مسرح هزلي مبتذل

[Nirvana]

انطلاقاً من الحرية الشاسعة والواسعة والعريضة اللي عاطيتنا ياها أخويتنا العظيمة .. فعندي رأي بدو حطو ... بالرغم من فوضويتو ..


المسرحية اللي عم بتصير على المسرح الدولي فاشلة والمسرحية اللي عم بتصير على مسرح المنطقة أفشل بالرغم من التقنيات العالية (الأسلحة) والمؤثرات البصرية الواقعية جداً (سفك الدماء) .. اما المسرح اللي بتقدمو مجاناً ودون مقابل (منظمة الأمم المتحدة بالاشتراك مع بعض الدول المتقدمة في العالم) وهو مسرح دائري ذو تقنية عالية (العراق، لبنان، سوريا، فلسطين، أفغانستان، ايران، تقريباً كل دول العالم) .. كل ما بلف بفرجينا مسرح جديد بديكور جديد وممثلين جداد لكن للأسف نفس القصة والعقدة والحبكة وحتى سير الأحداث يعني بشكل مكرر .. مكررة جداً وبشكل فاضح .. لا ومبتذل .. يعني حوار ركيك واداء مبالغ فيو بس نسبة المشاهدة عالية جداً، يعني هالمسرحية مربحة تجارياً ..
بالرغم انو مخرج هالمسرحية معروف جداً (أمريكا) والجمهور (حضراتنا) إلا أنو بعض الشخصيات الهامة بتفضل تضل مجهولة فبعض المؤلفين والفنيين وبكل تواضع بحاولو ما يظهرو أمام (حضراتنا)..
أما التمويل اللي بدونو حتفشل المسرحية فمصدرو (الغباء ) وبترول العراق والسعودية ..
أما المرافق والخدمات الأخرى (بضم الألف أو فتحها ما في مشكلة) فما في أكتر من الخونة والعملاء ليقدمو خدماتهم ..

لكن الشي الوحيد المبدع والخلاق في هالمسرحية واللي رح قررررررررر فيو أنو كيف الممول والقاتل والضحية هنن ذات الشخصية؟!!!! لك شو هالابداع !
يمكن لانو مسرح دمى !! بس الدم حقيقة والبشاعة حقيقة وكل شي حقيقة ..

لكن الجمهور اللي عم بيضحك بشكل هستيري لدرجة البكى ما عم يفهم المسرحية !!



حتى أبو حشيشة بجلالة قدرو عم يخبط راسو بالحيط من لما حضر المسرحية .. !!
يمكن لأنو ما في أمل ..





ملاحظة: تم استخدام السمايليات بكثرة للتشخيص ..

[زوربا]

آخ .. والله حكيك صحيح .. والعالم كلو بيعرف شو دها أميركا من المنطقة...إلا شلة الدواب العربية...ما بدهن يعرفو....

[MadMax]

كاتب النص الأصلي : Nirvana

لكن الجمهور اللي عم بيضحك بشكل هستيري لدرجة البكى ما عم يفهم المسرحية

أنا بظن الكل فهمانين
بس الشخصيات مركبة ....و بتتحمل اسقاطات متعددة
لهيك كل واحد بفسرها من زاوية مصلحتو
*
*
*
عالهامش : عجبني أسلوبك

[ظل جيفارا]

انا بدي علق على شغلة انو المؤلف معروف
لا يا سيدتي المؤلف مو معروف لو كان معروف كانت كملت المسرحية وخلصت وخلص مشي الحال
بس المشكلة والمؤثر اللي عم يطول المسرحية انو المؤلفين غير معروفين وغير ظاهرين للعيان
بس بصراحة حلو كتير اسلوبك

[ما بعرف]

يا سيدي انا كل ما فتت بالحيط وما عاد فهمت شي برجع بتسمع على مسرحيات ابو الزوز
فلم اميركي طويل و شي فاشل
وعن جديد بخصوص الكرامة والشعب العتيد
اي مالك عليي يمين بصير احسن مبصر و بغلب كل بصارات المغاربة

[Nirvana]

شكرا للجميع

الحقيقة انو كل شي واضح متل الشمس .. يعني لما نقول امريكا وإسرائيل هو عدونا الاول في المنطقة هالشي واضح كتير ..

بس اللي مو واضح .. الغباء والجهل والأنانية اللي عم بتصيب مجتمعاتنا ..
يعني العراق .. نزاعات داخلية
لبنان .. نزاعات داخلية
فلسطين .. نزاعات داخلية ..

طيب ليش؟ ؟ ؟ مشان السلطة .. أي سلطة وهالدول كلها محتلة (ايه حتى لبنان جزء من أراضيها ما زال بايد اسرائيل متل مسمار جحا) ...

مو عارفة اللوم على مين ..؟ الدين أو فساد السلطة أو الفقر أو ...
كل اللي بعرفو انو عم ينضحك علينا عينك عينك .. وأنو شعوب أضعف وأفقر قدرت تغير .. ليش نحنا لأ؟

[sliman]

بشششششششششششششش
يارجل غصت الدمعة بعيني