منرفض نحنا نموت .. ولو غابت شمس الحق - جوليا بطرس

[passerby_intime]

من أروع ما غنت المطربة اللبنانية الرائعة جوليا بطرس أغنية وطنية حماسية تفخر بها الأجيال على مر العصور:


غابت شمس الحق.. وصار الفجر غروب
وصدر الشرق انشق.. اتسكرت الدروب
.
منرفض نحنا نموت .. قولولن رح نبقى
أرضك والبيوت ... والشعب الل عم يشقى
هَوو إلنا يا جنوب ... يا حبيبي يا جنوب

.
كلن يا جنوب ... باعوك الكلام
والعدل مصلوب... عم ينزف السلام
شو همنا الحروب .. شو همنا الحروب
رح نبقى نحنا هَون.. ويفنى كل الكون
ولاينقص حبة .. من ترابك يا جنوب
منرفض نحنا نموت.........

.
ما تخاف يا جنوب .. من غدر الزمان
من ويل الحروب .. من لوعة الحرمان
ومع كل اللي صار .. رح تبقى إلنا الدار
ويرجه شجر الغار .. يزهر كرامة .. بأرضك يا جنوب
منرفض نحنا نموت .........

رابط الأغنية:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

.

[passerby_intime]

ولو! .. يعني ما حدا علق ولو بكلمة من شهر لهلق!
شو كلكم كان عندكم رابط هالغنية ؟!
ما في حدا غيري كان عم يدوِّر عليها!!!
مع إنو صرلي سنين ما سمعت حدا عم يحطها بقنوات الأغاني .. وما حدا عم يجيب سيرتها..
طيب .. ما علينا .. بيجي يوم بيستفيد حدا من هالرابط.

[MadMax]

كاتب النص الأصلي : passerby_intime

ولو! .. يعني ما حدا علق ولو بكلمة من شهر لهلق!
شو كلكم كان عندكم رابط هالغنية ؟!
ما في حدا غيري كان عم يدوِّر عليها!!!
مع إنو صرلي سنين ما سمعت حدا عم يحطها بقنوات الأغاني .. وما حدا عم يجيب سيرتها..
طيب .. ما علينا .. بيجي يوم بيستفيد حدا من هالرابط.

في موضوع كامل لجوليا .. فيه معظم أغانيها

[passerby_intime]

كاتب النص الأصلي : MadMax

في موضوع كامل لجوليا .. فيه معظم أغانيها

إذا كان هيك اختلف الأمر
حقكن علي .. ضيق الوقت يعيقني عن البحث الدقيق
وشكرا لك على المرور والتعليق الكريم