مايكتب على السافيس والتكاسي السورية

[cat28]

لا تشوفني عم أتدرج ... دو بلني وأتفرج !!!
ميلي على ميالك أبو عبدو خيالك
عشقت السفر من ظلم البشر
بحبك جكر بالناس
لا تلحقني مخطوبة
لولا المصالح ما حدا صالح
ما طار طير وارتفع إلا كما طار وقع
مكتوب على المرايا مخصص للصبايا
بس للحلوين
لأتسرع يا بابا نحن بانتظارك
دلوعة أبو حبيب
يا رضا الله ورضا الوالدين
يصطفلوا !!
عين الحسود فيها عود
سارحة والرب راعيها
يا ناظري نظرة حسد شكيتك لواحد أحد
أنا السوزوكي بغني و اسألوا الكيا عني
ذكرى دمعه على صلعة
مر و عدي و بلا تحدي
الرصاصة التي لفت الكوع
عاشق النبي يصلي عليه
يا جبل ما يهزك ريح
يلي يهوانا يصبر على بلوانا
لا تجحش محسوبك أجحش

[Syrian Gay]

شو بكرهون هالعبارات يللي بيحطوا لما بشوفا بريد كب حالي من شباك
يعطيكي العافية قطة28

[cat28]

والله معك حق
خيو هلكو سمان لسه
مخطوبة ابو عبدو الملك
وادعيلي ياامي (وفي احتمال تكون امه ميتة)

[هـــــــون]

وادعيلي ياامي (وفي احتمال تكون امه ميتة)

شو بكرهون هالعبارات يللي بيحطوا لما بشوفا بريد كب حالي من شباك

والله في بعضون حلوين وبيضحكو ..

في كمان .

don't be stupid , we have politicians for that

وفي بعضون بيحط بللّــور عاكس ( لحتى يشوف اللي وراه ) وبيكتبلك : أنا شايفك إنت شايفني ؟؟؟

واذا من زمان ما غسل السيارة وطبقة الغبرة صارت هالقد بيقومو بيكتبولو عالبللور : ( ارجوك اغسلني )

يعني عنجد شغلات تسالي كتير .. ليش مزعوجين انتو ؟!

[Syrian Gay]

كاتب النص الأصلي : هـــــــون

والله في بعضون حلوين وبيضحكو ..

في كمان .

don't be stupid , we have politicians for that

وفي بعضون بيحط بللّــور عاكس ( لحتى يشوف اللي وراه ) وبيكتبلك : أنا شايفك إنت شايفني ؟؟؟

واذا من زمان ما غسل السيارة وطبقة الغبرة صارت هالقد بيقومو بيكتبولو عالبللور : ( ارجوك اغسلني )

يعني عنجد شغلات تسالي كتير .. ليش مزعوجين انتو ؟!

لا هلا هدول تبعك حلوين
بس يللي حاطتون كات بيزعجوني بس هدول تبعك عنجد حلوين