الأسد يقود الحكومة بنفسه

صياد الطيور · 18/02/2006

تتداول الأوساط السياسية السورية أخباراً عن حدوث تغير نوعي في العمل الحكومي بعد التعديل الوزاري الأخير في سوريا، يجعل الوزراء مسؤولين أمام الرئيس بشار الأسد، في وقت أكدت مصادر مطلعة أن وزارة الخارجية السورية بصدد إعادة هيكلة شاملة بما في ذلك تأسيس مركز دراسات سياسية يعمل فيه عدد من الباحثين المتخصصين.
واعتبر المحلل السياسي أيمن عبدالنور, رئيس تحرير نشرة »كلنا شركاء الالكترونية«, أن »تعيين عدد من الوزراء وبقاء البعض في مناصبهم مقصود ويهدف إلى وجود تنوع في الآراء والمدارس ضمن الحكومة بحيث تطرح أفكار ورؤى متعددة في مراحل صنع القرار ليلتزم الجميع في النهاية بالقرار الذي يتم الاتفاق عليه، ومن هنا كان تأكيد الرئيس الأسد على أن الوزراء كأفراد لا يصنعون سياسات بل الحكومة بكاملها«.
واقترح الرئيس السوري أن تكون هناك جلسات للحكومة مخصصة لدراسة قضايا محددة بعينها يتم فيها مناقشة تلك القضايا من قبل الجميع بحيث يتم الاطلاع على الآراء المختلفة جميعها والقادمة من مختلف الأحزاب والمدارس ويصار في النهاية إلى صياغة سياسة وتوجه لمعالجة تلك القضايا يلتزم بها جميع أعضاء الحكومة وتصبح تلك هي سياسة الحكومة المعلنة.
وتوقع عبدالنور, وهو مقرب من دوائر صنع القرار, أن »تعقد تلك الجلسات بشكل دوري، وأنه الاحتمال الأقوى بشكل أسبوعي، وبرئاسة سيادة الرئيس شخصياً«. وذكر أن الرئيس الأسد قال في الاجتماع الأخير للحكومة الثلاثاء الماضي إنه الرئيس المباشر للوزراء وان الوزراء مسؤولون أمامه.
واعتبر عبدالنور أن في ذلك »رسالة واضحة للوزراء مفادها أن ما كانت تشير له الدراسات بأن أحد أهم أسباب فشل الإدارة وعرقلة إصلاحها في سوريا هو تعدد خطوط الولاء بين (الهرم الإداري، الهرم الحزبي، الأجهزة غير المباشرة) هذا الأمر يجب أن ينتهي، أي أن نتائج العمل التي تقرر وهي العامل الوحيد في استمرار الوزير في منصبه وليس زيارات الولاء وتمسيح الجوخ الحزبي وللأجهزة«.
من جانب آخر, نفى وزير الصناعة السوري السابق محمد غسان طيارة أن يكون لعلاقته بنائب الرئيس المنشق عبد الحليم خدام أي صلة بقرار إقالته من منصبه.وقال طيارة الذي تربطه صلة قرابة بنائب الرئيس المنشق: »لا علاقة لعبد حليم خدام بتكليفي بوزارة الصناعة بل على العكس كان معارضاً لهذا التكليف ويمكن أن يؤكد ذلك رئيس مجلس الوزراء المهندس محمد ناجي عطري وبعض الرفاق أعضاء القيادة القطرية السابقة ولا يزالون أعضاء في القيادة القطرية الحالية«. وأضاف: »أقول لمن يذيع الإشاعات: إن عبد الحليم خدام لم يرشِّحني لمنصب وزير في كل حياته ووقف في كثيرٍ من الأحيان معارضاً حتى ترشيحي لمنصب نقيب للمهندسين السوريين أو لعضوية مجلس الشعب«.
من جانب آخر, كشف باحث استراتيجي سوري فضل عدم ذكر اسمه أن وزارة الخارجية السورية بصدد إنشاء مركز للدراسات السياسية هدفه تقديم دراسات وأبحاث ترفد العمل الدبلوماسي بالمعلومات والتحليلات وطرح الخيارات المتعددة ووضعها بيد صانع القرار السياسي.

me2 · 18/02/2006

اقتباس:

كاتب النص الأصلي : صياد الطيور

تتداول الأوساط السياسية السورية أخباراً عن حدوث تغير نوعي في العمل الحكومي بعد التعديل الوزاري الأخير في سوريا، يجعل الوزراء مسؤولين أمام الرئيس بشار الأسد، في وقت أكدت مصادر مطلعة أن وزارة الخارجية السورية بصدد إعادة هيكلة شاملة بما في ذلك تأسيس مركز دراسات سياسية يعمل فيه عدد من الباحثين المتخصصين.
واعتبر المحلل السياسي أيمن عبدالنور, رئيس تحرير نشرة »كلنا شركاء الالكترونية«, أن »تعيين عدد من الوزراء وبقاء البعض في مناصبهم مقصود ويهدف إلى وجود تنوع في الآراء والمدارس ضمن الحكومة بحيث تطرح أفكار ورؤى متعددة في مراحل صنع القرار ليلتزم الجميع في النهاية بالقرار الذي يتم الاتفاق عليه، ومن هنا كان تأكيد الرئيس الأسد على أن الوزراء كأفراد لا يصنعون سياسات بل الحكومة بكاملها«.
واقترح الرئيس السوري أن تكون هناك جلسات للحكومة مخصصة لدراسة قضايا محددة بعينها يتم فيها مناقشة تلك القضايا من قبل الجميع بحيث يتم الاطلاع على الآراء المختلفة جميعها والقادمة من مختلف الأحزاب والمدارس ويصار في النهاية إلى صياغة سياسة وتوجه لمعالجة تلك القضايا يلتزم بها جميع أعضاء الحكومة وتصبح تلك هي سياسة الحكومة المعلنة.
وتوقع عبدالنور, وهو مقرب من دوائر صنع القرار, أن »تعقد تلك الجلسات بشكل دوري، وأنه الاحتمال الأقوى بشكل أسبوعي، وبرئاسة سيادة الرئيس شخصياً«. وذكر أن الرئيس الأسد قال في الاجتماع الأخير للحكومة الثلاثاء الماضي إنه الرئيس المباشر للوزراء وان الوزراء مسؤولون أمامه.
واعتبر عبدالنور أن في ذلك »رسالة واضحة للوزراء مفادها أن ما كانت تشير له الدراسات بأن أحد أهم أسباب فشل الإدارة وعرقلة إصلاحها في سوريا هو تعدد خطوط الولاء بين (الهرم الإداري، الهرم الحزبي، الأجهزة غير المباشرة) هذا الأمر يجب أن ينتهي، أي أن نتائج العمل التي تقرر وهي العامل الوحيد في استمرار الوزير في منصبه وليس زيارات الولاء وتمسيح الجوخ الحزبي وللأجهزة«.
من جانب آخر, نفى وزير الصناعة السوري السابق محمد غسان طيارة أن يكون لعلاقته بنائب الرئيس المنشق عبد الحليم خدام أي صلة بقرار إقالته من منصبه.وقال طيارة الذي تربطه صلة قرابة بنائب الرئيس المنشق: »لا علاقة لعبد حليم خدام بتكليفي بوزارة الصناعة بل على العكس كان معارضاً لهذا التكليف ويمكن أن يؤكد ذلك رئيس مجلس الوزراء المهندس محمد ناجي عطري وبعض الرفاق أعضاء القيادة القطرية السابقة ولا يزالون أعضاء في القيادة القطرية الحالية«. وأضاف: »أقول لمن يذيع الإشاعات: إن عبد الحليم خدام لم يرشِّحني لمنصب وزير في كل حياته ووقف في كثيرٍ من الأحيان معارضاً حتى ترشيحي لمنصب نقيب للمهندسين السوريين أو لعضوية مجلس الشعب«.
من جانب آخر, كشف باحث استراتيجي سوري فضل عدم ذكر اسمه أن وزارة الخارجية السورية بصدد إنشاء مركز للدراسات السياسية هدفه تقديم دراسات وأبحاث ترفد العمل الدبلوماسي بالمعلومات والتحليلات وطرح الخيارات المتعددة ووضعها بيد صانع القرار السياسي.

ما عاد بدها .. الشعب السوري أثبت أنو جدير بالاهتمام و جدير أنو يكون على قائمة مهام الرئيس شخصيا .. اللي عملو السوريين خلال أزمة موت الحريري بيبرهن أنو الشعب كلو بيحب وطنو .. مو متل مو متصورين "المعارضة" . الخاين هو اللي بيخون وطنو بغض النظر عن من يحكمو .. و المواطن الصالح هو من يساهم في اصلاح وطنه بغض النظر من يحكمه .

الرئيس بشار بيعرف أنو الشلة اللي كانت حوليه كانت عم تكذب و تنقل معلومات خاطئة عن وضع الشعب .. والرئيس بشار بيعرف أنو مقاومة مشاريع الخيانة و الذل تبدأ من تحسين وضع المواطن السوري..

**krimbow** · 19/02/2006

يا صياد ممكن تحط مصدر المقال

صياد الطيور · 19/02/2006

اقتباس:

كاتب النص الأصلي : krimbow

يا صياد ممكن تحط مصدر المقال

آسف كريم
بس فكرت الكل بيعرف المصدر ....

نوبليز نيوز

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

وأنا بنقل الأفكار الي بتهم الشباب بس

صياد الطيور · 19/02/2006

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

وهي الرابط معلم ...
بأمرك

**krimbow** · 20/02/2006

اقتباس:

كاتب النص الأصلي : صياد الطيور

آسف كريم
بس فكرت الكل بيعرف المصدر ....

نوبليز نيوز

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

وأنا بنقل الأفكار الي بتهم الشباب بس

ع راسي
هلأ منتحاور

خيو ... مع احترامي لرأيك و رأي ابو الميم
بس بصراحة شديدة يا جماعة هاد الحل اسمو حل "اسعافي"
و بصراحة اكتر (شكلو جلدي عم يحكني) نحنا ما صمنا رمضان الاصلاح و التحديث و التطوير مشان نفطر بصل و حلول اسعافية
ما عم قول انو هالشغلة مو منيحة
بس هالشغلة... مش كافية

كلنا منعرف انو حكومتنا العتيدة الممثلة بمجلسنا الوزاري الموقر (باستثناء الداخلية و الخارجية... حتى مو بالضرورة نستثنيهم) كلنا منعرف انهم عبارة عن مجلس "كاراكوزات"، مجلس "دمى"، مجلس "افلام كرتون" ... سموهم ما شئتوا
انشالله بيجيبوا ..
سقراط للتربية
و اينشتاين للتعليم
و افلاطون للثقافة
و سوروس للاقتصاد
و هيفا وهبي للسياحة
و لاري كينغ للاعلام
و لينين للعمل و الشؤون الاجتماعية
و كيسنجر للخارجية
.
.
.
ما رح يمشي الحال

لأنو مجلس كرتوني باحسن ظروفو
لأنو القرار الاول و الاخير بأيد "ابو مكنى"
يعني بالمشرمحي القرار بايد رؤوساء فروع الامن

و لأنو في بالبلد نص البلد ع راسها ريشة
يعني نص البلد فوق القانون

الوزرا يللي بقلب حكومة العطري (سابقين و حاليين) و الوزرا يللي قبل حكومة العطري ... كل واحد فيهم مخ بيوزن بلد
بس ما رح يطلع بايدهم شي

هلأ هالخطوة الاسعافية اكيد رح تقلل من هالشي
بس يا جماعة الرئاسة مؤسسة، و الحكومة مؤسسة مستقلة بذاتها
و نتائج دمج هالمؤسستين اخطر بكتير من نتائج ابقاء الحكومة تحت سيطرة فروع الامن
على الاقل من الناحية الديمقراطية
ما بعرف من اي طينة مجبول الرئيس بشار لحتى يقدر يسير مؤسستين مع بعض
بس يللي بعرفوا نو الرئيس حافظ الاسد كان يشتغل بمؤسسة الرئاسة 16 ساعة باليوم بدون اجازات
و ذات الشي جمال عبد الناصر، و ذات الشي كلينتون، ..... الخ الخ الخ

معقول يكون اليوم عند الرؤوسا بالقرن الـ21 اكتر من 24 ساعة ؟؟؟

(((الجنرال أبوجعفرالورد))) · 20/02/2006

وفي صمت الأسود كلام .............

**krimbow** · 20/02/2006

اقتباس:

كاتب النص الأصلي : أبوجعفرالورد

وفي صمت الأسود كلام .............

طيب شو المطلوب يعني ؟؟؟؟

انو هالمقولة كتير حلوة
بس شو محل اعرابها من الموضوع ؟؟؟

صياد الطيور · 20/02/2006

هالدا الكلام يا كريم سابقاً .. يعني بكل بساطة نشاط الفروع الأمنية الي عم تحكي عنها صار محدود بشكل كتير كبير
وما بقى فيه بيشتغل شغلة من راس رئيس الفرع ..

التغير الحكومي والضح أهدافو .. ولولا الضغوط على سوريا كان التغير صار من فترة منيحة ..

الثبات على الحكومات الأقتصادية كان مقصود بهدف تنفيذ الخطة الأقتصادية الموضوعة للبلد
والي تنفذ منها جزء .... المشاريع الأستثماراتية والأقتصادية الي توقع على تنفيذها والي رح تتنفذ كبيرة كتير وهي من أضخم المشاريع بالمنطقة .

التغير بالوضع الداخلي للبلد والوضع الأمني صار منيح
يعني الوجود الدائم لدوريات الأمن الجنائي والأمن المشترك والمرور عند كل دوار أو كل تقاطع مهم ألو كتير فوائد و إيجابيات ومصاريف
بكل الأحوال ...شرطة المرور عم تشتغل
الوضع بالنسبة للهجرة والجوازات صار أحسن ..
التعامل ضمن الأحوال المدنية كتير كتير حلو ...

عندنا ضعف .. وشديد من الناحية الأعلامية ... وكمان السياحة والداعية والأهتمام السياحي

بالنسبة للسياسة الخارجية للبلد ... معلشي أنا فيني أعتبروا خروج سوريا من الأزمة الحالية مع امريكا والعالم مشان موضوع الحريري انتصار للسياسة الخارجية للبلد..

والقوانين الي كانت عم تندرس وتتنفذ بالفترة نفسها نجاح للحكومة القديمة
وأنا كتير متفائل بالحكومة الحالية

ترأس الأسد للحكومة الحالية ألو كتير إيجابيات .. وحاسس أنو سلبيتو الوحيدة هي تدخلو بشغلة مو شغلتو ( مو مو شغلتو من الناحية العملية .. مو شغلتو لأنو في رئيس لمجلس الورزاء هو مهمتو ترأس المجلي ) ..بس شو بدو يساويي .. لازم يتتنفذ كل الخطط المحطوطة للبلد ..

والحفاظ على بعض الرجالات المحافظين على الوضع القديم ... تفريغ القوانين والمراسيم من أنظمتها ومحتوياتها ...

بكل الأحوال ... الله يوفقهم ويكون معهم

me2 · 20/02/2006

اقتباس:

كاتب النص الأصلي : krimbow

ع راسي
هلأ منتحاور

خيو ... مع احترامي لرأيك و رأي ابو الميم
بس بصراحة شديدة يا جماعة هاد الحل اسمو حل "اسعافي"
و بصراحة اكتر (شكلو جلدي عم يحكني) نحنا ما صمنا رمضان الاصلاح و التحديث و التطوير مشان نفطر بصل و حلول اسعافية
ما عم قول انو هالشغلة مو منيحة
بس هالشغلة... مش كافية

كلنا منعرف انو حكومتنا العتيدة الممثلة بمجلسنا الوزاري الموقر (باستثناء الداخلية و الخارجية... حتى مو بالضرورة نستثنيهم) كلنا منعرف انهم عبارة عن مجلس "كاراكوزات"، مجلس "دمى"، مجلس "افلام كرتون" ... سموهم ما شئتوا
انشالله بيجيبوا ..
سقراط للتربية
و اينشتاين للتعليم
و افلاطون للثقافة
و سوروس للاقتصاد
و هيفا وهبي للسياحة
و لاري كينغ للاعلام
و لينين للعمل و الشؤون الاجتماعية
و كيسنجر للخارجية
.
.
.
ما رح يمشي الحال

لأنو مجلس كرتوني باحسن ظروفو
لأنو القرار الاول و الاخير بأيد "ابو مكنى"
يعني بالمشرمحي القرار بايد رؤوساء فروع الامن

و لأنو في بالبلد نص البلد ع راسها ريشة
يعني نص البلد فوق القانون

الوزرا يللي بقلب حكومة العطري (سابقين و حاليين) و الوزرا يللي قبل حكومة العطري ... كل واحد فيهم مخ بيوزن بلد
بس ما رح يطلع بايدهم شي

هلأ هالخطوة الاسعافية اكيد رح تقلل من هالشي
بس يا جماعة الرئاسة مؤسسة، و الحكومة مؤسسة مستقلة بذاتها
و نتائج دمج هالمؤسستين اخطر بكتير من نتائج ابقاء الحكومة تحت سيطرة فروع الامن
على الاقل من الناحية الديمقراطية
ما بعرف من اي طينة مجبول الرئيس بشار لحتى يقدر يسير مؤسستين مع بعض
بس يللي بعرفوا نو الرئيس حافظ الاسد كان يشتغل بمؤسسة الرئاسة 16 ساعة باليوم بدون اجازات
و ذات الشي جمال عبد الناصر، و ذات الشي كلينتون، ..... الخ الخ الخ

معقول يكون اليوم عند الرؤوسا بالقرن الـ21 اكتر من 24 ساعة ؟؟؟

كريم .. لازم يا اما نتفق على شي قاعدة مناسبة للنقاش أو رح أعتذر عن ارد على تعليقاتك .. بدون زعل ...

حاسس حالي كاني عايش بغير البلد اللي عم تحكي عليها أنت ... أنت من زمان برا البلد ؟؟؟

**krimbow** · 21/02/2006

اقتباس:

كاتب النص الأصلي : me2

كريم .. لازم يا اما نتفق على شي قاعدة مناسبة للنقاش أو رح أعتذر عن ارد على تعليقاتك .. بدون زعل ...

حاسس حالي كاني عايش بغير البلد اللي عم تحكي عليها أنت ... أنت من زمان برا البلد ؟؟؟

او كي
بدون زعل

خيو
هالاسلوب ما بحبو
يعني لما حدا يتهمني شي تهمة ... يقللي شو تهمتي، بس رجاءا ما تقولولي الحكم تبعكم بدون ما تخبروني التهمة
انو بحكيك هاد عم تتهمني انو ما خرج انو تتحاور معي
او انو الحوار معي مضيعة للوقت
او اني زلمة خباص المهم اني اكتب شو ما كان و بطريقة تكون وجهة نظري كيف ما قلبتها صح (اسلوب نصابين بالمشرمحي، نفس الاسلوب يللي بيتبعوه الجماعات الاصولية بحواراتهم)

بصراحة معلم و بدون زعل
حط الآلية يللي بدك ياها لنتحاور ... لأنو بيهمني اني اتحاور معك

و تأكد انو ضمن اي آلية بتختارها رح يكون ردي ع هالخبرية انو هالحل حل اسعافي لا يمكن انو يدوم و يستمر
و انو لازم يكون في حلول جذرية لموضوع القرارات الحكومية

و ازا شي حدا غلط و سألني شو برأيي ممكن يكون الحل الجذري فجوابي رح يكون "الغاء قانون الطوارئ"

me2 · 21/02/2006

اقتباس:

كاتب النص الأصلي : krimbow

او كي
بدون زعل

خيو
هالاسلوب ما بحبو
يعني لما حدا يتهمني شي تهمة ... يقللي شو تهمتي، بس رجاءا ما تقولولي الحكم تبعكم بدون ما تخبروني التهمة
انو بحكيك هاد عم تتهمني انو ما خرج انو تتحاور معي
او انو الحوار معي مضيعة للوقت
او اني زلمة خباص المهم اني اكتب شو ما كان و بطريقة تكون وجهة نظري كيف ما قلبتها صح (اسلوب نصابين بالمشرمحي، نفس الاسلوب يللي بيتبعوه الجماعات الاصولية بحواراتهم)

بصراحة معلم و بدون زعل
حط الآلية يللي بدك ياها لنتحاور ... لأنو بيهمني اني اتحاور معك

و تأكد انو ضمن اي آلية بتختارها رح يكون ردي ع هالخبرية انو هالحل حل اسعافي لا يمكن انو يدوم و يستمر
و انو لازم يكون في حلول جذرية لموضوع القرارات الحكومية

و ازا شي حدا غلط و سألني شو برأيي ممكن يكون الحل الجذري فجوابي رح يكون "الغاء قانون الطوارئ"

اذا مو حابب أسلوبي ... بحلق لحالي من الأخوية .. و بغط كم يوم اذا لقيت حالي خرج غير أسلوبي و برجع بعد كم يوم بغير أسم .

الألية موجودة ... بس نحنا بحاجة لقاعدة نقاش .. أنت بغير هدا المكان قلت "حب سوريا " أنا موافق على هي أنها قاعدة .. لا تقلي أنو مابدها نقاش ,, لأ سيدي بدها ..

أولا حل أسعافي .. أي سيدي فليكن حل أسعافي ... عندك قناعة أنو سوريا مو مريضة ؟؟ أصلا صرلي عم عوي كذا سنة و قول أنا و غيري أنو الوضع الداخلي بدو "خلية أزمة" و انتقدنا حكومة المسكين العطري أنها مو حاسة بخطورة الوضع الداخلي و أهميته .

قانون الطوارءى ما بيعني لكتير من المواطنين شي .. يعني بيعني لطبقة مثقفة وصغيرة ..بس للسواد الأعظم بيعنيهم اليوم حياتهم و مستقبل أولادهم الكريم و المحترم .. و اللي أنا شايفو متأزم و بحاجة لخطوات أسرع .

شو بيهمني اذا ألغو قانون الطوارىء و صار كيلو الخبز بمية ليرة ؟؟ الموضوع أولويات و أنا برأيي أنو الحكومة فايتة بميت حيط بهدا الموضوع .

حكيي هدا مو يعني أني معجب بقانون الطوارىء أو بعرف كتير عنو .. بس رأيي أنو في أولويات وهدا القانون ما بحسو متعلق مباشرة باللي بتمناه يصير للوطن .

بالمناسبة : اذا بدك , أمريكا مطبقة قانون الطوارىء Patriot Act.. مع أنو وضعها الأمني كبلد أكتر استقرار من سوريا . يعني في شي مخلي الحكومة مصرة على ابقاء القانون .. بس ما بعرف شو هو هدا الشي .. بس أنا عندي ثقة أنو شي ضروري.

على كل حال : أنا متأكد أنو حتى الاعتقال بدو مذكرة و أسلوب حضاري .. وأنو هدا الشي مطبق باستثناء الجماعات المسلحة . و كل المسؤولين عن تنفيذ الاعتقال أصبحو تحت مراقبة شديدة وعم ينعطو دروس قانونية بحقوق المعتقل و عم بيطبقوها تحت طائلة العقوبة و بتعليمات من الرئيس بشار . ومدة الاستجواب عم تكون بالحد الأدنى قبل التحويل الى القضاء .

هلق بتقلي القضاء مو عادل .. معك حق .. و في خطوات متسارعة لتظبيط القضاء .. لذلك اللي بدو يخالف القانون ينتظر كم شهر لبين ما يكون ظبط القضاء . يعني اذا كان ما فيو يعيش بدون ما يسب الرئيس بشار و يتهمو بشي ما عملو .

شغلة أخيرة ... شو يعني حلول جذرية للقرارات الحكومية ؟؟؟

**krimbow** · 22/02/2006

اقتباس:

اذا مو حابب أسلوبي ... بحلق لحالي من الأخوية .. و بغط كم يوم اذا لقيت حالي خرج غير أسلوبي و برجع بعد كم يوم بغير أسم .

شوف معلم
يعني من جهتي اسلوب الارهاب الفكري و توجيه الاتهامات المبطنة ما بحبو، مو بس ما بحبو، و بعتبرو اسلوب حقير بيعبر عن ضعف وجهة نظر صاحبو
هلأ انت كتير كتير حر
بتحب تترك
بتحب تغير هالاسلوب
تبحب تغير اسمك

بالنهاية هاد قرارك ما فيي آخدو عنك
و لو انو بحبذ انك تغير الاسلوب و تبقى

و ع فكرة ... في حال قررت انك تبقى و تبقي على اسلوبك هاد، فتأكد انو رح جابهك و رح حطك عند حدودك بالظبط، بدون ما اضطر اني انزل لهيك مستويات

اقتباس:

لألية موجودة ... بس نحنا بحاجة لقاعدة نقاش .. أنت بغير هدا المكان قلت "حب سوريا " أنا موافق على هي أنها قاعدة .. لا تقلي أنو مابدها نقاش ,, لأ سيدي بدها ..

ما بعرف ليش مصر
يعني انا بفترض جدلا انو اي سوري بيحب سوريا بشكل مسبق
بعدين لما يثبت العكس بتهمو بمعاداة سوريا و غير قصص
عموما متل ما بدك
رح نتفق على هالنقطة

اقتباس:

أولا حل أسعافي .. أي سيدي فليكن حل أسعافي ... عندك قناعة أنو سوريا مو مريضة ؟؟ أصلا صرلي عم عوي كذا سنة و قول أنا و غيري أنو الوضع الداخلي بدو "خلية أزمة" و انتقدنا حكومة المسكين العطري أنها مو حاسة بخطورة الوضع الداخلي و أهميته .

طيب
سوريا مريضة من اربعين سنة

عندك قناعة بغير هالحكي ؟؟

يعني هيي مو مرضت مبارح او صابها الربو بس استلم الرئيس بشار
هيي مريضة من وقت ما استلم البعث السلطة

و النظام من اربعين سنة لليوم نازل رقع و اجراءات اسعافية
بتصور انو حلها بقا ناخد اجراء نهائي

اقتباس:

قانون الطوارءى ما بيعني لكتير من المواطنين شي .. يعني بيعني لطبقة مثقفة وصغيرة ..بس للسواد الأعظم بيعنيهم اليوم حياتهم و مستقبل أولادهم الكريم و المحترم .. و اللي أنا شايفو متأزم و بحاجة لخطوات أسرع .

كيف يعني ؟؟؟
شو هالتناقض هاد بردك ؟؟؟
انو بدك حياة كريمة و معلش يكون قانون الطوارئ موجود ؟؟؟
ليش شو نحنا سعوديين لحتى تكون الحياة الكريمة بنظرنا سيارة مرسيديس و فيللا و راتب كبير ؟؟؟
قانون الطوارئ بيتيح لشرذمة من رجال الامن انو يستعبدوا الشعب عن بكرة ابيه ... ايا حياة كريمة لما بسهرة مع شي ضابط و قنينة وسكي تحت باطو و كم ليرة حرزانين بحسابو بقدر العن نفسك انت و قاعد ببيتك ؟؟؟

ما بعرف عنك شو بس انا عايش بسوريا و بشتغل بالمجال التجاري فيها
و بالنسبة لالنا نحنا التجار ضباط المخابرات متل الاسلحة النووية
ما منقدر نستعملها لمسائل اخلاقية
بس منضل عم نطورها
و ذات الشي ضباط المخابرات عنا
ما منطلب منهم انو يخربوا بيت شي حدا مع انو طالع بايدهم و بايدنا ... بس منضل عم نطور علاقتنا معهم و غالبا بيشاركونا باعمالنا بس تحسبا من شي ابن حرام
و هالشي كلو من ورا راس قانون الطوارئ
اتخن قرار من اتخن وزير باتخن حكومة بقدر انسفلك ياه حسب مصالحي و الفضل لقانون الطوارئ
صار شغلنا مجتمع خدمات على اسلوب رجال المافيا
هاد ع مستوى الاعمال و الاقتصاد... و زات الشي باقي المستويات

اقتباس:

شو بيهمني اذا ألغو قانون الطوارىء و صار كيلو الخبز بمية ليرة ؟؟ الموضوع أولويات و أنا برأيي أنو الحكومة فايتة بميت حيط بهدا الموضوع .

و الله ما فهمت عليك
كيف ربطت الغاء قانون الطوارئ بغلاء المعيشة ؟؟؟
يعني غلاء المعيشة الو علاقة بالتضخم و سعر صرف الليرة و بالبطالة
بس ممكن توضحلي شو علاقة قانون الطوارئ بهالامور ؟؟
يعني كيف ممكن انو الغاء قانون الطوارئ يعيق عمل اي حكومة من الجهة الاقتصادية ؟؟

اقتباس:

حكيي هدا مو يعني أني معجب بقانون الطوارىء أو بعرف كتير عنو .. بس رأيي أنو في أولويات وهدا القانون ما بحسو متعلق مباشرة باللي بتمناه يصير للوطن .

ما بعرف انت شو بتتمنى للوطن
بس انا بتمنى للمواطن انو يعيش حياة كريمة و حرة
و قانون الطوارئ بيحد هالشي

اقتباس:

بالمناسبة : اذا بدك , أمريكا مطبقة قانون الطوارىء Patriot Act.. مع أنو وضعها الأمني كبلد أكتر استقرار من سوريا . يعني في شي مخلي الحكومة مصرة على ابقاء القانون .. بس ما بعرف شو هو هدا الشي .. بس أنا عندي ثقة أنو شي ضروري.

مع انو شتان بين الاحكام العرفية تبعنا و الـ patriot act الاميركي
بس الله يعين الاميركان ... و اكيد هيي غيمة عابرة من حكومة ارهابية و بتمرق
بكل الاحوال
قانون الطوارئ السوري بيعطل كل القوانين التانية، عدا عن انو صرلو مفروض من سنة 1963 لليوم و ما في امل بالغاؤو بالقريب العاجل
اما قانون الطوارئ الاميركي هوي قانون وقتي لفترة محددة فرض على خلفيات معينة و لو اني ضد هالقانون
بس بالنهاية هالقانون بيحد شوي من الحريات باميركا بما يتعلق بالسفر و جمع المعلومات و التجنيس، و ما بيمس باقي القوانين

اقتباس:

على كل حال : أنا متأكد أنو حتى الاعتقال بدو مذكرة و أسلوب حضاري .. وأنو هدا الشي مطبق باستثناء الجماعات المسلحة . و كل المسؤولين عن تنفيذ الاعتقال أصبحو تحت مراقبة شديدة وعم ينعطو دروس قانونية بحقوق المعتقل و عم بيطبقوها تحت طائلة العقوبة و بتعليمات من الرئيس بشار . ومدة الاستجواب عم تكون بالحد الأدنى قبل التحويل الى القضاء .

مع انو كلامك مو كتير دقيق
على الاقل مو بهالصورة البراقة يللي رسمتها
بس معك حق
الوضع احسن من قبل بهالناحية

انو طالما هيك ... ليش ما عم يلغوا هالقانون ؟؟؟

اقتباس:

هلق بتقلي القضاء مو عادل .. معك حق .. و في خطوات متسارعة لتظبيط القضاء .. لذلك اللي بدو يخالف القانون ينتظر كم شهر لبين ما يكون ظبط القضاء . يعني اذا كان ما فيو يعيش بدون ما يسب الرئيس بشار و يتهمو بشي ما عملو .

اي بخصوص انو تسب الرئيس انا معك بهالناحية
يعني ما بحب شغلة الشتم من اساسها للرئيس او لغيرو

عموما مو هاد حديثنا

اقتباس:

شغلة أخيرة ... شو يعني حلول جذرية للقرارات الحكومية ؟؟؟

مهضوم
مو بايدك

me2 · 22/02/2006

بصراحة اللي بدو يقرا كل الحكي يقراه و يشوف الأسئلة و الأجوبة من مبدأ من دهنو سقيلو ...

ياعيب على شباب مثقف و تاجر كمان .. وبدو يقنعني أنو عايش بسوريا و متأكد "مدري كيف" أنو الأخوية جابت أجل حسام وعلي .. بس هوو كونو زورو ما قدرة الحكومة تمسكو ... كيف بقيان برا و هو عم يحكي أكتر من حسام وعلي ؟؟ ما حدا بيعرف ...

Barleb · 22/02/2006

اقتباس:

كاتب النص الأصلي : صياد الطيور

هالدا الكلام يا كريم سابقاً .. يعني بكل بساطة نشاط الفروع الأمنية الي عم تحكي عنها صار محدود بشكل كتير كبير

قبل كان تلفون واحد من أبو مكني عـ المؤسسة العسكرية يجيب5730 كيش شمنتو ( أسمنت يعني )
بعد الأصلاح و التطور صار يجيب 5725 كيس ,
بس المهم في تطور

me2 · 22/02/2006

اقتباس:

كاتب النص الأصلي : نسر السريان

قبل كان تلفون واحد من أبو مكني عـ المؤسسة العسكرية يجيب5730 كيش شمنتو ( أسمنت يعني )
بعد الأصلاح و التطور صار يجيب 5725 كيس ,
بس المهم في تطور

با نسر .. أنت بتعرف معزتك عندي ..... بس ممكن أسألك كيف بتجيب هيك أحصاءات و أرقام ؟؟ يا أخي مو ملاحظ أنو كل واحد عم يغني على ليلاه و أنو أي حدا عم يتطرف بمعلوماتو عم يأدي أنو الطرف التاني عم يضطر يبعد أكتر ؟؟؟ فيك عندك أو عند أي جهة رسمية أرقام الناس اللي اعتقلو ظلما من عشر سنوات لليوم ؟؟ على الأقل حتى نقارن اذا في تطور ولا لاء ... طبعا بالنسبة لألي الوضع بيصير مرضي لما بيسكرو السجون و بيبطلو يعتقلو أي حدا . ولما بيبطلو يسرقو مصاري الدولة و بيحاكمو رامي مخلوف .

ما تزعل مني .. قصدي أنو ما يصير في حكي محرض.