يا معارض كرمال .. كمشة أنبيا .. قللي ليش أنت معارض ؟

[الموسيقار]

اللي صار فيني ..

أنو فتحت ع حالي .. جبهة

طويلة عريضة ..

من صقور المعارضين للنظام .. بسبب أنو وجهة نظري بموضوع أنو تكون معارض سيء فهمهاا ..



فقلت أنو أعمل موضوع جديد .. منشان أفهمكون .. وتفهموني .


بدي أسأل كم سؤال ..


1 _ شو الهدف الي رح توصللو .. من اللعب ع وتر السياسة ؟؟

2 _ شو هيي النتيجة المرضية الي رح توصللها بالأخير ؟ وشو هيي الآلية للوصول لألها ؟

3 _ يا تراا .. الإصلاح الاجتماعي .. ماله قيمة بنظركــ؟

4_ مو من باب أولى أنو نصلح الأسباب اللي أدت لأنو نرضخ للأنظمة القمعية .. وما نركد ورا النتائج ؟

5_ اذا كنت معتقل .. أو مشروع معتقل .. شو اللي رح تقدمه أو تأخره بالحالة السياسية غير أنو تلفت أنظار منظمات حقوق الإنسان .. وتزيد من الضغوطات ع سوريا ؟

[فلسطيني للأبد]

أنا مؤيد للكل

[rammstein]

تحياتي الك موسيقار على هالموضوع الجيد بس حابب ضيف مداخلة قبل ما تبدؤوا بالنقاش:
من خلال مناقشتي لفئة كبيرة بهالمنتدى ممن يسمون انفسهم معارضين اكتشفت انو الاغلبية الساحقة منهم(وليس الجميع) بس بدهن يحكو...او بالاصح بدهن يسبو البلد والنظام والشعب وكلشي مشان شو؟؟؟؟؟؟ولا شي؟؟؟وكل واحد بيخترعلك قصة شكل......
شي كان ماشي بالشارع بامان الله قام جرجره الامن...هيك بدون سبب؟؟؟؟
شي بقلك انو ماشي بالشارع عم يتلفت حوليه مشالن ما حدا يسرقلو اختو او حالو؟؟؟كانو نحنا بشيكاغو؟؟؟
شي هربان بالخارج مدري شو السبب؟؟؟؟
يعني اشتهيت شي واحد يعطيني جملة مفيدة انو هو ليش بدو يدمر البلد والنظام ويجيب امريكا؟؟؟؟؟
اما عن البديل فهو اكيد...هو؟؟؟؟؟؟؟؟؟لا وكل واحد قرفان من هالبلد شكل؟؟؟؟؟؟
وعلى فكرة اذا غلبته بالنقاش وما عاد بقي عنده حجة(كالعادة) بتصير انت بعثي وعميل للنظام ومخابرات؟؟؟؟؟
بقى على شو بدك تناقش؟؟؟؟؟؟

[COSTA]

كاتب النص الأصلي : rammstein

تحياتي الك موسيقار على هالموضوع الجيد بس حابب ضيف مداخلة قبل ما تبدؤوا بالنقاش:
من خلال مناقشتي لفئة كبيرة بهالمنتدى ممن يسمون انفسهم معارضين اكتشفت انو الاغلبية الساحقة منهم(وليس الجميع) بس بدهن يحكو...او بالاصح بدهن يسبو البلد والنظام والشعب وكلشي مشان شو؟؟؟؟؟؟ولا شي؟؟؟وكل واحد بيخترعلك قصة شكل......
شي كان ماشي بالشارع بامان الله قام جرجره الامن...هيك بدون سبب؟؟؟؟
شي بقلك انو ماشي بالشارع عم يتلفت حوليه مشالن ما حدا يسرقلو اختو او حالو؟؟؟كانو نحنا بشيكاغو؟؟؟
شي هربان بالخارج مدري شو السبب؟؟؟؟
يعني اشتهيت شي واحد يعطيني جملة مفيدة انو هو ليش بدو يدمر البلد والنظام ويجيب امريكا؟؟؟؟؟
اما عن البديل فهو اكيد...هو؟؟؟؟؟؟؟؟؟لا وكل واحد قرفان من هالبلد شكل؟؟؟؟؟؟
وعلى فكرة اذا غلبته بالنقاش وما عاد بقي عنده حجة(كالعادة) بتصير انت بعثي وعميل للنظام ومخابرات؟؟؟؟؟
بقى على شو بدك تناقش؟؟؟؟؟؟

شوف
بكل دول العالم في معارضة
حتى عبر التاريخ كان في معارضة
اصلا لما بتصير انتخابات بأي دولة بالعالم
يللي ما بيربح بكون معارضة
منيح
فهمتها
وحاجة تتفلسف وتحكي شروي غروي
موناقصنا تعليماتك

[الموسيقار]

كاتب النص الأصلي : كوستا

شوف
بكل دول العالم في معارضة
حتى عبر التاريخ كان في معارضة
اصلا لما بتصير انتخابات بأي دولة بالعالم
يللي ما بيربح بكون معارضة
منيح
فهمتها
وحاجة تتفلسف وتحكي شروي غروي
موناقصنا تعليماتك

بتمنى ..

أنو تجاوبني ع أسئلتي ؟





إزا كنا جد .. ناويين نتحاور

[الطرمبجي]

هلا المعارض بدو يخرب البلد و النظام و يجيب أمريكا ... العين تحرسك شو فهمان

[الموسيقار]

كاتب النص الأصلي : الطرمبجي

هلا المعارض بدو يخرب البلد و النظام و يجيب أمريكا ... العين تحرسك شو فهمان

آآمين ..



سلملي

عالـ // طرمبة //

[الطرمبجي]

كاتب النص الأصلي : الموسيقار

وتزيد من الضغوطات ع سوريا ؟

هلا أكل هم الضغوطات عـ سوريا من لجن حقوق الأنسان .. وناسي الضغوطات من ورا الأغتيالات بـ لبنان ..


يا انتو عندكون بعد نظر و نظرة ثاقبة .. متل الخائد القالد .. فرد شكل

[الموسيقار]

طرمبجي حبيبي ..


لا تفرع الموضوع ألله يرضاا عليكــ

بدكـ تحكي عالوضع بلبنان .. بضل للصبح ناقشكـ

بس أنا سألت أسئلة محددة ..

بتمنى .. إذا ملاقي حالكـ كتير فهمان

أنو تجاوب عليها ..

مو أكتر

[rammstein]

كاتب النص الأصلي : كوستا

شوف
بكل دول العالم في معارضة
حتى عبر التاريخ كان في معارضة
اصلا لما بتصير انتخابات بأي دولة بالعالم
يللي ما بيربح بكون معارضة
منيح
فهمتها
وحاجة تتفلسف وتحكي شروي غروي
موناقصنا تعليماتك

اولا يا استاذ انا اطلاقا لا وجهتلك كلامي ولا حاكيتك اصلا......بس الي فيه مسلة بتنغزه
وتانيا هلق بشرفك انت مسمي حالك معارضة؟؟؟؟؟؟؟انشالله مفكر كل واحد سب الدولة شوي صار معارضة؟؟؟

[chefadi]

كاتب النص الأصلي : الموسيقار

بدي أسأل كم سؤال ..


1 _ شو الهدف الي رح توصللو .. من اللعب ع وتر السياسة ؟؟

هي ماكتير فهمتا ,,, هل المطلوب ترك السياسة و عدم الاعتراض على اي خطأ و الالتهاء بلقمة العيش و موسم الزيتون ؟؟؟؟

2 _ شو هيي النتيجة المرضية الي رح توصللها بالأخير ؟ وشو هيي الآلية للوصول لألها ؟

ماني معارض بالمعني الاصطلاحي للكلمة بس النتيجة الاهم و الغاية الاسمى هيي الحرية و اللي رح يتولد عنها كل أشكل الاصلاح ,,,

3 _ يا تراا .. الإصلاح الاجتماعي .. ماله قيمة بنظركــ؟

صديقي الاصلاح الاجتماعي مهم جدا بس البداية الصحيحة هيي بالاصلاح السياسي و بأنهاء قانون الطوارئ و أطلاق يد الاعلام الحر و بعدين كلو بيجي كنتيجة محصلة .

4_ مو من باب أولى أنو نصلح الأسباب اللي أدت لأنو نرضخ للأنظمة القمعية .. وما نركد ورا النتائج ؟

ممكن توضح شو هيي اسباب هاد الرضوخ ... يعني مافي سبب للرضوخ غير القمع و الجوع ...

5_ اذا كنت معتقل .. أو مشروع معتقل .. شو اللي رح تقدمه أو تأخره بالحالة السياسية غير أنو تلفت أنظار منظمات حقوق الإنسان .. وتزيد من الضغوطات ع سوريا ؟

اولا ,,, ماحدا بيحب يكون معتقل و مافي معتقل كان هدفو لفت النظر من خلال دخولو ع السجن
تانيا ,,, بدي عيد كلمة الطرمبجي كيف منظمات حقوق الانسان عم تضغط على سوريا و لصالح مين ....
تحياتي ...

[Joe]

كاتب النص الأصلي : الموسيقار

بتمنى ..

أنو تجاوبني ع أسئلتي ؟


إزا كنا جد .. ناويين نتحاور

هلق انت شو بصير معك بس تحكي؟ مافيك تتنفس من منخارك يعني؟ ... حاسك كتير عم تاخد نفس ضمن الجملة الواحدة

[الموسيقار]

كاتب النص الأصلي : Joe

هلق انت شو بصير معك بس تحكي؟ مافيك تتنفس من منخارك يعني؟ ... حاسك كتير عم تاخد نفس ضمن الجملة الواحدة

في شي أسمو تنصيص

فهمان أفندي


بعدين اتنفس من تمي .. أحسن ما أتنفس من محل تاني ..


ميرسي حبيبي .. وأنت اللي بلشت

يا ريت تجاوب إذا بدكـ تفوت عالموضوع ..

ممكن ؟

[ظل جيفارا]

المعارضة هي نوع من التعبير عن الرأي
مهما كان القمع شديدا ضد الكلمة الصريحة لن يقمعها
ولكن هناك شكل من القمع يجب ان يمارس ضد الكلمات الهدامة
للأسف تتخذ الديمقراطية يوما بعد يوم شكلا اخر هدام يفضي إلى السماح للخونة وبائعي الضمير بالتعبير عن رغبتهم في إلحاق الضرر بدولتهم الاصلية تحت أقنعة جميلة كالإصلاح والتجديد وما إلى هنالك
وعندما تمارس السلطة قمعا ضد هذه الفئات يقال بأن السلطلة قمعية رجعية
مع انها تمارس حقها المشروع في الحفاظ على دولتها
ولكن ما يؤسفني أن شعوبنا أصبحت ببغاوات تردد ما تسمع دون وعي ودونما تفكير
حرية وانتهى الامر
تريد الحرية
يا خيي عطوها شوية حرية خلوها تسكت
اخوكم بحب
ظل جيفارا

[كهربجي]

العمى ليش؟؟؟

هلق ليش المعارض بدّو يجيب أمريكا ع البلد؟؟

قلّي أنو معارض لقلّك أنّو هاد علاك فاضي.. لأنو المعارضة المأجورة هي مأجورة للنظام... والنظام هو اللي بدّو يجيب أمريكا عالبلد...

يعني ما في معارض حقيقي بيطالب بأمريكا لأنو المعارض الحقيقي عندو وعي وبيفهم.. لهيك معارض أصلاً

[فاوست]

يا تراا .. الإصلاح الاجتماعي .. ماله قيمة بنظركــ؟

4_ مو من باب أولى أنو نصلح الأسباب اللي أدت لأنو نرضخ للأنظمة القمعية .. وما نركد ورا النتائج ؟

صديقي العزيز الاتعرف ان الإصلاح الأجنماعي والسياسي مرتبطين ببعضهما البعض
فلا يمكن عزلهما عن بعضهم البعض
فعلى سبيل المثال عضو مجلس الشعب هو رجل سياسي ينتخب من قبل ناخبيه
على وعود يطلقها من اجل اصلاحات اجتماعية
والعملية الأنتخابية تجري بشكل سياسي
في سوريا مثلاً بظل غياب حرية الصحافة بسبب السياسة القمعية وبظل غياب القضاء العادل
والعمل بقانون الطوارئ لن تكون ابدا مكانا جيدا للأستثمار على الرغم من طبيعة سوريا التي تصلح لأن تكون سوق جذب قوية للمستثمرين
ناهيك عن عدم ثقة التجار وحتى السوريين منهم بوضع حسابتهم المصرفية في سوريا
مما سيولد بطالة وفقر وكل هذه مشاكل اجتماعية

اما بالنسبة للضغط على سوريا فالأولى بالسلطات ان لاتعتقل كي لايضغط عليها
فهي من تسبب بالاعتقال وليس المعتقل يطلب منها هذا

[كهربجي]

حاسّك عم تزلّقنا... شريك أكيد حتّى منبر أخوية الحرّ انعفط عالم منّو...

يعني الشباب لسّا معتقلين...

و.. حاج بيكفّي هلق منلحقون

[الموسيقار]

كاتب النص الأصلي : فاوست

صديقي العزيز الاتعرف ان الإصلاح الأجنماعي والسياسي مرتبطين ببعضهما البعض
فلا يمكن عزلهما عن بعضهم البعض
فعلى سبيل المثال عضو مجلس الشعب هو رجل سياسي ينتخب من قبل ناخبيه
على وعود يطلقها من اجل اصلاحات اجتماعية
والعملية الأنتخابية تجري بشكل سياسي
في سوريا مثلاً بظل غياب حرية الصحافة بسبب السياسة القمعية وبظل غياب القضاء العادل
والعمل بقانون الطوارئ لن تكون ابدا مكانا جيدا للأستثمار على الرغم من طبيعة سوريا التي تصلح لأن تكون سوق جذب قوية للمستثمرين
ناهيك عن عدم ثقة التجار وحتى السوريين منهم بوضع حسابتهم المصرفية في سوريا
مما سيولد بطالة وفقر وكل هذه مشاكل اجتماعية

اما بالنسبة للضغط على سوريا فالأولى بالسلطات ان لاتعتقل كي لايضغط عليها
فهي من تسبب بالاعتقال وليس المعتقل يطلب منها هذا

أوروبا قبل الاستثمار .. وقبل البلوط .. وقبل الطاخ والطيخ ..

عملت نهضة مسرحية حبيبي .. وفلسفية ..

بنصحكـ تقراا // قصة الحضارة// .. لـ وول ديورانت