هلق بلش يفقس المنتدى ولا شو؟؟؟؟

**TheLight** · 08/07/2006

مرحبا يا جماعة
هلق انا بدي احكي شغلة وبيجوز يكون في كتيرعالم بلشو يلاحظوها مؤخرا
وانا قبل اما احكي شو هالشغلة بحب قول اني انا فتت ع هالمنتدى لانو كان مختلف عن بقية المنتديات,يللي بقصدو انو التنوع يللي كان بالمواضيع كان كتير حلو و النقاش والجدال كان يعطينا نوع من الحماس,هلق صحيح انو كان يتحول احيانا لخلافات عنيفة بس ع الاقل كان في حوار
هلق يللي بلشت لاحظو مؤخرا انو صارت معظم المنتدى طق حنك والعاب وتسالي
يعني شي رمي البيض وشي تزويج بعض وشي لعبة تلات بنات الخ الخ
يعني تصوروا انولعبة بنت ولد بنت ولد صرلها مبلشة اسبوع وصارت معبية 18 صفحة
هلق هي المواضيع حلوة وضرورية بس مو لهالدرجة
يعني صارت هي كل شي بالمنتدى
هلق انا مبارح كنت عم بحكي مع واحد من افهم واحلى واذكى الشباب بالمنتدى واتفقنا بالرأي انو المواضيع صارت كلها فاقسة
ومبارح جربت حط موضوع عن الاستنساخ,هلق هو صحيح الموضوع معت شوي وقديم كتير بس قلت بدي جرب قمت انصدمت انو يللي ردو عليه بس تلاتة ويللي صوتو بس ستة
السؤال....في حدا غيري ملاحظ هالشي يللي انا بلشت لاحظو وبلشت مل بسببو من المنتدى
ولا انا مفقس ومو عرفان وين الله مو حاططني؟؟؟
عطونا رأيكون شباب وصبايا

COSTA · 08/07/2006

المنتدى ما عم يفقس

بس صاير انو في كم واحد بفوتو بهزولك بدنك

وبتكون عم تناقش بموضوع جدي بتفوت بعض عالم وبتخبص بالفصة

HashtNasht · 08/07/2006

اقتباس:

كاتب النص الأصلي : كوستا

المنتدى ما عم يفقس

بس صاير انو في كم واحد بفوتو بهزولك بدنك

وبتكون عم تناقش بموضوع جدي بتفوت بعض عالم وبتخبص بالفصة

اي بالفعل هي الحالة موجودة

بس نشكر الله انو هني كم واحد بس متل ما حكيت ....يعني ما كتار يمكن

**Hus** · 08/07/2006

انا معكم بضوررة ايجاد حل او آلية لتنظيم الردود بحيث تحاشي المداخلات البلا طعمة بالمواطيع الي بطعمة ،

بس كمان بيفضل شير لنقطة ، لمن شخص تفقعد منو فيك ببساطة اتضيفو لقائمة التجاهل، هيك لا عاد بيوصلك رسائل منو ولا عاد بتظهر مشاركاتو اثناء تصفحك ، يعني كأنو مش موجود بالمنتدى ،

**TheLight** · 08/07/2006

بس اذا فقدنا مشاركاتو ممكن تكون اساسية بالحوار الداير احيانا ومنشان هيك بينقطع تسلسل الردود
منشان هيك ما بنستعمل قائمة التجاهل
بعدين حكيم في مواضيع بالاساس بلا طعمة وهي صارت هي الشائعة

blue eyes · 08/07/2006

هلا بالنسبة لراي الشخصي وياريت يصير لانو هوي هاد الحل الانسب,,انو ينحط مشرف خاص او اكتر"لانو صعب واحد ع منتدى كبير متل اخوية" يهتم بتنظيم المواضيع بالاخوية مثلا اي موضوع غير مهم او تافه او مكرر ينحذف فورا واكبر مثال هي الالعاب الي عم تحط متل بنت وولد او X O يعني هل الالعاب اذا هلا بندور اخوية بنشوف انها مكررة شي 10 مرات وبدون ماحدى يمحيها او يعطي تنبيه للشخص الي حط الموضوع,,
انا هاد راي بانتظار اسمع اراء الاعضاء التانية براي وخصوصا الحكيم.وغير هيك مارح بيكون في نظام ابدا..
تحياتي

صياد الطيور · 08/07/2006

اقتباس:

كاتب النص الأصلي : blue eyes

الحل الانسب,,انو ينحط مشرف خاص او اكتر"لانو صعب واحد ع منتدى كبير متل اخوية" يهتم بتنظيم المواضيع بالاخوية مثلا اي موضوع غير مهم او تافه او مكرر ينحذف فورا

وأنا بأيد هالفكرة

dot · 08/07/2006

هلق طبعا في بوادر فقس واضحة

الحل هوي اعادة الهيكلة....واعادة النظر بالمشرفين الموجودين وهل هني فعلا ادوا مهامون بالشكل الصح والسليم والفعال والمدروس ولا لاء ...وطبعا انا براي الحل الامثل هوي التجديد المدروس

sezar · 08/07/2006

هق الموضوع بنوعية الأعضاء و ليست مسألة إدارية

و بظن هي أحد اسباب إغلاق التسجيل

Majood · 08/07/2006

اقتباس:

كاتب النص الأصلي : TheLight

مرحبا يا جماعة
هلق انا بدي احكي شغلة وبيجوز يكون في كتيرعالم بلشو يلاحظوها مؤخرا
وانا قبل اما احكي شو هالشغلة بحب قول اني انا فتت ع هالمنتدى لانو كان مختلف عن بقية المنتديات,يللي بقصدو انو التنوع يللي كان بالمواضيع كان كتير حلو و النقاش والجدال كان يعطينا نوع من الحماس,هلق صحيح انو كان يتحول احيانا لخلافات عنيفة بس ع الاقل كان في حوار
هلق يللي بلشت لاحظو مؤخرا انو صارت معظم المنتدى طق حنك والعاب وتسالي
يعني شي رمي البيض وشي تزويج بعض وشي لعبة تلات بنات الخ الخ
يعني تصوروا انولعبة بنت ولد بنت ولد صرلها مبلشة اسبوع وصارت معبية 18 صفحة
هلق هي المواضيع حلوة وضرورية بس مو لهالدرجة
يعني صارت هي كل شي بالمنتدى
هلق انا مبارح كنت عم بحكي مع واحد من افهم واحلى واذكى الشباب بالمنتدى واتفقنا بالرأي انو المواضيع صارت كلها فاقسة
ومبارح جربت حط موضوع عن الاستنساخ,هلق هو صحيح الموضوع معت شوي وقديم كتير بس قلت بدي جرب قمت انصدمت انو يللي ردو عليه بس تلاتة ويللي صوتو بس ستة
السؤال....في حدا غيري ملاحظ هالشي يللي انا بلشت لاحظو وبلشت مل بسببو من المنتدى
ولا انا مفقس ومو عرفان وين الله مو حاططني؟؟؟
عطونا رأيكون شباب وصبايا

ردو عليك تلاتة و زعلان .. حمود ربك يا رجل ... غير مواضيع ما حدى بيتحركش فيها...
هالفئة الفاضية خليهون عم يلعبو .. خليهون جوا.. بلا ما يروحو بغير اقسام و يبلشو ردود بوجوه و ابتسامات بلا طعمة ...
انت عميل يلي عليك .. نزل مواضيعك و لا يهمك الكم ... ركز عالنوعية ..
منك موضوع.. منها او منو موضوع .. مني موضوع.. هيك منحيي الجو و منرجع النوعية يلي عهدنا اخوية فيها...

و تحياتي للنوعية

**TheLight** · 09/07/2006

انا بعرف شو الحل لنتخلص من المشاركات والمواضيع التافهة
اذا بينلغا تسجيل عدد مشاركات كل عضو وقي الالقاب اخ لهلوب وقبضاي ومستار ومدري شو
اي والله ما بتشوفو عشر مشاركات بالمنتدى كل يوم
يعني الشباب راكدين ورا تجميع المشاركات
جربو وبتشوفو النتيجة

AsFoR 7aZeeN · 09/07/2006

بسم الله القوى
سلام ومحبة الى ادمن ومشرفى واعضاء المنتدى

طبعا انا بأيد تقريبا كل الكلام اللى تفضلتوا به فى الموضوع وبشكر صاحب الموضوع الاصلى على لفت النظر اليه

لكن انا هاختلف شويه مع قيصر اخويه سيزار

اقتباس:

كاتب النص الأصلي : sezar

هق الموضوع بنوعية الأعضاء و ليست مسألة إدارية و بظن هي أحد اسباب إغلاق التسجيل

حضرتك حملت على الاعضاء كسبب للمشكله لكن اخى سوال بسيط من دفع بهم ليفعلوا هذا؟؟؟

انا مشترك من 15 يوم تقريبا بدعوه اخويه من Dr_HUS وبمجرد اشتراكى تفقدت اول قسم حسب اهتمامى وهو المنتدى التقنى وللاسف صدمت من الضعف الموجود فيه .... موضوعات ناقصه .... ونسخ برامج تجريبيه مثبته !!!! موضوعات منقوله من منتديات اخرى حرفيا...... وغيرها اشياء كثيره يعرفها المهتمين بالاقسام التقنيه

فكرت فى بعض الافكار والحلول للارتقاء بهذا القسم وقدمت اول اقتراح تحت عنوان
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

توقعت ان ارى ايجابيه وتفاعل فى التعامل (رفض-قبول-اعتراض-مسانده) لكن للاسف لم اجد سوى التجاهل من المشرفين

ماذا تتوقع من عضو تم تجاهل اقتراحه للارتقاء باحد الاقسام التى تعد من اقوى الاقسام سوا فى المنتديات العربيه او الاجنبيه بهذه الطريقه؟؟؟؟؟؟؟؟؟؟
ياترى هل ماذال الاعضاء هم السبب الاوحد فى المشكله؟؟؟؟

عفوا على الاطاله وللموضوع بقيه
تقبلوا تحياتى

dot · 09/07/2006

اقتباس:

كاتب النص الأصلي : AsFoR 7aZeeN

ياترى هل ماذال الاعضاء هم السبب الاوحد فى المشكله؟؟؟؟

طبعا الاعضاء مو هني السبب الاوحد في المشكلة هاد راي الخاص.

بلعكس تماما المشرفين بيتحملوا النسبة الاكبر من هالمشكلة....وطبعا مو كل المشرفين في مشرفين مميزين وبياخدوا وبيعطوا معنا وفي مشرفين............

براي لازم اعادة هيكلة وتنظيم و فحص للمشرفين من ناحية الكفائة و الموضوعية.

تحية معطرة الك مني

**Hus** · 09/07/2006

اقتباس:

بس اذا فقدنا مشاركاتو ممكن تكون اساسية بالحوار الداير احيانا ومنشان هيك بينقطع تسلسل الردود
منشان هيك ما بنستعمل قائمة التجاهل
بعدين حكيم في مواضيع بالاساس بلا طعمة وهي صارت هي الشائعة

اشرت لخاصية التجاهل ليس كحل نهائي ، و انما كحل اسعافي لمن في عضو بتوصلك معك منو لدرجة مانك طايق تشوفو ولا تشوف مواضيعو

اقتباس:

,انو ينحط مشرف خاص او اكتر"لانو صعب واحد ع منتدى كبير متل اخوية" يهتم بتنظيم المواضيع بالاخوية مثلا اي موضوع غير مهم او تافه او مكرر ينحذف فورا واكبر مثال هي الالعاب الي عم تحط متل بنت وولد او X O يعني هل الالعاب اذا هلا بندور اخوية بنشوف انها مكررة شي 10 مرات وبدون ماحدى يمحيها او يعطي تنبيه للشخص الي حط الموضوع,,

* بما يخص قسم الألعاب انا لا اتفق معك ..
قسم الألعاب (والأقسام الترفيهية) بأخوية هي اقسام مُسانِدة ، بمعنى ان المنتدى لم يقم لها ، وانما هي قامت لخلق معادلة و توازن بين احتياجات العضو، فلا يأتي المنتدى جدي جدا جاف.. ومن لما نجد في الألعاب من فرصة للتقارب بين الأعضاء بطريقة وديّة ..(واحنا بيهمنا يتقارب الأعضاء بعضهم مع بعض) ..

*في ما يخص التكرار في اقسام الألعاب، بنشير للفرق بين قسم ترفيهي و قسم جدي، بمعنى الشباب بيلعبو "تريكس" من 10 سنين بيجوز ، (في تكرار نعم ) بس هاي لعبة، ودامها ممتعة رح بيضلو يكرروها ، بنفس الوقت الشباب بيتناقشو بموضوع معين مرة او اثنتين مثلا موضوع الرأسمالية ، بتلاقي شلة من الشباب ممكن يطرحوه للنقاش بينهم مرة مرتين و بينتهي الموضوع علي هيك بيصير طرحو حلاقا تكرار ممل لا لزوم له ..
مفاد كلامي ان الألعاب بهدف التسلية ، ودام اللعبة مسلية فلا ضير ولا مشكلة في تكرارها يوميا ، فهي تحقق بهذا اهدافها في التسلية و التقارب بين الأعضاء..

* عن وجود مشرف او اكثر لمتابعة المواضيع التافهة و المكررة
في فريق كامل من المشرفين !!! وعم يشتغلو بطاقتهم القصوى تحت البوند العريض "للعمل التطوعي" (عمل المشرفين بأخوية بمفوم اخوية عمل تطوعي غير ملزم، ويتوقف على وقت فراغ و رغبة المتطوع فقط ، واخوية لا تفرض التزامات على المشرفين من اي نوع ، (عدى عن الإلتزام بميثاق و أدبيات اخوية .. و العمل والنهج وفق خطوطها العريضة .. )

اقتباس:

انا بعرف شو الحل لنتخلص من المشاركات والمواضيع التافهة
اذا بينلغا تسجيل عدد مشاركات كل عضو وقي الالقاب اخ لهلوب وقبضاي ومستار ومدري شو
اي والله ما بتشوفو عشر مشاركات بالمنتدى كل يوم
يعني الشباب راكدين ورا تجميع المشاركات
جربو وبتشوفو النتيجة

انا اتفق معك والنصف الثاني من طرحك ، (بما يخص تهميش الألقاب ، وعدد المشاركات و ما اليها ..) انا (بشكل شخصي و لا ادري بمدى اتفاق باقي المشرفين والامناء معنا ، اعتقد بهذا فعلا، و فكررت مرارا بآليات لتهميش هذا الجزء او الجانب ، بطريقة او بأخرى ، لم اهتدي بعد لآلية مثالية تحقق الأهداف ، بس بعدو المشروع قائم بزهني و قريبا ممكن رح يكون في الية معينة تهمش الرتوش الجانبية ..)
بس لا تنسى الموقع فيه تيارات كثر ، احنا منشان موضوع التواقيع والصور بالتواقيع بنخوض حروب لنوضح للأعضاء انّا لا نرمي للتضييق على الأعضاء و انما التسهيل و التيسيير من حيث لا يدرون، لهيك لازم الألية تكون محكمة بإسلوب معين (مش واضح بزهني للآن تماما) ، في ما يتناول تهميش الشغلات متل الرتب وعدد المشاراكات وهيك ..

* بما يخص الجزء الأول عن التافهة و المكررة ،
المواضيع المكررة تحزف كما تجري العادي (في الأقسام الي عليها مشرفين بشكل دوري، والتي ليس بها مشرفين من حين للآخر بحسب كم العمل و هيك ..)

اما عن المواضيع التافهة فلا طاقة لنا بهذا ، احنا كمشرفين بأخوية "ووفق منهج اخوية" لسنا مخولين بتقييم المواضيع ، (المشاهد او الزائر او العضو او المشارك هو الي بيقيم الموضوع،) ومافينا نقيم نحن الموضوع من حيث بتقييمنا للمواضيع عم نفرض رأي شخصي (رأي المشرف) ، بالوقت الي ما قد يبدو للمشرف فلان تافه، قد يبدو ذو قيمة جلية لآخر ، وهيك ..
كمشرفين بنقدر نحكم على (موضوع مكرر، موضوع فيه خروج عن الأدب العام، موضوع منقول ، موضوع مسيئ ، ) بس ما منقدر نحكم على اهمية موضوع -اقصد لا نستطيع الحكم بالمطلق، فينا نحكم من منطلقنا ، بس احنا ما مندخل بهال الجدلية، جدلية الحكم بأخوية خط احمر ما حدى بيروح نيحو، لا منحكم بنزاعات الأعضاء، ولا منحكم على المواضيع ، ولا منحكم على الأعضاء، هذا شيئ ما مش مخولين ، (ما عنا الكفائة ) لنعملو احنا ..

اقتباس:

ماذا تتوقع من عضو تم تجاهل اقتراحه للارتقاء باحد الاقسام التى تعد من اقوى الاقسام سوا فى المنتديات العربيه او الاجنبيه بهذه الطريقه؟؟؟؟؟؟؟؟؟؟
ياترى هل ماذال الاعضاء هم السبب الاوحد فى المشكله؟؟؟؟

AsFoR 7aZeeN بإيدك كل الحق..
نعم في تقصير واضح بالأقسام التقنية، لسببين رئيسين (وهني متصلين ببعض الي حد ما)
1- قلة الإقبال على الأقسام ، هذي من طرف الأعضاء ..و الإستغناء عنها بالمواقع التخصصية الأخرى
2- عدم وجود كواد اشرافية تكنوقراطية كافية، (ما في مشرفين بأخوية من الضليعين بهال المجال متفرغين ، او عندهم هامش من الوقت .. )

شكرا لكم جميعا ،