الهوتميل و مؤسسة الاتصالات

**krimbow** · 25/07/2006

الخبرية انو جماعة الاتصالات (190) وقفوا الهوتميل
السبب (حسب زعمهم)، انو والله جماعة "عبد الحليم خدام" عم يبعت ايميلات على بريد الهوتميل الالكتروني تبع مستخدمي بروكسي المؤسسة

يعني انا وصلتني كزا رسالة من السيد عبدو، على بريد الهوتميل، و كنت دايما احزفهم بدون ما اتطلع شو فيهم حتى
هلأ عم عض اصابيعي ندم، صار الفار يلعب بعبي بدي اعرف شو فيهم هالايميلات

انو شو ذنبنا نحنا مستخدمي بروكسي المؤسسة؟؟؟

شو هالاهبل يللي اتخذ هالقرار؟؟

يعني مشي الحال هلأ خنقوا صوتو لعبدو ؟؟؟ ما عاد يطلع ع العربية و المستقبل و الجزيرة ؟؟؟

ما عاد تتحفنا سيريا نيوز و شام بريس بآخر تحركاتو؟؟؟؟

هاد مستوى متخذي القرار ببلدنا؟؟؟

يعما على هالحكي ازا صحيح

فلاش باك · 25/07/2006

يعني اذا مزبوط هالحكي معناتها : مجنون يحكي وعقل يسمع .

بس بظن ماوصلت مع المؤسسة لهون هنن أكبر من هيك

**krimbow** · 25/07/2006

اقتباس:

كاتب النص الأصلي : فلاش باك

يعني اذا مزبوط هالحكي معناتها : مجنون يحكي وعقل يسمع .

بس بظن ماوصلت مع المؤسسة لهون هنن أكبر من هيك

لك لكان ليش موقفين الهوتميل ببروكسي المؤسسة ؟؟؟!!!!!

فلاش باك · 25/07/2006

اقتباس:

كاتب النص الأصلي : krimbow

لك لكان ليش موقفين الهوتميل ببروكسي المؤسسة ؟؟؟!!!!!

ياعمي حتى على الجمعية موقفينو على اساس قالو انو في خطأفني على ذمتن

**krimbow** · 25/07/2006

اقتباس:

كاتب النص الأصلي : فلاش باك

ياعمي حتى على الجمعية موقفينو على اساس قالو انو في خطأفني على ذمتن

عذر اقبح من ذنب، انو مو متخذي القرار هنن الحمير، لا، المهندسين هنن الحمير

خطأ فني من 10 ايام ما عرفوا يصلحوه؟؟؟

لك والله والله والله لنكيف

فلاش باك · 25/07/2006

اقتباس:

كاتب النص الأصلي : krimbow

عذر اقبح من ذنب، انو مو متخذي القرار هنن الحمير، لا، المهندسين هنن الحمير

خطأ فني من 10 ايام ما عرفوا يصلحوه؟؟؟

لك والله والله والله لنكيف

انو معلم يعني رسائل خدام مابتوصل على الياهو والجي ميل وغيرن,حتى حجبو بس الهوتميل ؟
اتذكرت شغلة انو وزير الاتصلات عندو ايميل وبرد على تعليقات الشباب بموقع شام برس عندك فكرة عن جواب الوزير عن الموضوع

**krimbow** · 25/07/2006

اقتباس:

كاتب النص الأصلي : فلاش باك

انو معلم يعني رسائل خدام مابتوصل على الياهو والجي ميل وغيرن,حتى حجبو بس الهوتميل ؟
اتذكرت شغلة انو وزير الاتصلات عندو ايميل وبرد على تعليقات الشباب بموقع شام برس عندك فكرة عن جواب الوزير عن الموضوع

لا والله
شفلنا شو القصة و خبرنا بمعيتك

سرسورة · 27/07/2006

لك انا عم يفتح عندي الهوتميل على الجمعية و اية....و ما عم يوصلني اي ايميلات غريبة.......بس اللي بيعرف شو فيا هالايميلات يخبرنا,,.....تحرقصت لانو....

hakerevil · 27/07/2006

لك يلعن ابو هالمؤسسة

ma7aba · 27/07/2006

ياجماعة فعلا الهوت ميل في مشكلة هلا انا ماعندي بروكسي فشان هيك شغال بس إذا بدي حمل صورة بموت ومابتتحمل غير بمعجزة وبالنهاية انتوا ادرى

صياد الطيور · 27/07/2006

الهوت ميل بشكل عام مضروب هالأيام

بس بسوريا قالوا هيك كلام حول الهوت ميل وما بعرف شو الصح بالموضوع

william87 · 27/07/2006

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ماشي الحال هدا هو الحل....... الى جميع مستخدمي الهوتميل استخموا هذه الوصلة شغالة على البريد والمعلوماتية.

Danito · 27/07/2006

كان يجيني من جماعة عبد إيميلات بس العمر الكون من زمان وقفت
شكلو يأس أو شاف ما في نتيجة من زمان ما عاد بعت
على كل حال ما كان يجي فيها شي مهم شغلة تصريح او تنديد او هيك شي مو محرز
كمان مجلس العدالة و المصالحة تبع نزار نيوف كان يبعت رسائل و كان فيها معلومات احيانا عن اعتقال او تغيير بالحكومة او شي كمان لا حس و لاخبر
اخر شي اجاني من مجلة عن حقوق المرأة معهن حسين العودات و هادا وش الضيف

HOSAM4U · 27/07/2006

اقتباس:

كاتب النص الأصلي : william87

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ماشي الحال هدا هو الحل....... الى جميع مستخدمي الهوتميل استخموا هذه الوصلة شغالة على البريد والمعلوماتية.

ما مشي الحال بهالرابط طلعلي محظور
ولك أخ على هيك بريد

william87 · 28/07/2006

اقتباس:

كاتب النص الأصلي : HOSAM4U

ما مشي الحال بهالرابط طلعلي محظور
ولك أخ على هيك بريد

الرابط مليون بالمية شغال عل البريد بس عل الجمعية مابعرف!!!!!!!!!!!!!!!!!!!!

love bird · 28/07/2006

اول شي مرحبا ما بعرف اذا كان فيك ترد علي انا عرفت انوا قبل هلا كمان سكروا الهوتميل بس بعد فترة رجعوا فتحوا سؤالي اولك بينفتح الهوتميل من جديد ؟

ولا لازم نسافر ع بلد تاني ونفتح الهوتميل ( عم امزح ) بس جد مشكلة الايميلات والرسائل كلو بيروح هيك

william87 · 28/07/2006

اقتباس:

كاتب النص الأصلي : love bird

اول شي مرحبا ما بعرف اذا كان فيك ترد علي انا عرفت انوا قبل هلا كمان سكروا الهوتميل بس بعد فترة رجعوا فتحوا سؤالي اولك بينفتح الهوتميل من جديد ؟

ولا لازم نسافر ع بلد تاني ونفتح الهوتميل ( عم امزح ) بس جد مشكلة الايميلات والرسائل كلو بيروح هيك

دوما رقابة الانترنت الها علاقة بالوضع السياسي للبلد فا هلق سكروا........................بس بكرا اذا مرت هل الازمت على خير اكيد رح يرجعوا يفتحو الهوتميل

هلق حاليا رح انمشي حالنا هيك كل مرة رابط جديد للهوتميل وعلا هاد ومنه.........!

ري مي · 28/07/2006

انا اليوم شيكت ميلي من المسنجر ما بعرف ليش ما خطرلي من الاول ساوي هيك