إحيا موضوع قديم يلي بحب يشارك

[Geeny]

hi
أنا بدي أقترح لعبة و بتمنى أنو يلي بدو يشارك فيها يكون قد الحمل يعني يتقيد بقوانينها يلي هي:
رح يكون في سؤال أول يلي شايف حالو بيقدر يجاوب بيجاوب و هو بدورو بيسأل سؤال و هيك
الشرط الوحيد لهي اللعبة أنو ما يكون فيها زعبرة أو كذب ويلي ما بحب يطرح سؤال جديد فيه يجاوب و يطلع
بتمنى من قلبي تنجح هاللعبة و نكون صادقين و الأسئلة تكون موضوعية و عن جد حابين تعرفوا أجوبتها
دكتور حسام : انا بضيف على الشروط وقت لنهاية اللعبة عشان اللعبات الي مالها وقت تنتهي فيه بتصير مملة بعد فترة
وقت انتهاء اللعبة هوي عند وصول عدد الردود في الموضوع الى 150 رد ..
والفائز هوي صاحب اعلى ردود (بدووووووووووون زعبرة ) يعني الي بيكون في باجوتبو زعبرة حتى ولو كان رادد ب 100 رد لا يحتسب ..

انا حجاوب على السوال :
الغيرة طبعا .. كلنا منشفق على الي هوي اقل منا ما دام لا يوزينا ومنشعر بالحسد من الافضل مننا .. كنوع من التفكير الباطني انو انا كان ممكن اكون في هذا المكان لولا الاقدار ..

وسوالي هو ليلي بعدي ..
ليش برايك الناس بتحط قيمة ( بوعي او يغير وعي ) للجانب المادي في التعامل مع بعضا و بتحط قيمة في الدرجة التانية للجوانب الاخرى من ثقافية الي اجتماعية الي .......

[محمد ابراهيم]

رتم الحياة السريعه خلت الكل بيتحرك بسرعه واللي بيقف بيدهسو قطار الحياة
لانو ما بينتظر حد.....
(لكن في رايي انو مش مبرر)بس هو هيك تقريبا.
سؤالي هو
ليه لما بيكون في انسان مهتم فينا بنعاملو عادي او وحش وما بنعرف قيمتو الا لما بيطير؟؟؟؟؟

[MarieSou]

كاتب النص الأصلي : محمد ابراهيم

رتم الحياة السريعه خلت الكل بيتحرك بسرعه واللي بيقف بيدهسو قطار الحياة
لانو ما بينتظر حد.....
(لكن في رايي انو مش مبرر)بس هو هيك تقريبا.
سؤالي هو
ليه لما بيكون في انسان مهتم فينا بنعاملو عادي او وحش وما بنعرف قيمتو الا لما بيطير؟؟؟؟؟

لانو طبع الانسان برفس النعمة وما بيقدر اللي عندو
من مبدا عصفور باليد لما بطير بصير يولول
سؤالي ليش في طبقات اجتماعية وفي غني وفي فقير؟

هل لاكتشفت انو حضر تك مصري

[Willi]

سؤالي ليش في طبقات اجتماعية وفي غني وفي فقير؟

لانو بكل بساطة اذا كل الدنيا كان معها مليون ليرة سورية (مثلا)
الليرة السورية رح تكون ما بتسوى قرش
فاذا ما كان في تفاوت بالغنى بين الطبقات اقتصاد البلد بينخرب
شي تاني في عالم بتشتغل وبتتعب وبتطلع مصاري لتعيش
وفي عالم ما بتعذب حالها فشي طبيعي انها تكون فقيرة

[Varon]

لانو مستحيل يكون الكل غني او يكون الكل فقير بتختل موازين الحياة من كل النواحي
طيب ليش في حاكم وفي محكوم؟؟؟

[Willi]

يلا بما انك انت سألت انا ما رح اسأل

[محمد ابراهيم]

سيبك من حضرتك والكلام ده انا هيك حاسس انك بتكلمي وزير الخارجيه
انا فعلا مصري

[Willi]

في حاكم ومحكوم
لان اذا مافي حاكم ما رح يكون في نظام
المحكوم بدون نظام رح يعمل اللي بيعجبو وممكن يأذي كتير ناس غيرو


طيب هلق ليش الانسان قد ما اخد بضل بدو لسى؟

[MarieSou]

سهلة لانو الانسان طماع وما بيشبع وما بعبي عيو غير اتراب وليش الناس عنا ديما عينا لبرا (الغرب)ووبتلحقا وبتقلقدا بالمنيح والعاطل

[Varon]

لانو الانسان متل السفنجة اد ما بليتا بضل تنبل .......وطبعو طماع كل ما يشوف شغلة بتكبر بعينو وبيطلب منا..
طيب ليش في ارهبايين؟؟؟!!!!ههه

[Varon]

سهلة لانو الانسان طماع وما بيشبع وما بعبي عيو غير اتراب وليش الناس عنا ديما عينا لبرا (الغرب)ووبتلحقا وبتقلقدا بالمنيح والعاطل

لانو عندون التطور وصل للذروة ...
وبما انو نحنا بهاد الموضوع
ليش نحنا متخلفين بالنسبة لباقي الدول؟

[Willi]

يا ستي الغرب متقدم عنا هاد ما حدا بيقدر ينكرو
بس بقا شلون الناس بتقلدو
باغلب الاحيان الناس بتقلدو بشي ما الو طعمة
وبتنسى العلم والتطور لان هدول بدهون شغل لتحققيهون
اما الباقي لاء


طيب السؤال ليش الغرب متطور اكتر مننا

[محمد ابراهيم]

خلاص بجاوب انا
التخطيط عندهم جيد
وبيهتمو بالعلم وبينظرو للمستقبل اكتر من الماضي
سؤالي
ليش دايما بنركز على عتاب بعض وما بنهتم في اننا نستفيد من الخطأ ونحاول ما نقع فيه تاني

[Willi]

لعما نفس الجواب ونفس السؤال

[MarieSou]

طيب ليش في ارهبايين؟؟؟!!!!ههه[/quote]

ما بعرف ليش

[Willi]

يا معلم لان الانسان لما بيأفلس (مو من المصاري) بصير بحاول باي طريقة انو يعمل شي يأذي فيه الشخص الضدو
ووقت ما بكون طالع من امرو شي بحاول يستعمل طرق غير مشروعة او مو صحيحة ليتخلص من الاحسن منو
فبقوم بيعمل شي كل بالو انو منيح بس بالحقيقة هوي عم يأذي


رح كرر السؤال
ليش الغرب متطور اكتر مننا

[محمد ابراهيم]

في ارهاب لان الانسان موجود
بس طبعا انا مش قاصدي ان الانسانيه هي الارهاب
بس بقصد ان الارهاب بصفه عامه موجود داخل كل انسان بس بدرجات
يعني لما اقول لخيي الصغيرلازم البس الفوتبول بتاعك هاليوم لان عندي ماتش مهم والفوتبول بتاعي مقطوع .وهو يرفض وانا البسو بالقوة ابقى ارهابي
وانتي لما تحرمي اختك من انها تشوف فيلم انتي بتتفرجي عليه تبقي ارهابيه
وكمان لما نضرب شخص ضعيف لانو قال النا كلمه مو لطيفه او حتى شتمنا نبقى ارهابيين .
ولا انتي قاصدك الارهاب اللي هو قتل وتفجير
عالعموم انا ضدو ورأيي ألتو في مناسبه عامه أبل هيك اني ضد الارهاب

[MarieSou]

انا ما سالت عن الارهاب هادا varonهواللي سال