تجمع سوري معارض يقترح التطبيع مع إسرائيل!!!

dot · 04/07/2006

أطلق التجمع الوطني الديموقراطي السوري (تود) المعارض من لندن أمس، مبادرة تدعو إلى تهيئة الظروف لتطبيع العلاقة مع إسرائيل وتصحيح العلاقة مع أميركا.
وفي بيان لمناسبة الذكرى السنوية العشرين على تأسيسه، دعا التجمع في لندن <رئيس الجمهورية إلى تأسيس برلمان انتقالي تنبثق عنه حكومة انتقالية توافقية، هي حكومة الإنقاذ والوفاق الوطني>، التي ستدير البلد سياسيا واقتصاديا.
وأشار البيان إلى أن حكومة الإنقاذ <ستهيئ الظروف لتطبيع العلاقة مع إسرائيل، بعد توقيع اتفاقية سلام وعدم اعتداء>، وتبدأ بإجراء <مفاوضات علنية ومباشرة لبحث وحل كافة القضايا موضع النزاع، ضمن الثوابت الوطنية، وفي مقدمتها استعادة الجولان، وبدء صفحة جديدة على أسس احترام السيادة وعدم التدخل في الشؤون الداخلية، وتنظيم العلاقات الثنائية على أسس حسن الجوار والاحترام المتبادل>.
وأوضح البيان أن حكومة الإنقاذ <ستتولى مهام الخروج بسوريا من العزلة الإقليمية والدولية، وفقا لمجموعة من الأسس، من بينها تصحيح العلاقة السورية الأميركية على أساس رؤية المصالح كمصالح مشتركة ومتبادلة>.

(يو بي آي)

yanni · 04/07/2006

أول الرقص الحنجله ..................

Nirvana · 04/07/2006

اقتباس:

كاتب النص الأصلي : yanni

أول الرقص الحنجله ..................

فعلاً !!!!!!!!!!!!!!!!!!!!!!!!!!!!!!!!!!!!!!!!!!!

وبكرة رح نشوف أكتر ....

**krimbow** · 05/07/2006

لك مين هدول تود ؟؟

اكيد تجمع وطني .. و معارض ؟؟؟ يعني اكيد مو مسحوق غسيل !!؟؟

انو شو محلهم بالاعراب ؟؟؟

بعدين ذكرى .. و سنوية .. و عشرين ؟؟؟؟!!!!!

انو شو مشان عشرين سنة مطمورين و هلأ صرنا مضطرين ننبسط و نقرالهم بياناتهم

و صرنا مضطرين نحسبهم ع المعارضة كمان

**Hus** · 07/07/2006

ما بيهمني مين عم يحكي (بهيك نوع من الحكي ) ، بس الي عم يطرحوه الشباب حكي نظامي، بك اتطبع مع اسرائيل الليوم او بكرا ، او بعد 24 سنة (لو حسبنا راح 6 ناقص 30 -اذا كنا متفائلين طبعا-)، بك اتطبع،
ما بعتقد في عاقل متخيل انو في احتمال او أمل (ولو تبع ابليس بالجنة) انو يابا احنا رح نستعيد فلسطين العربية كاملة و انحررها لآخر شبر و حبة تراب !!، ومافي عاقل ايضا بتسعفو البيديهة يتخيل انو فينا نضل عايشين الى الأبد مع اسرائيل (الجارة)، و كل مخرطش سلاحو بوش التاني ؟؟

ولمن رح بتطبع رح يتحسن الوضع (اقتصاديا ـ واجتماعية ، وثقافية و انسانيا اذا بدك ، على القليلة بتصير كمواطــــــــــــــــــــــــن سوري صنديد ! حامــــــــــل البسبـــــــــــور السوري العتيد ! اسمك بني آدم ! بين البني آدمين ..)

ودام بك اتطبع آجلا ام عاجلا فطبع عاجلا ، و خلي العلاك آجلا !
و منو بنخلص بقا ، فلقونا بالجولان ، طب يابا الجولان على عينا وراصنا وما في مواطن سوري فيه حبة مواطنة رح يتخلى عن الجولان ، بس بدي افهم احنا منشان نحرر الجولان من 30 سنة لليوم شو عملنا . بس حدى يقلي شغلة عملناها وحدي من الشغلات البي بتحسسني كمواطن انو يعني الشباب فوق ترى بإيدهم حق، هني مش فاضيين للبلد هلق ، مشغولين هال كام عقد من الزمان بتحرير الجولان ؟؟

* لاحظ اني عم بحكي وقائع ورجلي على الأرض، لمن بدنا نحكي بالأمنيات ونطيررر ، ففينا نتخيل وطن عربي كبير، بحكومة مركزية، فينا نتخيل انو احنا احتلينا اميركا و الجندي السوري المغوار عم يشرب متّيي فوق على سطيحة الكابيتول هيل!! لاء ووحجزنا لينا 2000 فدان على القمر (بيلزمو)،

اصدي لمن بك تتمنى فيك شو ما بدك تتمنى ، بس لمن بك تحكي وقائع بك تحكي انطلاقا و انتهائا بالواقع ..

me2 · 07/07/2006

فكرنا القائم غير العارضة ... طلع شهاب الدين أضرط من أخيه .

على فكرة الطليان جابوه بالقائم مرة و بالعارضة مرة و بالوقت الاضافي ...شو مباراة .. عجبة .