سدوا بوزكن.. رسالة من الجنوب

[toocoolfriend]

الى كل من استشهد به الصهاينة مثل مروان حمادة
الى كل من باع تاريخه مثل آل الحريري
الى كل متقلب مجنون مثل جنبلاط والياس عطالله
الى كل عميل حقير مثل ملوك الأردن والسعودية وسلطان مصر
الى كل رئيس عربي نادى بالعروبة والنخوة والشهامة "وعند الامتحان يكرم المرء أو يهان
الى كل وسيلة اعلام رخيصة حاولت التسويق للسياسة الاسرائيلية والاميركية
الى كل ووسائل الاعلام والشارع حاول أن يبدي الشفقة على شعب لبنان وشهدائه ويحمل حزب الله المسؤولية
الى كل -ومع الأسف- مواطن عربي وقف موقف المتفرج ولم يدعم, على الأقل بماله, وليس بكلامه او قلبه المقاومة وشعب لبنان


الى جميع هؤلاء نقول اخرسوا وسدوا بوزكن.
يا ليتكم رأيتم بأعينكم منزلكم يسقط على اخوتكم
يا ليتكم رأيتم حيّكم وقد صار والأرض سواء
يا ليتكم رأيتم طفلا يموت جوعا أمامكم
يا ليتكم رأيتم حزب الله ورجاله الأكثر أخلاقية في العالم بعد أن قصفت مراكزهم نزلوا الى الشوارع والمباني لحماية البيوت والمحلات من السرقات

أرجوكم أن لا يزايد أحد علينا ويقول ما ذنب المدنيين ليموتوا من أجل أسيرين. اللي ماتوا أهلنا والبيوت اللي نهدمت بيوتنا. اللي مات بنت عمي وجاري ورفيقي واللي نهدم حيي وبنايتي وضيعتي. يا ريتكم بتشوفوا أمها لبنت عمي اللي ماتت وعمرها 13 سنة كيف عم بتقول انو بنتها فدا الوطن وبيتنا وبيوت الجميع فدا اجر اجرو للسيد حسن نصرالله.

يعني أنا مش ناطر شخص هنا ولا بغيرها ليجي يقول شو خص المدنيين يموتوا والبيوت تنهدم. نشالله انا بموت بعد وكل عيلتي بس نبقى عزيزين وما نعيش كلاب حقيرين مثل ملايين العرب.

يا ريت هالوسخين اللي عم يلوثولنا آداننا متلهم شي قريب لحتى يطلعلهم ذرة يحكوا. يا ريتهم أطلقوا طلقة نار باتجاه اسرائيل.

يا ريت أصحاب الكراسي اللي هلكونا بشعارات العروبة والقومية كان الهم موقف يشفي غليل اللبنانيين.

بيبقى نقول انو ما دام الله معنا خسء العرب وخسء الاوروبيين والاميركان وجميع العالم
وطالما قائدنا حسن نصرالله فليذهب حسني مبارك وعبدلله الثاني وغيرهم الى مزبلة النسيان والذل والعمالة

كنت متوقع افتح أخوية ولاقي شارة سودا حدادا على لبنان الجريح
كنت متوقع افتح بريدي ولاقي الرسايل من "أخوتي" عم يتطمنوا
بس ما قي شي من هيدا والظاهر مرض النوم استشرى في شعوب العرب -والعتب على قدر المحبة-

بيبقى اني بحب طمنكم عليي وعلى حموزة وسيلين اذا كنتوا بعدكم متذكريننا ونحنا هلق ببلدكم بسوريا -بلدنا التاني-

وأخيرا للشعوب العربية رسالة:

انها قد دارت رحى الحرب, ونادى منادي الجهاد, وتفتحت أبواب الأرض والسماء, فان لم تكونوا من فرسان الحرب, فافسحوا الطريق للنساء يدرن رحاها, واذهبوا فخذوا المجامر والمكاحل يا نساء بعمائم ولحى. أو لا
فالى الخيول, وهاكم لجمها وقيودها.
يا ناس. أتدرون مما صنعت هذه اللجم والقيود؟
لقد صنعتها النساء من شعورهن لأنهن لا يملكن شيئا غيرها. هذه والله ضفائر المخدرات لم تكن تبصرها عين الشمس صيانة وحفظا, قطعنها لأن تاريخ الحب انتهى, وابتدأ تاريخ الحرب المقدسة.
فاذا لم تقدروا على الخيل تقيدونها, فخذوها واجعلوها ذوائب لكم وضفائر, انها من شعور النساء, ألم يبقى في أنفسكم شعور؟!
يا أشباه الرجال ولا رجال

[القلب المنادي]

الله عليك يا toocoolfriend

والله انو قلوبنا وارواحنا فدا لبنان وفدا جميع الدول العربية المحتلة

وللعلم انا اردنية وكل الشعب الاردني رافض لكل حكي الحكومة الاردنية

والله يرحمها لبنت عمك وكل الشهداء

والمهم الحمد الله على سلامتكم كلكم

[Reemi]

كنت متوقع افتح أخوية ولاقي شارة سودا حدادا على لبنان الجريح
كنت متوقع افتح بريدي ولاقي الرسايل من "أخوتي" عم يتطمنوا
بس ما قي شي من هيدا والظاهر مرض النوم استشرى في شعوب العرب -والعتب على قدر المحبة-

ما حيجتك انا بعتلك...
قلقت عليك كتيرررر

[نادين]

اهلييييين عباااااس الحمد لله على سلامتكن انت و الكل

و الله يرحما لبنت عمك "الشهيدة "


و أهلا وسهلا فيكن ببلدكن التاني سوريا


و انشالله بترجعوا على لبنان و على أرضكن بعد تحرير المقاومة الباسلة إلا

[TheLight]

هو الاخ دقنا وعظة مرتبة عن الصمود وصار بسوريا ع السريع
غريبببببببببب
نحن مو زعلانين بس التناقض بشع والتهجم ابشع

[HashtNasht]

يا ليتكم رأيتم حزب الله ورجاله الأكثر أخلاقية في العالم بعد أن قصفت مراكزهم نزلوا الى الشوارع والمباني لحماية البيوت والمحلات من السرقات

و الله يا ليتك انت متلن

ما انو ما منعرف مأساتك ..بس مأساتك ما بتعطيك الحق توجه الشتائم ع كيفك


بس ما ذكرتني الا بزياد الرحباني .....وقت قال ( بالعقل زينة ) انو نحنا اللبنانية ما شغلتنا غير نخربا ....و كل ما خربت منعيط للسوريين

اي شبعنا ...انتفخنا ....طلعت ررحنا ...شو المطلو ب ؟؟؟


ارجو حذف الموضوع لتعرضه للمنتدى و أعضاء المنتدى بالشتيمة

[sezar]

انو انت بتعرف شو عم تعمل هلأ ( too cool ) :
انت معصب بسبب خساراتك الشخصية ( عاطفية- مادية ) و طبيعي شعور واحد بلدو بحرب بس يلي صار معك فرط بالتعبير عن شعورك و فرط بمحاولة استرعاء الانتباه ( على مستوى أخوية ) ..
هلأ انت معك الحق انو تزعل من ردة الفعل ابلدان المجاورة ( ما رح قول العربية )

[MR.SAMO]

سجل انا عربي

[Anmar]

كاتب النص الأصلي : LEONARDO

احم احم
لك يا شباب القصة أكبر من هيك و ما تخلوا الحقد يتمكن قلوبكن لأنو بعدين بتغرقوا فيه

يا عيني عليك هاد الحكي اللي بينسمع ..

لك يا جماعة نحنا الجيل اللي جاي نحنا اللي لازم نرجع نصحح الوضع ...
ونحنا كل اللي عم نعملو أنو نتقاتل ونتعايط ونسب لبعض ونتهم بعض طيب معلش تفهموني نحنا شو منكون منفرق عن الحكام العرب اللي عم ننتقدن؟؟؟؟؟؟؟
لهيك يا شباب خلونا نحكي برواق وكل واحد يشرح وجهة نظرو بدون ما يوجه اتهامات للتاني .. يعني لو سمحتو ومن بعد أمركن وازرعوها بدقني ..

وتحياتي إلكن كلكن

[Hus]

>> تنويه اداري <<
*نود لفت الإنتباه ان هذا الموضوع تم نقله لقسم الأرشيف للتباحث مع المشرفين ، ونتيجة لغط تنسيقي تم نقله واعادته مما سبب ما سبب من لغط.
* تم حزف الردود الجارحة لوأد الفتنة
* تم حزف الردود الخارجة عن الموضوع و الدردشات الشخصية كما سيتم حزفها وتنبه اصحابها في حال تم التكرار
* قام بعض الأعضاء في اخوية بعمل خارج عن اخلاق اخوية بمحاولة سبام كموقف تضامني او ما شابه ، نتيجة سوء فهم حصل. وسيتم تنبيه الأعضاء المشارين. ونلفت الإنتباه مجددا ، ان الموضوع كان نتيجة لغط تنسيقي بسيط نتج عنه سوء فهم كبير، وحتى لو لم يكن في هذي الصورة فالخطأ بأخوية لا يبرر الخطأ ، و ردك على الإسائة بالإسائة لا يبرح الإسائة .
>> تنويه اداري <<

[فلاش باك]

سؤال لصاحب الموضوع
وين شفت شي رد او شي موضوع حدا فيه عم يحط اللوم او المسؤولية على حزب الله او على لبنان ككل ؟
حتى بلشت فينا كسح على ابو جنب

[Gazita]

كان في واحد بالصالون وينو موسيو حسام

[Reemi]

كاتب النص الأصلي : فلاش باك

سؤال لصاحب الموضوع
وين شفت شي رد او شي موضوع حدا فيه عم يحط اللوم او المسؤولية على حزب الله او على لبنان ككل ؟
حتى بلشت فينا كسح على ابو جنب

اي صار كتير..بس انتي ما عم تشوف كل المواضيع

[فلاش باك]

كاتب النص الأصلي : Reemi

اي صار كتير..بس انتي ما عم تشوف كل المواضيع

ممكن تقولي بأي موضوع صار لأنو جد اذا ماكان في هيك حكي متل ماعم يقول هو معناتها هادا اسمو تجني مع سبق الأصرار والترصد ويعني مالو حق يحكي هالحكي مع انو انبسطت ببداية الموضوع كسح جماعة 14 شباط للعضم .

ومارح كتر حكي لأنو انا من دون شي صوفتي حمرة عند أصدقاء أخواننا اللبنانية

مزبوط انا بشوف بس يلي بدي ياه وبيعجبني هيك ربيت واتعلمت

بخاطرك

[NEDAL-S]

والله حكي مظبوط وبغاية الدقة بس لو أنو بيتعدل أسم الموضوع مشان يطلع بمحرك البحس
بشكل أكبر والعالم يلي عم دور بمحركات البحس يقدرو يشوفو هل الحكي يلي ممكن
يأسر بأصحاب القلوب لو وجدو
والبقية بحياتك

[Reemi]

فلاش باك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

[tiger]

الاخ toocoolfriend :
اولا الحمد الله على السلامة الك ولكل ياللي وصلو معك , وسوريا بلدكم ان اردنا او لا ....
وثانيا كان الله بعونكم بكل ما شفتوه وعانيتوه وانا بقدر مشاعرك ولو كنت انا محلك ربما كنت كتبت بطريقة اقسى بكثير ...لأنو ياللي بيعد العصي مو متل ياللي بياكلها...
وعليه بضم صوتي لصوتك وبطلب من ادارة الاخوية وضع علامة حداد (من اجل لبنان) على واجهة اخويتنا ...
رحم الله شهدائنا ونصر المقاومة والمقاومين....

[فلاش باك]

كاتب النص الأصلي : Reemi

فلاش باك

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -
 

شكرا للإضاح ريم .

بس هي نمرة صرنا نعرف شو ترتيبها ومدى تفكيرها وارتباطها بشغلات تانية