اغنية عبري كتير حلوة لــ Nevine

[~YAFA~]

اغنية كتير حلوة وهي عبري

على هادا الرابط

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[samsoum]

مرحبا YAFA
بدك تتوقعي ردود مو كتير حلوة على هالموضوع، لأنو انتي بتعرفي انو هالمنتدى عربي وسوري تحديدا، ومابظن بانو الغالبية بهالمنتدى رح تقبل انو تنتشر فيه اغاني عبرية.
بعرف انو هالشي بالنسبة الكن كتير عادي (قصدي سماع الاغاني العبرية)،لأنكن عايشن داخل فلسطين وبتسمعوها بكل مكان شئتم ام ابيتم، بس حبيت قلك انها مو عادية بالنسبة لكتير ناس خارج فلسطين
وشي تاني .. انو مو بسيطة ابدا يسرقو الاغاني العربية، لأنو لو كانو اتراك او يونانيين او من اي شعب اخر ، يمكن مافي مشكلة ، اما اسرائيل تحديدا الكل بيعرف ليش بيسرقو الاغاني والتراث، وبينسبوه لألهن لحتى يقنعو العالم بانهم ابناء هالارض
مابدي اتفذلك، بس حبيت احكيلك وجهة نظري
بكل الاحوال شكرا الك

[~YAFA~]

بس الاغنية حلوة ,, وعلى فكرة المغنية عربية بتحكي عربي مش يهودية

[samsoum]

كاتب النص الأصلي : ~YAFA~

بس الاغنية حلوة ,, وعلى فكرة المغنية عربية بتحكي عربي مش يهودية

انا اسف، ما قصدت ابدا ازعجك او سببلك اي احباط من خلال ملاحظتي عالاغنية،بس يمكن اللي خلاني احكي هالشي هو اني شفت بعيني كيف بيدورو على اي شي عربي ممكن ينسبوه لأنفسهم، ولدرجة انو فرقة موسيقية من اليهود الالمان، طلبو مني، بكل وقاحة،انو اعمللهم مقطوعات موسيقية لحتى يقدموها تحت اسم موسيقى السفاردين.ولما رفضت راحو لعند موسيقي تركي، وللأسف عمل الموسيقى وقدموها على انها موسيقى يهودية، والموسيقي التركي مالو عارف شو القصة.
يعني مو الاغنية بحد ذاتها اللي بتزعج، وانما طريقة الاستغلال البشعة
تقبلي تحياتي

[samsoum]

من شان هيك كنت عم قول انو مو لازم نساعدهم يسرقو اكتر ويكرسو سرقاتهم القديمة

[marioma alghzayala]

شباب خلونا ضمن نطاق الموضوع ..يا ريت ما ينقلب الحوار لسياسة او دين...بليز..

وميرسي عالغنية ... ..

بس لان ما عرفانة شو عم تحكي ...

[قهوة دايمي]

باد سونغ ..

ثنك يو !!

[samsoum]

كاتب النص الأصلي : marioma alghzayala

شباب خلونا ضمن نطاق الموضوع ..يا ريت ما ينقلب الحوار لسياسة او دين...بليز..

وميرسي عالغنية ... ..

بس لان ما عرفانة شو عم تحكي ...

ماكان القصد لاالحديث بالسياسة ولا بالدين، بس اي عمل فني بهالعالم في الو هدف،او عم يحكي عن شي معين ، مهما كان تافه بنظر البعض .وانا كنت عم احكي عن هالهدف ،يعني لما بيكون هدف هالاغاني سياسي او ديني او...مافيكي تناقشيها من الناحية الفنية وبس.
بتمنى كون وضحت الفكرة

[sliman]

شكحرن على الغنية

[~YAFA~]

اها طيب خلص الموشح ؟.؟

[marioma alghzayala]

اي موشح؟؟؟؟

[الهجان]

مرحبا شباب انا ما سمعت الاغنيه للاسف

بس لح اسمعها اكيد ومش رح افهم الكلمات اذا كانت عبريه

بس اكيد لح اتفاعل مع الموسيقا اذا كانت جيده

فقط اسئل الناس المعترضين هل للموسيقا هويه ؟؟؟؟؟؟؟؟؟؟؟؟؟


كل ظني ان الموسيقا لغه العالم ولغه الاحساس ولا تفرقه في الموسيقا لا من خلال جودتها وجمالها

اذا سمعت لحن واعجبك هل ستغير الرأي اذا كا ن المؤلف عبري

[yamen_h]

طبعا الموسيقى ما الها دين او انتماء سياسي او طائفي ...لذلك الموضوع ما انحذف ...
بس اذا رح يتحول مجرى الموضوع ويصير موضوع سياسي او طائفية...فرح اضطر اني احذفو ...
واذا لاحظتو انا حذفت بعض المشاركات ...لخروجها عن الموضوع ..

[~YAFA~]

لا انا ضدد انو يصير سياسي الله يكفينا شرها

[samsoum]

كاتب النص الأصلي : جون دارننك

مرحبا شباب انا ما سمعت الاغنيه للاسف

بس لح اسمعها اكيد ومش رح افهم الكلمات اذا كانت عبريه

بس اكيد لح اتفاعل مع الموسيقا اذا كانت جيده

فقط اسئل الناس المعترضين هل للموسيقا هويه ؟؟؟؟؟؟؟؟؟؟؟؟؟


كل ظني ان الموسيقا لغه العالم ولغه الاحساس ولا تفرقه في الموسيقا لا من خلال جودتها وجمالها

اذا سمعت لحن واعجبك هل ستغير الرأي اذا كا ن المؤلف عبري

الموسيقى ماالها انتماء سياسي او طائفي، متل ما تفضل الاخ المشرف، بس انو ماالها هوية؟؟؟؟ اسمحلي قلك انو هذا الكلام مرفوض
ولحتى ما نخرج عن الموضوع رح احكي من ناحية فينة بحتة،
هناك موسيقيين كبار من اليهود من أمثال مندلسون ومالر وغيرهم، كلنا او الكثيرون منا يستمع لموسيقاهم دون الالتفات الى انهم يهود اوغير ذلك
وكذلك من العرب اليهود امثال المطربة وداد والموسيقي المصري الشهير داوود حسني والعراقي ياير دلال
لا احد يستطيع الاعتراض على هؤلاء، لأنهم يؤلفون ويغنون بلغتهم ويقدمون موسيقاهم الاصيلة، ولم يقم مندلسون بسرقة احدى مؤلفات فاغنر ونسبها له، ولكن هؤلاء يسرقون موسيقانا ويدعون انها موسيقى اسرائيلية
هذا ليس كلامي ، بل كلام الاخ اللي كتب اول رد على هذا الموضوع،وللاسف اجابته انحذفت. وهو من داخل الارض المحتلة ويعلم ذلك اكثر مني ومنك
تجاهل مثل هذه الجرائم، والادعاء بانه علينا ان نسمع الاغنية او الموسيقى، فقط لكي ندعي بأننا منفتحين على العالم، دون الالتفات الى فهم السبب الذي تقدم من اجله، وتحديدا في هذه الحالة، هو قمة السذاجة والجهل واللامبالاة بهويتنا وثقافتنا
اسف على الاطالة
تحياتي

[~YAFA~]

شكرا على مروركم

[shamba]

مشكووووووووووووورة عالغنية
أنا إلي كتير عم دور عهيك أغاني بس ما لقيت
شكرا إلك مرة تانية

[~YAFA~]

وشكرا على مرورك وازا بدك كمان احكيلي