بعض من المخترعين السوريين و أعمالهم

Maher 4x4 · 26/01/2006

هي شويّة أسماء لمخترعين سوريين و بعض من أعمال كل واحد منهون :

مثنى هاني أبو صالح : بصراحة هاد ألو أعمال ضخمة منها :

سيارتين كهربائيتين وأنظمة تحكم إلكترونية

محطات أرضية للأقمار الصناعية وأنظمة تحكم كمبيوترية

رجل آلي مزود ببرامج ذكاء صناعي وتحكم كمبيوتري كامل

مجموعة من دارات التحكم بواسطة الكمبيوتر

إنترنت روبوت : رجل ألي مزود بحاسبين كبيرين ومجموعة من برامج الذكاء الصناعي يميز الصور والصوت
والبصمات ويتعرف على الأشخاص ويقوم بإعطاء صلاحيات منوعة مثل الدخول والصرف النقدي وغيرها

عصام حمدي : كمان ألو اختراعات كتيرة ... منها :

جهاز تنقية غازات العوادم ....

جهاز حماية السيارات من الاحتراق

ذراع حامل للعتاد الصناعي

جهاز تحديد طول السن باستعمال موجات الصوت العادية بدل عن الوسائل الأخرى الضارة... وقد نقل تقرير عنه في قناة الجزيرة الفضائيّة..

جهاز التحكم بالحاسب عن طريق اليد أو القدم : يمكن أصحاب الإعاقات في الأطراف من استخدام بالحاسب بسهولة واستخدام تطبيقاته...

جهاز التحكم بالهاتف المحمول للمعاقين

تطوير لجهاز الغرزات الطبّية الميكانيكي

جهاز إسعافي لحالات الأحتشاء القلبي

أيضاً اختراعات للسيارات والآليات وملحقاتها:

جهاز إنذار عند نوم السائق أو سهوه ,يمكن أن يوقف السيّارة، وله استعمالات أخرى و يختلف عن الأجهزة الأخرى

جهاز إيقاف فوري عند إغماء أو وفاة السائق ,يعمل بطريقه حديثة يستعمل لعدة مهن ,قليل التكلفة

.

جهاز تنظيم للسير في المدن والطرق العامة يعمل كنظام متكامل لخدمة السير

محرك يعمل بجميع أنواع الوقود وفي جميع الظروف ...

جهاز مانع انزلاق وفرملة للمنعطفات الزلقة والجليدية ...

مرآب آلي يتسع بين 10 إلى 30 سياره بمكان سيارتين أو ثلاث

جهاز مساعد للاحتراق في محركات الاحتراق الداخلي لتقليل التلوث

جرّافة صغيره لتنظيف المجاري المائية

عبد الحليم الرباط :

جهاز لحماية الأنسان من أضرار الهاتف المحمول ..

عبد الاله الخولي :
اختراع مواد طبيعية سيليلوزية تعمل على امتصاص الزيوت النفطية من على سطح الماء وامتصاص الملوثات المنصرفة من شركتي مصفاة حمص والاسمدة والتي تصب في نهر العاصي وتنقية مياه النهر من جميع الشوائب الملوثة

ابتكار طريقة جديدة للاستفادة من مطحون الاطارات القديمة للسيارات في تصنيع مدارج للطيران مسبقة الصنع والاستفادة منها في المناطق الرملية وفي المناطق التي يصعب فيها التوصل الى ادخال الات ثقيلة لصنع مدارج بين الجبال الوعرة كما يستفاد منها على الثلوج في المناطق التي يصعب الوصول اليها وبين الغابات والاراضي الموحلة بالاضافة الى اذابة الاطارات القديمة واستخراج الزيوت العطرية منها

توصل ايضا الى طريقة جديدة لتحويل فحم الكوك الى حبر للطباعة ولالات التصوير والفاكس مشيرا الى ان الطن الواحد من فحم الكوك يباع بـ 20 دولارا في حين يباع الطن الواحد من الحبر الطباعي بـ 20 الف دولار
اخترع محركا ينتج طاقة حركية مضاعفة بحيث يعطي الليتر الواحد من الوقود طاقة تعادل ما يعطيه 8 لترات من الوقود مع الاستفادة من كامل الوقود واحتراق كامل للغازات والاستفادة من الحرارة الناتجة عنها

أحمد بدران :

نظام لري المزروعات وخاصة الأشجار، بحيث يمكن إيصال المياه إلى جذورها مباشرة بما يرشد استهلاك المياه ويوفر نحو 90% منها...

جورج الشامي (( طبيب )):
اختراع مادة عظمية صناعية يتم من خلالها ترميم العظم المتهتك

حيث يتماثل المصاب الى الشفاء خلال ايام كما يتم استخدام هذه المادة المكونة من الاسمنت الطبي اللاحم في تطويل العظام.‏

مابدّي طوّل عليكون
هدول الأسماء اللّي ببالي هلأ....

أذا حدا عندو كمان أسماء يحطّلنا ياها أذا ممكن ... هيك منتعرّف أكتر ع أسماء المخترعين ببلدنا و منفتخر فيهون

المستحيل · 26/01/2006

مشكور على هل الموضوع والله عنا كل هل الممخترعين ما عندي خبر ايه كتير منيح الحمد لله نشكر الله انو عنا علماء مخترعين شو بدنا احسن من هيك بس لوة تتوفر الامكانيات المتاحة ادام اي انسان

Maher 4x4 · 26/01/2006

اقتباس:

كاتب النص الأصلي : المستحيل

مشكور على هل الموضوع والله عنا كل هل الممخترعين ما عندي خبر ايه كتير منيح الحمد لله نشكر الله انو عنا علماء مخترعين شو بدنا احسن من هيك بس لوة تتوفر الامكانيات المتاحة ادام اي انسان

و عنّا أكتر معروفين وغير معروفين و أكيد رح تنفتح المجالات قدّام الكل ، شو فكرك هي سوريا مو حيّالله

مشكور يا المستحيل على ردّك

بتمنّى من الشباب أنو يساعدوني بتذكّر بعض الأسماء

صياد الطيور · 27/01/2006

الله يقويك يا ماهر ... بعد زمان على مواضيعك المتميزة دائماً
شكراً ألك حبيب القلب ..

وإلى المزيد من التألق للمخترعين السوريين

أبو أسامة · 27/01/2006

العلم هو طريق نجاح الأمم و بشجع كل واحد عالعلم و التعلم و لولا العلم ما كان حدا اخترع هالاختراغات

**zen** · 27/01/2006

يسلموا ماهر موضوع جدير بالقراءة
بس بتعرف الي بيزعل انو عنا ناس متل هدول
ما بترعاهون الدولة المصونة عنا
بس شاطرين باللهط اما شي بيفيد هالشعب
ما بيعرفوا يعملوا
على قد الموضوع مو حلو على قد ما بيزعل

**zen** · 27/01/2006

على فكرة الدكتور جورج شامي
اخترع المادة بالمانيا على ما اظن
واخدت شركة دوا المانية حقوق انتاج هالمادة وبتعطب نسبة منيحة كتير بظن 20%من كل علبة دوا غير حق الاختراع المبدئي

Kakabouda · 27/01/2006

وحياة الله بحزن من كل ألبي لما اسمع أنو في هيك مخترعين ببلدي ....
يعني أميركا ولا أوروبا اذا واحد اخترع كلمة جديدي بينشروها بالمجلات و الأخبار و الجرايد .... الخ
و نحنا عنا كل مخترع بهيك أعمال و ما ينال شهرة محلية عالقليلة ؟؟؟
عن جد شي بحزّن

فيروزة · 27/01/2006

ما شاء الله

Maher 4x4 · 28/01/2006

ع راسي شباب وليش الحزن

بعدين هدول كتير معروفين يعني عندكون (( مثنى هاني أبو صالح )) معروف وهوي من مؤسسي الجمعية السورية للمعلوماتية و ألو مشاريع كتير وهي الموقع تبعو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

فيكون تتطلعوا ع كل أختراعاتو

مشكورين على الردود الحلوة

Kakabouda · 28/01/2006

اقتباس:

كاتب النص الأصلي : Maher 4x4

ع راسي شباب وليش الحزن

بعدين هدول كتير معروفين يعني عندكون (( مثنى هاني أبو صالح )) معروف وهوي من مؤسسي الجمعية السورية للمعلوماتية و ألو مشاريع كتير وهي الموقع تبعو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

فيكون تتطلعوا ع كل أختراعاتو

مشكورين على الردود الحلوة

والله شي بيرفع الراس ...
شكراً يا غالي

Maher 4x4 · 02/02/2006

اقتباس:

كاتب النص الأصلي : Kakabouda

والله شي بيرفع الراس ...
شكراً يا غالي

أهلا أبو جريج

اميرة الظلام · 02/02/2006

اقتباس:

وحياة الله بحزن من كل ألبي لما اسمع أنو في هيك مخترعين ببلدي ....
يعني أميركا ولا أوروبا اذا واحد اخترع كلمة جديدي بينشروها بالمجلات و الأخبار و الجرايد .... الخ
و نحنا عنا كل مخترع بهيك أعمال و ما ينال شهرة محلية عالقليلة ؟؟؟
عن جد شي بحزّن

وانا معك

شادي رام الله · 02/02/2006

مشكور وانشالله من الامام الى الامام

قل ربي زدني علما
وشكرا

لاوديسا · 03/02/2006

الله يقويهن يا رب و الله شي بيرفع الراس
هدول معروفين بس فيك كتير لسى كمان مو معروفين
على كلن نحن شعب عنا كتير بس بتنقصنا الامكانيات
شكرا الك

inventor · 04/10/2006

السادة الزملاء
اذا رغبتم بالاطلاع على مخترعين آخرين ادخلو لموقع جمعية المخترعين السوريين وهو

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

مع تحيات المخترع السوري عصام حمدي
دمشق 4524726

Mu$b@hO · 05/10/2006

ما شاء الله يعطيك العافية على هالموضوع الشيق

shosho cat · 05/10/2006

مشكور كتير يا اخي شي برفع الراس
انا والله ما كنت بعرف عن هدول الاشخاص وانا متاكده انو في متلهم في بعض البلدان العربيه وخاصه مصر بس ما حدا بحكي عنهم

كل ما بيجي وقت جائزة نوبل على قد ما بفرح بالاكتشافات الجديده يللي ممكن تفيد الانسانيه على قد ما بزعل انو ولا واحد عربي

شكرا مره تانيه ان شاء الله من احسن لاحسن