عفوا سوريا و معذرة...أنا مع جماعة 14 آذار

[fady juventus]

و الله قبل ما شوف هالصور كنت مستغرب التصميم والإرادة عند الشبيبة تبع " سيحة الحريي سيحة الشوهدا سيبيقن "
بس هلأ تأثرت كتير و تفهمت مطالبهن :

"سييدي...حريي...إس تق ليل"

إيييييييييييه الله بيعطي الحلو للي مالو دراس





وشوفو الشباب بالصورة ورا البنت
كيف عم يطلعوا فيها
بحط ع ذمتي إنو نصن سوريين
بقى وقفت عليي





أهم شي ما حدا يفهم الموضوع غلط
بالنهاية هيي مزحة وكلنا أخوة
تحية لإخواني اللبنانية الشرفاء

[لاوديسا]

والله ما بلومك يا عمي
الحئيئة ما بلومك
يعني صور خيلة لجمهور الحئيئة
بتخلي الرأي العام كلو معهن يعني بيقطعوا القلب يا حرام
تحياتي للشرفاء والاحرار من اخواننا واخواتنا اللبنانيين

[أدونيس]

شو قلتلي بدهن .الحقيقة ..يعني هلا عميدوروا عالحقيقة ..
لا لاقوها أكيد ..
ما رح أحكي لأني ..إذا بحكي بقولوا عميتفلسف ..
بس الله يعين هيك شعب على حالو ..
وتحية للبنان الأرض ..الشقيقة ..
ولأبطال الحرية في لبنان ..

[hammoooza]

كاتب النص الأصلي : أدونيس

شو قلتلي بدهن .الحقيقة ..يعني هلا عميدوروا عالحقيقة ..
لا لاقوها أكيد ..

هني بدهم كل شي الا الحقيقة لأنو الحقيقة اكيد ما بتخدمهم

كاتب النص الأصلي : أدونيس

بس الله يعين هيك شعب على حالو ..

لأ ما تشمل انتبه لأانو هني عم يحاولو عبر اعلامهم انو يفرجوا انهم الشعب اللبناني بينما هني اقلية
يعني بساحة 8 اذار يللي دعا الها السيد حسن كان في اكتر من مليون وستمئة الف شخص وكان الي الشرف كون بيناتهم
بينما بساحة 14 اذار يعني دفعوا مصاري تشبعوا وجابو العالم بالطيارات من برا ودفعوا للعالم لحتى وصل العدد ل 800 ألف يعني عالنص

فعشان هيك قول الله يساعد هيك عالم ما تشمل كل الشعب

كاتب النص الأصلي : أدونيس

وتحية للبنان الأرض ..الشقيقة ..
ولأبطال الحرية في لبنان ..

وتحية مننا نحنا كمان لأبطال الصمود وعلى راسن السيد حسن نصرالله

[yass]

يعني اذا البنات حلوين ما بيطلعلهون يتظاهروا؟؟
يعني عن جد أنو نحن مجتمع رجالي متخلف (حطوا خطين تحت متخلف) .... يعني ليش ما بتشوفوا الوجه الآخر ؟ يعني بلكي وحدة من هالبنات مات أبوها أو عمها أو خالها على أيدين الجيش السوري؟؟
بعدين ليش بس شاطرين تطالعو صور بنات بالمظاهرات؟؟ يعني مسيراتنا ما بتقرف؟؟

صلحو حالكون و صلحو بلدكون...بعدين احكو عن العالم


و ختاما....الله يرحمك يا نزار قباني

[rawad]

كاتب النص الأصلي : yass

يعني اذا البنات حلوين ما بيطلعلهون يتظاهروا؟؟
يعني عن جد أنو نحن مجتمع رجالي متخلف (حطوا خطين تحت متخلف) .... يعني ليش ما بتشوفوا الوجه الآخر ؟ يعني بلكي وحدة من هالبنات مات أبوها أو عمها أو خالها على أيدين الجيش السوري؟؟
بعدين ليش بس شاطرين تطالعو صور بنات بالمظاهرات؟؟ يعني مسيراتنا ما بتقرف؟؟

صلحو حالكون و صلحو بلدكون...بعدين احكو عن العالم


و ختاما....الله يرحمك يا نزار قباني

روء زعيم الشباب من حرقة قلبهم عم يحكو..
بس حقنا نستغرب لأنو نحن ما بنعرف غير طريقة متخشبة واحدة للمسيرات (مو المظاهرات المسيرات)هي تبع صغار الكسبي والفلاحين واتحاد العمال وشبيبة الثورة وما بعرف شو وبالروح بالدم

[fady juventus]

أول شي تحياتي إلك أخ Yass

كاتب النص الأصلي : yass

يعني اذا البنات حلوين ما بيطلعلهون يتظاهروا؟؟

الظاهر نحنا من أولها مختلفين،لأني ماني شايف بنات حلوين أصلا، هدول تحت عتبة الجمال تبعي بكتيييير
بس القصد مو هيك بكل الأحوال،أنا قصدت يا أخ Yass إنو هدول مو طالعين يتظاهروا ،هدول طالعين يظهروا... هدول طالعين يتسلوا ويسبوا ويقطعوا شوية وقت.

يعني عن جد أنو نحن مجتمع رجالي متخلف (حطوا خطين تحت متخلف)

أنا معك،مجتمعنا ذكوري متخلف ومتعفن حتى النخاع،بس اسمحلي هاد مانو من أوجه التخلف أبدا
هاد نقد، حوار ، فكرة ورد عليها ، أخد و عطا ، يعني بالحوار فينا نحسن مجتمعنا مو بالتصلب و رفض فكر الآخرين طالما هالفكر بعيد عن التطرف والحقد والكراهية.

يعني بلكي وحدة من هالبنات مات أبوها أو عمها أو خالها على أيدين الجيش السوري؟؟

بربك هدول صور بنات ميتلن حدا (أب أو عم أو....) أو عندن قضية و جايين يدافعوا عنها؟؟؟
دققت بالتعابير اللي على وشن، بالماكياج،بالإبتسامات الطفولية ،شوف الشباب اللي شايلينن شو مكيفين؟؟؟؟ بتحس إنن بحفلة لمخيم كشافة مو باعتصام هدفه تحرير بلدن؟؟

بعدين ليش بس شاطرين تطالعو صور بنات بالمظاهرات؟؟ يعني مسيراتنا ما بتقرف؟؟
صلحو حالكون و صلحو بلدكون...بعدين احكو عن العالم

مسيراتنا لا تجيبلي سيرتها
بصيبني غثيان منها
ما بنسى كيف كانوا يسوقونا متل الطرش (طلائع البعس )عالمسيرات

على كل ما كان عندي هدف سياسي من الموضوع
لأنو برأيي القضية السياسية محسومة و مفهومة

[صياد الطيور]

وانا معك فادي ... غيرت كل مواقفي النضالية لما شفت هالروح الجماهيرية هي ..

ولي على قلبي انشاء الله

[ري مي]

وأنا كمان من رأي فادي.............
بحيي نضالك

[المستحيل]

ولي على قلبي ما احلاهم خلينا نروح معهم

[yamen_h]

مع كل مسيرة من هالشكل تربح بنتين مجانا ...
والعرض سري حتى نفاذا الكمية ...


عالعلام ياجبس ....عالدواق ياجبس ....
يالله قرب جرب ...

[Syrian__Angel]

كاتب النص الأصلي : yamen_h

مع كل مسيرة من هالشكل تربح بنتين مجانا ...
والعرض سري حتى نفاذا الكمية ....

....

ومتل ما قال فادي .. هدول مو اشكال ناس طالعة بمظاهرة او مسيرة

[المستحيل]

خلص حجزلي محل على كل مسيرة والله شي بيرفعلا تالراس

[silin]

كاتب النص الأصلي : المستحيل

ولي على قلبي ما احلاهم خلينا نروح معهم

يلا دبّر امورك وعلبنان يلا بس ليك ما بتوجه لعنا لانو نحنا مش منن هاااااا

صحيح انا موالاة بس عجبتني هيدي : سيادي حرية استقلال كنت ضلني قولا







الله يعطي العقل لصحابو

[yass]

أول شي تحياتي إلك أخ Yass

ع راسي حارتك

الظاهر نحنا من أولها مختلفين،لأني ماني شايف بنات حلوين أصلا، هدول تحت عتبة الجمال تبعي بكتيييير
بس القصد مو هيك بكل الأحوال،أنا قصدت يا أخ Yass إنو هدول مو طالعين يتظاهروا ،هدول طالعين يظهروا... هدول طالعين يتسلوا ويسبوا ويقطعوا شوية وقت.

مو شرط ....لأ مو شرط بنوب , خلينا نحلل الموضوع :
أنت مانك شايف جمال بالصور , و أنا الله وكيلك ما انتبهت...بس الشباب الطيبة كلها راحت تسأل وين طلبات الانتساب و ما بعرف شو...يعني متل ما بيقول المتل الرقاوي (بدون تعليق)
حبيب قلبي ...لما جهة معينة ما بتعجبها مظاهرة بيقولو أنو : هدول طالعين يتسلو ...تحصل في أرقى الدول و في أحسن الديمقراطيات ....لما من كام سنة طلعنا مظاهرات باسبانيا ضد الحرب كان الناطق باسم حزب الشعب الحاكم يقول : هدول ولاد الجامعة بيعملو أي شي لحتى ما يداومو ع دروسهن .... يعني نفس السيرة.

أنا معك،مجتمعنا ذكوري متخلف ومتعفن حتى النخاع،بس اسمحلي هاد مانو من أوجه التخلف أبدا
هاد نقد، حوار ، فكرة ورد عليها ، أخد و عطا ، يعني بالحوار فينا نحسن مجتمعنا مو بالتصلب و رفض فكر الآخرين طالما هالفكر بعيد عن التطرف والحقد والكراهية.

أنا متأكد لو في آلة سحرية بتحولك للبناني ليوم واحد ...أنا متأكد أنو راح تكره سوريا .... هلأ أنا سوري, و الله العظيم اذا واحد لبناني غلط علي , شو ما حكى بسامحو...
راح احكيلك شغلة خاي ... بيجوز برات الموضوع شوي : أنا أصلي من الرقة , و أيام حرب لبنان كانو يبعتو ع البنان الجنود الشوايا...يعني أغلب الناس اللي بعرفهون اللي خدمو جيش بالثمانينات راحو ع لبنان...أنا بعرف شخصيا ناس راحو جنود ع لبنان ورجعو و عمرو بنايات و اشترو أراضي و ركبو سيارات من ورا اللي نهبوه بلبنان....في شخص بالرقة , وهو الوحيد اللي عندو تاون كار بكل البلد , بيحكيلك بنفسو كيف كان يقطع أصابع النسوان عشان ياخد الخواتم...لأنو ما عندو خلق يستناها لتشلحو...كلامو الشخصي هاد!!!

بربك هدول صور بنات ميتلن حدا (أب أو عم أو....) أو عندن قضية و جايين يدافعوا عنها؟؟؟
دققت بالتعابير اللي على وشن، بالماكياج،بالإبتسامات الطفولية ،شوف الشباب اللي شايلينن شو مكيفين؟؟؟؟ بتحس إنن بحفلة لمخيم كشافة مو باعتصام هدفه تحرير بلدن؟؟

يعني بعرف المظاهرات لازم واحد عشان يتظاهر لازم يكون صارلو اسبوع مانو متحمم وكل ما بشع كل ما أحسن؟؟؟

مسيراتنا لا تجيبلي سيرتها
بصيبني غثيان منها
ما بنسى كيف كانوا يسوقونا متل الطرش (طلائع البعس )عالمسيرات

أنا انفصلت من المدرسة بالصف العاشر لأنو رفضت أروح ع مسيرة

على كل ما كان عندي هدف سياسي من الموضوع
لأنو برأيي القضية السياسية محسومة و مفهومة

ولا أنا عندي لا هدف و لا مصلحة...
الجيش السوري غلط بحق الشعب اللبناني و الشعب اللبناني عم بيعبر عن شعوره...ماعم احكي لا عن سعد الحريري ولا جنبلاط ...عم أحكي عن أبو العبد البيروتي العادي..

تحياتي لألك , و بهنيك ع أسلوب حوارك الراقي


وبرجع بقول....الله يرحمك يا نزار قباني

[المستحيل]

خلص يا سيلين بس انزل على سوريا رح اجي على لبنان كرمالك بس تكوني موجودة مشكورة

[silin]

كاتب النص الأصلي : المستحيل

خلص يا سيلين بس انزل على سوريا رح اجي على لبنان كرمالك بس تكوني موجودة مشكورة

اي اهلا وسهلا فيك ببلدك التاني
بس انو كون موجودة لااا انا ما بقلل عقلي لهلدرجة اصلا هودي عم يعملو عرض لاجسامن مش مضاهرة

[hammoooza]

يللا شباب كلنا سوا: حرية........... سيادة....خيم للولادة...........