ملاحظة أخوية للملحدين

[fady juventus]

صار حكي كتير عن الألحاد والملحدين بأخوية
و من جهتي أنا شخص محايد لا متدين ولا ملحد مع إني مريت بحياتي بمراحل تقلب بين الجهتين قبل ما استقر عالوضع الحالي اللي فيه راحة بال أكتر من خلال نسيان مواضيع الدين قدر الإمكان والتفكير بالحياة اليومية العملية ومن دون إنتقاد هالطرف أو هالطرف إلا الأشخاص المتطرفين.
بس الشي اللي لاحظتو على (بعض) الإخوة الملحدين ومن زمان بدي ناقشن فيه...
هوي مجاهرتن بالألحاد و أحيانا تعمد إهانة الشخصيات الدينية والمتدينين دون تمييز بين صالح وطالح "فقط لمجرد كونه متدين حتى لو ما كان متطرف" بدل ما يكون الإنتقاد بناء ، إيجابي و ديمقراطي
إضافة لإنتظار أي فرصة لإعلان هالإنتماء اللي برأيي ما فيه شي يدعو للفخر متل كون التدين شي عادي ما بيرفع الراس ... الحالتين متل بعض
و لما منطالب المتطرف دينيا(و الأحمق غالبا) إنو يحتفظ بعقيدته وإيمانه بقلبه وما يصرع طي*نا فيهن ...
لازم بالمقابل نطلب من الطرف الآخر الملحد نفس الشي...
وإلا صدقوني ما رح يكون في فرق بين الطرفين!
يعني أنا بعتب على إخوة بيعلنوا بمناسبة وبدون مناسبة إنن ملحدين أو حتى بيحطوها بالتوقيع وكأنو منتظرين منا نقول"ياي شو هالقوة"
أو "شو متحرر و فريي" !!
لاء أبدا ... الإلحاد بعمرو ماكان تميز إلا لناس ما قدروا يتميزوا بشي تاني للأسف...
لأنو الإلحاد بالنهاية مانو فكر أو عقيدة تتبناها و تشهرها للعالم ، فإما إنك تؤمن بالله أو ما بتعترف بوجوده وبالحالتين هاي قناعتك خليها بقلبك ، وأنا ماشفت بالدول الديمقراطية أحزاب للملحدين(لأنو شو هالحزب اللي برنامجو نقض الدين!؟) ، بس متل ما بتعرفوا في أحزاب بتنقض الفكر الديني وبتعتبره عائق أمام تقدم البشرية دون الدعوة لمحاربته لأنو هيك بتصير قمع لحرية الرأي المقدسة بالنظام الديمقراطي .

أنا وجهت كلامي للملحدين لأني بتوقع منن ذهن منفتح أكتر من الطرف التاني.
و يا ريت تتقبلوا كلامي بصدر رحب.
و إذا حدا إلو ملاحظة عليه يناقشني فيها بطريقة حضارية دون تهجم (حاكم دمكن حامي شوي)
تحياتي الصادقة للجميع.

[MadMax]

و أنا كمان لا ملحد و لا متدين .... يعني بتقدر تقول علماني
بس من وجهة نظر محايدة أنا بشوف العكس
المتدينين هني يللي بينظروا للملحدين و كأنهم شي قذر
و للأسف ما بيخبوا عالشعور بقلبهم
و فيك تشوف المسبات تبعهن بموضوع ( نكات لادينية )

[Government]

بربي يامعلم كلام حلو كتير كتير كتير وراكز

وبصراحة انت حكيت الزبدة يعني بصراحة لو بطبق هالكلام اللي حكيتو والاعضاء بطبقوا بشرفي مارح يعود في مشاكل ولا خناقات ولا اكل

وكمان بهنيك على موقفك اللي قاعد عليه انت (بلامعنى) اللي بقصد فيه الوسطية "لاملحد ولامتدين" وبصراحة هيك واحد بريح بالو من القال والقيل

وشهيتني بصراحة اتبع ه السياسة



ومية وردة على هالموضوع الموزون

[vanina]

كلامك صحيح مية بالمية وعقلاني .
يعطيك العافية .

[fofo besset syria]

مافي حل لهلقصة الا انو الشباب يعملو اتفاق كل مين بحالو...

بس بدي افهم ليش المتدين بفوت عمواضيع مكتوب فيها للملحدين فقط وبقرأ وبستمتع وبعدين بقلك حرام!!!

يا فوت وخليك ساكت يا ما تفوت من الاساس !!!!!!!!!!!!!!!!!!وحتى العكس مزبوط يعني الشبا الملحدة كمان ما يستنفرو من اي كلمة ويطولو بالهم شوي


يعني بالعربي كل مين حر بحالو واخوية مو موقع هداية او تكفير !!!كل مين حر بدينه والي ما بعجبو اسم الموضوع ما يفوت ويسم بدنو...

هاد الحل الوحيد لأنه كلمة من كل جهة وعم تتحول المواضيع لمعارك حامية الوطيس


عفكرة الله وكيلكن انا مسلمة بس بفوت وبقرأ وما بشارك

يعني طرف محايد

[أسير التشرد]

شكلو منظمة وسموها منظمة اخوية المحايدة ... او منظمة اخوية لعدم الانحياز... وصل الله وبارك

وانا هلأ طرف محايد...

[BL@CK]

أنا اللي شفتوه .. بهالكم يوم ..

دائماً المتدينين .. بحاولوا يهاجمو الملحدين ..

يعني هنن اللي بتحارشون ..

و بسمعو حالون كلام .

يا أخي الموضوع اسمو للملحدين فقط .. إذا انت بتعرف الله لشو لتفوت

يعني أمرار بحشروا انفون بشي ما خصون فيون

بس معك حق يعني لازم ينحط حد لهالخلافات اللي بتصير ..

[احمر مر]

و من جهتي أنا شخص محايد لا متدين ولا ملحد مع إني مريت بحياتي بمراحل تقلب بين الجهتين قبل ما استقر عالوضع الحالي اللي فيه راحة بال أكتر من خلال نسيان مواضيع الدين قدر الإمكان والتفكير بالحياة اليومية العملية ومن دون إنتقاد هالطرف أو هالطرف... اقتباس...
يا اخي ما في مجال ليكون الانسان محايد او بلا موقف واضح من هالحياة يعني ممكن تكون مسلم بس انو ما تكون متطرف وممكن تكون ملحد او شيوعي وانت مقتنع هاد كلو ما بيهم ما دمت مقتنع انو هاد الي انت بتامن فيه هو الصح... الانسان موقف فكون لنفسك موقف
اما بالنسبة للي بيشوف في حالو انو هو دائما الي صح وغيرو ما الو وجود على خارطة الحقيقة فهاد بيمثل دور المتخلف الاعمى

[وائل 76]

كاتب النص الأصلي : fady juventus

أنا وجهت كلامي للملحدين لأني بتوقع منن ذهن منفتح أكتر من الطرف التاني.
و يا ريت تتقبلوا كلامي بصدر رحب..

يعني أنو وجهة نظرك معقولة و متفتحة بعض الشيئ ... بس أنو أعذرني فادي أنو شايفك خبصت بأخر سطر !!!

مجرد وجهة نظر مش اكتر . حاسس انو المؤمن من وجهة نظرك زلمة مانو منفتح و عم بيفكر بعقلية العصور الوسطى ... يعني كنت بنتظر بعد كلامك الرائع ببداية الموضوع أنو ينتهي الموضوع بجملةتعبر عن المساواة ما بين الملحد و المؤمن على الأقل .. طالما انهم متاوسين بكل شي من وجهة نظرك على حسب مازكرت بكزا نقطة .
كان الاجدر انو تختم موضوعك بما يعبر على انو الكل متساوي و ليس الاجحاف بحق المؤمن مثلما زكرت بالسطر الاخير ..

تحياتي لك اخي

[hanny dagher]

كاتب النص الأصلي : وائل 76

يعني أنو وجهة نظرك معقولة و متفتحة بعض الشيئ ... بس أنو أعذرني فادي أنو شايفك خبصت بأخر سطر !!!

مجرد وجهة نظر مش اكتر . حاسس انو المؤمن من وجهة نظرك زلمة مانو منفتح و عم بيفكر بعقلية العصور الوسطى ... يعني كنت بنتظر بعد كلامك الرائع ببداية الموضوع أنو ينتهي الموضوع بجملةتعبر عن المساواة ما بين الملحد و المؤمن على الأقل .. طالما انهم متاوسين بكل شي من وجهة نظرك على حسب مازكرت بكزا نقطة .
كان الاجدر انو تختم موضوعك بما يعبر على انو الكل متساوي و ليس الاجحاف بحق المؤمن مثلما زكرت بالسطر الاخير ..

تحياتي لك اخي

فادي قصدو المتعصبين دينيا

[وائل 76]

كاتب النص الأصلي : hanny dagher

فادي قصدو المتعصبين دينيا

أنا وجهت كلامي للملحدين لأني بتوقع منن ذهن منفتح أكتر من الطرف التاني

واضحة كتير هاني فادي ذكر " الطرف التاني " يعني ملحد أو مؤمن ... !!! ما في وسط و ما في متعصب و مو متعصب ...

[Ms. J.A]

اممممم
انا كمان محايدة ..
بس جد المتدينين بينظرو للملحدين نظرة دونية عالاخر
وبيطبو فيهم عالطالعة وعالنازلة
وهدلاك مش بيقصرو
كلامك منيح
ويااااااا ريت ينسمع !

[abosleman]

في مجال انو الواحد ينسى الحال الدينية والسياسية يلي عم نعيشها

[وائل 76]

كاتب النص الأصلي : abosleman

في مجال انو الواحد ينسى الحال الدينية والسياسية يلي عم نعيشها

عــــــــ السقيفة أبو سليمان بنتظرك هناك يا بعدي

بلا من كل هالعلاك الفاضي

[hanny dagher]

كاتب النص الأصلي : fady juventus

ط£ط®ظٹ ظˆط§ط¦ظ„
ظ…ط§ ظپظٹ ط*ظٹط§ط¯ ط¨ط§ظ„ظ…ط·ظ„ظ‚ , ظˆ ط£ظ†ط§ ظ‡ط§ط¯ ط±ط£ظٹظٹ ط¨ط§ظ„ظ†ط³ط¨ط© ظ„طھظپظƒظٹط± ظƒظ„ ط·ط±ظپ
ظˆط¨ط±ط£ظٹظٹ ط§ظ„ظ…طھط¯ظٹظ† ط¨ظٹظƒظˆظ† ظ…طھط*ظپط¸ ظˆظ…طھظ…ط³ظƒ ط¨ظ…ط¨ط§ط¯ط¤ظ‡ ط£ظƒطھط± ظ…ظ† ط؛ظٹط±ظ‡
ظˆط¹ظ†ط¯ظ‡ طµط¹ظˆط¨ط© ط£ظƒطھط± ط¨طھظ‚ط¨ظ„ ط§ظ„ط±ط£ظٹ ط§ظ„ط¢ط®ط± ظ…ط«ظ„ط§... ظˆط¨طھط¨ظ‚ظ‰ ط§ظ„ط´ط؛ظ„ط© ظ†ط³ط¨ظٹط©
ط¨ط³ ط£ظ†ط§ ط£ط¨ط¯ط§ ظ…ط§ ظ‚طµط¯طھ ط¥ظ†ظˆ ط§ظ„ظ…طھط¯ظٹظ† ط¨ظٹظپظƒط± ظ…طھظ„ ط§ظ„ط¹طµظˆط± ط§ظ„ظˆط³ط·ظ‰!
ط£ظ…ط§ ط§ظ„ظ…طھط·ط±ظپ ط£ظƒظٹط¯ ط¥ظٹ ظˆط£ظƒطھط±.

ترجمة

"اخي وائل ما في حياد بالمطلق وانا هادا رايي بالنسبة لتفكير كل طرف
برايي المتدين بيكون متحفظ ومتمسك بمبادؤو اكتر من غيرو
وعندو صعوبة اكثر بتقبل الطرف الاخر مثلا وبتبقى الشغلة نسبية
بس انا ما قصدت انو المتدين بيفكر متل العصور الوسطى اما المتطرف اكيد اي و اكتر"

شفت ابو الفود ما في حدا غيري بيفهمك

[وائل 76]

كاتب النص الأصلي : hanny dagher

ترجمة

"اخي وائل ما في حياد بالمطلق وانا هادا رايي بالنسبة لتفكير كل طرف
برايي المتدين بيكون متحفظ ومتمسك بمبادؤو اكتر من غيرو
وعندو صعوبة اكثر بتقبل الطرف الاخر مثلا وبتبقى الشغلة نسبية
بس انا ما قصدت انو المتدين بيفكر متل العصور الوسطى اما المتطرف اكيد اي و اكتر"

شفت ابو الفود ما في حدا غيري بيفهمك

ثانكس هاني

[fady juventus]

مشكور يا أحلى أبو الهن
بس ما بعرف ليش طلعت الأحرف سنسكريتة
القصة يا جماعة إني عم فوت عالنت من الموبايل
وطلعت روحي من كتابة الكلمات وبالأخير سنسكريتي(سمايلي تبع الجاكوش شنو صعب عليي حط سمايلات)
الظاهر صار لازم نطالب بالإنترنت للجيش كمان مشان يصير عنا جيش عصري و مقتمت
(سمايلي تبع البؤس والميزربل والملتعن نفسو)

[Barleb]

شكراً كتير أبو الفاد .. ( بس شكلك صاير عما تكتب هندي بالفتر الأخيرة )

المهم ..

أنا بصراحة هي .. قدام الملحد متدين و قدام المتدين ملحد ( لا تسألوني كيف .. بس أنا هيك خيو ..)

و كـ جزئي الملحد .. ألي الشرف أنو المتدين ينظرلي نظرة دونية ..


و كمان عـ قولة وفاء سلطان ..

أعبد الحجر ولكن لا تضربني به