاغنية العربية الراهنة مش كلها بس اغلبها افضل ترتيب الها هي

فمة انحطاط الاغنية العربية

هاد مش يعني ان الاغاني القديمة كانت كلها اكويسة وجيدة بالعكس


المعيار دائما الاغنية الهادفة الرومنسية الفاظها راقية ومعانيها ساميه

وميت وردة لاذواقكم

[زوربا]

أنا بتسمع عالأغاني بس هيك... ما بدقق شو هيي الكلمات....بركز عاللحن بس ..وإذا كان اللحن ساقط فهادا بيكفي أنو الغنية تكون ساقطة..

[jouliana]

انا برئي الاغنية الناجحة لازم ترتكز على قواعد لانجاحهاا
يعني كلمات من غير لحن حلو ما فيكي تستمتعي بالاغنية
لازم تكون متكاملة لحتى نستمتع فيهااا
في كتير اغاني معاني كلماتها حلوة كتير
بس بنحسهم بايخين لانه لحنهم ما بكون حلوو

و مشكورة مريوم على الموضوع

[la-vierge]

كاتب النص الأصلي : god dremer

والله يا ستي أغاني فارس حلوة أذا انتقدكون وأذا ما انتقدكون ......... عادي

ميرسي على مرورك

[la-vierge]

كاتب النص الأصلي : كل شى اوهام

والله اغانيه بتجنن انا بحبها وكلها حركه ...وئلها معنى يعنى بيحكى يالى عم يصير بالزمن هيدى ..بالواقع..

واحلى شى باغانيه فيها حركه بترئص يعنى يالى ما بدوا يرئص الا ويرئص على اغانيه..ماهيك
وتسلمى كتير عالموضوع..

هيدا اللي حبيت وضحو انت قلتيه الله ينور عليكي
ميرسي على مرورك

[جان بن جاك الروسوي]

اي اغنية الها عدة اسباب للنجاح
اهم هالاسباب:
1- الكلمة الحلوة
2- اللحن المميز
3-التوزيع الموسيقي الجيد
4- الصوت اللي عم يغني هالاغنية وتناسبوا معها
5- التوزيع الناجح

ومع انو كل هالمزايا مانا موجودة بالاغاني اللي عم نسمعا وين ما عم نروح هالايام
مع هيك هيي ضاربة الدنيا وصارعة العالم صرع



شفتو انو المجتمع العربي الو خصوصيتو

[la-vierge]

كاتب النص الأصلي : volanis

طيب ممكن الغنية اذا عندك

الغنية عندي بس للأسف ما بعرف كيف حطا بالمنتدى
رح حاول حطها

ميرسي على مرورك

[la-vierge]

كاتب النص الأصلي : philip

والله يا شباب كل واحد بيفهم الغنية حسب خلفيته الثقافية ومابس هيك كمان وحسب بيئتو بس انا بحب تبعيت نسونجي .........................................



وأنا شخصيا نسونجي

مرحبا يا نسونجي الله يبعتلك علة



ميرسي على مرورك

[MadMax]

كاتب النص الأصلي : la-vierge

في كثير بيسمعو هالغنية بنات و شباب و في اللي بيحبوها و في اللي ما بيحبوها

أنا بحبا كثير و بحب اغانيه لفارس كرم بس مو كاي اغنية لاني بشوف انو فارس من خلال اغانيه
بيورجي المجتمع العربي لوين وصل ورا شهواتو بينتقد البنات بطريق حلوة ما بيفهما الا اللي الذكي

أنا بظن فارس كرم لما غنى هالأغاني ( الله يجعلها أغاني )
كان آخر همو المجتمع العربي
و يللي عم ينجّح أغانيه هو الايقاع الراقص + سيقان الصبايا يللي معو

[la-vierge]

كاتب النص الأصلي : جان بن جاك الروسوي

سقاطة ما بعدا سقاطة الاغاني العربية هالايام وما بستثني حدا القنوات العربية صارت مركز للتخلف الفكري والادبي والاخلاقي

بينما بالمقابل المطرب او المطربة المحترمين ما الون وجود على الساحة الانتاجية


انا بدي اعرف من ورا هالتخلف من هو المستفيد؟؟؟؟؟؟؟؟؟

أنا بشوف انو حتى الفيديو كليب في الو دور يعني احنا بنشوف انتشار سقاطة بالفيديو و لما بتتمعن بسماع الغنية بتلاقي الكلمات في الى معنى يعني لازم المغني او المغنية يحاولو ينسقو بين اللحن و الكلمات مشان يطلع الشي حلو


ميرسي على مرورك