هل الانسان مسير ام مخير

Euphoria · 09/10/2006

هل الانسان مسير ام مخير؟اذا انا مسيرة ليش احاسب على اشياء مكتوبة من قبل ,ليش اعاقب على خيارات انا ما اخترتها اساسا, عمركم فكرتوا احنا ليش خلقنا بداية؟ وعلشان مين؟ وكيف كانت بتصير الدنيا من غيركم كأفراد؟ هل احنا تكملة عدد؟ هل احنا مجرد شخصيات ثانوية في حياة غيرنا ؟ او غيرنا هم الشخصيات الثانوية في حياتنا؟ ليش الانسان يحاسب على اعمالة في دنيا هو من الاول لم يسأل اذا كان يبغى يكون فيها أو لا؟ وليش اذا اختار ينهيها يعاقب؟ منطقيا ما تعقل انا ما اخترت اكون هنا على الارض فلما احاسب اذا اخترت ان لا اكون فيها؟

hanny dagher · 09/10/2006

خيتو كيفك

حاولي قري هالموضوع اول الشي رح تعرفي وجهة نظر معظم الاعضاء
بس انا مع طرح الموضوع مرة تانية لانو ما قدرنا نوصل لنتيجة نهائية هديك المرة

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ومية وردة شكرا على طرح الموضوع

أسير التشرد · 09/10/2006

قصة انو الانسان مخير او مسير قصة طويلة جداً ... وانطرح هالموضوع سابقاً بالمنتدى
وهون بدي اسجل متابعة ولي رجعة

Euphoria · 09/10/2006

عفوا انا جديده هنا وما كنت اعرف انو موضوع سبق مناقشته, بس هذا موضوع عن جد دايما شاغلني وحابة اسمع وجهة نظر غيري فيها وبما انو انا من عائلة متشدده الى حد ما (دينيا) غير مسموح للافكار الفلسفية ومناقشتها.. يمكن علشان حتى هما مو لاقين جواب للسؤال هذا

أسير التشرد · 09/10/2006

اقتباس:

كاتب النص الأصلي : Euphoria

عفوا انا جديده هنا وما كنت اعرف انو موضوع سبق مناقشته, بس هذا موضوع عن جد دايما شاغلني وحابة اسمع وجهة نظر غيري فيها وبما انو انا من عائلة متشدده الى حد ما (دينيا) غير مسموح للافكار الفلسفية ومناقشتها.. يمكن علشان حتى هما مو لاقين جواب للسؤال هذا

يا سيدتي بكل دين في فلسفة ... اكيد عند أهلك فلسفة خاصة لازم تسأليهم

Euphoria · 09/10/2006

لا ما عندهم فلسفة خاصة او عامة الفلسفة بالنسبة لهم شك والشك باب من ابواب الكفر.

أسير التشرد · 09/10/2006

اقتباس:

كاتب النص الأصلي : Euphoria

لا ما عندهم فلسفة خاصة او عامة الفلسفة بالنسبة لهم شك والشك باب من ابواب الكفر.

فيكي تستفيد من هالشك وتستخدمي اسلوب المغالطة المنطقية معهم ...

أسير التشرد · 09/10/2006

من دون شك ما في ايمان ... كيف عندهم ايمان ؟

hanny dagher · 09/10/2006

اقتباس:

كاتب النص الأصلي : Euphoria

عفوا انا جديده هنا وما كنت اعرف انو موضوع سبق مناقشته, بس هذا موضوع عن جد دايما شاغلني وحابة اسمع وجهة نظر غيري فيها وبما انو انا من عائلة متشدده الى حد ما (دينيا) غير مسموح للافكار الفلسفية ومناقشتها.. يمكن علشان حتى هما مو لاقين جواب للسؤال هذا

مو مشكلة انو انطرح الموضوع مرة تانية اصلا هالموضوع بالذات اذا بينطرح الف مرة ما رح يوصلو لنتيجة ورح يرجعو يطرحو مرة تانية

المهم انا بانتظار بعض الاراء والردود

يعني فيكن تعتبرو هاد تسجيل متابعة

Euphoria · 09/10/2006

ok aseer i would love for you to meet my mother and try and talk to her i'll even get me some popcorn cuz it's gonna be fun to watch..she really can kick***

hanny dagher · 09/10/2006

اقتباس:

كاتب النص الأصلي : Euphoria

ok aseer i would love for you to meet my mother and try and talk to her i'll even get me some popcorn cuz it's gonna be fun to watch..she really can kick***

عجبني اخر جملة وخاصة محل النجوم

أسير التشرد · 09/10/2006

اقتباس:

كاتب النص الأصلي : Euphoria

ok aseer i would love for you to meet my mother and try and talk to her i'll even get me some popcorn cuz it's gonna be fun to watch..she really can kick***

عزيزتي Euphoria انا جاهز لـKick مع النجوم ومن دون النجوم ... المهم خليني اقنعها بانو الفلسفة مو كفر ...

Euphoria · 09/10/2006

طيب بس البس ثقيل شوي .. لا عن جد انتوا ما رح تصدقون انو ما فية طريقة الا و استخدمتها للنقاش معهم و عموما ان مقدرة خوفهم علي واحترم وجهة نظرهم(غصبا عني)

أسير التشرد · 09/10/2006

لما بخافوا بيكون حجتهم ضعيفة ... ليكي من دون شك ما بنقدر نوصل للحقيقة اذا عندهم الفلسفة عبارة عن شكوك ليس إلا ...
واكيد رح ادلو بدلوي بموضوعك عن الانسان مخير ام مسير بس مو هلأ ... شنو وضعي النفسي بنوب ... فالمعذرة منك

Euphoria · 09/10/2006

خذ راحتك عموما انا كمان لازم انام شوي انشاء الله نكمل حكي الليلة.be well

أسير التشرد · 09/10/2006

اقتباس:

كاتب النص الأصلي : Euphoria

خذ راحتك عموما انا كمان لازم انام شوي انشاء الله نكمل حكي الليلة.be well

اوكيه لنا لقاء بالحديث ...

واحلام سعيدة لكِ..

randa -alrafi3 · 10/10/2006

مرحبا
فيني جاوبك بطريئة بسيطه انو الانسان مخير ومو مسير ولو كان مسير ما كان فيه جنه ونار
اللي خلئنا اللي هوي الله ميزنا عن بائي المخلوئات بالعئل والتفكير انو فينا نفكر ونعرف الصح من الغلط .هلا نحنا الله كاتبلنا كل شي رح بيصير معنا يعني كلشي مكتوب بس الانسان بتصرفاتو بغير المكتوب والله كاتب لكل واحد فينا بكتابو الخير بس متل ما ئلتلك الانسان مخير عندو عئل وهو بتصرفاتو بغير المكتوب ولهيك في جنه ونار والا ياللي بيقتل الله اكيد مانو كاتبلو انو يئتل واللي بيسروق زات الشي الله مو كاتبلو هيك هو اللي اختار انو يسروق وهكزا
باختصار الانسان مخير وكل واحد عئلو براسو وبيعرف شو يعمل..

Euphoria · 10/10/2006

شكرا رندا اللي شاركتي معانا بس لسا السؤال موجود اذا انا مخيرة ليش ما اعطيت حق اختيار اني اكمل العيش بالدنيا من عدمة ليش اعاقب اذا انا اخترت انهي حياتي ؟ليش اكمل شئ انا ما اخترت ابدأه اصلا؟